གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མི་རབས་གསུམ་པའི་སྙན་ངག་པ་མདའ་བཙན་པོ་སོགས་ལ་སྐབས་གཉིས་པའི“གངས་རྒྱན་མེ་ཏོག”རྩོམ་རིག་བྱ་དགའ་ཐོབ་པ།

2009-10-28 10:12:00 ངེད་དྲ་བ། ཀློག་གྲངས། མཆན ཡོད།

      ཟླ་བཅུ་བའི་ཚེས་ཉེར་དྲུག་ཉིན། རྒྱལ་ཡོངས་སྐབས་གཉིས་པའི“གངས་རྒྱན་མེ་ཏོག”རྩོམ་རིག་བྱ་དགའ་གནང་པའི་མཛད་སྒོའི་ཚོགས་འདུ་ཟི་ལིང་ཉི་མའི་འཚོ་བ་གླུ་གར་གླིང་ནས་གཟབ་རྒྱས་ངང་ཚོགས། ཚོགས་ཐོག་ནས་བོད་ཀྱི་མི་རབས་གསུམ་པའི་ན་གཞོན་སྙན་ངག་པ་མདའ་བཙན་པོ་དང་རོང་བོ་དགེ་འདུན་ལྷུན་གྲུབ། མདོ་སྨད་ཧེ་རུ་ཀ   དཔལ་མོ།  ཕུན་ཚོགས་རྒྱལ་བཅས་མི་ལྔ་ལ་རྒྱལ་ཡོངས་སྐབས་གཉིས་པའི“གངས་རྒྱན་མེ་ཏོག”རྩོམ་རིག་བྱ་དགའ་ཐོབ་པ་དང་། མི་རེར་དམངས་སྒོར་སྟོང་གསུམ་གྱི་བྱ་དགའི་གསོལ་རས་གནང་། «གངས་རྒྱན་མེ་ཏོག»རྩོམ་སྒྲིག་ཁང་གི་འཕགས་པ་ཐར་དང་ཕུན་ཚོགས་རྒྱལ།  ཀླུ་འབུམ་རྒྱལ།  ལྕགས་འབུམ་རྒྱལ།  ཆོས་འཚོ་བཅས་མི་ལྔ་ལ་རྒྱལ་ཡོངས་སྐབས་གཉིས་པའི“གངས་རྒྱན་མེ་ཏོག”རྩོམ་རིག་བྱ་དགའི་རྩོམ་སྒྲིག་པ་ཞེས་པའི་བྱ་དགའ་ཐོབ།
     མིག་སྔའི་གནས་བབས་ལ་གཞིགས་ན། བོད་ཀྱི་དེང་རབས་རྩོམ་རིག་གི་བྱ་དགའ་དེ་བྱ་དགའི་དངུལ་ཉུང་བ་དང་། དཔྱད་འདེམས་པའི་ཐོབ་ཐང་ལ་ཁག་ཐེག་མེད་པ། སྤྱི་ཚོགས་ཀྱི་ཤུགས་རྐྱེན་ཆུང་བ། གཞུང་ཕྱོགས་ཀྱི་བཀོད་འདོམས་ལས་འབྲལ་མི་ཐུབ་པ་སོགས་གནད་དོན་མང་པོའི་རྐྱེན་པས་བོད་ཀྱི་དེང་རབས་རྩོམ་པ་པོ་ཚོར་སྐུལ་མ་དང་གདེང་འཇོག་བྱེད་སྤྱད་ངོ་མ་ཞིག་ཏུ་འགྱུར་ཐུབ་ཀྱིན་མེད་ནའང་། <<སྦྲང་
ཆར>>དང་། <<གངས་རྒྱན་མེ་ཏོག>> <<ཟླ་ཟེར>>སོགས་གཞུང་ཕྱོགས་ཀྱི་དུས་དེབ་ཁག་དང<<གུར་ཀུམ་ཆུན་པོ>>དང་། <<རིག་གནས་ཡར་སྤེལ>>སོགས་དམངས་ཁྲོད་ཀྱི་དུས་དེབ་ཁག་གིས་འཕྲོ་རིམ་འཕྲོར་རྩོམ་རིག་གི་བྱ་དགའ་སྟེར་བའི་བྱ་འགུལ་བསྟུད་མར་སྤེལ་གྱིན་ཡོད་པས་དེ་ཉིད་བོད་ཀྱི་རྩོམ་པ་པོ་དག་གི་དོ་སྣང་བྱ་ཡུལ་ཞིག་ཏུ་འགྱུར་གྱིན་པའི་སྒང་ངོ་།།
      ཐེངས་འདིར་མི་རབས་གསུམ་པའི་རྩོད་གཞི་ཅན་གྱི་སྙན་ངག་པ་མདའ་བཙན་པོར་རྩོམ་རིག་བྱ་དགའ་དེ་ཐོབ་པ་ནི་ཀློག་མཁན་དང་དཔྱད་འདེམས་པས་མི་རབས་གསུམ་པ་ཞེས་པའི་རྩོམ་རིག་གི་ཚོགས་པ་དེའི་གྲུབ་འབྲས་སྤྱི་བའི་གྲལ་ནས་དངོས་སུ་ཁས་བླངས་པ་ཤུགས་ནས་མཚོན་འདུག་ཅེས་ཀློག་མཁན་འགའ་ཞིག་གིས་གླེང་ལ། བྱ་དགའ་སྟེར་བའི་མཛད་སྒོའི་རྗེས་སུ་མཚོ་སྔོན་བོད་སྐད་རླུང་འཕྲིན་གྱི་ཁ་བརྡའི་ལེ་ཚན་དུའང་མདའ་བཙན་པོར་བཅར་འདྲི་བྱས་པས་སྣང་ཚུལ་དེ་ལ་སྤྱི་ཚོགས་ཡོངས་ཀྱིས་ཉན་འདོད་ཡོད་པ་མངོན་འདུག་གོ།
     
   

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།