ལ་གཞས་མཐུན་པ་དྲུག་སྐོར་ལས། དྲན་པའི་སྐོར།༣


༣༡
རྟ་རི་དྭགས་འདྲ་བོ་རིག་ན།།

རི་མཐོན་མཉམ་གཉིས་ཀྱི་བར་ནས།།

སྤང་སེར་བོའི་ཕོ་བྲང་ཀླད་ནས།།

ཕྱི་རྟ་བརྒྱའི་ཁ་ངོའི་སྔུན་ནས།།

ང་ཡང་གཅིག་ཞོན་ན་འདོད་གི།

 

རོགས་ལྷ་སྐུ་འདྲ་བོ་རིག་ན།།

སྡེ་མང་ཉུང་གཉིས་ཀྱི་བར་ནས།།

གྲོང་རྩེ་བའི་ཕོ་བྲང་དཀྱིལ་ནས།།

ཕྱི་རོགས་བརྒྱའི་ཁ་ངོའི་སྔུན་ནས།།

ང་ཡང་གཅིག་འགྲོག་ན་འདོད་གི།

 

༣༢རི་དམའ་མོས་སྨུག་པ་ཐོད་ལ་ཟུངས།།

སྨུག་ཐོད་ལ་ཟུངས་དང་དྭངས་རྒྱུ་མེད།།

དྭངས་སོང་དུས་སྟོན་ཟླ་གཞུག་མ་རེད།།

 

རོགས་འདང་ཆེན་ཞེ་འདང་ཡིད་ལ་ཟུངས།།

འདང་ཡིད་ལ་ཟུངས་དང་བརྗེད་མེད་རེད།།

བརྗེད་སོང་དུས་སྐྱེ་བ་གཞུག་མ་རེད།།

 

༣༣རི་མཐོ་ན་མི་སྡུག་དམའ་ན་སྡུག།

རི་དམའ་ནས་སྨུག་པ་འཐིབས་ན་སྡུག།

སྨུག་དྭངས་མཐའ་མེད་ན་ལྷག་པར་སྡུག།

 

རོགས་མེད་ན་མི་སྡུག་ཡོད་ན་སྡུག།

རོགས་ཡོད་ནས་ཁ་ཐག་རིང་ན་སྡུག།

རོགས་ཐུག་འཕྲད་མེད་ན་ལྷག་པར་སྡུག།

 

༣༤སྨད་རྒྱ་ནག་གོས་རའི་ནང་ནས།།

གོས་ཉོ་གྲངས་རོགས་ལོ་དྲན་གི།

གོས་གོན་གྲངས་དངན་པ་འཆོར་གི།

ཁྱིམ་གཅིག་གི་སྨོན་ལམ་མེད་ན།།

གོས་མཉམ་གོན་བྱེད་རྒྱུ་དཀའ་གི།

 

མགོ་ཁང་གྲུ་བཞིའི་ནང་ནས།།

ཇ་བསྐོལ་གྲངས་རོགས་ལོ་དྲན་གི།

ཇ་འཐུང་གྲངས་ངན་པ་འཆོར་གི།

ཇ་མཉམ་འཐུང་བྱེད་རྒྱུ་དཀའ་གི།

 

༣༥ཡར་བལྟས་ཀྱི་སྤང་དཀར་ཀླད་ནས།།

རྟ་འདོ་བས་ཟིལ་རྩྭ་ཟ་གི།

རྩྭ་ཟ་བའི་ཞོར་ལ་སྨྲེང་གི།

སྨྲེང་མི་དགོས་འདོ་བས་ང་ཉོན།།

ལྕག་ངར་མ་བརྒྱབ་ན་ལན་གཅིག་རེད།།

རྩྭ་རྩི་ཏོག་ཟ་ལ་ཚེ་གཅིག་རེད།།

 

