མཆོད་མེ་བོད་ཀྱི་རྩོམ་རིག་དྲ་བའི་འཕྲིན། སྤྱི་ལོ༢༠༡༢ལོའི་ཟླ༡༢པའི་ཚེས༥ཉིན་གྱི་ཕྱི་དྲོའི་ཆུ་ཚོད་བཞི་དང་ཕྱེད་ཀའི་ཐོག་མཚོ་སྔོན་དགེ་ཐོན་སློབ་ཆེན་གྱི་སློབ་ཁྲིད་ཐོག་ཁང༦༠༨སློབ་ཁང་དུ་རྒྱ་མཚོ་རྟགས་ཅན་གྱི་སློབ་ཆེན་སློབ་མའི་རྩོམ་ཡིག་འགྲན་སྡུར་ཞིག་སྤེལ།  ཐེངས་འདིའི་རྩོམ་ཡིག་འགྲན་སྡུར་ནི་སློབ་གླིང་དེ་གའི་སློབ་མའི་སློབ་གསེང་གི་འཚོ་བ་ཕུན་སུམ་ཇེ་ཚོགས་དང་རྩོམ་འབྲིའི་ནུས་པ་སྐྱེད་སྲིང༌། གསར་རྩོམ་གྱི་ལས་ལ་གཞོལ་བའི་སློབ་བུ་དག་ལ་རྩོམ་རིག་གི་ཁ་དབུགས་གསར་བ་ཞིག་སྐྲུན་ཆེད་དུ་ཟི་ལིང་རྒྱ་མཚོ་བརྡ་འཕྲིན་གློག་རྡུལ་ཚད་ལྡན་ཀུང་ཟིས་མ་དངུལ་གྱི་མཐུན་རྐྱེན་སྐྲུན་ཐོག་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་བོད་ཀྱི་སྐད་ཡིག་དང་རྩོམ་རིག་སྡེ་ཁག་གིས་གཙོ་སྒྲུབ་བྱས་ཏེ་སྤེལ་བ་ཞིག་ཡིན། དེར་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་འཛིན་གྲྭ་རེར་འགྲན་ཞུགས་པ་གཉིས་རེ་དང་མི་རིགས་སློབ་གླིང་གི་སྡེ་ཁག་གཞན་པར་འཛིན་གྲྭ་རེར་འགྲན་ཞུགས་པ་གཅིག་རེ་བདམས་ཐོན་བྱུང་ནས་སྡེ་ཁག་མི་གཅིག་པའི་སློབ་གྲོགས་དང་སློབ་གླིང་མི་གཅིག་པའི་སློབ་གྲོགས་ཉེར་ལྔ་ཐེངས་འདིའི་འགྲན་སྡུར་ལ་ཞུགས།        དུས་ཚོད་གཉིས་ཀྱི་ཡུལ་དངོས་འགྲན་སྡུར་གྱི་རྗེས་སུ་དཔྱད་འདེམས་པ་སློབ་གླིང་དེ་གའི་དགེ་རྒན་ཆེན་མོ་མགོན་པོ་ཚེ་རིང་དང་དགེ་རྒན་དོན་གྲུབ་ཚེ་རིང་སོགས་ཀྱིས་དཔྱད་འདེམས་བྱས་མཐར་སློབ་གྲོགས་བཅུ་གཅིག་ལ་ཐེངས་འདིའི་རྒྱ་མཚོ་རྟགས་ཅན་གྱི་སློབ་ཆེན་སློབ་མའི་རྩོམ་ཡིག་འགྲན་སྡུར་གྱི་བྱ་དགའ་ཐོབ། ཐེངས་འདིའི་རྩོམ་ཡིག་འགྲན་སྡུར་གྱི་བྱ་དགའི་རིམ་པ་ནི་ཨང་དང་པོ་གཅིག  བྱ་དགའ་སྒོར༡༥༠༠ཅན་གྱི་ལག་ཁྱེར་ཁ་པར་གཅིག  ཨང་གཉིས་པ་གཉིས །བྱ་དགའ་སྒོར༡༡༠༠ཅན་གྱི་ལག་ཁྱེར་ཁ་པར་གཅིག     ཨང་གསུམ་པ་གསུམ།བྱ་དགའ་སྒོར༥༠༠ཡས་མས་ཀྱི་དཔེ་ཆ། ཕུལ་བྱུང་བྱ་དགའ་ལྔ།           