ལ་གཞས་མཐུན་པ་དྲུག་སྐོར་ལས། མཐུན་པའི་སྐོར།༤

༤༦རྨ་བྱའི་སྒྲོ་དང་ཀུ་ཤ་རྩྭ་།།

སྐྱེ་ས་སྐྱེ་ཡུལ་མི་གཅིག་གི།།

འདི་བསམ་ན་ཐུག་དོན་མེད་རུང་།།

ལས་སྔོན་གྱི་སྨོན་ལམ་གཅིག་སོང་བས།།

འདི་འཛོམས་ས་བུམ་པའི་ཁ་རེད།།

གསེར་བུམ་པའི་ཁ་དོག་སྒྲོ་ཡིས་འབྱེད།།

 

འདོ་བ་རྟ་དང་གཡུ་ཟངས་སྒ།།

འཁྲུངས་ས་འཁྲུངས་ཡུལ་མི་གཅིག་གི།།

དེ་བསམ་ན་ཐུག་དོན་མེད་རུང་།།

ལས་སྔོན་གྱི་སྨོན་ལམ་གཅིག་སོང་བས།།

འདི་འཛོམས་ས་བྱང་ལམ་དཀྱིལ་རེད།།

རྟ་འདོ་བའི་ཁ་དོག་སྒ་ཡིས་འབྱེད།།

 

དགའ་ལོ་རོགས་དང་མ་ལོ་སྤུན།།

རོགས་འུ་གཉིས་སྐྱེ་ཡུལ་མི་གཅིག་གི།

འདི་བསམ་ན་ཐུག་དོན་མེད་རུང་།།

ལས་སྔོན་གྱི་སྨོན་ལམ་གཅིག་སོང་བས།།

ཚོ་ཆེན་གྲོང་ནས་ཐུག་སོང་ཟིག།

རོགས་རྩེ་བའི་ཁ་དོག་ཚིག་གིས་འབྱེད།།

 

༤༧སྟོད་དབུས་གཙང་བརྒྱུད་ནས་འགྲོ་དུས།།

གོན་མ་མྱོང་གོས་ཤིག་གོན་ཟིག།

གོས་གོང་བ་ཉི་ཟླ་ནོར་བུ་རེད།།

གོས་སྐེད་དཔལ་བེའུ་བཞི་བསྣོལ་རེད།།

འདི་ཡན་གྱི་གོས་ཤིག་གོན་རྒྱུ་མེད།།

 

ས་བྱང་ལམ་བརྒྱུད་ནས་འགྲོ་དུས།།

ཞོན་མ་མྱོང་རྟ་ཞིག་ཞོན་ཟིག།

མགོ་ཕུམ་ཕུམ་དར་སྐུད་བླས་འདྲ་རེད།།

སྒ་བེ་ཤིང་གསེར་ཁྲིའི་འཁོར་ལོ་རེད།།

འདིའི་ཡན་གྱི་རྟ་ཞིག་ཞོན་རྒྱུ་མེད།།

 

བོད་ཚོ་ཆེན་བརྒྱུད་ནས་འགྲོ་དུས།།

རྩེས་མ་མྱོང་རོགས་ཤིག་རྩེས་ཟིག།

ལུས་སྐྱེ་གཟུགས་སྦ་དཀར་དྲང་སྐྱེས་རེད།།

ཚིག་སྙན་མོ་སྲིད་པའི་ཁ་དཔེ་རེད།།

འདིའི་ཡན་གྱི་རོགས་ཤིག་རྩེ་རྒྱུ་མེད།།

 

༤༨སྟོད་དབུས་གཙང་ཡུལ་ལ་འགྲོ་མི་ཚོ།།

གསེར་ཡོད་མི་མེད་མི་གཉི་ག་འགྲོ།།

གསེར་ཡོད་མིས་ཇོ་བོར་ཞལ་གསེར་འབུལ།།

གསེར་མེད་མིས་ཕྱག་དང་སྐོར་བ་རྒྱག།

སེམས་དད་པ་ཡོད་ན་འདྲ་འདྲ་རེད།།

 

སྨད་རྒྱ་ནག་ཡུལ་ལ་འགྲོ་མི་ཚོ།།

དངུལ་ཡོད་མི་མེད་མི་གཉི་ག་འགྲོ།།

དངུལ་ཡོད་མིས་གོས་དང་ཐེར་མ་ཉོ།།

དངུལ་མེད་མིས་དར་དང་སྐུད་པ་ཉོ།།

ཚོང་ཁེ་རྒྱལ་ལོན་ན་འདྲ་འདྲ་ཡིན།།

 