མར་བལྟས་ཀྱི་སྡེ་ཆེན་དཀྱིལ་ནས།།

རོགས་ཆུང་ལོས་ལ་གཞས་ལེན་གི།

རོགས་རྩེ་བའི་ཞོར་ལ་སྨྲེང་གི།

སྨྲེང་མི་དགོས་རོགས་ལོས་ང་ཉོན།།

ཁ་མི་ཁ་གྲག་ན་ལན་གཅིག་རེད།།

འགྲོགས་རྔ་མ་བསྲིངས་ན་ཚེ་གཅིག་རེད།།

 

༣༦རྟ་འདོ་བས་སྤང་རི་ཉུལ་དུས།།

ངའི་སྨྲེང་ས་རྒྱེའུ་མོ་ཁྱོད་རེད།།

ཁྱོའི་ཕན་ན་སྨྲེང་སའི་རྟ་མེད།།

རྟ་ཡོད་རུང་སྨྲེང་ནི་དཔེ་མེད།།

 

ང་བྱི་ལི་སྡེ་རུ་བརྒྱུད་དུས།།

ངའི་སྨྲེང་ས་བྱི་མོ་རེད།།

ཁྱོའི་ཕན་ན་སྨྲེང་སའི་རོགས་མེད།།

གཅིག་ཡོད་རུང་སྨྲེང་ནི་དཔེ་མེད།།

 

༣༧སྟོད་སེ་ཆེན་ཀླད་ཀྱི་མེ་ཏོག།

ཞེ་མ་སྨྲེང་མ་སྡུག་སྡོད་དང་།།

ང་ཞེ་ཁྲེལ་རྐང་དྲུག་སྦྲང་མ།།

ཁྱོད་ས་ལ་དཀྲིས་གསུམ་རྒྱག་ག།

 

རོགས་ཆུང་ལོ་སྙིང་ལ་རྗེ་བོ།།

ཞེ་མ་སྨྲེང་མ་སྡུག་སྡོད་དང་།།

ང་རྒྱུ་བྱིན་ཆུང་མའི་མི་འདི།།

ཁྱོད་ས་ལ་དཀྲིས་གསུམ་རྒྱག་ག།

 

༣༨སྟོད་སེ་ཆེན་ཀླད་ཀྱི་མེ་ཏོག།

ཞེ་མ་སྨྲེང་མ་སྡུག་སྡོད་དང་།།

ང་ཞེ་ཁྲེལ་རྐང་དྲུག་སྦྲང་མ།།

ཁྱོད་ས་ལ་དཀྲིས་གསུམ་རྒྱག་ག།

 

རོགས་ཆུང་ལོ་སྙིང་ལ་རྗེ་བོ།།

ཞེ་མ་སྨྲེང་མ་སྡུག་སྡོད་དང་།།

ང་རྒྱུ་བྱིན་ཆུང་མའི་མི་འདི།།

ཁྱོད་ས་ལ་དཀྲིས་གསུམ་རྒྱག་ག།

 

༣༩དབྱར་དྲུག་པའི་མེ་ཏོག་སེར་ཆེན།།

ཉིན་ལུང་ཉིན་ནས་སྐྱེ་དུས།།

ཁྱོད་གཤོག་དྲུག་སྦྲང་མ་མིན་པས།།

དེའི་ཕན་ན་འབབ་ནི་གཅིག་མེད།།

 

ང་སྡེ་ཆེན་ཁ་འཁྱམ་བྱི་ལི།།

ཕྱི་སྡེ་ཆེན་རོགས་ལ་རྩེ་དུས།།

ཁྱོད་ཞེ་མཐུན་རོགས་ལོ་མིན་པས།།

ཁྱོའི་ཕན་ན་རྩེ་སའི་རོགས་མེད།།

རོགས་ཡོད་རུང་རྩེ་ནི་དཔེ་མེད།།

 

