ཆོས་འཛིན་ཕན་བདེ་དྭ་ཕྲུག་སློབ་གྲྭའི་སློབ་སྤྱི་དགེ་རྒན་བསྟན་འཛིན་དོན་གྲུབ་ལགས་ལྷ་སར་སྐུ་གཤེགས།

 
  དགེ་རྒན་བསྟན་འཛིན་དོན་གྲུབ་ལགས་ཀྱི་སྐུ་པར་འདི་ནི་ཟླ་བ་སྔོན་མའི་ཚེས་༢༨ཉིན་སྒྲོན་པ་ཞིག་ཡིན་པས་ཁོང་གི་ཆེས་མཐའ་མཇུག་གི་སྐུ་པར་དེ་ཡིན།བོད་ཟླ་གཉིས་པའི་ཚེས༡༦དང་སྤྱི་ཟླ༤ཚེས་༧ཉིན་ཆོས་འཛིན་ཕན་བདེ་དྭ་ཕྲུག་སློབ་གྲྭའི་སློབ་སྤྱི་དགེ་རྒན་བསྟན་འཛིན་དོན་གྲུབ་ལགས་སྨན་ཁང་དུ་སྨན་བཅོས་བྱས་ཀྱང་ཕན་འབྲས་མ་ཐོན་པར་ལྷ་སར་སྐུ་གཤེགས་སོང་།
རྒན་ལགས་ཁོང་ནི་སྤྱི་ལོ་༡༩༦༨ལོར་བོད་ལྗོངས་རྒྱལ་རྩེ་རྫོང་མི་ཚང་དཀྱུས་མ་ཞིག་ཏུ་འཁྲུངས་པ་དང་ཆུང་དུས་ནས་སྔོན་མའི་བག་ཆགས་ཀྱིས་འཐུས་སློབ་སྦྱོང་འགྲིམ་ཚར་མ་ཐག་ཕ་ཡུལ་དུ་ལོག་སྟེ་རྒྱལ་རྩེ་ཁ་གདན་བཟོ་གྲྭའི་སྤྱི་ཁྱབ་བཟོ་འགོད་པ་དགེ་རྒན་ཆོས་འཛིན་ལགས་ཀྱི་དྲུང་ནས་བོད་ཀྱི་སྲོལ་རྒྱུན་ཐང་གའི་རི་མོ་མཐིལ་ཐོན་པ་སྦྱངས།
     སྤྱི་ལོ་༡༩༨༤ལོར་དགུང་ལོ་༡༦ལ་སོན་པའི་བསྟན་འཛིན་དོན་གྲུབ་ལགས་གྲོ་མོ་རྫོང་གི་ལམ་བཟོ་རུ་ཁག་གི་བཟོ་པ་ཞིག་ཏུ་འགྱུར།  སྐབས་དེར་ཡང་ཁོང་གིས་སྔར་བཞིན་རི་མོའི་སྒྱུ་རྩལ་གྱི་ལག་ལེན་དང་སློབ་སྦྱོང་ཆགས་མེད་དུ་ཉམས་བཞེས་གནང་བ་དང་།   ༡༩༩༠ལོར་ཁོང་གིས་རང་ཉིད་ཀྱི་ཆུང་དུས་ནས་བཅང་པའི་ཕུགས་བསམ་མངོན་འགྱུར་ཡོང་ཆེད་ཕྱོགས་གང་ཐད་ཀྱི་དཀའ་ངལ་རྣམས་ཁྱད་དུ་བསད་དེ་རང་ཉིད་ཀྱི་ནུས་པ་ཁོ་ནར་བརྟེན་ཏེ་བོད་ལྗོངས་སློབ་ཆེན་སྒྱུ་རྩལ་སློབ་གླིང་དུ་བསྐྱོད་རྒྱུའི་གོ་སྐབས་ཐོབ།  དེ་ནས་རི་མོའི་སློབ་དཔོན་ཆེན་མོ་དགེ་རྒན་བསྟན་པ་རབ་བརྟན་ལགས་ལོ་ངོ་གཅིག་དང་ཕྱེད་ལྷག་ཙམ་རིང་གུས་སྦྱོར་གཉིས་ཀྱི་སྒོ་ནས་ཚུལ་བཞིན་བརྟེན་པས་ཁོང་གི་རི་མོ་སྟེ་ཐང་གའི་སྒྱུ་རྩལ་ལ་སྔོན་མེད་ཀྱི་ཡར་ཐོན་ཆེན་པོ་བྱུང་།
