གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དངོས་ལུགས་རིག་པའི་སྐོར་གྱི་མིང་མཛོད་ཅིག་དང་ཚིག་མཛོད་ཅིག་པར་དུ་བསྐྲུན་པ།

2014-04-21 11:55:00 རྩོམ་པ་པོ་མི་གསལ། ཀློག་གྲངས། མཆན ཡོད།

 
 
 མཆོད་མེ་བོད་ཀྱི་རྩོམ་རིག་དྲ་བའི་འཕྲིན།
མིག་སྔར་དགེ་རྒན་ཆེན་མོ་མགོན་པོ་རབ་བརྟན་ལགས་ཀྱིས་བསྒྲིགས་པའི་མིང་ཚིག་མཛོད་ཆེན་གྱི་དཔེ་ཆ་གསར་བ་རིགས་གཉིས་པར་དུ་བཏབ་ནས་ཐོན་ཡོད་ལ། ཁོང་གིས་སློབ་ཁྲིད་ཀྱི་ཞོར་དང་གཞུང་དོན་གྱི་བར་ནས་དཀའ་ཚེགས་མང་པོ་ཕྲག་ལ་བླངས་ཤིང་སྐུ་ངལ་སྣ་མང་ཞབས་ཀྱིས་བཅགས་ནས་སྤྱི་ཚོགས་འཚོ་བ་ལས་བཏུས་ཤིང་རིག་པའི་དཔལ་ཡོན་ལ་བསྐུར་ཏེ་ཞན་ནས་འབྲིང་།  འབྲིང་ནས་རབ།  རབ་ནས་མུ་མཐུད་དུ་ཇེ་རྒྱས་དང་ཇེ་ལེགས་སུ་བཏང་བའི་བོད་རྒྱ་དབྱིན།  དབྱིན་རྒྱ་བོད། རྒྱ་བོད་དབྱིན་ལ་བཅིངས་ནས་ཧུར་ཐག་ལས་ཀྱི་དངུལ་ཆུ་དང་། ལོ་ངོ་མང་པོའི་དཀའ་ཁག་ཁུར་ཐེག་ཆོད་དེ་མིང་དོན་ཆ་ཚང་ལ་དོན་གྱི་རྒན་པོ་ཚིག་གི་མཁར་བས་མ་བཏང་བར་ཀློག་བདེ་ཞིང་ཉན་སྤྲོ་ལ།  སྔ་རབས་བོད་ཀྱི་ལོ་ཙཱའི་གཞུང་ཡང་མ་ལྷོད་པར་དངོས་ལུགས་རིག་པའི་བརྡ་ཆད་ཡིག་འབྲུ་ཁྲི་གཅིག་དང་སྟོང་གཉིས་ཙམ་བསྡུས་ནས་བོད་ཀྱི་རྩམ་དྲི་དང་འགྲོག་ཅིང་ཐོན་མིའི་ཞབས་རྗེས་ལ་སྦྲེལ་ཡོད་པས་སྔར་བོད་ལ་མེད་པ་ཞིག་ད་ལྟ་གསར་དུ་བལྟམས་ཡོད།
 ཁོང་གིས་མི་རིགས་ཤིག་གི་ཆེད་དང་མི་རིགས་ཤིག་གི་སླད་དུ་དཀའ་ཚེགས་སྐུ་ངལ་ལ་མ་འཛེམས་པར་དཀའ་བ་བརྒྱ་སྟོང་འཕྲད་ཀྱིས་བཅད་ནས༼བོད་རྒྱ་དབྱིན་གསུམ་མིང་མཛོད་གཟི་ཡི་ཕྲེང་བ༽དང༼བོད་རྒྱ་དབྱིན་གསུམ་ཚིག་མཛོད་གཟི་ཡི་ཕྲེང་བ༽གཉིས་པར་བསྐྲུན་མཛད་ཡོད་ལ། ད་ཡང་དཀའ་ཚེགས་སྐུ་ངལ་གྱི་སྡུག་གི་ཁུར་བོ་མ་བསམ་པར་ཀློག་པ་པོ་རྣམས་ལ་དམིགས་ནས་ཏག་ཏག་དཔར་ཡོན་ཙམ་ལས་ལེན་གྱི་མེད་སྟབས་མི་རིགས་ཤིག་གི་ལས་དོན་མ་སྐུལ་དང་བླངས་བྱེད་པའི་སྐུ་ཁོང་ཉིད་ལ་མཚོན་ནའང་འདྲ།  རང་མི་རིགས་འདི་ལ་མཚོན་ནའང་འདྲ།  གང་ལྟར་མི་རིགས་ཞིག་གི་ལས་དོན་སྒྲུབ་བཞིན་པའི་ཁོང་ལ་རྒྱབ་སྐྱོར་བྱེད་རྒྱུ་ལས་གཞན་ད་དུང་ཁོང་གིས་མིག་ཚིག་གི་མཛོད་ཆེན་འདི་གཉིས་པར་དུ་བསྐྲུན་པས་བོད་མི་རིགས་ལ་སྔར་མེད་པ་ཞིག་གསར་གཏོད་བྱས་ཤིང་།  མདོར་ན་རང་མི་རིགས་ལ་གནམ་གྲུ་གསར་བ་ཞིག་བཟོས་པ་དང་ཕལ་ཆེར་མཉམ་པར་ཟླ།
  དཔེ་ཆ་འདི་ཉོ་མཁན་ཡོད་ན་ཁོང་ལ་འབྲེལ་གཏུག་བྱས་ཆོག་ལ། འདིར་སྐད་བཞག་ཀྱང་ཆོག ཡང་ན་ཁྱེའུ་འཕྲིན་ཨང་རྟགས།  ༡༡༣༦༦༣༨༤༣༥ལ་འབྲེལ་གཏུག་བྱས་ཀྱང་ཆོག
  འབྲེལ་གཏུག་བྱེད་ས།  མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་མགོན་པོ་རབ་བརྟན་ལགས། འབྲེལ་གཏུག་ཁ་པར་ཨང་གྲངས།  ༡༣༨༩༧༤༩༠༢༩༩

     (མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།