གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བཛྲ་གུ་རུ་པདྨའི་ངག་བསྡམས།

2013-03-21 12:54:00 བཀྲ་ཤིས་ལྷ་མོ། ཀློག་གྲངས། མཆན ཡོད།

ཁྱོད་ཀྱིས་ང་ཉིད་མཐོང་དང་མ་མཐོང་ཡང་།།
ང་ནི་སྔར་བཞིན་དེ་ག་རང་དུ་གནས།།

སྐྱོ་བ་བྲལ་ཞེས་བསྙད་དུ་མི་ནུས་སོ།།

སྤྲོ་བ་འདི་ཞེས་བརྗོད་དུ་མི་གཏུབ་བོ།།




ཁྱོད་ཀྱིས་ང་ཉིད་དྲན་དང་མ་དྲན་ཡང་།།

བརྩེ་བ་ཉིད་ནི་དེ་ག་རང་དུ་གནས།།

ཚུར་ལ་མི་འོང་སྔར་གྱི་རང་བཞིན་གྱིས།།

ཕར་ལ་མི་འགྲོ་ཐོག་མའི་ཚུལ་དུ་འོ།།




ཁྱོད་ནི་ང་ལ་དགའ་དང་མི་དགའ་ཡང་།།

དགའ་བ་ཉིད་ནི་དེ་ག་རང་དུ་གནས།།

སྟེང་ལ་བསྣན་པ་འདི་ཞེས་སྟོན་དུ་མེད།།

རྨང་ནས་བླངས་པ་གན་ཞེས་འཛད་དུ་མེད།།




ཁྱོད་ཉིད་ང་རྗེས་འབྲང་དང་མི་འབྲང་ཡང་།།

ང་ཡི་ལག་པ་ཁྱོད་ཀྱི་ལག་ཏུ་ཡོད།།

ཞེན་དང་ཆགས་པའི་འཁྲེན་པ་འདི་ཞེས་མེད།།

དོར་དང་སྤྱུགས་པའི་གནས་ཚུལ་ལ་ཡང་མེད།།




ཁྱོད་ནི་ང་ཡི་རུམ་དུ་སླེབ་པ་འམ།།

ང་ཉིད་ཁྱོད་ཀྱི་སེམས་སུ་འཆའ་བ་འམ།།

ཁ་ཁུ་སིམ་པོས་ཕན་ཚུན་མཐུན་པ་དང་།།

འཇམ་ཐིང་ཐིང་གིས་དགའ་བ་འཕེལ་བ་ཉིད།།

           ༢༠༡༣ ༣ ༦
    ༼དཀར་དམར་གྱིས་བསྒྱུར༽

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།