གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དུས་རབས་འདི་སྐྱེལ་མ་བྱ།

2012-03-05 11:12:00 ཝེ་ཟི་ཝ་ཞེམ་བྷོར་ཟི་ཁཱ།༼ཕོ་ལན༽ ཀློག་གྲངས། མཆན ཡོད།


འུ་ཚོའི་དུས་རབས་ཉི་ཤུ་པ། གཞན་དག་ལས་ཅུང་ལེགས་པར་འཁུམས་སེམས་མོད།
དཔང་དུ་འཇོག་པའི་དུས་ནི་མི་གདའ།
ལོ་ངོ་འདི་དག ཚང་བརྩིས་བྱས་ཚེ།
གང་དེའི་རྡོག་སྒྲ་འཁྱོར་ཞིང་།
དབུགས་ཐག་ཀྱང་ཆད་ལ་ཉེ།
 
དཔག་མ་ནུས་པ་མང་པོ་ཞིག
སྔ་མོ་ནས་བྱུང་ཟིན།
འབྱུང་ཡང་ངེས་པ་གང་ཞིག
ད་དུང་། ལྷག་འདུག
 
དཔྱིད་ཀྱི་གོམ་སྟབས་ལམ་ལ་ཆས་ཀྱང་།
བདེ་བ་ནི་གཞན་དག་གི་བར་སེང་ན་ཡན་འདུག
 
འཇིགས་སྐྲག་གིས་རི་ལུང་བརྒལ་ཞིང་།
བདེན་པ་ནི། སྐྱག་རྫུན་གྱི་སྔ་རོལ་དུ་ཡལ་བར་སྣང་།
 
ལྟོགས་སྐོམ་དང་། གཡུལ་འཁྲུག་ལྟ་བུའི་ཆག་འཇིག་ཉམ་ང་བ་དག
འདས་ལོག་རྒྱག་མི་སྲིད་ན།
 
དུངས་ཞེན་དང་། ཡིད་རྟོན།
ད་དུང་འགན་མི་སྲུང་བའི་འགན་ཁུར་ལ།
བརྩི་འཇོག་བྱ་འོས།
 
ས་སྒང་འདི་ཉིད། ལོངས་སུ་སྤྱོད་འདོད་མཁན་གང་དེས།
འོས་འགན་ལྗིད་པོ་རེ་ཐོལ་གྱིས་བསུ།
 
གླེན་ཞིང་ལྐུགས་པ། དགོད་བྲོ་བ་མིན་ལ།
མཁས་ཤིང་མཛངས་པ་ཉམས་དགའ་བའང་མ་ཡིན།
              30/2/012 དགོང་མོ།
       (ན་བུན་གྱིས་བསྒྱུར)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།