བོད་ཚོ་ཆེན་ཡུལ་ལ་འགྲོ་མི་ཚོ།།

ཚིག་ཡོད་མི་མེད་མི་གཉི་ག་འགྲོ།།

ཚིག་ཡོད་མིས་ཚིག་ཆེན་དོན་པོ་བཤད།།

ཚིག་མེད་མིས་ངག་སྙན་པི་ཝང་དཀྲོལ།།

རོགས་སྣང་བ་མཐུན་ན་འདྲ་འདྲ་ཡིན།།

 

༤༩ཁྲ་ཆིལ་ལེ་ནམ་མཁའ་ལངས་དུས།།

ངས་ལུག་བརྒྱ་དེད་དེ་རྫ་ལ་སོང་།།

རྩྭ་བྱི་རུག་བཏུས་ནས་ལུག་བརྒྱར་བྱིན།།

ལུག་འཚེར་མོའི་བལ་ཁ་ཇེ་མཐུག་རེད།།

 

སེར་གྱི་ལེ་ཉི་མ་ཤར་དུས།།

ངས་རྟ་བརྒྱ་དེད་དེ་བྱང་ལ་སོང་།།

བྱང་སྤ་ཏོག་བཏུས་ནས་རྟ་བརྒྱར་བྱིན།།

རྟ་འདོ་བའི་གོམ་ལག་ཇེ་བདེ་རེད།།

 

ནག་གྱི་ལེ་མུན་པ་འཐིབ་དུས།།

ངག་དབྱངས་ལ་བཀུག་སྟེ་གྲོང་ལ་སོང་།།

ཁ་ཚིག་གསུམ་བཤད་དེ་རོགས་བརྒྱར་རྩེ།།

རོགས་ཆུང་ལོའི་སྣང་བ་ཇེ་མཐུན་རེད།།

 

༥༠བཀྲ་ཤིས་པའི་ཚོ་ལུང་གོང་མ་ན།།

སྙིང་རྗེ་ནོ་ངང་བ་སེར་བོ་རེད།།

ཁ་ཕར་འཁོར་རྗེས་ནས་ལྟ་དུས་ན།།

དབུས་བླ་མས་གཟན་ཆུང་དཀྲིས་འདྲ་རེད།།

ཁ་ཚུར་འཁོར་སྔུན་ནས་ལྟ་དུས་ན།།

དབུས་བླ་མས་ཞྭ་མོ་མནབས་འདྲ་རེད།།

ལོ་གཞུག་ལ་བསྐྱུར་རྒྱུ་མ་བཤད་དང་།།

ཉིན་ཞག་རེར་བློས་ཐོངས་དཀའ་གི།

 

བཀྲ་ཤིས་པའི་ཚོ་ལུང་བར་མ་ན།།

སྙིང་རྗེ་ནོ་གོམ་ཆེན་འདོ་བ་རེད།།

ཁ་ཕར་འཁོར་རྗེས་ནས་ལྟ་དུས་ན།།

འགྲོས་གོམ་པ་ཨ་ལོང་བརྡུངས་འདྲ་རེད།།

ཁ་ཚུར་འཁོར་སྔུན་ནས་ལྟ་དུས་ན།།

མགོའི་ཕུམ་ཕུམ་དར་སྐུད་བླས་འདྲ་རེད།།

ལོ་གཞུག་ལ་བསྐྱུར་རྒྱུ་མ་བཤད་དང་།།

ཉིན་ཞག་རེར་བློས་ཐོངས་དཀའ་གི།།

 

བཀྲ་ཤིས་པའི་ཚོ་ལུང་ཞོལ་མ་ན།།

སྙིང་རྗེ་ནོ་ཞེ་མཐུན་མ་ལོ་རེད།།

ཁ་ཕར་འཁོར་རྗེས་ནས་ལྟ་དུས་ན།།

ལུས་སྐྱེ་གཟུགས་སྦ་དཀར་དྲང་སྐྱེས་རེད།།

ཁ་ཚུར་འཁོར་སྔུན་ནས་ཉན་དུས་ན།།

ཚིག་བཤད་ནོ་ཆུ་དང་འོ་མ་རེད།།

ལོ་གཞུག་་བསྐྱུར་རྒྱུ་མ་བཤད་དང་།།

ཉིན་ཞག་རེར་བློས་ཐོངས་དཀའ་གི།

 

༥༡སྟོད་ལྷ་ཁང་ཁྱམས་ནས་ཀི་རེ་འདེབས།།

སྟོད་དབུས་གཙང་བླ་མས་མི་བཀྱོན་མོད།།

སྟོད་དབུས་གཙང་བླ་མས་བཀྱོན་བཏང་ན།།

དབུས་བན་ཆུང་ཐལ་སྐད་ཡིན་ཁུལ་བྱེད།།

 

