༼གླིང་དཀར་སྟོད་ཀྱི་བྱམས་པ༽ཞེས་པའི་གློག་བརྙན་བཟོས་ཚར་བ།
ཕབ་སྐྲུན་བྱེད་པའི་ཡུལ་དངོས།
དྲིལ་སྒྲོག་པར་རིས།
2011ལོའི་ཟླ་1པའི་ནང་མདོ་ལྷོ་གློག་བརྙན་འཕྲིན་རིག་གནས་སྒྱུ་རྩལ་འཕེལ་རྒྱས་ཚད་ཡོད་ཀུང་སི་དང་ནུབ་བྱང་མི་རིགས་སློབ་གྲྭ་ཆེན་མོའི་སློབ་མས་མཉམ་བསྒྲུབ་སྒོས་ཕབ་འགོ་བཙུགས་པའི་བོད་ཀྱི་དུང་བརྗོད་གློག་བརྙན་༼གླིང་དཀར་སྟོད་ཀྱི་བྱམས་པ༽ཞེས་པ་དེ་བླ་བྲང་བསང་ཁོག་ནས་ཕབ་ལེན་བྱས་པ་ཡོངས་སུ་མཇུག་རྫོགས་པ་དང༌།2011ལོའི་ཟླ་5པའི་ནང་རྒྱ་ཆེའི་ལྟ་མཁན་ཡོངས་ཀྱི་སྤྱན་ལམ་དུ་འབུལ་རྩིས་འདུག
གློག་བརྙན་འདིའི་འཁྲབ་གཞུང་རྩོམ་མཁན་དང་པར་ལེན་པ།འཁྲབ་ཁྲིད་པ།འཁྲབ་མཁན་བཅས་ཆ་ཡོངས་ནས་ཀྱང་ལོ་རབས་80བའི་རྗེས་ཀྱི་བོད་རིགས་ན་གཞོན་ཕོ་མོ་ཤ་སྟག་ཡིན་པས།ཁོ་ཚོའི་འཇིག་རྟེན་ལྟ་ཚུལ་དང༌།མི་ཚེའི་ལྟ་ཚུལ།རིན་ཐང་གི་ལྟ་ཚུལ་བཅས་དམིགས་གསལ་འབུར་དུ་དོད་པས། ལྷན་རྒྱས་ལ་རོ་མྱོང་གསར་བ་ཞིག་སྟེར་ངེས།
རེབ་འདིའི་བོད་ཀྱི་དུང་བརྗོད་གློག་བརྙན་《གླིང་དཀར་སྟོད་ཀྱི་བྱམས་པ》ཞེས་པའི་ནང་སློབ་ཆེན་སློབ་མ་ཞིག་གཞི་རིམ་དུ་དམངས་སྲོལ་རིག་གནས་འཚོལ་བསྡུར་བསྐྱོད་པའི་བྱ་རིམ་ཁྲོད་རྩྭ་ཐང་གི་གཞོན་ནུ་མ་ཞིག་གི་མཛེས་སྡུག་དང་རྣམ་དག་དྭངས་གཙང་ལ་སེམས་པ་རྨང་ནས་ཤོར་བའི་གནས་ཚུལ་རྒྱུད།ཁོ་བོའི་མི་ཚེ་འདིའི་སྒང་གི་བརྩེ་དུང་གི་གདམས་ག་དེ་ནང་སེམས་གྱི་གཏིང་ནས་འགྱུར་བ་གཏོང་དཀའ་བ་བྱུང་ཡང་།འཚོ་གནས་ཁོར་ཡུག་དང་ལས་གནས་ཀྱི་འགལ་བ་འདིས་སྡུག་བསྔལ་དང་བློ་ཕམ་བྱུང་བའི་གནས་ཚུལ་བརྗོད་ཡོད།
ལས་ཞུགས་མི་སྣའི་མཉམ་པར།
རྩོམ་ཁུངས། ངེད་དྲ་བ།