མིག་ཆུ་འབྱིནརོགས།
ཨ་ཧྥེ་རི་ཀ མིག་ཆུ་འབྱིད་རོགས
ཁྱོད་ཀྱི་གཅེས་ཕྲུག་དག་མྱུར་ཏུ་ཕྱིར་ལོག་ཡོང
ཐོབ་ཆ་མེད་པའི་ཡུལ་གྱར་ཐེངས་ཤིག་གི་རྗེས་སུ
ཐོག་དང་དྲག་ཆར་བརྒྱུད་ནས་ཐོན་ཡོང
རྦ་རླབས་ཀྱི་དགོད་སྒྲ་དང་བསིལ་རླུང་གི་ལྡབ་ལྡིབ་ལ་གཏད་ནས
ཉི་གཞོན་གྱི་འོད་ཟེར་ཁྲོད་དུ
ཉི་ནུབ་ཀྱི་མཚམས་སྤྲིན་ཀློང་དུ
རང་ཉིད་མཐོ་བར་རློམ་པའི་རི་རྩེའི་ལྟག་རྒྱབ
ཉི་འོད་ཀྱིས་བསྲེགས་པའི་ཚ་ཁུལ་རྩྭ་ཐང་ནས་ཁྱོད་ཕྱོགས་སུ་བསླེབ་ཡོང
ཐོབ་ཆ་མེད་པའི་ཡུལ་གྱར་ཐེངས་ཤིག་གི་རྗེས་སུ
ཐོག་དང་དྲག་ཆར་བརྒྱུད་ནས་ཐོན་ཡོང
ཨ་ཧྥེ་རི་ཀ མིག་ཆུ་འབྱིན་རོགས
འུ་ཚོའི་སེམས་རྒྱུད་ཀྱིས
དཀའ་སྡུག་གི་ལས་དབང་དང
འོད་ཟེར་དང་འགྲོགས་པའི་གཙང་ཆུ་ཡོད་ཚད་བཏུང་ཚར་ཡོད
ང་ཚོས་སེམས་རྒྱུད་ཀྱི་སྒོ་འཕར་ཕྱེ་ནས
ཁྱོད་ཀྱི་མཛེས་སྡུག་ལ་ཕྱོགས་ནས་འཚེར་གྱིན་ཡོད
ཁྱོད་ཀྱི་ནགས་ཚལ་གྱི་དྲི་བསུང
ཁྱོད་ཀྱི་བཞུར་རྒྱུན་གྱི་མཐུ་སྟོབས
ཁྱོད་ཀྱི་ནམ་མཁའ་ཡི་སྔོ་བསངས
ཁྱོད་ཀྱི་འོད་སྣང་གི་བྱམས་བརྩེ
ཟིལ་བའི་ཁྲོད་གནས་པའི་ལྗང་མདོག་གི་ཆང་ཕོར
ཨ་ཧྥེ་རི་ཀ མིག་ཆུ་འབྱིན་རོགས
ཁྱོད་ཀྱི་གཅེས་ཕྲུག་དག་མྱུར་ཏུ་ཕྱིར་ལོག་ཡོང
ཁྱོ་ཚོའི་ལག་ཏུ་ལེགས་སྐྱེས་བསྣམས་ནས
སེམས་སུ་བརྩེ་བ་བཀྱགས་ནས
ཕྱིར་ལོག་པ་ནི ཁྱོད་ལ་ཕུགས་བསམ་དང་རེ་འདུན་གྱི་འཕྱོར་ལྭ་ཞིག་སྐོན་པའི་ཕྱིར་ཏུའོ
(རྭ་ཅོ་ནག་པོས་བསྒྱུར)
རྩོམ་ཁུངས། ༢༠༠༩ལོའི་གངས་རྒྱན་མེ་ཏོག