བར་སྤང་རིའི་དཀྱིལ་ནས་ཟིག་རིང་འདེབས།།

ནང་དྲིན་ཆེན་ཕ་མས་མི་གོ་མོད།།

ནང་དྲིན་ཆེན་ཕ་མས་གོ་བཏང་ན།།

ལུག་གཡང་དཀར་འཚོས་སྐད་ཡིན་ཁུལ་བྱེད།།

 

ཐང་ཕྱི་ནང་བར་ནས་བརྡ་རེ་རྒྱག།

ནང་ལས་མཐུན་བཟའ་བས་མི་གོ་མོད།།

ནང་ལས་མཐུན་བཟའ་བས་གོ་སོང་ན།།

ཨ་རག་ཆང་གིས་བཟི་ཁུལ་བྱེད།།

 

༥༢ནགས་ཙན་དན་པད་མ་འདབ་བརྒྱ་རེད།།

མགོ་སིལ་ཏོག་བྱུར་དཀར་བྱུར་དམར་རེད།།

བྱ་ཁུ་བྱུག་ཡིད་སྨོན་གཏོང་ས་རེད།།

 

བོད་ཚོ་ཆེན་ཤེལ་དཀར་མེ་ལོང་རེད།།

རོགས་ཆུང་ལོ་བྱུར་དཀར་བསྒྲིགས་འདྲ་རེད།།

ཕོ་ངེད་ཚོས་ཡིད་སྨོན་གཏོང་ས་རེད།།

 

༥༣ཁངས་མ་བབས་རི་རྩེ་དཀར་ནོ།།

ཆགས་བཞག་ན་གངས་དཀར་རི་རེད།།

 

ལོ་མ་བཏབ་རི་སྐེད་སྔོ་ནོ།།

ཆགས་བཞག་ན་ཙན་དན་ལོ་མ་རེད།།

 

རོགས་མ་རྩེ་སྣང་་མཐུན་ནོ།།

ཆགས་བཞག་ན་ལས་མཐུན་རོགས་རེད།།

 

༥༤ཆང་བདུད་རྩི་ཁ་ལ་ཞིམ་པ་འདི།།

དབུས་བླ་མས་བཀྱོན་རུང་འཐུང་དགོས།།

རྟ་འདོ་བ་ཤེའུ་ཐིག་བརྒྱད་པ་ཅན།།

དངུལ་མོད་པོ་ཤོར་རུང་ཉོ་དགོས།།

 

རོགས་མ་ལོ་མཐུན་པའི་དྲུག་སྐོར་བོ།།

གཏམ་མི་ཁ་འཁོར་རུང་རྩེ་དགོས།།

 

༥༥ངའི་ལག་གི་ཕྲེང་བའི་དཀྱིལ་ན།།

བྱུར་དཀར་བྱུར་དམར་གཉིས་ཡོད།།

གཡུ་དྲུག་དཀར་གཅིག་དང་གསུམ་ཡོད།།

འདིའི་ཡན་གྱི་འགངས་ཆེན་ང་མེད།།

འདི་གཅིག་གི་བསམ་པས་ཁྱོད་འཛིན།།

 

ངའི་ཕུགས་ཀྱི་གོས་སྒམ་ནང་ན།།

གོས་འབྲུག་མ་གསེར་མ་གཉིས་ཡོད།།

བྱ་རྨ་བྱ་ཅན་དང་གསུམ་ཡོད།།

འདིའི་ཡན་གྱི་འགངས་ཆེན་ང་མེད།།

འདི་གཅིག་གི་བསམ་པས་ཁྱོས་འཛིན།།

 

ས་སྡེ་ཆེན་གཡུང་དྲུང་ནང་ན།།

རོགས་ཁ་འགྲོགས་ཞེ་འགྲོགས་གཉིས་ཡོད།།

ཁྱིམ་བཟའ་བ་གཅིག་དང་གསུམ་ཡོད།།འ

དིའི་ཡན་གྱི་འདང་ཆེན་ང་མེད།།

འདི་གཅིག་གི་བསམ་པས་ཁྱོད་འཛིན།།

 

༥༦ངའི་ཤེལ་དཀར་གའུའི་ནང་ན།།

སྐྱེ་བདུན་རིལ་བུ་གསུམ་ཡོད།།

དེའི་གཅིག་གི་བསམ་པས་ཁྱོད་འཛིན།།

 

ངའི་མཛུབ་ཆུང་བར་མའི་དཀྱིལ་ན།།

དངུལ་དཀར་བོའི་ཨ་ལོང་གསུམ་ཡོད།།

དེའི་གཅིག་གི་བསམ་པས་ཁྱོད་འཛིན།།

 

ངའི་ཡ་ཆུང་གངས་དཀར་སེམས་ན།།

རྣར་སྙན་པའི་ཚིག་གསུམ་བཟུང་ཡོད།།

དེའི་གཅིག་གི་བསམ་པས་ཁྱོད་འཛིན།།

 

