བཞོ་ལུང་ཚང་གི་སྐབས་དང་པོའི་ལྷན་འཛོམས།

image001.jpg

                                    འདུ་འཛོམས་ཐེངས་ཤིག་གི་ཟིན་བྲིས།

                                                         
བོད་གཞུག་སྐྱིད།

དབྱར་ཟླ་བདུན་པའི་བོད་ཡུལ་གྱི་ས་ཆ་གང་ས་གང་དུ་འདུ་འཛོམས་ཀྱི་ཡོ་ལང་རབ་ཏུ་རྒྱས་འདུག དེ་ནི་གཅིག་ནས་རི་ལུང་དང་ནགས་ཚལ། སྤང་ལྗོངས་དང་རྩྭ་ཐང་། ཨ་སྔོན་དང་སྤྲིན་དཀར། མཚོ་དང་མཚེའུ། མེ་ཏོག་དང་སྨན་ཆུ་སོགས་མཚར་སྡུག་མངར་བའི་ཕྱིའི་སྣོད་ཀྱི་བཀོད་པའི་མཚར་སྡུག་གི་བསླུ་བྲིད་དང་། གཞན་ཞིག་ནི་མི་རྣམས་ཀྱིས་ཁེར་རྐྱང་དང་བྲེལ་འཚུབ། ཟང་ཟིང་དང་བསླུ་བྲིད། འགྱུར་ལྡོག་དང་ཆིག་འགྱུར་སོགས་འདོད་ཡོན་གྱི་སེམས་བྱུང་གང་ཞིག་ལྡོག་ཏུ་མ་ནུས་པར་ལྷན་འཛོམས་ཀྱི་དགོད་སྒྲ་དང་། རང་དབང་བག་ལྷོད་ཀྱི་མཁའ་དབུགས་ཤིག་འཚོལ་འདོད་བྱུང་བའི་ཨེ་ཡིན་སྙམ།

ང་ཚོའང་ཐེངས་འདིར་སྐྱིད་སྡུག་གི་འཚོ་བ་གླུ་རུ་འདྲེན་ཞིང་། དགའ་སྐྱོའི་ཚོར་བ་སྨྱུག་རྩེར་འགོད་པར་དགའ་བའི་གྲོགས་མོ་སྐོར་ཞིག་དང་མཉམ་དུ་འཛོམས་པའི་སྐལ་བ་བྱུང་། ང་ཚོར་མདོ་དབུས་ཁམས་གསུམ་གྱི་མི་སྣ་འདུས་པའི་བཞོ་ལུང་ཟེར་བའི་སྐྱེས་མ་རྐྱང་རྐྱང་གི་རྩོམ་རིག་གི་ཚོགས་པ་ཞིག་ཡོད་ལ། དེའི་ནང་ནམ་རྒྱུན་ཀུ་རེ་རྩེད་མོ་དང་། རྩོམ་རིག་བརྩམས་ཆོས་མྱོང་རོལ་ལས་གཞན་ལེགས་རྩོམ་འོས་སྦྱོར། རྩོམ་ཡིག་ཆེད་འགོད། རྩོམ་སྐུལ་བྱ་བ་སོགས་རེ་འགའ་འང་འདུ། མཚམས་རེར་འཁྲུག་ཆ་ཤིན་ཏུ་དོད་པོ་བྱུང་ལ་མཚམས་རེར་ཤིན་ཏུ་ལྷིང་འཇགས་ཀྱི་ཚོགས་པ་ཞིག་ཀྱང་ཡིན། ཐེངས་འདིའི་མཉམ་འཛོམས་འདི་ཐོག་མར་ཨ་ཅེ་འཆི་མེད་ལགས་ནས་གྲོས་འགོ་བཏོན་ཏེ། ཚོགས་མི་ཐམས་ཅད་ཀྱི་གྲོས་བསྡུར་བྱས་པས་ཚོགས་མི་མང་ཤོས་མོས་མཐུན་བྱུང་། དེར་བལྟས་ན་སྐད་འཕྲིན་ཟེར་བའི་དྲ་རྒྱའི་བརྒྱུད་ལམ་གྱི་འཛོམས་པ་འདི་ལས་མི་མང་ཤོས་ངོ་དང་ངོ་འཕྲད་ནས། སེམས་དང་སེམས་གཏད་ནས་ཕན་ཚུན་ལ་འཕྲད་འདོད་ཀྱི་བློ་ཡོད་པ་རྟོགས་ཐུབ། མི་སུམ་ཅུར་བསམ་པ་སུམ་ཅུ་ཟེར་བའི་དཔེ་ལྟར་གྲོས་བསྡུར་ཡང་ཡང་བྱས་མཐར་ས་གནས་མདོ་སྨད་རྫོང་ཆེན་བཞིའི་ཡ་གྱལ་ཤྭ་བ་རི་རྫོང་དང་། དུས་ཚོད་ཀྱང་དབྱར་གནང་ཡིན་ལ་གཟའ་མཇུག་ཀྱང་ཡིན་པའི་ཉིན་མོར་གཏན་འཁེལ་བྱས། འདུ་འཛོམས་ཀྱི་མ་དངུལ་ཀྱང་མི་སྒེར་སོ་སོ་ནས་གཏོང་བ་དང་། སློབ་མ་རྣམས་ལ་མ་དངུལ་མི་བསྡུ་བའི་ཐག་བཅད། ནམ་རྒྱུན་གཞུང་གི་རྩོམ་རིག་གི་ཚོགས་འདུ་ལ་ལ་དང་། བྱ་འགུལ་ཁ་ཤས་ལས་ང་ཚོ་སྐྱེས་མ་རེ་གཉིས་འདུ་བའི་གོ་སྐབས་ཡོད་སྲིད་ཀྱང་མང་པོ་འདུ་བའི་གོ་སྐབས་མེད་ལ། ཡང་གཅིག་བཤད་ན་སྐྱེས་མ་རྣམས་ཀྱིས་རང་རང་གི་མ་དངུལ་བཏང་ནས་བྱ་འགུལ་ཆེན་པོའམ་འདུ་འཛོམས་བསྡུས་པ་སོགས་ཀྱི་མྱོང་བའང་མེད་པས་ཐེངས་འདིའི་འདུ་འཛོམས་ནི་ང་ཚོར་མཚོན་ན་རང་གིས་རང་ལ་རང་དབང་སྟེར་མིན་དང་། རྒྱུ་ནོར་བཀོལ་སྟངས། རང་རང་ནང་སེམས་ཀྱི་འདོད་འདུན་ལ་ཕྱོགས་ཐུབ་མིན་སོགས་སྣང་ཚུལ་འགའ་རེའང་མཚོན་འོང་གི་འདུག

