གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཧི་མ་ལའི་རིག་མཛོད་དྲ་ཚིགས་དངོས་སུ་ཤར་གཏོང་བྱས་པ།

2013-10-06 14:15:00 བསིལ་རླུང་། ཀློག་གྲངས། མཆན ཡོད།

 

 

 དྲ་ཚིགས་འདི་ནི་ཡུན་རིང་ལ་སྒྲོམ་གཞི་བཟོས་ཤིང་ཡུན་ཐུང་གིས་ལམ་ལ་ཆས་པའི་དྲ་ལམ་གྱི་འགྲོན་པོ་གསར་བ་ཞིག་ཡིན་པ་མ་ཟད། བོད་ནང་གི་རིག་མཛོད་ཆེད་ལས་དྲ་བ་ཆེས་ཐོག་མ་དང་ཆེས་ཆེ་ཤོས་ཡང་ཡིན།   དྲ་ཚིགས་འདི་ལ་དམིགས་བསལ་གྱི་ཁྱད་ཆོས་མི་འདྲ་བ་གསུམ་ཡོད།  བོད་ཀྱི་ཆོས་རིག་གིས་བསྡུས་པའི་རིག་གཞུང་མཐའ་དག་གློག་རྡུལ་དུ་ཕབ་སྟེ།  གཅིག་འཕྲུལ་དེབ་ཀྱི་རྣམ་པ་དང་།  གཞན་ལྟ་ཀློག་གི་རྣམ་པ་སྟེ་ལམ་མི་འདྲ་བ་གཉིས་ཀྱི་སྒེའུ་ཁུང་བརྒྱུད་ནས་འཛམ་གླིང་གི་ཀློག་པ་པོ་ཡོངས་ལ་སྟབས་བདེ་ངང་ནས་མཁོ་སྤྲོད་བྱ་ཐུབ་པར་བྱས་ཡོད་པ་དང་།    རྣམ་པ་གཞན་ཞིག་ནི་གནའ་དེང་གི་ཐུན་མིན་བོད་ཀྱི་ཤེས་བྱ་ཀུན་འདུས་ཏེ་འཚོལ་བཤེར་གྱི་སྒེའུ་ཁུང་གཅིག་བཅས་གྲུབ་ཆ་མི་འདྲ་བ་གསུམ་ལས་གྲུབ་པའི་དྲ་ཚིགས་གསར་བ་འདི།  ང་ཚོས་དེ་རིང་ནས་བཟུང་ས་ཆེན་པོའི་སྒལ་གཞུང་ནས་འགྲེང་སྟེ་མདུན་ལ་སྐྱོད་པའི་མགོ་བརྩམས་པ་ཡིན།
ཡིན་ནའང་འདི་ནི་གནས་སྐབས་ཚོད་ལྟ་ཙམ་ལས་ད་དུང་གྲུབ་ཆ་འཐུས་ཚང་རང་བཞིན་ཅན་དང་། རྣམ་པ་སྤུས་ལེགས་ཤིག་བཟོ་ཐུབ་མེད་པར་ངེས་པས་ཁྱེད་འཛམ་གླིང་གི་ཀློག་པ་པོ་ཡོངས་ཀྱིས་འདི་ལ། སྒྲིག་སྦྱོར་མ་འཁྱོང་ས།  དག་ཆས་མ་ཟིན་པ།  ཆད་ལྷག་གིས་བར་སྟོང་ཤོར་ཡོད་པ་དག་ལ། ལྷག་བསམ་དག་པས་སྐྱོན་ཆ་ཐེར་འདོན་དང་།  དྲན་སྐུལ། ལམ་སྟོན་སོགས་ཀྱི་རྒྱབ་སྐྱོར་བསྟུད་མར་གནང་རྒྱུར་ངེད་རིག་མཛོད་ཁང་གིས་སྙིང་ནས་རེ་ཞུ་བྱེད་ཀྱིན་ཡོད་པས་རྒྱ་ཆེ་བའི་ཀློག་པ་པོ་ཡོངས་ཀྱི་ཐུགས་དབུས་སུ་འཛིན་རོགས་ཞུ།  ནང་འཇུག་ཟིན་པའི་འཕྲུལ་དེབ་དང་ལྟ་ཀློག་གི་རྣམ་པའི་ཡིག་ཆ་དག་གནས་སྐབས་བཤུ་འགོད་དང་བརྒྱུད་སྤྲོད་མི་བྱ་བར་ཞུ།    ད་དུང་ཚོད་ལྟའི་རང་བཞིན་དུ་ལམ་ལ་ཆས་ནས་སྐྱོན་ཆ་དག་ཡོ་བསྲང་དང་བསྐྱར་བཅོས་བྱེད་བཞིན་པའི་དུས་ཡིན།    ༢༠༡༣.༡༠.༢ ཉིན་ལ་ཤར་གཏོང་བྱས་པ། 
ཧི་མ་ལའི་རིག་མཛོད་དྲ་ཚིགས།   www.himalayane.com
ཡིག་ཟམ།    himalayanc@163.com

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།