༥༧དགུང་ཨ་སྔོན་སྐྱིད་ཀྱི་ཕུ་རིང་ན།།

དགུང་ཉི་མ་སྐྱིད་ཀྱི་ཚེ་འབར་རེད།།

དབྱར་དྲུག་པའི་སྨུག་པ་ལྷུང་རག་ལ།།

སྐྱིད་ཚེ་འབར་འགྲིབ་ནི་དཔེ་མེད།།

 

སྟོད་གངས་དཀར་སྐྱིད་ཀྱི་ཕུ་རིང་ན།།

ཆུ་གཙང་བོ་སྐྱིད་ཀྱི་ཚེ་ཐག་རིང་།།

དགུ་གཅིག་པའི་འཁྱག་གྲང་ཡོང་རག་ལ།།

སྐྱིད་ཚེ་ཐག་ཆད་ནི་དཔེ་མེད།།

 

སྡེ་ཆེན་པོ་སྐྱིད་ཀྱི་ཕུ་རིང་ན།།

ཞེ་མཐུན་སྐྱིད་ཀྱི་ཚེ་འགྲོག་རེད།།

དགྲ་གཤིན་རྗེས་འཇིགས་པ་སྟོན་རག་ལ།།

སྐྱིད་ཚེ་འགྲོགས་འགལ་ནི་དཔེ་མེད།།

 

༥༨གོས་གསེར་མ་ནོར་བུ་ཆ་བདུན་ཅན།།

ཁྱོད་གོས་འཐག་སུམ་ཆུའི་གོས་ཡིན་རུང་།།

ལུས་ཕུང་བོར་གོན་ན་འགྲིག་ནི་གིས།།

ཚེ་གང་གི་ཤོམ་ལྭ་བྱས་ན་འདོད།།

 

རྟ་འདོ་བ་ཤེའུ་ཐིག་བརྒྱད་པ་ཅན།།

ཁྱོད་རྟ་བདག་སུམ་ཅུའི་རྟ་ཡིན་རུང་།།

འགྲོས་གོམ་གསུམ་སོང་ན་བདེ་ནི་གིས།།

ཚེ་གང་གི་བློ་རྟ་བྱས་ན་འདོད།།

 

རོགས་ཆུང་ལོ་མཐུན་པ་དྲུག་སྐོར་ཅན།།

ཁྱོད་ན་ཟླ་སུམ་ཅུའི་རོགས་ཡིན་རུང་།།

ཞེ་སྣང་བ་གཉིས་ཀ་མཐུན་ནི་གིས།།

ཚེ་གང་གི་རྩེད་རོགས་བྱས་ན་འདོད།།

 

༥༩དགུང་ཨ་སྔོན་འདབས་ལ་སྤྲིན་གྱིས་བསྐོར།།།

སྤྲིན་དཀར་བོའི་འདབས་ལ་ཆར་གྱིས་བསྐོར།།

ཆར་ཉིན་སྲིབ་མེད་ལ་བབས་བཏང་ན།།

འབྲུག་ཕོ་ཆུང་བསམ་དོན་དེ་ནས་འགྲུབ།།

 

རྫ་ཁྲ་ཡག་འདབས་ལ་རྩྭ་ཡིས་བསྐོར།།

རྩྭ་བྱི་རུག་འདབས་ལ་སྨན་གྱིས་བསྐོར།།

སྨན་ཉིན་སྲིབ་མེད་ལ་སྐྱེས་བཏང་ན།།

འབྲི་ཐུལ་མའི་བསམ་དོན་དེ་ནས་འགྲུབ།།

 

སྡེ་ཚོ་ཆེན་འདབས་ལ་རོགས་ཀྱིས་བསྐོར།།

རོགས་ཆུང་ལོའི་འདབས་ལ་ཚིག་གིས་བསྐོར།།

ཚིག་གསང་བསྐྱུར་མེད་ལ་བཤད་བཏང་ན།།

རོགས་ངེད་ཚོའི་བསམ་དོན་དེ་ནས་འགྲུབ།།

 

༦༠སྟོད་རི་རྒྱལ་ལྷུན་པོ་བརྟན་ནེ་བོ།།

རི་སྨུག་པས་བཟུང་ན་ཇེ་དྭངས་རེད།།

 

རྫ་ཆུ་བསིལ་མ་དྭངས་སེ་བོ།།

ཆུ་མདོ་ལ་བཞུར་ན་ཇེ་དྭངས་རེད།།

 

རོགས་མ་ལོ་སྣང་བ་མཐུན་ནེ་བོ།།

ཁ་བགད་དེ་རྩེ་ན་ཇེ་མཐུན་རེད།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལ་གཞས་མཐུན་པ་དྲུག་སྐོར་ལས། མཐུན་པའི་སྐོར།༤