ཚོགས་གནས་མཚོ་སྔོན་དུ་གཏན་འཁེལ་བྱས་པས་ང་རང་འདུ་འཛོམས་འདིའི་བཀོད་སྒྲིག་པའི་འགན་ཕྲག་ཏུ་བབས་བྱུང་ལ། ངས་ཀྱང་ལས་ཀའི་བྲེལ་ཟིང་གི་ཁྲོད་ནས་འདུ་འཛོམས་འདིའི་མགོ་མཇུག་བར་གསུམ་ལ་འབད་པ་བྱས། ཐོག་མར་ཚོགས་མི་ལ་ལས་ང་ཚོ་འདི་ལྟར་ཐེངས་ཤིག་འཛོམས་ན་དོན་དག་ཞིག་སྒྲུབ་འོས་ཞེས་གྲོས་གཞི་འདོན་མཁན་དང་། ཡང་ལ་ལས་ཁྱེད་ཚོ་འདི་ལྟར་འཛོམས་དོན་ཅི་ཡིན་ཞེས་རྒྱུ་མཚན་འདྲི་མཁན་ཡང་གང་མང་ཡོད་མོད། ང་ཚོས་ལན་ནི་ཤིན་ཏུ་སྟབས་བདེ་ཞིག་ཡིན་ཏེ་འདི་ལྟར་ཆེད་དུ་འཛོམས་ནས་རང་དབང་བག་ལྷོད་ངང་ཇ་འཐུང་ཞོར་ཕན་ཚུན་ལ་རྒྱུས་ལོན་དང་བསམ་པ་སྟོན་ཚུལ་ཡང་མ་གཞི་ནས་དོན་དག་ཞིག་རེད་བསམ་པ་དེ་ཡིན་ལ། འདུ་འཛོམས་ཐེངས་ཤིག་ནི་སུ་ཡིས་བལྟས་ནའང་ལས་སླ་མོ་ཞིག་ཏུ་མངོན་སྲིད་ཀྱང་། སྐྱེས་མ་རྣམས་སྒོར་ཐོན་པ་ནི་དངོས་གནས་ཁྱིམ་ཚང་ཞིག་གི་སླ་ང་འཁུར་ནས་བུད་སོང་བ་ལྟ་བུའི་དཔེ་གསོན་པོ་ཞིག་རེད། འདུ་འཛོམས་ལ་ཐོག་མར་མི་མང་ཤས་འཐད་པ་བྱུང་ནའང་གཞུང་སྒེར་གྱི་ངོས་ཐད་ནས་དོན་དག་ཙག་ཙིག་གིས་ང་ཚོ་སྐྱེས་མ་དགུ་ལས་འཛོམས་མ་ཐུབ་པ་དང་། འཛོམས་ཡོད་པ་རྣམས་ཀྱི་ཁྲོད་ནས་ཀྱང་རང་རང་ས་ནས་གཞུང་སྒེར་གྱི་དོན་དག་ཆེ་མ་ཆུང་གསུམ་བཀོད་སྒྲིག་བྱས་ཚར་ནས་ད་གཟོད་སྒོར་ཐོན་པ་རེད། དགའ་བའི་དོན་ཞིག་ཡོད་པ་ནི་སྐྱེས་མ་ལ་ཤས་ལ་ཁྱོ་ག་དང་བུ་ཕྲུག་གི་རྒྱབ་བསྐྱོར་བྱས་ནས་ས་གནས་གང་དེར་བསྐྱལ་ལེན་བྱེད་པའི་སྣང་ཚུལ་ཡོད་པ་དེ་ཡིན།

