རྒྱ་ཆེའི་སྙུག་ཐོགས་པ་རྣམ་པ།
   ང་ཚོ་ལོ་རྒྱུས་ཀྱི་བསྐལ་བ་རིང་མོར་རིམ་གྱིས་བརྒལ་ཏེ་ཕྱི་ཚུལ་གྱི་སྟེང་ནས་དུས་རབས་གསར་བར་ཁ་ཕྱོགས་ཁུལ་གྱི་འདུ་ཤེས་ཤིག་མྱི་རེ་རེའི་རྐང་ལ་ཅུང་ཙམ་འཕྲོད་ཡོད་ནའང་།དངོས་ཡོད་འཚོ་བའི་རུལ་མྱགས་དག་མ་གསེང་མ་སྦེད་ཀྱིས་བཤད་ན་ང་ཚོ་ད་སོ་མ་བསམ་བློ་གསར་བའི་མྱུ་གུ་གསར་དུ་འབུས་པ་ཙམ་ཡིན་ལ།ཁ་གསལ་ལྕེ་དག་གི་སྒོ་ནས་མྱི་དོན་ངོ་མ་བོ་གླེང་མཁན་ཡང་འུ་ཅག་གི་ལོ་དེབ་དང་དུས་དེབ་ཀྱི་ཁྲོད་ན་རེ་གཉིས་ཤིག་ལས་མེད་པས།ན་གཞོན་ང་ཚོ་ཡང་སློབ་སྦྱོང་གི་འཚོ་བའི་ཁྲོད་ནས་རང་ཉིད་ལ་སྐུལ་ལྕག་དང་སྒུལ་ཤུགས་ཤིག་གིས་དཀྲོགས་ཏེ་མེ་འོད་ལོ་དེབ་ནི་རྣམ་པ་གསར་བ་ཞིག་གམ་ཁེར་ཚུགས་ཀྱི་རྨང་གཞི་ཞིག་ནས་འགོ་རྩོམ་འདོད་ཡོད་པས།བོད་ཀྱི་ན་གཞོན་རྩོམ་དགའ་རྣམས་ལ་ཆེད་དུ་ཞུའོ།།
   ༼མེ་འོད༽ལོ་དེབ་ཏུ་འབོལ་རྩོམ་དང་རང་མོས་སྙན་ངགད་དུང་ཁ་སང་དེ་རིང་གི་དྲ་དེབ་སྟེགས་གསུམ་གང་ཡིན་ན་རྩོད་གཞིའི་ཚ་རླབས་འཕྱུར་གྱིན་པའི་བཅད་རྩོམ་གསར་མའི་སྙན་ངག་བཅས་ཀྱི་རྩོམ་ལུས་ཡིན་པའི་བརྩམས་ཆོས་ལེགས་ཤས་ཁག་ཅིག་བོད་ཀྱི་ན་གཞོན་གྱི་དཔུང་སྡེ་ལ་རྩོམ་སློང་དང་འབོལ་སྐུལ་ཞུ་རྒྱུ་ཡིན་ལ།དེ་མིན་བོད་ཀྱི་སློབ་གྲྭ་ཆེ་འབྲིང་གི་སློབ་མ་ཚོར་ལྷག་ཏུ་མགྲོན་འབོད་དམ་རྩོམ་སློང་བྱ་རྒྱུ་ཡིན་པས།རྒྱ་ཆེའི་སྙུག་ཐོགས་པ་ཚོས་རང་གི་བརྩམས་ཆོས་ལེགས་ཤས་རེ་བསྐུར་གནང་ཡོང་བར་དགའ་བསུ་བླ་ལྷག་བྱེད་ཀྱི་ཡོད།
   གཤམ་གྱི་ཆ་རྐྱེན་ལ་དོ་སྣང་བྱ་དགོས།
   འབོལ་རྩོམ་གྱི་ནང་དོན་ཐད་ནས་སློབ་གསོ་རང་བཞིན་ཡིན་ན་ལྷག་ཏུ་བཟང་ལ།དེ་མིན་རྟོགས་སད་རང་བཞིན་དང་དགག་སྒྲུབ་རང་བཞིན་ཡིན་ནའང་ཆོགབཅད་གསར་སྙན་ངག་དང་རང་མོས་སྙན་ངག་ལ་ཚད་ཐིག་མེད་མོད།རྩོམ་སྒྲིག་པས་དམིགས་ཡུལ་དང་མ་ཟིན་ཚེ་དེབ་ཏུ་མི་འགོད།བརྩམས་ཆོས་སྐུར་དུས་ཡིག་ནོར་དང་དོན་སྐྱོན་ལ་གཟབ་དགོས་པ་མ་ཟད།རྩོམ་པ་པོ་རང་ཉིད་ཀྱི་འདྲ་པར་རེ་དང་འབྲེལ་གཏུག་ས་གནས་འབྲེལ་གཏུགས་ཨང་གྲངས་སོགས་གསལ་བོར་འགོད་དགོས།
      བསྡུ་ཡུན།   2011  5  21ནས་2011  9  10

རྩོམ་ཁུངས། ངེད་དྲ་བ།