གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བུ་ཆུང་ཨ་ལན་ཁུར་ཌིའི་སྐུ་ཕུང་གི་འདྲ་པར་གྱིས་འཛམ་གླིང་ཡོངས་ལ་དྲན་སྐུལ་ཆེན་པོ་བྱས་པ།

2015-09-09 15:57:59 ཐེ་བོ་སངས་རྒྱས། ཀློག་གྲངས། མཆན ཡོད།

IMG_6306.JPG

  ཕྱི་ལོ་༢༠༡༥ ལོའི་ཟླ་༩ ཚེས་༢ ཉིན་སེ་རི་ཡ་ཁུར་ཌི་ཞིའི་Syrian Kurdish, གྲངས་ཉུང་མི་རིགས་སྐྱབས་བཅོལ་བ། མིང་ལ་ཨ་ལན་ཁུར་ཌི་Alan Kurdi, ཞེས་འབོད་པ་བུ་ལོ་གསུམ་ཅན་ཞིག་ས་གཞིས་སྐོར་བའི་མཚོ་Mediterranean, རུ་ནུབ་པའི་དོན་རྐྱེན་དེ། འཛམ་གླིང་གང་སར་ཚགས་པར་མདུན་ངོས་སུ་ཁོད་ཅིང་རྒྱལ་སྤྱིའི་ཁྲོད་སེམས་འཚབ་བྱེད་ཡུལ་དུ་གྱུར། ཐྲུར་ཁེའི་Turkey, འདྲ་པར་ལེན་མཁན་བུ་མོ་ནཱི་ལུ་ཧྥེར་ཌེ་མིར་Nilufer Demir,ལགས་ཀྱིས་མཚོ་ངོགས་ན་ཁ་སྦུབས་ཤིང་། གོག་ནུར་ཚུལ་ག་ཅན་གྱི་ཕྲུ་གུའི་ཕུང་པོ་དེ་པར་བླངས་ནས་ཉིན་དེབ་ཏུ་བཀོད་མ་ཐག་གོ་ལ་ཧྲིལ་པོར་ཁྱབ་བརྡལ་དུ་ཕྱིན། འདྲ་པར་དེས་རྒྱལ་སྤྱིའི་ཐོག་ཡ་ལན་དྲན་སྐུལ་གྱི་ནུས་པ་དཔེ་མེད་ཐོན་པར་སྣང་། གང་ཡིན་ཞེ་ན། ཁུར་ཌིའི་ནང་མི་རྣམས་ཁེ་ནཱ་ཌར་Canada, སླེབས་ཐབས་སུ་རེ་སྙེགས་བྱས་པ་བཞིན། ཁོའི་འཆི་སྐྱོན་དེས་སྐྱབས་བཅོལ་པའི་ཆེས་དཀའ་ཉེན་དུས་སུ་འགྱོགས་མྱུར་ངང་། ཕྱི་ལོ་༢༠༡༥ ལོའི་ཁེ་ནཱ་ཌའི་སྤྱི་མཐུན་སྲིད་གཞུང་གི་འོས་འདེམས་ཁྲོད་གླེང་གཞི་ཞིག་ཏུ་གྱུར། ཕྲུ་གུ་དེའི་འཆི་རྐྱེན་ཐད་སེ་རི་ཡའི་མི་བཞིས་ཤེས་བཞིན་དུ་སྣང་མེད་བཏང་བའི་ནག་ཉེས་ཁྲིམས་གཏུགས་བྱས་པས། ཁོང་ཚོ་ཕྱི་ཟླ་༩ ཚེས་༤ ཉིན་ཐྲུ་ཁེའི་ཁྲིམས་ཁང་གིས་འཛིན་བཟུང་བཀག་ཉར་བྱས། འདྲ་པར་དེ་མཐོང་རྗེས་ཧྥ་རན་སིའིི་སྲིད་འཛིན་གྱིས་ཐྲུར་ཁེའི་སྲིད་འཛིན་ལ་ཁ་པར་བཏང་ཞིང་། ཁོས་གསར་འགོད་གསལ་བསྒྲགས་གནང་དོན། འདྲ་པར་འདི་ངེས་པར་དུ་འཛམ་གླིང་གི་འགན་འཁྲི་སྟེ་སྐྱབས་བཅོལ་པར་བརྩི་མཐོང་བྱེད་པའི་དྲན་སྐུལ་དུ་ཆགས་ཡོད་ཅེས་དང་། དབྱིན་ཇིའི་སྲིད་བློན་གྱིས། ཁུར་ཌི་ཡི་བརྙན་པར་དེས་ཁོ་བོ་སེམས་འགུལ་ཟབ་མོ་ཐེབས་སུ་བཅུག དེ་བཞིན་ཨི་རི་ཤཱི་Irish,སྲིད་བློན་གྱིས་འདྲ་པར་དེའི་གཤམ་ལ་མཆན་བཏབ་དོན། སྐྱབས་བཅོལ་པའི་དཀའ་ཉེན་ནི་འགྲོ་བ་མིའི་བྱུས་ཉེས་ཡིན་པ་སོགས་གསལ། གཞན་ཡང་ཆོས་ལུགས་འདྲ་མིན་གྱི་ཆོས་ཚོགས་ཁག་དང་། སྤྱི་ཚོགས་བདེ་དོན་ཚོགས་པ། སྒྱུ་རྩལ་བ་སོགས་ཀྱིས་རྗེས་དྲན་བྱ་འགུལ་སྣ་ཚོགས་སྤེལ་བ་སྟེ། བརྙན་པར་དེ་ནི་འགྲོ་བ་མིའི་ལོ་རྒྱུས་ཁྲོད་གལ་ཆེའི་དོན་སྙིང་ལྡན་ཞིང་སྦིར་གྲགས་ཆེན་པོ་འགྲོ་བཞིན་པའི་སྒང་རེད།

 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།