གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བོད་ཀྱི་གཏམ་དཔེ་བདམས་དཀོད། ༡༧

2009-10-07 11:25:00 བོད་མི་དམངས། ཀློག་གྲངས། མཆན ཡོད།

ཇ།

ཇ་བཏུངས་སྤགས་བཟས་བྱས་ན།།

སྲོག་ལ་ཉེས་སྐྱོན་མེད།།

 

ཇ་ཚ་ཕོ་རང་གིས་མི་འཐུང་།།

ཐུག་པ་ཚ་པོ་ཨ་མས་མི་སྟེར།།

 

ཇ་བསྐོལ་ན་ཟངས་ཁོག་སོ་སོ་དང་།།

མེ་བཏང་ན་དུ་ཁུང་སོ་སོ་ཡིན།།

 

ཇ་འཐུང་དུས་མ་ཡོང་ན།།

ཚོང་དཔོན་ཡིན་ཡང་ཇ་སྐལ་ཆད།།

 

ཇ་ཆང་ལ་འཐུང་རེས་དང་།།

ཤ་ལྤགས་ལ་ཟ་རེས།།

 

ཇ་གྲང་དུ་དཔོན་གྱིས་མི་འཇུག།

ཤ་ཚ་པོ་དཔོན་གྱིས་མི་སྟེར།།

 

ཇ་དེ་རྒྱ་ཇ་ཡིན་ཡིན་ཁ་ལ་བཏུངས་ན་ཤེས་ཡོང་།།

ཨ་མའི་ཨོ་ལོ་ཡིན་མིན་རང་མགོ་ཐོན་ན་ཤེས་ཡོང་།།

ཇ་ཚྭ་མེད་དང་གཏམ་ཆོ་མེད།།

 

ཇ་མགྱོགས་པོ་བསྐོལ་ན་མེ་ཚ་པོ་རྒྱོབ།།

 

ཇ་ལྷབ་སུས་ཕོ་བར་སྡང་།།

རྟུག་དྲི་ཐུ་སུས་སྣ་ལ་སྡང་།།

 

ཇ་ཁུག་མར་ཁུག་ཁྱིས་འཁྱེར་ཀྱང་།།

རང་ཉིད་སྤྱང་པོའི་གྲས་ལ་བརྩིས།།

 

ཇ་ཆུ་ལས་འཐུང་རྒྱུ་མེད་ཀྱང་།།

ལུས་བདེ་སེམས་སྐྱིད་བྱུང་ན་དགའ།།

 

ཇ་རིན་སྤྲོད་ཡས་མེད་པར།།

མར་ལྟང་ལ་གོང་སྒྲིག།

 

ཇ་ཐུག་འཐུང་དུས་ཁ་འཚེར་འཚེར།།

ལས་ཀ་བྱེད་དུས་མུག་ལོང་ལོང་།།

 

ཇ་ཞིམ་པོ་མར་གྱི་བཀའ་དྲིན་རེད།།

 

ཇ་རིག་འཛིན་རྡོ་རྗེ་ལ་ཁུ་བ་མེད་ན།།

མི་ཁྱོད་ལ་བསོད་ནམས་མེད་པ་རེད།།

 

ཇ་ཚྭ་མེད་དང་།།

གཏམ་ལན་མེད།།

ཇ་ཐུག་པ་གཉིས་ཀྱིས་བརྒྱགས།།

མེ་ཉི་མ་གཉིས་ཀྱིས་དྲོས།།

 

ཇུས་འདོན་སྐུ་ཞབས་མེད་ན།།

རྒྱལ་པོས་ཇུས་ཀྱང་མཁས་མི་སྲིད།།

 

ཇུས་དཔོན་མང་ན་ཇུས་ཉེས་ཤོར།།

 

ཇུས་ཡོད་ལ་དབང་མེད།།

དབང་ཡོད་ལ་ཇུས་མེད།།

 

ཇོ་ལགས་སྐུ་ཐང་མཉེལ་རོགས་དང་།།

ཤ་ཁྱི་རྐང་པ་ཚ་རོགས།།

 

མཇལ་མཇལ་བའི་ལྷ་ཁང་དང་།།

གཤིབས་གཤིབས་པའི་བུ་སྤུན།།

 

མཇལ་འདོད་ན་མཇལ་དར་ཁྱེར་ནས་ཤོག།

ལྟ་འདོད་ན་མིག་སྐྱག་ཕྱིས་ནས་ཤོག།

 

འཇག་མ་སྡོད་དུ་རླུང་པོས་མི་འཇུག།

ཕོ་རོག་སྡོད་དུ་ལྷ་འདྲེས་མི་འཇུག།

 

འཇའ་གར་སོང་ཉི་མ།།

བུ་གར་སོང་མནའ་མ།།

 

འཇིག་རྟེན་འདི་ལ་བརྩོན་འགྲུས་ཡོད་ན།།

ཡོན་ཏན་རང་གི་ལག་ན་ཡོང་།།

 

འཇིག་རྟེན་མི་ལ་ཚེ་རོགས་དགོས།།

ཚེ་རོགས་མེད་ན་སྟོང་སྟོང་རེད།།

 

འཇིག་རྟེན་ཆུང་དང་།།

སེམས་མཐུན་གྲོགས།།

 

འཇིག་རྟེན་བྱེད་པ་ཧ་གོ།

སྒ་གླང་སྒོ་ཕྱུགས་ཧ་མ་གོ།

 

འཇུ་བའི་ལུང་དང་།།

འཇོག་པའི་ཞབས་ར།།

 

འཇུ་ཚོད་ཀྱི་ལྟོ་དང་།།

ཐེག་ཚོད་ཀྱི་ལས།།

 

འཇུ་ན་སྨན་དང་།།

མ་འཇུ་ན་དུག།

 

འཇོན་རྒྱུ་མེད་པའི་གྲི་གོག་ཕྲེད་གཟེར།།

ཉེས་རྡུང་གཟེད་པའི་ཨང་དང་པོ་ཡིན།།

 

རྗེ་དྲིན་ཅན་འབངས་ཀྱིས་མ་བསླུས་ན།།

འབངས་གུས་ལྡན་རྗེ་ཡིས་ག་ལ་དོར།།

 

རྗེས་སུ་སྟེར་དགོས་ཟེར་ཡང་དགའ་མི་དགོས།།

རྗེས་སུ་རྡུང་དགོས་ཟེར་ཡང་སྡུག་མི་དགོས།།

 

རྗེས་འགྱོད་སྐྱེ་དུས་སྔ་མ་འཕྱུག་པའི་རྟགས།།

 

ལྗང་ཕྲུག་རྐོ་མས་གསོ་དུས་རོགས་པ་མེད་པར།།

འབྲུ་རིགས་བང་བ་རྒྱོང་དུས་རོགས་མི་དགོས།།

 

ལྗང་ཆུང་སེར་བས་བརྡུངས་ན།།

བང་བ་གསར་པ་རྒྱོབས།།

 

ལྗིད་པོ་རྒྱབ་ཀྱིས་མ་འདྲོངས།།

རལ་པ་ལྷན་པས་མ་ཁེབས།།

 

ལྗོན་ཤིང་གསོ་བར་ལོ་བཅུ་དང་།།

མི་བཟང་གསོ་བར་ལོ་བརྒྱ།།

 

རྩོམ་ཁུངས། བོད་ལྗོངས་མི་དམངས་དཔེ་སྐྲུན་ཁང་གིས་པར་དུ་བསྐྲུན་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།