༤༠ས་སྤང་ལུང་ཉིན་གྱི་མེ་ཏོག།

སེར་གྱི་ལེར་མེ་ཏོག་བཀད་ན།།

ང་རྐང་དྲུག་སྦྲང་མ་ཟེར་བ།།

ཟླ་བཅུ་བ་ཡིན་རུང་ཐོན་ན།།

 

ས་སྡེ་ཆེན་དཀྱིལ་གྱི་རོགས་ལོ།།

 

ཁ་དགོད་ལ་ལ་གཞས་ལོངས་དང་།།

ང་ཞང་བཟང་ཚ་མོ་ཟེར་བ།།

ས་ཁ་ཐག་རིང་རུང་རྩེ་རྒྱུ།།

 

༤༡ང་སྟག་ལུང་ཉིན་གྱི་སྟག་པ།།

ཁྱོད་ལྕང་ལུང་ཉིན་གྱི་ལྕང་མ།།

ཤིང་སྐྱེས་སའི་ལུང་བ་ཁ་ཁ།།

སྒ་ལྷུ་བཞི་ལས་དུས་ལོས་གཅིག།

 

ང་ཕྱི་སྡེ་གྲོང་གི་བྱི་ལི།།

ཁྱོད་རང་སྡེ་ཁུགས་ཀྱི་བྱི་མོ།།

རོགས་སྐྱེས་ཡུལ་མི་གཅིག་ཁ་ཁ།།

མགོ་སྔས་ལ་འཇོག་དུས་ལོས་གཅིག།

 

༤༢རྫ་ཁྲ་ཡག་དཀྱིལ་གྱི་འབྲོང་ཕྲུག།

རྩྭ་ཟ་སའི་རྫ་ལུང་མི་གཅིག།

རྩྭ་ཟ་སའི་རྫ་ལུང་མི་གཅིག་རུང་།།

དགོང་ཕྱི་དྲོ་དགོང་གྲིབ་གོན་དུས།།

ཆུ་འཐུང་སའི་ན་ལུང་ལོས་གཅིག།

 

རོགས་ཆུང་ལོ་སྙིང་ལ་རྗེ་བོ།།

རོགས་སྐྱེས་སའི་སྡེ་ལུང་མི་གཅིག།

རོགས་སྐྱེས་སའི་སྡེ་ལུང་མི་གཅིག་རུང་།།

དགོང་མུན་ནག་ས་རྩ་རུབ་དུས།།

མགོ་འཇོག་སའི་སྔས་མགོ་ལོས་གཅིག།

 

༤༣ང་རྫ་ཁུགས་རུ་དམར་ཟེར་བ།།

ང་ཉུལ་ས་ཁྲ་ཡག་རྫ་རེད།།

ང་འཁོར་ས་ན་དམར་གཞུང་རེད།།

དེ་ཡིན་ནོ་ཁྱོས་ཀྱང་ལོས་ཤེས།།

 

ང་སྡེ་ཆེན་ཁ་འཁྱམ་བྱི་ལི།།

ང་ཉུལ་ས་ཕྱི་སྡེ་གྲོང་རེད།།

ང་རྩེ་ས་བྱི་མོ་ཁྱོད་རེད།།

དེ་མིན་ནོ་ཁྱོས་ཀྱང་ལོས་ཤེས།།

 

༤༤རྫ་ཁྲ་ཡག་དཀྱིལ་གྱི་འབྲོང་ཕྲུག།

ཁྱོད་རྫ་མགོ་བསྐོར་ནས་མ་འདུག།

རྫ་གཅིག་ལ་བློ་རྩེ་གཏོད་དང་།།

ཚེ་གང་གི་རྩྭ་ས་ཉན་ན།།

 

ས་སྡེ་ཆེན་དཀྱིལ་གྱི་རོགས་ལོ།།

ཁྱོད་སྡེ་མཐའ་ཉུལ་ནས་མ་འདུག།

ང་བྱི་མོར་བློ་རྩེ་གཏོད་དང་།།

ཚེ་གང་གི་ཚེ་འགྲོགས་ཉན་ན།།

 