     སློབ་མཐར་ཕྱིན་རྗེས་རྒྱལ་རྩེ་རྫོང་ལམ་བཟོ་རུ་ཁག་གི་དྲིལ་བསྒྲགས་སྐོར་གྱི་ཕྱག་ལས་གནང་བ་དང་།  སྐབས་དེར་ཞིང་གྲོང་གི་ལོ་ཆུང་བུ་མོ་སྐོར་ཞིག་སློབ་གྲྭར་འགྲོ་རྒྱུའི་གོ་སྐབས་མ་རྙེད་པ་གཟིགས་པས་ཁོང་གི་ཐུགས་ལ་ངས་ངེས་པར་དུ་བྱིས་པ་འདི་དག་ལ་རང་ཉིད་ཀྱི་རི་མོ་འབྲི་བའི་ལག་རྩལ་ཤེས་སུ་བཅུག་སྟེ་ཁོང་ཚོ་ཐུན་མིན་གྱི་ལག་རྩལ་དང་ལྡན་པ་ཞིག་བྱེད་ངེས་ཡིན་སྙམ་པའི་སྐུལ་སློང་འགོག་མེད་དུ་བསྐྱེད།
     སྤྱི་ལོ་༡༩༩༤ནས་བཟུང་ཁོང་གི་རང་ཉིད་ཀྱི་ཟླ་ཕོགས་ཅུང་ཟད་དང་། རང་གི་རི་མོའི་བརྩམ་བྱ་འགྲེམས་ཚོང་སོགས་བྱས་པའི་གླས་སློབ་གྲྭར་འགྲོ་མ་ཐུབ་པའི་བྱིས་པ་ཕོ་མོ་འགའ་ཉར་གསོས་གནང་།  ༢༠༠༤ལོར་ཁོང་གིས་རང་ཁྱིམ་ནས་དབུལ་ཕོངས་ཀྱིས་མནར་བའི་བུ་ཕྲུག་སྐོར་ཞིག་ལ་རི་མོ་དང་ཐང་གའི་ལག་རྩལ་སློབ་ཁྲིད་གནང་བའི་བྱ་བཞག་རླབས་ཆེན་འདི་མི་མང་པོས་ཤེས་རྟོགས་བྱུང་བས་ཁོང་གི་གཟིམ་ཁང་དུའང་མི་ཤོང་བའི་སློབ་མའི་ཁ་གྲངས་ཐོད་བརྒལ་བྱུང་།
     དེ་རྗེས་བསྟན་འཛིན་དོན་གྲུབ་ལགས་ནས་ལྷ་སའི་ཤར་རྒྱུད་བདེ་སྡོད་ཁང་ནས་ཁང་པ་གཉིས་གཡར་གནང་མཛད་དེ་སློབ་ཕྲུག་༥༣ལ་ཁྱིམ་ཚང་སློབ་གྲྭ་ཞིག་འཛུགས་གནང་སྟེ་སློབ་གྲའི་མིང་ཡང་རང་ཉིད་ཀྱི་དགེ་རྒན་དམ་པ་ཆོས་འཛིན་ལགས་ཀྱི་མཚན་གྱིས་བརྒྱན་ཏེ་ཆོས་འཛིན་ཕན་བདེ་སློབ་གྲྭ་ཞེས་གསོལ་ལོ།
    ཁོང་གིས་སྤྱི་ཚོགས་ཀྱི་དགོས་མཁོ་གནད་དུ་བཟུང་སྟེ་སློབ་མ་ཚོར་ཐང་གའི་རི་མོ་དང་།  བོད་སྨན།   བོད་ཀྱི་སྲོལ་རྒྱུན་རོལ་ཆ་བཅས་སློབ་ཚན་ཁག་གསུམ་དུ་དབྱེ་བ་མ་ཟད།  སྤྱི་ཚོགས་ཐོག་བོད་སྨན་མཁས་ཅན་དང་བོད་ཀྱི་སྲོལ་རྒྱུན་རོལ་ཆ་མཁས་ཅན་གྱི་དགེ་རྒན་གདན་འདྲེན་ཞུས་ཏེ་སློབ་ཕྲུག་ཚོར་དོན་དམ་གྱི་ཕན་འབྲས་མངོན་གསལ་ཐོན་པས་མཚན་སྙན་སྤྱི་ཚོགས་ཀུན་ལ་ཁྱབ་པའི་གཏམ་བཟང་མངོན་འགྱུར་བྱུང་།
