གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

གཙང་ཁུལ་གྱི་བོད་ཡིག་གི་དྲ་བ་ཐོག་མ་ཤར་གཏོང་བྱས་པ།

2013-02-28 15:09:00 གངས་ཕྲུག་རྩམ་གཟན། ཀློག་གྲངས། མཆན ཡོད།

 དྲ་གྲོགས་ལགས་སྐུ་གཟུགས་བཟང་པོ། གངས་ལྗོངས་ཤེས་རིག་གླིང་ཞེས་མཚན་སྙན་སྲིད་ཞིའི་ཁྱོན་ལ་ཁྱབ་པའི་ཞིང་ཁམས་དམ་པ་འདི་ཉིད་དུ།  སྔོན་བྱོན་མེས་པོ་ཆོས་རྒྱལ་རིམ་བྱོན་དང་། ལོ་པཎ་མཁས་གྲུབ་རྣམས་ཀྱི་གཞལ་མེད་སྐུ་དྲིན་ལས། མི་རིགས་གཞན་གྱི་རིག་གནས་ཀྱི་བཅུད་འདུས་ཤིང་། རང་ཡུལ་སྣོད་བཅུད་ཀྱི་ཐུན་མོང་མ་ཡིན་པའི་ཁྱད་ཆོས་ལས་བྱུང་བའི་བཅུ་ཕྲག་རིག་པའི་གནས་ཀྱིས་བསྡུས་པའི་ངོ་མཚར་རིག་པ་མང་ཞིག་དར་བ། དེ་ཉིད་འཛིན་སྐྱོང་སྤེལ་གསུམ་བྱེད་མཁན་གྱི་མཁས་མཆོག་ས་ཡི་དྲེགས་པའི་གྲངས་ལ་འཕྱ་བ་བྱོན་པ་དག་གི་རྨད་བྱུང་འཕྲིན་ལས་ཀྱི་གཟི་བྱིན་བླ་ན་འབར་ཞིང་། འཆད་རྩོད་རྩོམ་གསུམ་གྱི་འོད་རྣོན་ཕྱོགས་བརྒྱར་སྤྲོ་བའི་ལེགས་བཤད་གསུང་རབ་པོ་ཏི་ཡང་མཐའ་ཡས་པ་བཞུགས་ཡོད་ལ། ཁྱད་པར་ཉེར་གཅིག་རྫོགས་ལྡན་ཤེས་བྱའི་དུས་འདིར་གློག་ཀླད་དང་དྲ་བ་ལས་ཀྱང་བཅུ་ཕྲག་རིག་གནས་དར་སྤེལ་དང་རྒྱུན་འཛིན་བྱ་བའི་ཚ་རླབས་ཤིག་མདོ་སྨད་ཙོང་ལ་རིང་མོའི་རྒྱ་རྒྱུད་ནས་ཕྱོགས་བཞིར་མཆེད་བཞིན་ཡོད་ནའང་མིག་སྔའི་བར་གཙང་ཁུལ་དུ་དེ་ལྟའི་ཚ་རླབས་ཀྱི་ཤུགས་རྐྱེན་ལས་བསྐྱེད་པའི་དུས་བསྟུན་ཡར་འཕེལ་གྱིས་བཅུ་ཕྲག་རིག་གནས་དར་སྤེལ་དང་རྒྱུན་འཛིན་ལ་སྨན་པའི་བྱ་བ་ཞིག་གི་འགོ་བརྩམ་རྒྱུར་ལུས་འདུག་པའི་སྐབས་སུ། བོད་ཀྱི་རིག་གནས་ལ་དུང་ཞེན་ཆེ་ཞིང་། ཁྱད་པར་གཙང་ཁུལ་གྱི་ཁྱད་འཕགས་རིག་གནས་ལ་དག་སྣང་མི་ཆུང་བའི་དྲ་གྲོགས་མེ་འབར་ལགས་ཀྱིས་གཙང་ཁུལ་གྱི་ཆེས་ཐོག་མའི་བོད་ཡིག་དྲ་བ་སེན་མགོ་མེ་འབར་ཞེས་པ་འདི་ཡང་གཙང་ཁུལ་རིག་གནས་བརྒྱུད་སྒྲོག་དང་། རྒྱུད་འཛིན། དར་སྤེལ་ལ་དམིགས་ནས་གསར་
འཛུགས་གནང་བ་ཡིན།།
  དྲ་གནས       http://sgmebar.com བཅས་གངས་ཕྲུག་རྩམ་གཟན་གྱིས་བོད་ཆུ་སྦྲུལ་ལོའི་རྒྱལ་ཟླའི་དཀར་ཕྱོགས་དགེ་བ་དང་པོར།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།