༤༥ང་རྫ་ཁུགས་རུ་དམར་ཟེར་བ།།

ང་རྫ་མཐའ་བརྒྱུད་འདོད་མེད་ལ།།

རྫ་ཁྲ་ཁྲའི་བང་རིམ་བར་ན།།

འབྲོང་རྭ་ཁ་ཀྱུག་གེ་བསྡད་ཡོད།།

 

ང་སྡེ་ཆེན་ཁ་འཁྱམ་བྱི་ལི།།

སྡེ་ཁ་རི་ཉུལ་འདོད་མེད་ལ།།

གྲོང་རྩེ་བའི་ཕོ་བྲང་དཀྱིལ་ན།།

ཁ་བགད་ནས་རྩིབ་ན་བསྡད་ཡོད།།

 

༤༦རྫ་ཡག་པ་རྫ་རྐང་ཕྲ་མོ།།

འབྲོང་ཡག་པ་འབྲོང་ཕྲུག་བྲེ་ལོ།།

ཁྱོད་ཁྲ་ཡག་རྫ་ནས་སྡོད་དང་།།

ངའི་རྣམ་ཤེས་འབྲོང་མོ་འདྲ་བོ།།

ཁྱོའི་གཡས་དང་གཡོན་ན་བསྡད་ཡོད།།

 

སྡེ་ཡག་པ་སྡེ་རྐང་ཕྲ་མོ།།

རོགས་ཡག་པ་ན་ཟླའི་ཆུང་ལོ།།

ཁྱོད་སྡེ་ཆེན་གྲོང་ནས་སྡོད་དང་།།

ངའི་རྣམ་ཤེས་སྦྲང་མ་འདྲ་བོ།།

ཁྱོའི་གཡས་དང་གཡོན་ན་བསྡད་ཡོད།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལ་གཞས་མཐུན་པ་དྲུག་སྐོར་ལས། དྲན་པའི་སྐོར།༣

2009-07-19 བོད་མི་དམངས། ཀློག་གྲངས། མཆན ཡོད།


༣༡
རྟ་རི་དྭགས་འདྲ་བོ་རིག་ན།།

རི་མཐོན་མཉམ་གཉིས་ཀྱི་བར་ནས།།

སྤང་སེར་བོའི་ཕོ་བྲང་ཀླད་ནས།།

ཕྱི་རྟ་བརྒྱའི་ཁ་ངོའི་སྔུན་ནས།།

ང་ཡང་གཅིག་ཞོན་ན་འདོད་གི།

 

རོགས་ལྷ་སྐུ་འདྲ་བོ་རིག་ན།།

སྡེ་མང་ཉུང་གཉིས་ཀྱི་བར་ནས།།

གྲོང་རྩེ་བའི་ཕོ་བྲང་དཀྱིལ་ནས།།

ཕྱི་རོགས་བརྒྱའི་ཁ་ངོའི་སྔུན་ནས།།

ང་ཡང་གཅིག་འགྲོག་ན་འདོད་གི།

 

༣༢རི་དམའ་མོས་སྨུག་པ་ཐོད་ལ་ཟུངས།།

སྨུག་ཐོད་ལ་ཟུངས་དང་དྭངས་རྒྱུ་མེད།།

དྭངས་སོང་དུས་སྟོན་ཟླ་གཞུག་མ་རེད།།

 

རོགས་འདང་ཆེན་ཞེ་འདང་ཡིད་ལ་ཟུངས།།

འདང་ཡིད་ལ་ཟུངས་དང་བརྗེད་མེད་རེད།།

བརྗེད་སོང་དུས་སྐྱེ་བ་གཞུག་མ་རེད།།

 