    ༢༠༠༩ལོར་ཨ་ཕོ་ལུག་རྫི་དམངས་ཁྲོད་རིག་གནས་ཁྱབ་སྤེལ་ཚད་ཡོད་ཀུང་སིས་རོགས་སྐྱོར་གནང་བ་བརྒྱུད་སློབ་མ་ཚོའི་སྲོལ་རྒྱུན་རོལ་དབྱངས་ཀྱི་བརྙན་འཁོར་ཐོག་མ་དེ་འགྲེམས་སྤེལ་བྱས་ཤིང་སྤྱི་ཚོགས་ཡོངས་ཁྱབ་ཀྱིས་དགའ་བསུ་ཐོབ།
   བསྟན་འཛིན་དོན་གྲུབ་ལགས་ཀྱིས་རྒྱུན་དུ་ནས་གསུང་དོན་ངས་བྱིས་པ་དག་ལ་སྡོད་གནས་ཙམ་མཁོ་སྤྲོད་བྱེད་རྒྱུ་གཙོ་བོ་མིན་པར་ཁོང་ཚོར་ལག་རྩལ་ཕུལ་དུ་བྱུང་བ་ཞིག་འབྱོང་བར་བྱས་ཏེ་མ་འོངས་པར་འཚོ་བ་ཡག་པོ་ཞིག་རོལ་རྒྱུ་དེ་ཡིན་ལ། ཆབས་ཅིག་བོད་མི་རིགས་ཀྱི་ཕུལ་དུ་བྱུང་བའི་རིག་གནས་རྒྱུད་འཛིན་བྱེད་རྒྱུ་དེའང་ཡིན། ཞེས་པའི་དགོངས་པ་མངོན་དུ་མ་འགྱུར་གོང་༼ད་ཡོད་སློབ་མ་བདུན་ཅུ་ལྷག་ཙམ་ལུས་ཏེ༽ཁོང་སྐུ་གཤེགས་པ་ནི་ང་ཚོའི་སེམས་སུ་བཟོད་བླགས་བྲལ་བའི་གདུང་བ་ཞིག་ཅི་ལ་མིན་ཨང་།
 

རྩོམ་ཁུངས། ཆོས་གྲོགས་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཆོས་འཛིན་ཕན་བདེ་དྭ་ཕྲུག་སློབ་གྲྭའི་སློབ་སྤྱི་དགེ་རྒན་བསྟན་འཛིན་དོན་གྲུབ་ལགས་ལྷ་སར་སྐུ་གཤེགས།

2012-04-10 ཆོས་གྲོགས་དྲ་བ། ཀློག་གྲངས། མཆན ཡོད།

 
  དགེ་རྒན་བསྟན་འཛིན་དོན་གྲུབ་ལགས་ཀྱི་སྐུ་པར་འདི་ནི་ཟླ་བ་སྔོན་མའི་ཚེས་༢༨ཉིན་སྒྲོན་པ་ཞིག་ཡིན་པས་ཁོང་གི་ཆེས་མཐའ་མཇུག་གི་སྐུ་པར་དེ་ཡིན།བོད་ཟླ་གཉིས་པའི་ཚེས༡༦དང་སྤྱི་ཟླ༤ཚེས་༧ཉིན་ཆོས་འཛིན་ཕན་བདེ་དྭ་ཕྲུག་སློབ་གྲྭའི་སློབ་སྤྱི་དགེ་རྒན་བསྟན་འཛིན་དོན་གྲུབ་ལགས་སྨན་ཁང་དུ་སྨན་བཅོས་བྱས་ཀྱང་ཕན་འབྲས་མ་ཐོན་པར་ལྷ་སར་སྐུ་གཤེགས་སོང་།
རྒན་ལགས་ཁོང་ནི་སྤྱི་ལོ་༡༩༦༨ལོར་བོད་ལྗོངས་རྒྱལ་རྩེ་རྫོང་མི་ཚང་དཀྱུས་མ་ཞིག་ཏུ་འཁྲུངས་པ་དང་ཆུང་དུས་ནས་སྔོན་མའི་བག་ཆགས་ཀྱིས་འཐུས་སློབ་སྦྱོང་འགྲིམ་ཚར་མ་ཐག་ཕ་ཡུལ་དུ་ལོག་སྟེ་རྒྱལ་རྩེ་ཁ་གདན་བཟོ་གྲྭའི་སྤྱི་ཁྱབ་བཟོ་འགོད་པ་དགེ་རྒན་ཆོས་འཛིན་ལགས་ཀྱི་དྲུང་ནས་བོད་ཀྱི་སྲོལ་རྒྱུན་ཐང་གའི་རི་མོ་མཐིལ་ཐོན་པ་སྦྱངས།