བྱ་དགའ་སྒོར༡༠༠ཡས་མས་ཀྱི་དཔེ་ཆ། ཕུལ་བྱུང་རྩོམ་སྒྲིག་པ་གཅིག བྱ་དགའ་སྒོར༡༥༠༠ཅན་གྱི་ལག་ཁྱེར་ཁ་པར་གཅིག་བཅས་སློབ་གྲོགས་བཅུ་གཉིས་བདམས་ཐོན་བྱུང་། ཐེངས་འདིའི་རྒྱ་མཚོ་རྟགས་ཅན་གྱི་སློབ་ཆེན་སློབ་མའི་རྩོམ་ཡིག་འགྲན་སྡུར་གྱི་དཔྱད་འདེམས་པ་ནི་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་དགེ་རྒན་མགོན་པོ་ཚེ་རིང་དང་དགེ་རྒན་དོན་གྲུབ་ཚེ་རིང་། དགེ་རྒན་དཔལ་ལོ། དགེ་རྒན་རིན་ཆེན་བཀྲ་ཤིས། སློབ་མ་ཨ་རྟ་མགྲིན་སྐྱབས་བཅས་སོ།།
  ༢༠༡༢ལོའི་ཟླ༡༢པའི་ཚེས་༡༤ཉིན་གྱི་ཕྱི་དྲོའི་ཆུ་ཚོད་བཞི་དང་ཕྱེད་ཀའི་ཐོག་མཚོ་སྔོན་དགེ་ཐོན་སློབ་ཆེན་གྱི་ལྷོ་གླིང་སློབ་ཁྲིད་ཐོག་ཁང་གི༡༡༥སྐས་རིམ་སློབ་ཁང་དུ་རྒྱ་མཚོ་རྟགས་ཅན་གྱི་སློབ་ཆེན་སློབ་མའི་རྩོམ་ཡིག་འགྲན་སྡུར་གྱི་བྱ་དགའ་སྤྲོད་པའི་མཛད་སྒོ་རྒྱ་ཆེ་སྤེལ།  ཚོགས་འདུའི་གདན་ཞུའི་སྐུ་མགྲོན་ནི་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་སློབ་སྟོན་ཁྲུའུ་ཡི་ཆན་ཀྲུའུ་རིན་དང་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་ཀྲུའུ་རིན་སྟོབས་ལྡན་དང་ཀྲའུ་རིན་གཞོན་པ་མགོན་པོ་ཚེ་རིང་།  དགེ་རྒན་དོན་གྲུབ་ཚེ་རིང་། དགེ་རྒན་རིན་ཆེན་བཀྲ་ཤིས། ཟི་ལིང་རྒྱ་མཚོ་བརྡ་འཕྲིན་གློག་རྡུལ་ཚད་ལྡན་ཀུང་ཟིའི་ལས་བཟོ་བ་མཁའ་འགྲོ་མཚོ་མོ་སོགས་ཡིན།གཞན་ད་དུང་མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་ཁང་གི་གསར་འགོད་པ་ཡུལ་དངོས་སུ་འབྱོར་ནས་བརྙན་ཕབ་བྱས།  ཚོགས་ཐོག་ཏུ་མདོ་འཛིན་པས་ཚོགས་འདུ་མགོ་འཛིན་བྱས་པ་དང་དགེ་རྒན་མགོན་པོ་ཚེ་རིང་གིས་བྱ་འགུལ་གྱི་ཐོག་མཐའ་བར་གསུམ་གྱི་གནས་ཚུལ་ངོ་སྤྲོད་བྱས་པ་དང་དགེ་རྒན་དོན་གྲུབ་ཚེ་རིང་གིས་འགྲན་ཞུགས་རྩོམ་ཡིག་དག་གི་ལེགས་པའི་ཆ་དང་མི་ལེགས་པའི་ཆ། རྗེས་ཕྱོགས་མཉམ་འཇོག་དགོས་སའི་ཐད་ནས་གསུང་བཤད་མང་པོ་བྱས།  