༣༣རི་མཐོ་ན་མི་སྡུག་དམའ་ན་སྡུག།

རི་དམའ་ནས་སྨུག་པ་འཐིབས་ན་སྡུག།

སྨུག་དྭངས་མཐའ་མེད་ན་ལྷག་པར་སྡུག།

 

རོགས་མེད་ན་མི་སྡུག་ཡོད་ན་སྡུག།

རོགས་ཡོད་ནས་ཁ་ཐག་རིང་ན་སྡུག།

རོགས་ཐུག་འཕྲད་མེད་ན་ལྷག་པར་སྡུག།

 

༣༤སྨད་རྒྱ་ནག་གོས་རའི་ནང་ནས།།

གོས་ཉོ་གྲངས་རོགས་ལོ་དྲན་གི།

གོས་གོན་གྲངས་དངན་པ་འཆོར་གི།

ཁྱིམ་གཅིག་གི་སྨོན་ལམ་མེད་ན།།

གོས་མཉམ་གོན་བྱེད་རྒྱུ་དཀའ་གི།

 

མགོ་ཁང་གྲུ་བཞིའི་ནང་ནས།།

ཇ་བསྐོལ་གྲངས་རོགས་ལོ་དྲན་གི།

ཇ་འཐུང་གྲངས་ངན་པ་འཆོར་གི།

ཇ་མཉམ་འཐུང་བྱེད་རྒྱུ་དཀའ་གི།

 

༣༥ཡར་བལྟས་ཀྱི་སྤང་དཀར་ཀླད་ནས།།

རྟ་འདོ་བས་ཟིལ་རྩྭ་ཟ་གི།

རྩྭ་ཟ་བའི་ཞོར་ལ་སྨྲེང་གི།

སྨྲེང་མི་དགོས་འདོ་བས་ང་ཉོན།།

ལྕག་ངར་མ་བརྒྱབ་ན་ལན་གཅིག་རེད།།

རྩྭ་རྩི་ཏོག་ཟ་ལ་ཚེ་གཅིག་རེད།།

 

མར་བལྟས་ཀྱི་སྡེ་ཆེན་དཀྱིལ་ནས།།

རོགས་ཆུང་ལོས་ལ་གཞས་ལེན་གི།

རོགས་རྩེ་བའི་ཞོར་ལ་སྨྲེང་གི།

སྨྲེང་མི་དགོས་རོགས་ལོས་ང་ཉོན།།

ཁ་མི་ཁ་གྲག་ན་ལན་གཅིག་རེད།།

འགྲོགས་རྔ་མ་བསྲིངས་ན་ཚེ་གཅིག་རེད།།

 

༣༦རྟ་འདོ་བས་སྤང་རི་ཉུལ་དུས།།

ངའི་སྨྲེང་ས་རྒྱེའུ་མོ་ཁྱོད་རེད།།

ཁྱོའི་ཕན་ན་སྨྲེང་སའི་རྟ་མེད།།

རྟ་ཡོད་རུང་སྨྲེང་ནི་དཔེ་མེད།།

 

ང་བྱི་ལི་སྡེ་རུ་བརྒྱུད་དུས།།

ངའི་སྨྲེང་ས་བྱི་མོ་རེད།།

ཁྱོའི་ཕན་ན་སྨྲེང་སའི་རོགས་མེད།།

གཅིག་ཡོད་རུང་སྨྲེང་ནི་དཔེ་མེད།།

 

༣༧སྟོད་སེ་ཆེན་ཀླད་ཀྱི་མེ་ཏོག།

ཞེ་མ་སྨྲེང་མ་སྡུག་སྡོད་དང་།།

ང་ཞེ་ཁྲེལ་རྐང་དྲུག་སྦྲང་མ།།

ཁྱོད་ས་ལ་དཀྲིས་གསུམ་རྒྱག་ག།

 