ཐོག་མར་ང་ཚོ་ཟླ་བདུན་པའི་ཚེས༢༡ཉིན་གནའ་མཁར་ཟི་ལིང་གྲོང་ནས་འཛོམས་ཤིང་ཕན་ཚུན་ངོ་འཕྲད་པའི་འཚམ་རྟགས་སུ་ཁ་བཏགས་དང་དཔེ་ཆ། ས་གནས་སོ་སོ་ནས་འཁྱེར་འོང་བའི་ལེགས་སྐྱེས་སོགས་ཕན་ཚུན་ལ་སྐྱེས་སུ་སྦྱིན་ཞིང་ཕན་ཚུན་ངོ་སྤྲོད་བྱོས། དེ་ནས་ཟས་ཞིམ་པོ་མཉམ་རོལ་དང་།ཆང་ཞིམ་པོ་མཉམ་བཏུང་བྱས་ནས་གླུ་ངག་གི་དབྱངས་རྟ་དང་ཀུ་རེ་རྩེད་དགོད་ཀྱི་ཀློང་ནས་སོ་སོའི་བྱ་བཞག་དང་། ཁྱིམ་ཚང་། བུ་ཕྲུག དགའ་ཁ་འཁྱེར་སོ། ས་གནས་སོ་སོའི་རྩོམ་རིག་གི་མཁའ་དབུགས་དང་། སྐྱེས་མ་རྩོམ་འབྲི་བ་རྣམས་ཀྱི་གནས་བབས་སོགས་རྒྱུས་ལོན་གྱི་ཁ་བརྡ་ཅི་རིགས་བྱས་པ་ཡིན།