     སྤྱི་ལོ་༡༩༨༤ལོར་དགུང་ལོ་༡༦ལ་སོན་པའི་བསྟན་འཛིན་དོན་གྲུབ་ལགས་གྲོ་མོ་རྫོང་གི་ལམ་བཟོ་རུ་ཁག་གི་བཟོ་པ་ཞིག་ཏུ་འགྱུར།  སྐབས་དེར་ཡང་ཁོང་གིས་སྔར་བཞིན་རི་མོའི་སྒྱུ་རྩལ་གྱི་ལག་ལེན་དང་སློབ་སྦྱོང་ཆགས་མེད་དུ་ཉམས་བཞེས་གནང་བ་དང་།   ༡༩༩༠ལོར་ཁོང་གིས་རང་ཉིད་ཀྱི་ཆུང་དུས་ནས་བཅང་པའི་ཕུགས་བསམ་མངོན་འགྱུར་ཡོང་ཆེད་ཕྱོགས་གང་ཐད་ཀྱི་དཀའ་ངལ་རྣམས་ཁྱད་དུ་བསད་དེ་རང་ཉིད་ཀྱི་ནུས་པ་ཁོ་ནར་བརྟེན་ཏེ་བོད་ལྗོངས་སློབ་ཆེན་སྒྱུ་རྩལ་སློབ་གླིང་དུ་བསྐྱོད་རྒྱུའི་གོ་སྐབས་ཐོབ།  དེ་ནས་རི་མོའི་སློབ་དཔོན་ཆེན་མོ་དགེ་རྒན་བསྟན་པ་རབ་བརྟན་ལགས་ལོ་ངོ་གཅིག་དང་ཕྱེད་ལྷག་ཙམ་རིང་གུས་སྦྱོར་གཉིས་ཀྱི་སྒོ་ནས་ཚུལ་བཞིན་བརྟེན་པས་ཁོང་གི་རི་མོ་སྟེ་ཐང་གའི་སྒྱུ་རྩལ་ལ་སྔོན་མེད་ཀྱི་ཡར་ཐོན་ཆེན་པོ་བྱུང་།
     སློབ་མཐར་ཕྱིན་རྗེས་རྒྱལ་རྩེ་རྫོང་ལམ་བཟོ་རུ་ཁག་གི་དྲིལ་བསྒྲགས་སྐོར་གྱི་ཕྱག་ལས་གནང་བ་དང་།  སྐབས་དེར་ཞིང་གྲོང་གི་ལོ་ཆུང་བུ་མོ་སྐོར་ཞིག་སློབ་གྲྭར་འགྲོ་རྒྱུའི་གོ་སྐབས་མ་རྙེད་པ་གཟིགས་པས་ཁོང་གི་ཐུགས་ལ་ངས་ངེས་པར་དུ་བྱིས་པ་འདི་དག་ལ་རང་ཉིད་ཀྱི་རི་མོ་འབྲི་བའི་ལག་རྩལ་ཤེས་སུ་བཅུག་སྟེ་ཁོང་ཚོ་ཐུན་མིན་གྱི་ལག་རྩལ་དང་ལྡན་པ་ཞིག་བྱེད་ངེས་ཡིན་སྙམ་པའི་སྐུལ་སློང་འགོག་མེད་དུ་བསྐྱེད།
     སྤྱི་ལོ་༡༩༩༤ནས་བཟུང་ཁོང་གི་རང་ཉིད་ཀྱི་ཟླ་ཕོགས་ཅུང་ཟད་དང་། རང་གི་རི་མོའི་བརྩམ་བྱ་འགྲེམས་ཚོང་སོགས་བྱས་པའི་གླས་སློབ་གྲྭར་འགྲོ་མ་ཐུབ་པའི་བྱིས་པ་ཕོ་མོ་འགའ་ཉར་གསོས་གནང་།  ༢༠༠༤ལོར་ཁོང་གིས་རང་ཁྱིམ་ནས་དབུལ་ཕོངས་ཀྱིས་མནར་བའི་བུ་ཕྲུག་སྐོར་ཞིག་ལ་རི་མོ་དང་ཐང་གའི་ལག་རྩལ་སློབ་ཁྲིད་གནང་བའི་བྱ་བཞག་རླབས་ཆེན་འདི་མི་མང་པོས་ཤེས་རྟོགས་བྱུང་བས་ཁོང་གི་གཟིམ་ཁང་དུའང་མི་ཤོང་བའི་སློབ་མའི་ཁ་གྲངས་ཐོད་བརྒལ་བྱུང་།
