ཚིག་གི་མར་ལོ།༢
༡ བོད་སྐད་འཆད་མི་ཆོག
—བོད་རིགས་ཞང་གཙོ་ཞིག་གི་ལས་འཁུར་མཛད་སྒོའི་གཏམ་བཤད་ཀྱི་མདོ་རྩ།
༢ ཁྱེད་ཚོས་ཤེད་ཀྱིས་ཐལ་མོ་རྡོབས་དང་ལག་པ་དྲོས་ངེས་རེད།
—དགུན་འཁྱག་གི་མཚན་མོ་ཞིག་ལ་གྲོང་སྡེ་ག་གེ་མོས་ཕྱི་རོལ་ནས་རིག་རྩལ་དགོང་ཚོགས་འཚོག་སྐབས་མདོ་འཛིན་པས་ལྟད་མོ་བར་གསལ་
བཏབ་པ།
༣ ད་ལོ་དཔྱིད་ཀར་ངེད་ཚང་གི་མཛོ་མོར་བེའུ་ཞིག་འབུས་པ་རེད།
—སློབ་འབྲིང་སློབ་མ་ཞིག་གིས"འབུས"ལ་ཚིག་གྲུབ་བཟོས་པ།
༤ ཁྱིམ་ཚང་རེ་རེའི་ནང་གི་ཨ་ཕ་ནི་ཁྱིམ་ཚང་དེའི་ལོ་པཎ(老板)ཡིན།
—སློབ་འབྲིང་སློབ་མ་ཞིག་གིས"ལོ་པཎ"ལ་ཚིག་གྲུབ་བཟོས་པ།
༥ ཞུས་ཐི་ལི་ཡིས་འཛམ་གླིང་དབང་དུ་སྡུད་དུས་བོད་ལ་གནོད་པ་བྱེད་མི་ཉན་ཞེས་བཤད་མྱོང༌།
—བོད་མི་ཞིག་གིས་རང་རིགས་རླབས་ཆེན་ཡིན་པའི་སྒྲུབ་བྱེད་དུ་དྲངས་པ།
༦ ལྷ་སྐུ་རེ་རེས་ཕྱག་ལ་ཤོག་དངུལ་རེ་བཅིངས་འདུག
—མཇལ་བ་ཞིག་གིས་ལྷ་ས་ངོ་སྤྲོད་བྱས་པ།
༧ སྟེགས་ལྒང་མ་བཅད་ཚེ་དེ་ནི་གནད་དོན་གྱི་འབྱུང་རྩ་ཆེན་པོ་ཞིག་རེད།
—སྡེ་བའི་མགོ་ཁྲིད་ཅིག་གིས་བདེ་འཇགས་ཐད་བཏོན་པའི་བསམ་འཆར།
༨ ཁྱོད་ཀྱིས་ནམ་ཞིག་ལ་དཔེ་ཆ་འཕུད་རྒྱུ།
—ཁྱོད་ལ་འདྲི་སྲིད་པའམ་དྲིས་མྱོང་བའི་དྲི་བ་ཞིག
༩ དགའ་རོགས་རང་གི་ལོ་གྲངས་ཤིག་མེད་ན་ཕོ་སར་ཞིག་བྱས་པའི་དོན་སྒོ་ཆུང༌།
—ཕ་ཡུལ་ནས་ངས་ཉིན་རྒྱུན་སྐད་ཆ་འདི་ཐོས་ཀྱིན་འདུག
༡༠ ཡ། རྫུན་མ་བཤད། སློབ་མ་ཆང་མི་འཐུང་མཁན་ཞིག་གང་ན་ཡོད།
—ལོ་སར་སྐབས་སློབ་མ་ཞིག་གིས"ངས་ཆང་ཐུང་གི་མེད"ཅེས་པར་ཁྱིམ་བདག་གིས་བཏབ་པའི་ལན།
༡༡ སྦག་འཁོར་ཞོན་ནས། གྲྭ་བ་ཞིག་གི་ཚུགས་ཀ་མི་འདུག
—ཡུལ་མི་ཚོས་གྲྭ་བར་བཞག་པའི་ཚད་གཞི།
༡༢ གཟིག་ལྤགས་ཀྱི་གོང་ཆུང་དུ་འགྲོ་རྒྱུ་རེད།
—རྒན་པོ་ཞིག་གིས་གཟིག་སྲམ་གྱི་པགས་པ་སྲེག་གིན་ཡོད་པའི་གཏམ་ཐོས་རྗེས་ཀྱི་སྐད་ཆ་དང་བོ།
རྩོམ་ཁུངས། ངེད་དྲ་བ།