2009-05-19 བོད་མི་དམངས། ཀློག་གྲངས། མཆན ཡོད།

༤༦རྨ་བྱའི་སྒྲོ་དང་ཀུ་ཤ་རྩྭ་།།

སྐྱེ་ས་སྐྱེ་ཡུལ་མི་གཅིག་གི།།

འདི་བསམ་ན་ཐུག་དོན་མེད་རུང་།།

ལས་སྔོན་གྱི་སྨོན་ལམ་གཅིག་སོང་བས།།

འདི་འཛོམས་ས་བུམ་པའི་ཁ་རེད།།

གསེར་བུམ་པའི་ཁ་དོག་སྒྲོ་ཡིས་འབྱེད།།

 

འདོ་བ་རྟ་དང་གཡུ་ཟངས་སྒ།།

འཁྲུངས་ས་འཁྲུངས་ཡུལ་མི་གཅིག་གི།།

དེ་བསམ་ན་ཐུག་དོན་མེད་རུང་།།

ལས་སྔོན་གྱི་སྨོན་ལམ་གཅིག་སོང་བས།།

འདི་འཛོམས་ས་བྱང་ལམ་དཀྱིལ་རེད།།

རྟ་འདོ་བའི་ཁ་དོག་སྒ་ཡིས་འབྱེད།།

 

དགའ་ལོ་རོགས་དང་མ་ལོ་སྤུན།།

རོགས་འུ་གཉིས་སྐྱེ་ཡུལ་མི་གཅིག་གི།

འདི་བསམ་ན་ཐུག་དོན་མེད་རུང་།།

ལས་སྔོན་གྱི་སྨོན་ལམ་གཅིག་སོང་བས།།

ཚོ་ཆེན་གྲོང་ནས་ཐུག་སོང་ཟིག།

རོགས་རྩེ་བའི་ཁ་དོག་ཚིག་གིས་འབྱེད།།

 

༤༧སྟོད་དབུས་གཙང་བརྒྱུད་ནས་འགྲོ་དུས།།

གོན་མ་མྱོང་གོས་ཤིག་གོན་ཟིག།

གོས་གོང་བ་ཉི་ཟླ་ནོར་བུ་རེད།།

གོས་སྐེད་དཔལ་བེའུ་བཞི་བསྣོལ་རེད།།

འདི་ཡན་གྱི་གོས་ཤིག་གོན་རྒྱུ་མེད།།

 

ས་བྱང་ལམ་བརྒྱུད་ནས་འགྲོ་དུས།།

ཞོན་མ་མྱོང་རྟ་ཞིག་ཞོན་ཟིག།

མགོ་ཕུམ་ཕུམ་དར་སྐུད་བླས་འདྲ་རེད།།

སྒ་བེ་ཤིང་གསེར་ཁྲིའི་འཁོར་ལོ་རེད།།

འདིའི་ཡན་གྱི་རྟ་ཞིག་ཞོན་རྒྱུ་མེད།།

 

བོད་ཚོ་ཆེན་བརྒྱུད་ནས་འགྲོ་དུས།།

རྩེས་མ་མྱོང་རོགས་ཤིག་རྩེས་ཟིག།

ལུས་སྐྱེ་གཟུགས་སྦ་དཀར་དྲང་སྐྱེས་རེད།།

ཚིག་སྙན་མོ་སྲིད་པའི་ཁ་དཔེ་རེད།།

འདིའི་ཡན་གྱི་རོགས་ཤིག་རྩེ་རྒྱུ་མེད།།

 

༤༨སྟོད་དབུས་གཙང་ཡུལ་ལ་འགྲོ་མི་ཚོ།།

གསེར་ཡོད་མི་མེད་མི་གཉི་ག་འགྲོ།།

གསེར་ཡོད་མིས་ཇོ་བོར་ཞལ་གསེར་འབུལ།།

གསེར་མེད་མིས་ཕྱག་དང་སྐོར་བ་རྒྱག།

སེམས་དད་པ་ཡོད་ན་འདྲ་འདྲ་རེད།།

 

སྨད་རྒྱ་ནག་ཡུལ་ལ་འགྲོ་མི་ཚོ།།

དངུལ་ཡོད་མི་མེད་མི་གཉི་ག་འགྲོ།།

དངུལ་ཡོད་མིས་གོས་དང་ཐེར་མ་ཉོ།།

དངུལ་མེད་མིས་དར་དང་སྐུད་པ་ཉོ།།

ཚོང་ཁེ་རྒྱལ་ལོན་ན་འདྲ་འདྲ་ཡིན།།

 

