སྨྱུ་གུ་ཐོགས་པའི་བོད་ཀྱི་ན་གཞོན་ཤེས་རབ་ཅན་ཚོའི་བློ་ཁ་རང་དབང་དང་། དམངས་གཙོ།  ཐོབ་ཐང་། འདྲ་མཉམ་སོགས་མི་ཇུས་བསམ་བློ་ཡི་སྟེང་ལ་མངོན་པར་ཕྱོགས་པའི་སྐབས་འདི་ལྟ་བུ་ཞིག་ལ་ཡི་གེའི་ཀུན་རྟོག་གམ་སྒྱུ་རྩལ་ཁོ་ནར་གཏོགས་པའི་རྩོམ་རིག་གི་དུས་དེབ་ཅིག་བསྒྲིག་པ་ནི་འོས་སུ་མ་མཆིས་ཤིང་།   ལས་དེ་ནི་སྨྱུག་འཛིན་རྣམས་ངལ་བའི་རྒྱུ་དང་ལས་ཐོག་རྣམས་ཉོབ་པའི་ལས་སུ་གྱུར་བའི་ལས་ཀ་བསྐྱར་ཟློས་ཤིག་ཡིན་པའང་སྔ་མོ་ནས་ཤེས་པས་མི་ཚད་ཁའང་སྐྱེངས་ནས་ཡོད།   ཡིན་ནའང་བོད་ཀྱི་ན་གཞོན་བྱིངས་ཀྱི་ཤེས་ཡོན་གྱི་ཧེ་བག་ཆེ་བ་དང་།  བསམ་བློའི་བར་ཁྱད་གསལ་བ། ཆུ་ཚད་དོ་མི་མཉམ་པ། ཐ་ན་ན་གཞོན་འགའ་རེས་ནི་དོ་ཁུར་གྱི་མིག་ཟུང་ཡུལ་གཞན་ལ་གཏོད་པ་དང་ཀ་མད་སུམ་ཅུའི་ལས་དབང་ལའང་རྦད་དེ་བསམ་བློ་མི་འཁོར་བའི་གནས་ཚུལ་དངོས་མར་དམིགས་ནས་ང་ཚོ་སྟེ་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་ཞིབ་འཇུག་སློབ་མ་རྣམས་ཀྱིས<<ལང་ཚོ>>ཟེར་བའི་རྩོམ་རིག་ལོ་ཕྱེད་དེབ་ཅིག(དེབ་དང་པོ་བཀྲམ་ཟིན)སྤྱི་ཚོགས་སྟེང་གི་སྒེར་གཉེར་དུས་དེབ་ཀྱི“ཕྱགས་ལུད”ཁྲོད་གཡུག་ནས་ཡོད་ཅིང་། ད་རེས་དེབ་གྲངས་གཉིས་པ་ཕུད་འཆར་ཡོད་པས་རྩོམ་རིག་གསར་རྩོམ་གྱི་ལས་དང་བོར་ཞུགས་མཁན་དང་གཞུང་དེབ་སོགས་སུ་འཁོད་མ་ནུས་པར་ལུས་པའི་སྒམ་ཉར་རྩོམ་ཡིག་རྣམས་འདི་གར་བསྐུར་དང་དུས་དེབ<<ལང་ཚོ>>ཡིས་ཁྱོད་ཚོའི་ལང་ཚོ་ཆུད་ཟོས་སུ་མི་གཏོང་ཁོ་ཐག་ཡིན་ནོ། །

རྩོམ་ཁུངས། ངེད་དྲ་བ།