ངའི་རྨི་ལམ་ནང་གི་འཇིག་རྟེན།
མཛེས་སྡུག་ནི་བརྗོད་བྲལ་གྱི་ཚོར་སྣང་ཞིག་སྟེ།
མིག་གིས་ལོངས་སྤྱོད་དུ་སྨིན་པ་ན་སེམས་ཀྱིས་ཚོར་ངེས།
དེ་ནི་མངོན་ལྐོག་གི་གྲུ་ཟུར་རེ་ན།
ང་ཚོའི་མཐོང་སྣང་ལ་ཁ་དོག་གཉིས་ལྡན་གྱི་ཚུལ་དུ་སྣང་།
དེ་ནི་མངོན་ལྐོག་གི་གྲུ་ཟུར་རེ་ན།
ང་ཚོའི་མཐོང་སྣང་ལ་ཁ་དོག་གཉིས་ལྡན་གྱི་ཚུལ་དུ་སྣང་།
མེ་ཏོག་གིས་གོ་ལ་ཟླུམ་པོར་མཛེས་རྒྱན་སྤྲས་ཏེ།
གནས་འདིར་བདེ་སྐྱིད་ཀྱི་ལང་ཚོ་བསྐྲུན་ཆེད།
རྐང་དྲུག་གཞོན་ནུ་མགྲོན་དུ་འབོད་ངེས།
ང་ཚོར་མཚོན་ན་དེ་ནི་ཆོས་ཉིད་ཅིག
གནས་འདིར་བདེ་སྐྱིད་ཀྱི་ལང་ཚོ་བསྐྲུན་ཆེད།
རྐང་དྲུག་གཞོན་ནུ་མགྲོན་དུ་འབོད་ངེས།
ང་ཚོར་མཚོན་ན་དེ་ནི་ཆོས་ཉིད་ཅིག
ཉི་འོད་དེ་འཛམ་གླིང་གང་སར་ཁྱབ་པས།
རྩི་ཤིང་རིགས་ལ་སྐྱེ་སྟོབས་ཀྱི་མེ་ཁ་གསོ་ངེས།
གོ་ལ་འདིར་དྲོད་ཁོལ་དང་བདེ་སྐྱིད་གནང་བས།
དེ་ལྟར་བསྐྲུན་ཟིན་པའི་བརྒྱུད་རིམ་ལ་དྲི་ཚིག་མེད་དོན་ཅི།
རྩི་ཤིང་རིགས་ལ་སྐྱེ་སྟོབས་ཀྱི་མེ་ཁ་གསོ་ངེས།
གོ་ལ་འདིར་དྲོད་ཁོལ་དང་བདེ་སྐྱིད་གནང་བས།
དེ་ལྟར་བསྐྲུན་ཟིན་པའི་བརྒྱུད་རིམ་ལ་དྲི་ཚིག་མེད་དོན་ཅི།
སྙན་ངག་གིས་སེམས་ཀྱི་ཚོར་འདུ་སྟོན་ཞིང་ཡིད་ཀྱི་དུང་བ་གྱེར་བས།
ཚང་མས་ཡིད་སྨོན་འཆོར་ཞིང་རྣ་བའི་བཅུད་དུ་སྒོམ།
འོན་ཀྱང་། སུ་དང་གང་གིས་བྲང་གཞུང་དུ་བྱོ་བ།
བདག་སྨྱུག་ཁོ་ན་ལས་སུས་ཀྱང་རྟོགས་དཀའོ།།
ཚང་མས་ཡིད་སྨོན་འཆོར་ཞིང་རྣ་བའི་བཅུད་དུ་སྒོམ།
འོན་ཀྱང་། སུ་དང་གང་གིས་བྲང་གཞུང་དུ་བྱོ་བ།
བདག་སྨྱུག་ཁོ་ན་ལས་སུས་ཀྱང་རྟོགས་དཀའོ།།
(ཁྲི་ཆུ་བཟང་རྒྱ་མཚོས་ཨིན་ཡིག་ལས་བསྒྱུར)
རྩོམ་ཁུངས། ངེད་དྲ་བ།