     དེ་རྗེས་བསྟན་འཛིན་དོན་གྲུབ་ལགས་ནས་ལྷ་སའི་ཤར་རྒྱུད་བདེ་སྡོད་ཁང་ནས་ཁང་པ་གཉིས་གཡར་གནང་མཛད་དེ་སློབ་ཕྲུག་༥༣ལ་ཁྱིམ་ཚང་སློབ་གྲྭ་ཞིག་འཛུགས་གནང་སྟེ་སློབ་གྲའི་མིང་ཡང་རང་ཉིད་ཀྱི་དགེ་རྒན་དམ་པ་ཆོས་འཛིན་ལགས་ཀྱི་མཚན་གྱིས་བརྒྱན་ཏེ་ཆོས་འཛིན་ཕན་བདེ་སློབ་གྲྭ་ཞེས་གསོལ་ལོ།
    ཁོང་གིས་སྤྱི་ཚོགས་ཀྱི་དགོས་མཁོ་གནད་དུ་བཟུང་སྟེ་སློབ་མ་ཚོར་ཐང་གའི་རི་མོ་དང་།  བོད་སྨན།   བོད་ཀྱི་སྲོལ་རྒྱུན་རོལ་ཆ་བཅས་སློབ་ཚན་ཁག་གསུམ་དུ་དབྱེ་བ་མ་ཟད།  སྤྱི་ཚོགས་ཐོག་བོད་སྨན་མཁས་ཅན་དང་བོད་ཀྱི་སྲོལ་རྒྱུན་རོལ་ཆ་མཁས་ཅན་གྱི་དགེ་རྒན་གདན་འདྲེན་ཞུས་ཏེ་སློབ་ཕྲུག་ཚོར་དོན་དམ་གྱི་ཕན་འབྲས་མངོན་གསལ་ཐོན་པས་མཚན་སྙན་སྤྱི་ཚོགས་ཀུན་ལ་ཁྱབ་པའི་གཏམ་བཟང་མངོན་འགྱུར་བྱུང་།
    ༢༠༠༩ལོར་ཨ་ཕོ་ལུག་རྫི་དམངས་ཁྲོད་རིག་གནས་ཁྱབ་སྤེལ་ཚད་ཡོད་ཀུང་སིས་རོགས་སྐྱོར་གནང་བ་བརྒྱུད་སློབ་མ་ཚོའི་སྲོལ་རྒྱུན་རོལ་དབྱངས་ཀྱི་བརྙན་འཁོར་ཐོག་མ་དེ་འགྲེམས་སྤེལ་བྱས་ཤིང་སྤྱི་ཚོགས་ཡོངས་ཁྱབ་ཀྱིས་དགའ་བསུ་ཐོབ།
   བསྟན་འཛིན་དོན་གྲུབ་ལགས་ཀྱིས་རྒྱུན་དུ་ནས་གསུང་དོན་ངས་བྱིས་པ་དག་ལ་སྡོད་གནས་ཙམ་མཁོ་སྤྲོད་བྱེད་རྒྱུ་གཙོ་བོ་མིན་པར་ཁོང་ཚོར་ལག་རྩལ་ཕུལ་དུ་བྱུང་བ་ཞིག་འབྱོང་བར་བྱས་ཏེ་མ་འོངས་པར་འཚོ་བ་ཡག་པོ་ཞིག་རོལ་རྒྱུ་དེ་ཡིན་ལ། ཆབས་ཅིག་བོད་མི་རིགས་ཀྱི་ཕུལ་དུ་བྱུང་བའི་རིག་གནས་རྒྱུད་འཛིན་བྱེད་རྒྱུ་དེའང་ཡིན། ཞེས་པའི་དགོངས་པ་མངོན་དུ་མ་འགྱུར་གོང་༼ད་ཡོད་སློབ་མ་བདུན་ཅུ་ལྷག་ཙམ་ལུས་ཏེ༽ཁོང་སྐུ་གཤེགས་པ་ནི་ང་ཚོའི་སེམས་སུ་བཟོད་བླགས་བྲལ་བའི་གདུང་བ་ཞིག་ཅི་ལ་མིན་ཨང་།
 

རྩོམ་ཁུངས། ཆོས་གྲོགས་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།