བོད་ཚོ་ཆེན་ཡུལ་ལ་འགྲོ་མི་ཚོ།།

ཚིག་ཡོད་མི་མེད་མི་གཉི་ག་འགྲོ།།

ཚིག་ཡོད་མིས་ཚིག་ཆེན་དོན་པོ་བཤད།།

ཚིག་མེད་མིས་ངག་སྙན་པི་ཝང་དཀྲོལ།།

རོགས་སྣང་བ་མཐུན་ན་འདྲ་འདྲ་ཡིན།།

 

༤༩ཁྲ་ཆིལ་ལེ་ནམ་མཁའ་ལངས་དུས།།

ངས་ལུག་བརྒྱ་དེད་དེ་རྫ་ལ་སོང་།།

རྩྭ་བྱི་རུག་བཏུས་ནས་ལུག་བརྒྱར་བྱིན།།

ལུག་འཚེར་མོའི་བལ་ཁ་ཇེ་མཐུག་རེད།།

 

སེར་གྱི་ལེ་ཉི་མ་ཤར་དུས།།

ངས་རྟ་བརྒྱ་དེད་དེ་བྱང་ལ་སོང་།།

བྱང་སྤ་ཏོག་བཏུས་ནས་རྟ་བརྒྱར་བྱིན།།

རྟ་འདོ་བའི་གོམ་ལག་ཇེ་བདེ་རེད།།

 

ནག་གྱི་ལེ་མུན་པ་འཐིབ་དུས།།

ངག་དབྱངས་ལ་བཀུག་སྟེ་གྲོང་ལ་སོང་།།

ཁ་ཚིག་གསུམ་བཤད་དེ་རོགས་བརྒྱར་རྩེ།།

རོགས་ཆུང་ལོའི་སྣང་བ་ཇེ་མཐུན་རེད།།

 

༥༠བཀྲ་ཤིས་པའི་ཚོ་ལུང་གོང་མ་ན།།

སྙིང་རྗེ་ནོ་ངང་བ་སེར་བོ་རེད།།

ཁ་ཕར་འཁོར་རྗེས་ནས་ལྟ་དུས་ན།།

དབུས་བླ་མས་གཟན་ཆུང་དཀྲིས་འདྲ་རེད།།

ཁ་ཚུར་འཁོར་སྔུན་ནས་ལྟ་དུས་ན།།

དབུས་བླ་མས་ཞྭ་མོ་མནབས་འདྲ་རེད།།

ལོ་གཞུག་ལ་བསྐྱུར་རྒྱུ་མ་བཤད་དང་།།

ཉིན་ཞག་རེར་བློས་ཐོངས་དཀའ་གི།

 

བཀྲ་ཤིས་པའི་ཚོ་ལུང་བར་མ་ན།།

སྙིང་རྗེ་ནོ་གོམ་ཆེན་འདོ་བ་རེད།།

ཁ་ཕར་འཁོར་རྗེས་ནས་ལྟ་དུས་ན།།

འགྲོས་གོམ་པ་ཨ་ལོང་བརྡུངས་འདྲ་རེད།།

ཁ་ཚུར་འཁོར་སྔུན་ནས་ལྟ་དུས་ན།།

མགོའི་ཕུམ་ཕུམ་དར་སྐུད་བླས་འདྲ་རེད།།

ལོ་གཞུག་ལ་བསྐྱུར་རྒྱུ་མ་བཤད་དང་།།

ཉིན་ཞག་རེར་བློས་ཐོངས་དཀའ་གི།།

 

བཀྲ་ཤིས་པའི་ཚོ་ལུང་ཞོལ་མ་ན།།

སྙིང་རྗེ་ནོ་ཞེ་མཐུན་མ་ལོ་རེད།།

ཁ་ཕར་འཁོར་རྗེས་ནས་ལྟ་དུས་ན།།

ལུས་སྐྱེ་གཟུགས་སྦ་དཀར་དྲང་སྐྱེས་རེད།།

ཁ་ཚུར་འཁོར་སྔུན་ནས་ཉན་དུས་ན།།

ཚིག་བཤད་ནོ་ཆུ་དང་འོ་མ་རེད།།

ལོ་གཞུག་་བསྐྱུར་རྒྱུ་མ་བཤད་དང་།།

ཉིན་ཞག་རེར་བློས་ཐོངས་དཀའ་གི།

 

༥༡སྟོད་ལྷ་ཁང་ཁྱམས་ནས་ཀི་རེ་འདེབས།།

སྟོད་དབུས་གཙང་བླ་མས་མི་བཀྱོན་མོད།།

སྟོད་དབུས་གཙང་བླ་མས་བཀྱོན་བཏང་ན།།

དབུས་བན་ཆུང་ཐལ་སྐད་ཡིན་ཁུལ་བྱེད།།

 

