གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

རྩོམ་པ་པོ་བཀྲ་བྷའི《སྒྲོལ་མ་ཉེར་གཅིག》བོད་རྒྱ་ཤན་སྦྱར་མ་དཔར་དུ་བསྐྲུན་པ།

2016-04-21 14:38:44 རྩོམ་པ་པོ་མི་གསལ། ཀློག་གྲངས། མཆན ཡོད།

1.pic_hd.jpg
 
  རྩོམ་པ་པོ་བཀྲ་བྷས་བརྩམས་པའི《སྒྲོལ་མ་ཉེར་གཅིག》ནི། བོད་ཀྱི་སྐྱེས་མའི་བདེ་སྡུག་འབའ་ཞིག་སྒྲུང་གཏམ་ཉེར་གཅིག་ཏུ་བསྡུས་ཏེ་གྲུབ་པའི་མུ་འབྲེལ་སྒྲུང་ཐུང་ཡིག་བརྒྱ་མའི་དེབ་ཅིག་ཡིན་ཏེ། དེབ་འདི་ཉིད་ནི་རྩོམ་པ་པོ་ཁོང་གིས་ལོ་ངོ་ཉེར་གཅིག་གི་སྔོན་དུ་བརྩམས་ཏེ་པར་དུ་བསྐྲུན་ལ། སྐབས་དེར་གདེང་འཇོག་མི་དམན་པ་ཐོབ་པས། ཀུན་གྱིས་དེབ་འདི་ཉིད་བཀྲ་བྷའི་འཐུས་ཚབ་བརྩམས་ཆོས་སུ་བགྲངས་དང་བགྲང་བཞིན་མཆིས། དེབ་དེ་ཉིད་པར་དུ་བསྐྲུན་ནས་ལོ་ངོ་ཉེར་གཅིག་འདས་ཟིན་པའི་དེ་རིང་། བཀྲ་བྷས་སྔོན་གྱི་བོད་ཡིག་རྐྱང་མའི་སྒྲུང་དེབ་དེ་རྒྱ་ཡིག་ཏུ་ལེགས་པར་བསྒྱུར་ཏེ་བོད་རྒྱ་ཤན་སྦྱར་གྱི་ལམ་ནས《སྒྲོལ་མ་ཉེར་གཅིག》སྤུས་ལེགས་དེབ་ཅིག་ཡང་བསྐྱར་ཀློག་པ་པོ་དག་གི་སྤྱན་ལམ་དུ་ཕུལ་འདུག

 image003.png

image005.png

《སྒྲོལ་མ་ཉེར་གཅིག》གི་དཀར་ཆག

image007.png 

《སྒྲོལ་མ་ཉེར་གཅིག》གི་ནང་རོལ།

IMG_1200.JPG

《སྒྲོལ་མ་ཉེར་གཅིག》གི་དཔར་གཞི་རྙིང་བའི་མདུན་ཤོག

རྩོམ་པ་པོ་མཚམས་སྦྱོར།

བཀྲ་བྷ། འབུམ་རམས་པ། 1963ལོར་མཚོ་སྔོན་མཚོ་ལྷོ་རུ་སྐྱེས། ད་སྐབས་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གི་གླིང་གཙོ་གཞོན་པ་དང་། དགེ་རྒན་ཆེན་མོ་གཞོན་པ། བོད་ཀྱི་དེང་རབས་རྩོམ་རིག་ཕྱོགས་ཀྱི་ཤེས་རམས་པའི་མཛུབ་སྟོན་དགེ་རྒན་བཅས་ཡིན། ཁོང་གིས་དུས་ཡུན་རིང་པོར་རྩོམ་རིག་གསར་རྩོམ་དང་རིག་གཞུང་ཞིབ་འཇུག་གི་ལས་ཀ་གཉེར་ཏེ། སྔ་ཕྱིར་སྒྲུང་གཏམ་དང་སྙན་ངག ལྷུག་རྩོམ། རིག་གཞུང་དཔྱད་རྩོམ་སོགས་བརྩམས་ཆོས་བརྒྱ་ལྷག་སྤེལ་བ་དང་། རྩོམ་རིག་བརྩམས་ཆོས《སྒྲོལ་མ་ཉེར་གཅིག》དང་། 《སྲིན་པོ་གཡུ་རྔོག་དང་ཉི་མ་ལྷ་ས》 《འཚུབ་མ་ཁེར་རྐྱང》 བསླབ་དེབ《རྩོམ་པ་ལ་འཇུག་པའི་སྒོ》 《གསར་འགྱུར་རྩོམ་པ་ལ་འཇུག་པའི་སྒོ》རིག་གཞུང་ཞིབ་འཇུག་གི་འབྲས་རྟགས《བོན་གྱི་ལྷ་རབས་ལ་དཔྱད་པ》 《ཁྲི་འདུས་སྲོང་གི་མགུར་གླུར་དཔྱད་པ》རྣམས་པར་སྐྲུན་འགྲེམ་སྤེལ་བྱས་ཡོད་ཅིང་། ཁོང་གི་སྒྲུང་གཏམ《ར་བྷ་འདྲེ་མིག་དང་རིན་ཆེན་རྐྱལ་ཁ》 《སྲིན་པོ་གཡུ་རྔོག་དང་ཉི་མ་ལྷ་ས》 《ནས》 《འཚུབ་མ་ཁེར་རྐྱང》བཅས་ལ་སྔ་ཕྱིར་མཚོ་སྔོན་ཞིང་ཆེན་གྱི་སྐབས་དང་པོའི“ན་གཞོན་རྩོམ་རིག་བྱ་དགའ”དང་། སྐབས་གསུམ་པའི“སྦྲང་ཆར་རྩོམ་རིག་བྱ་དགའ” སྐབས་བདུན་པའི“སྦྲང་ཆར་རྩོམ་རིག་བྱ་དགའ” སྐབས་བཅུ་བའི་རྒྱལ་ཡོངས་གྲངས་ཉུང་མི་རིགས་རྩོམ་རིག་གསར་རྩོམ་ཐད་ཀྱི“རྟ་མཆོག་བྱ་དགའ”བཅས་ཐོབ། གཞན་ཁོང་ལ་པེ་ཅིན་གྲོང་ཁྱེར་གྱི་ཕུལ་བྱུང་དགེ་རྒན་གྱི་མཚན་སྙན་དང་། པའོ་ཀང་ཕུལ་བྱུང་དགེ་རྒན་གྱི་ཁྱད་འཕགས་བྱ་དགའི་མིང་འདོན་བྱ་དགའ་སོགས་ཀྱང་ཐོབ་བོ། །


                                                                                                  རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)



རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།