རྒྱ་མཚོ་རྟགས་ཅན་གྱི་སློབ་ཆེན་སློབ་མའི་རྩོམ་ཡིག་འགྲན་སྡུར་གྱི་བྱ་དགའ་ཨང་དང་པོ་ཐོབ་མཁན་ནི་མི་གཞུང་སློབ་གླིང་གི ༡༠མི་གཞུང་སློབ་གསོའི་འཛིན་གྲྭའི་སློབ་གྲོགས་བཀྲ་ཤིས་རྒྱལ།བྱ་དགའ་ཨང་གཉིས་པ། མི་རིགས་སློབ་གླིང་གི་བོད་ཡིག་སྡེ་ཁག༡༠བོད་ཡིག་འཛིན་གྲྭ་ཁ་བའི་སློབ་གྲོགས་འབྲུག་པ། མི་རིགས་སློབ་གླིང་གི་དངོས་ལུགས་སྡེ་ཁག༡༡དངོས་ལུགས་འཛིན་གྲྭའི་སློབ་གྲོགས་ཡུལ་ལྷ་ཐར། བྱ་དགའ་ཨང་གསུམ་པ། མི་རིགས་སློབ་གླིང་གི་རྫས་འགྱུར་སྡེ་ཁག༡༢རྫས་འགྱུར་འཛིན་གྲྭའི་སློབ་གྲོགས་ཀླུ་སྐྱབས་རྒྱལ མི་རིགས་སློབ་གླིང་གི་བོད་དབྱིན་སྡེ་ཁག༡༠བོད་དབྱིན་འཛིན་གྲྭའི་སློབ་གྲོགས་དབང་ཆེན་ཚེ་རིང་། མི་རིགས་སློབ་གླིང་གི་བོད་དབྱིན་སྡེ་ཁག༡༡བོད་དབྱིན་འཛིན་གྲྭའི་སློབ་གྲོགས་ཀླུ་བྱམས་ཡག  ཕུལ་བྱུང་བྱ་དགའ།  མི་རིགས་སློབ་གླིང་གི་བོད་ཡིག་སྡེ་ཁག༡༠བོད་ཡིག་འཛིན་གྲྭ་ཁ་བའི་སློབ་གྲོགས་ཚེ་རིང་དོན་གྲུབ།  མི་རིགས་སློབ་གླིང་གི་བོད་ཡིག་སྡེ་ཁག༡༠བོད་ཡིག་འཛིན་གྲྭ་ཀ་བའི་སློབ་གྲོགས་ཚེ་རིང་དཔའ་རྒྱལ།  མི་རིགས་དགེ་ཐོན་སློབ་གླིང་གི་བོད་ཡིག་སྡེ་ཁག༡༢བོད་ཡིག་འཛིན་གྲྭའི་སློབ་གྲོགས་ཉི་མ་ཚེ་རིང་།  མི་རིགས་དགེ་ཐོན་སློབ་གླིང་གི་དངོས་ལུགས་སྡེ་ཁག༡༢དངོས་ལུགས་འཛིན་གྲྭའི་སློབ་གྲོགས་ཚེ་བྷོ།  མི་རིགས་དགེ་ཐོན་སློབ་གླིང་གི་རྫས་འགྱུར་སྡེ་ཁག༡༡རྫས་འགྱུར་འཛིན་གྲྭའི་སློབ་གྲོགས་ལྷག་པ།  ཕུལ་བྱུང་རྩོམ་སྒྲིག་པ།    མི་རིགས་དགེ་ཐོན་སློབ་གླིང་གི་བོད་ཡིག་སྡེ་ཁག༡༡བོད་ཡིག་འཛིན་གྲྭའི་སློབ་གྲོགས་རྟ་མགྲིན་སྐྱབས་བཅས་ལ་བྱ་དགའ་གནང་། མཇུག་མཐར་དགེ་རྒན་སྟོབས་ལྡན་གྱིས་ཐེངས་འདིའི་རྩོམ་ཡིག་འགྲན་སྡུར་ལ་དགེ་མཚན་མི་དམན་པ་ཡོད་པ་སོགས་ཕྱོགས་བསྡོམས་བྱས་ཏེ་རྒྱ་མཚོ་རྟགས་ཅན་གྱི་སློབ་ཆེན་སློབ་མའི་རྩོམ་ཡིག་འགྲན་སྡུར་བདེ་ལེགས་ངང་མཇུག་སྒྲིལ་བར་བྱས།                              
 

རྩོམ་ཁུངས། ངེད་དྲ་བ།