བར་སྤང་རིའི་དཀྱིལ་ནས་ཟིག་རིང་འདེབས།།

ནང་དྲིན་ཆེན་ཕ་མས་མི་གོ་མོད།།

ནང་དྲིན་ཆེན་ཕ་མས་གོ་བཏང་ན།།

ལུག་གཡང་དཀར་འཚོས་སྐད་ཡིན་ཁུལ་བྱེད།།

 

ཐང་ཕྱི་ནང་བར་ནས་བརྡ་རེ་རྒྱག།

ནང་ལས་མཐུན་བཟའ་བས་མི་གོ་མོད།།

ནང་ལས་མཐུན་བཟའ་བས་གོ་སོང་ན།།

ཨ་རག་ཆང་གིས་བཟི་ཁུལ་བྱེད།།

 

༥༢ནགས་ཙན་དན་པད་མ་འདབ་བརྒྱ་རེད།།

མགོ་སིལ་ཏོག་བྱུར་དཀར་བྱུར་དམར་རེད།།

བྱ་ཁུ་བྱུག་ཡིད་སྨོན་གཏོང་ས་རེད།།

 

བོད་ཚོ་ཆེན་ཤེལ་དཀར་མེ་ལོང་རེད།།

རོགས་ཆུང་ལོ་བྱུར་དཀར་བསྒྲིགས་འདྲ་རེད།།

ཕོ་ངེད་ཚོས་ཡིད་སྨོན་གཏོང་ས་རེད།།

 

༥༣ཁངས་མ་བབས་རི་རྩེ་དཀར་ནོ།།

ཆགས་བཞག་ན་གངས་དཀར་རི་རེད།།

 

ལོ་མ་བཏབ་རི་སྐེད་སྔོ་ནོ།།

ཆགས་བཞག་ན་ཙན་དན་ལོ་མ་རེད།།

 

རོགས་མ་རྩེ་སྣང་་མཐུན་ནོ།།

ཆགས་བཞག་ན་ལས་མཐུན་རོགས་རེད།།

 

༥༤ཆང་བདུད་རྩི་ཁ་ལ་ཞིམ་པ་འདི།།

དབུས་བླ་མས་བཀྱོན་རུང་འཐུང་དགོས།།

རྟ་འདོ་བ་ཤེའུ་ཐིག་བརྒྱད་པ་ཅན།།

དངུལ་མོད་པོ་ཤོར་རུང་ཉོ་དགོས།།

 

རོགས་མ་ལོ་མཐུན་པའི་དྲུག་སྐོར་བོ།།

གཏམ་མི་ཁ་འཁོར་རུང་རྩེ་དགོས།།

 

༥༥ངའི་ལག་གི་ཕྲེང་བའི་དཀྱིལ་ན།།

བྱུར་དཀར་བྱུར་དམར་གཉིས་ཡོད།།

གཡུ་དྲུག་དཀར་གཅིག་དང་གསུམ་ཡོད།།

འདིའི་ཡན་གྱི་འགངས་ཆེན་ང་མེད།།

འདི་གཅིག་གི་བསམ་པས་ཁྱོད་འཛིན།།

 

ངའི་ཕུགས་ཀྱི་གོས་སྒམ་ནང་ན།།

གོས་འབྲུག་མ་གསེར་མ་གཉིས་ཡོད།།

བྱ་རྨ་བྱ་ཅན་དང་གསུམ་ཡོད།།

འདིའི་ཡན་གྱི་འགངས་ཆེན་ང་མེད།།

འདི་གཅིག་གི་བསམ་པས་ཁྱོས་འཛིན།།

 

ས་སྡེ་ཆེན་གཡུང་དྲུང་ནང་ན།།

རོགས་ཁ་འགྲོགས་ཞེ་འགྲོགས་གཉིས་ཡོད།།

ཁྱིམ་བཟའ་བ་གཅིག་དང་གསུམ་ཡོད།།འ

དིའི་ཡན་གྱི་འདང་ཆེན་ང་མེད།།

འདི་གཅིག་གི་བསམ་པས་ཁྱོད་འཛིན།།

 

༥༦ངའི་ཤེལ་དཀར་གའུའི་ནང་ན།།

སྐྱེ་བདུན་རིལ་བུ་གསུམ་ཡོད།།

དེའི་གཅིག་གི་བསམ་པས་ཁྱོད་འཛིན།།

 

ངའི་མཛུབ་ཆུང་བར་མའི་དཀྱིལ་ན།།

དངུལ་དཀར་བོའི་ཨ་ལོང་གསུམ་ཡོད།།

དེའི་གཅིག་གི་བསམ་པས་ཁྱོད་འཛིན།།

 

ངའི་ཡ་ཆུང་གངས་དཀར་སེམས་ན།།

རྣར་སྙན་པའི་ཚིག་གསུམ་བཟུང་ཡོད།།

དེའི་གཅིག་གི་བསམ་པས་ཁྱོད་འཛིན།།

 