རོགས་ཆུང་ལོ་སྙིང་ལ་རྗེ་བོ།།

ཞེ་མ་སྨྲེང་མ་སྡུག་སྡོད་དང་།།

ང་རྒྱུ་བྱིན་ཆུང་མའི་མི་འདི།།

ཁྱོད་ས་ལ་དཀྲིས་གསུམ་རྒྱག་ག།

 

༣༨སྟོད་སེ་ཆེན་ཀླད་ཀྱི་མེ་ཏོག།

ཞེ་མ་སྨྲེང་མ་སྡུག་སྡོད་དང་།།

ང་ཞེ་ཁྲེལ་རྐང་དྲུག་སྦྲང་མ།།

ཁྱོད་ས་ལ་དཀྲིས་གསུམ་རྒྱག་ག།

 

རོགས་ཆུང་ལོ་སྙིང་ལ་རྗེ་བོ།།

ཞེ་མ་སྨྲེང་མ་སྡུག་སྡོད་དང་།།

ང་རྒྱུ་བྱིན་ཆུང་མའི་མི་འདི།།

ཁྱོད་ས་ལ་དཀྲིས་གསུམ་རྒྱག་ག།

 

༣༩དབྱར་དྲུག་པའི་མེ་ཏོག་སེར་ཆེན།།

ཉིན་ལུང་ཉིན་ནས་སྐྱེ་དུས།།

ཁྱོད་གཤོག་དྲུག་སྦྲང་མ་མིན་པས།།

དེའི་ཕན་ན་འབབ་ནི་གཅིག་མེད།།

 

ང་སྡེ་ཆེན་ཁ་འཁྱམ་བྱི་ལི།།

ཕྱི་སྡེ་ཆེན་རོགས་ལ་རྩེ་དུས།།

ཁྱོད་ཞེ་མཐུན་རོགས་ལོ་མིན་པས།།

ཁྱོའི་ཕན་ན་རྩེ་སའི་རོགས་མེད།།

རོགས་ཡོད་རུང་རྩེ་ནི་དཔེ་མེད།།

 

༤༠ས་སྤང་ལུང་ཉིན་གྱི་མེ་ཏོག།

སེར་གྱི་ལེར་མེ་ཏོག་བཀད་ན།།

ང་རྐང་དྲུག་སྦྲང་མ་ཟེར་བ།།

ཟླ་བཅུ་བ་ཡིན་རུང་ཐོན་ན།།

 

ས་སྡེ་ཆེན་དཀྱིལ་གྱི་རོགས་ལོ།།

 

ཁ་དགོད་ལ་ལ་གཞས་ལོངས་དང་།།

ང་ཞང་བཟང་ཚ་མོ་ཟེར་བ།།

ས་ཁ་ཐག་རིང་རུང་རྩེ་རྒྱུ།།

 

༤༡ང་སྟག་ལུང་ཉིན་གྱི་སྟག་པ།།

ཁྱོད་ལྕང་ལུང་ཉིན་གྱི་ལྕང་མ།།

ཤིང་སྐྱེས་སའི་ལུང་བ་ཁ་ཁ།།

སྒ་ལྷུ་བཞི་ལས་དུས་ལོས་གཅིག།

 

ང་ཕྱི་སྡེ་གྲོང་གི་བྱི་ལི།།

ཁྱོད་རང་སྡེ་ཁུགས་ཀྱི་བྱི་མོ།།

རོགས་སྐྱེས་ཡུལ་མི་གཅིག་ཁ་ཁ།།

མགོ་སྔས་ལ་འཇོག་དུས་ལོས་གཅིག།

 

༤༢རྫ་ཁྲ་ཡག་དཀྱིལ་གྱི་འབྲོང་ཕྲུག།

རྩྭ་ཟ་སའི་རྫ་ལུང་མི་གཅིག།

རྩྭ་ཟ་སའི་རྫ་ལུང་མི་གཅིག་རུང་།།

དགོང་ཕྱི་དྲོ་དགོང་གྲིབ་གོན་དུས།།

ཆུ་འཐུང་སའི་ན་ལུང་ལོས་གཅིག།

 

