གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྐབས་གསུམ་པའི༼གངས་རྒྱན་མེ་ཏོག༽གི་རྩོམ་རིག་བྱ་དགའ་སྟེར་བའི་མཛད་སྒོ་ཟི་ལིང་དུ་བསྡུས་པ།

2012-12-25 11:45:00 བཀྲ་ཤིས་དོན་གྲུབ། ཀློག་གྲངས། མཆན ཡོད།

  རྒྱལ་ཡོངས་སྐབས་གསུམ་པའི“གངས་རྒྱན་མེ་ཏོག”རྩོམ་རིག་བྱ་དགའ་གནང་བའི་མཛད་ སྒོ་ཟླ་བཅུ་གཉིས་པའི་ཚེས་ཉེར་གཉིས་ཉིན་གནའ་མཁར་ཟི་ལིང་ནས་གཟབ་རྒྱས་ངང་བསྡུས། མཚོ་སྔོན་ཞིང་ཆེན་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི་མེ་སྒྲོན་དང་། མཚོ་སྔོན་ཞིང་ཆེན་མཚོ་ནུབ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་སའེ་ཆིན་ཧྥུའུ་སོགས་འབྲེལ་ཡོད་མགོ་ཁྲིད་དང་མཚོ་སྔོན་གྱི་དུས་དེབ་དང་ཚགས་པར་ཁང་གི་གཙོ་སྒྲིག་པ་དང་རྩོམ་པ་པོ་སོགས་མི་བརྒྱ་ལྷག་ཚོགས་འདུར་ ཞུགས།
 
  ཚོགས་འདུར་མཚོ་ནུབ་ཁུལ་མི་རིགས་རྩོམ་རིག་དུས་དེབ་ཁང་གི་མགོ་གཙོ།<<གངས་རྒྱན་མེ་ཏོག>>རྩོམ་སྒྲིག་ཁང་གི་གཙོ་སྒྲིག་པ་འཕགས་པ་ཐར་ལགས་ཀྱིས་མགོ་འཛིན་བྱས་པ་དང་། མཚོ་སྔོན་ཞིང་ཆེན་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི་མེ་སྒྲོན་ལགས་ཀྱིས་ གངས་རྒྱན་མེ་ཏོག་རྩོམ་སྒྲིག་ཁང་གི་ལོ་འདི་འགའི་བྱ་བར་གདེང་འཇོག་གང་ལེགས་གནང་བར་མ་ཟད་ཐེངས་འདིའི་རྒྱལ་ཡོངས་སྐབས་གསུམ་པའི“གངས་རྒྱན་མེ་ཏོག”རྩོམ་རིག་ བྱ་དགའ་བདེ་བླག་ངང་བསྡུས་པར་དགའ་བསུ་དང་ཐེངས་འདིར་བྱ་དགའ་ཐོབ་པའི་རྩོམ་པ་ པོ་དག་ལ་རྟེན་འབྲེལ་ཞུས།
  རྒྱལ་ཡོངས་སྐབས་གསུམ་པའི“གངས་རྒྱན་མེ་ཏོག”རྩོམ་རིག་བྱ་དགའ་ཐོབ་པའི་རྩོམ་པ་པོ་དང་བརྩམས་ཆོས་ནི2010ལོའི<<གངས་རྒྱན་མེ་ཏོག>>དེབ་ གསུམ་པའི་སྟེང་བཀོད་པའི་ཉི་ཟླ་རི་བོའི་སྙན་ཚིག་གི་ཕྲན་དཔྱད་ཅེས་པའི་རྩོམ་པ་པོjནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་རིག་གནས་སློབ་གླིང་གི་བདུད་ལྷ་རྒྱལ་དང་། 2011ལོའི<<གངས་རྒྱན་མེ་ཏོག>>དེབ་ གཉིས་པའི་སྟེང་བཀོད་པའི་རུས་རྐང་གི་མཆོད་མེ་ཞེས་པའི་རྩོམ་པ་པོjབོད་རང་སྐྱོང་ལྗོངས་ལྷ་ས་གྲོང་ཁྱེར་དགེ་ཐོན་སློབ་གྲྭའི་བྱ་གཞུང་དབྱངས་བྷ། 2009ལོའི<<གངས་རྒྱན་མེ་ཏོག>>དེབ་བཞི་བའི་སྟེང་བཀོད་པའི་འབྲོག་ཁྱི་ཞེས་པའི་རྩོམ་པ་པོ་རྨ་ལྷོ་ཁུལ་རེབ་གོང་རྫོང་དབྱི་ཧྥུ་སློབ་འབྲིང་གི་འཆི་མེད། 2009ལོའི<<གངས་རྒྱན་མེ་ཏོག>>དེབ་ བཞི་བའི་སྟེང་བཀོད་པའི་ད་ནངས། རྒྱུས་ཡོད་ཀྱི་བྱིའུ་སྐད་ཅིག་གིས་ང་གཉིད་ལས་བསླངས་བྱུང་གི་རྩོམ་པ་པོ་མཚོ་སྔོན་མི་རིགས་དཔེ་སྐྲུན་ཁང<<གངས་རྒྱན་ན་ཆུང་ཚགས་པར>>རྩོམ་སྒྲིག་ཁང་གི་གེ་སར་ལགས། དེ་མིན2010ལོའི<<གངས་རྒྱན་མེ་ཏོག>>དེབ་བཞི་བའི་སྟེང་བཀོད་པའི་གུ་གེའི་གནའ་ཤུལ་གྱི་ངོས་གསུམ་ཞེས་པའི་རྩོམ་པ་པོ། ཡུན་ནན་ཞིང་ཆེན་བདེ་ཆེན་ནང་བསྟན་སློབ་གླིང་གི་རྩོམ་པ་པོ་སྤེན་པ་བཀྲ་ཤིས་ལགས་བཅས་ཡིན་པ་དང་། ཁོང་ཚོ་མི་རེར་བྱ་དགའི་རྟགས་མ་དང་དམངས་སྒོར་སྟོང་གསུམ་གྱི་བྱ་དགའ་གནང་།
 

རྩོམ་ཁུངས། མཚོ་སྔོན་རླུང་བརྙན་འཕྲིན་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།