༥༧དགུང་ཨ་སྔོན་སྐྱིད་ཀྱི་ཕུ་རིང་ན།།

དགུང་ཉི་མ་སྐྱིད་ཀྱི་ཚེ་འབར་རེད།།

དབྱར་དྲུག་པའི་སྨུག་པ་ལྷུང་རག་ལ།།

སྐྱིད་ཚེ་འབར་འགྲིབ་ནི་དཔེ་མེད།།

 

སྟོད་གངས་དཀར་སྐྱིད་ཀྱི་ཕུ་རིང་ན།།

ཆུ་གཙང་བོ་སྐྱིད་ཀྱི་ཚེ་ཐག་རིང་།།

དགུ་གཅིག་པའི་འཁྱག་གྲང་ཡོང་རག་ལ།།

སྐྱིད་ཚེ་ཐག་ཆད་ནི་དཔེ་མེད།།

 

སྡེ་ཆེན་པོ་སྐྱིད་ཀྱི་ཕུ་རིང་ན།།

ཞེ་མཐུན་སྐྱིད་ཀྱི་ཚེ་འགྲོག་རེད།།

དགྲ་གཤིན་རྗེས་འཇིགས་པ་སྟོན་རག་ལ།།

སྐྱིད་ཚེ་འགྲོགས་འགལ་ནི་དཔེ་མེད།།

 

༥༨གོས་གསེར་མ་ནོར་བུ་ཆ་བདུན་ཅན།།

ཁྱོད་གོས་འཐག་སུམ་ཆུའི་གོས་ཡིན་རུང་།།

ལུས་ཕུང་བོར་གོན་ན་འགྲིག་ནི་གིས།།

ཚེ་གང་གི་ཤོམ་ལྭ་བྱས་ན་འདོད།།

 

རྟ་འདོ་བ་ཤེའུ་ཐིག་བརྒྱད་པ་ཅན།།

ཁྱོད་རྟ་བདག་སུམ་ཅུའི་རྟ་ཡིན་རུང་།།

འགྲོས་གོམ་གསུམ་སོང་ན་བདེ་ནི་གིས།།

ཚེ་གང་གི་བློ་རྟ་བྱས་ན་འདོད།།

 

རོགས་ཆུང་ལོ་མཐུན་པ་དྲུག་སྐོར་ཅན།།

ཁྱོད་ན་ཟླ་སུམ་ཅུའི་རོགས་ཡིན་རུང་།།

ཞེ་སྣང་བ་གཉིས་ཀ་མཐུན་ནི་གིས།།

ཚེ་གང་གི་རྩེད་རོགས་བྱས་ན་འདོད།།

 

༥༩དགུང་ཨ་སྔོན་འདབས་ལ་སྤྲིན་གྱིས་བསྐོར།།།

སྤྲིན་དཀར་བོའི་འདབས་ལ་ཆར་གྱིས་བསྐོར།།

ཆར་ཉིན་སྲིབ་མེད་ལ་བབས་བཏང་ན།།

འབྲུག་ཕོ་ཆུང་བསམ་དོན་དེ་ནས་འགྲུབ།།

 

རྫ་ཁྲ་ཡག་འདབས་ལ་རྩྭ་ཡིས་བསྐོར།།

རྩྭ་བྱི་རུག་འདབས་ལ་སྨན་གྱིས་བསྐོར།།

སྨན་ཉིན་སྲིབ་མེད་ལ་སྐྱེས་བཏང་ན།།

འབྲི་ཐུལ་མའི་བསམ་དོན་དེ་ནས་འགྲུབ།།

 

སྡེ་ཚོ་ཆེན་འདབས་ལ་རོགས་ཀྱིས་བསྐོར།།

རོགས་ཆུང་ལོའི་འདབས་ལ་ཚིག་གིས་བསྐོར།།

ཚིག་གསང་བསྐྱུར་མེད་ལ་བཤད་བཏང་ན།།

རོགས་ངེད་ཚོའི་བསམ་དོན་དེ་ནས་འགྲུབ།།

 

༦༠སྟོད་རི་རྒྱལ་ལྷུན་པོ་བརྟན་ནེ་བོ།།

རི་སྨུག་པས་བཟུང་ན་ཇེ་དྭངས་རེད།།

 

རྫ་ཆུ་བསིལ་མ་དྭངས་སེ་བོ།།

ཆུ་མདོ་ལ་བཞུར་ན་ཇེ་དྭངས་རེད།།

 

རོགས་མ་ལོ་སྣང་བ་མཐུན་ནེ་བོ།།

ཁ་བགད་དེ་རྩེ་ན་ཇེ་མཐུན་རེད།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།