རོགས་ཆུང་ལོ་སྙིང་ལ་རྗེ་བོ།།

རོགས་སྐྱེས་སའི་སྡེ་ལུང་མི་གཅིག།

རོགས་སྐྱེས་སའི་སྡེ་ལུང་མི་གཅིག་རུང་།།

དགོང་མུན་ནག་ས་རྩ་རུབ་དུས།།

མགོ་འཇོག་སའི་སྔས་མགོ་ལོས་གཅིག།

 

༤༣ང་རྫ་ཁུགས་རུ་དམར་ཟེར་བ།།

ང་ཉུལ་ས་ཁྲ་ཡག་རྫ་རེད།།

ང་འཁོར་ས་ན་དམར་གཞུང་རེད།།

དེ་ཡིན་ནོ་ཁྱོས་ཀྱང་ལོས་ཤེས།།

 

ང་སྡེ་ཆེན་ཁ་འཁྱམ་བྱི་ལི།།

ང་ཉུལ་ས་ཕྱི་སྡེ་གྲོང་རེད།།

ང་རྩེ་ས་བྱི་མོ་ཁྱོད་རེད།།

དེ་མིན་ནོ་ཁྱོས་ཀྱང་ལོས་ཤེས།།

 

༤༤རྫ་ཁྲ་ཡག་དཀྱིལ་གྱི་འབྲོང་ཕྲུག།

ཁྱོད་རྫ་མགོ་བསྐོར་ནས་མ་འདུག།

རྫ་གཅིག་ལ་བློ་རྩེ་གཏོད་དང་།།

ཚེ་གང་གི་རྩྭ་ས་ཉན་ན།།

 

ས་སྡེ་ཆེན་དཀྱིལ་གྱི་རོགས་ལོ།།

ཁྱོད་སྡེ་མཐའ་ཉུལ་ནས་མ་འདུག།

ང་བྱི་མོར་བློ་རྩེ་གཏོད་དང་།།

ཚེ་གང་གི་ཚེ་འགྲོགས་ཉན་ན།།

 

༤༥ང་རྫ་ཁུགས་རུ་དམར་ཟེར་བ།།

ང་རྫ་མཐའ་བརྒྱུད་འདོད་མེད་ལ།།

རྫ་ཁྲ་ཁྲའི་བང་རིམ་བར་ན།།

འབྲོང་རྭ་ཁ་ཀྱུག་གེ་བསྡད་ཡོད།།

 

ང་སྡེ་ཆེན་ཁ་འཁྱམ་བྱི་ལི།།

སྡེ་ཁ་རི་ཉུལ་འདོད་མེད་ལ།།

གྲོང་རྩེ་བའི་ཕོ་བྲང་དཀྱིལ་ན།།

ཁ་བགད་ནས་རྩིབ་ན་བསྡད་ཡོད།།

 

༤༦རྫ་ཡག་པ་རྫ་རྐང་ཕྲ་མོ།།

འབྲོང་ཡག་པ་འབྲོང་ཕྲུག་བྲེ་ལོ།།

ཁྱོད་ཁྲ་ཡག་རྫ་ནས་སྡོད་དང་།།

ངའི་རྣམ་ཤེས་འབྲོང་མོ་འདྲ་བོ།།

ཁྱོའི་གཡས་དང་གཡོན་ན་བསྡད་ཡོད།།

 

སྡེ་ཡག་པ་སྡེ་རྐང་ཕྲ་མོ།།

རོགས་ཡག་པ་ན་ཟླའི་ཆུང་ལོ།།

ཁྱོད་སྡེ་ཆེན་གྲོང་ནས་སྡོད་དང་།།

ངའི་རྣམ་ཤེས་སྦྲང་མ་འདྲ་བོ།།

ཁྱོའི་གཡས་དང་གཡོན་ན་བསྡད་ཡོད།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།