image002.jpg

ཚེས༢༢ཉིན་ཞོགས་ཟས་ཟོས་རྗེས་ང་ཚོ་རླངས་འཁོར་གཉིས་སུ་བསྡད་དེ་མདོ་སྨད་རྫོང་ཆེན་བཞིའི་ཡ་གྱལ་ཤྭ་བ་རི་རྫོང་གི་ཉེ་འགྲམ་དུ་བཀོད་སྒྲིག་བྱས་ཡོད་པའི་ཚེ་བརྟན་ཚང་གི་ཁྱིམ་དུ་ཐོན།དུས་ཚོད་བཅུ་ལ་ཐོན་མ་ཐག་ཡིན་པའི་ཚང་མ་མོས་མཐུན་བྱུང་ནས་ཤྭ་རྫོང་རི་ཁྲོད་ཀྱི་དགོན་པར་མཆོད་མཇལ་དུ་ཕྱིན། ཤྭ་རྫོང་རི་ཁྲོད་ནི་རྒྱབ་རི་བྲག་ལ་བརྟེན་ཞིང་། མདུན་རི་དང་ལུང་ཐང་ཐམས་ཅད་ནགས་ཀྱིས་ཁེངས་ནས་དགོན་པའི་རྩེ་ནས་ཕྱོགས་བཞིར་བལྟས་ཚེ་ལྗང་མདོག་གི་ཡུལ་ལྗོངས་སྣུམ་པོས་རང་དབང་མེད་པར་སེམས་སུ་ཞི་བདེ་དང་དགའ་སྤྲོ། བདེ་སྐྱིད་དང་བག་ལྷོད་བཅས་ཚོར་བ་དུ་མས་བརྒྱན་འོང་། གནས་དེ་ནས་ང་ཚོས་མཉམ་དུ་མཆོད་མཇལ་དང་བསྐོར་བ། གསོལ་འདེབས་དང་སྨོན་ལམ་རྒྱག་པ། མཆོད་མེ་སྒྲོན་པ་སོགས་དུས་གཅིག་ཏུ་བྱས་པའི་མི་ཚད་ད་དུང་འདྲ་པར་དང་བརྙན་ཐུང་དུ་མ་བླངས་ནས་དགའ་འཛུམ་དང་དགོད་སྒྲའི་ཁྲོད་ཕྱིར་ཚེ་བརྟན་ཚང་དུ་ལོག་པ་ཡིན། དེ་ནས་གུང་ཟས་ཀྱང་རན་སོང་བས་ལབ་གླེང་དང་ཀུ་རེ་ཁྲོད་དུས་ཚོད་ཅི་ལྟར་འདས་པའང་ཤེས་མ་སོང་། ཕྱི་དྲོའི་དུས་སུ་ང་ཚོ་སྡོད་གནས་ལས་ཅུང་རིང་དུ་གྱེས་ཏེ་ཕ་རིའི་ནགས་གསེང་དུ་སོང་ནས་མགོ་ན་གནམ་དང་ཐང་ན་སྤང་མ་གཏོགས་མེད་པའི་གནས་ཤིག་ནས་ཡང་བསྐྱར་ལྦུ་ཆང་བཏུང་མ་མྱོང་བ་དག་ལ་ལྦུ་ཆང་བླུགས་ཤིང་། འཐུང་མྱོང་བ་དག་གིས་ཆང་དང་འབྲེལ་ཡོད་ཀྱི་ལབ་གླེང་རིང་དུ་བྱས་ཏེ་མཚམས་རེར་གད་མོ་བགོད་པ་དང་། མཚམས་རེར་གླུ་ལེན་པ། ཨམ་སྐད་སྨྲ་བ་དག་གིས་དབུས་སྐད་ལབ་ཤིང་དབུས་སྐད་སྨྲ་བ་དག་གིས་ཨམ་སྐད་ལ་ཨུ་ཚུགས་བྱེད་པ། ལོ་སུམ་ཅུའི་སྔོན་ལ་སློབ་གྲོགས་ཡིན་ཡང་། ལོ་སུམ་ཅུའི་རྗེས་སུ་འདུ་འཛོམས་འདིའི་སྟེང་འཕྲད་པའི་མི་ཡིས་སླར་མཇལ་ནས་དེ་དུས་ཀྱི་གཏམ་རྒྱུད་ལབ་པ་དང་། ལ་ལས་ཀུ་རེ་རྩེད་ཞོར་དང་རྩོམ་འབྲི་བ་སོགས་ཀྱི་རང་དབང་ངང་ཡུལ་ལྗོངས་ཐ་དག་སེམས་ཀྱི་ལོངས་སྤྱོད་བྱས་པས་ས་སྲོད་ལ་ཅི་ལྟར་ཐོན་པའང་ཤེས་མ་སོང་།

ནུབ་འཚལ་གྱི་རྗེས་སུ་ཡང་བསྐྱར་ཆང་དང་གཏམ་ལ་བརྟེན་ནས་གཞས་གང་མང་བཏང་བའི་མི་ཚད།བརྩེ་བའི་གཏམ་རྒྱུད་གང་མང་འང་རོལ་རྒྱུ་བྱུང་བས་མཚན་མོ་ནི་མི་སེམས་ཀྱི་གཉུག་གཤིས་འོད་དུ་འཚེར་བའི་རང་དབང་གི་མཁའ་དབྱིངས་དེའང་རེད་འདོད་སོང་།

ཚེས༢༣ཉིན་ནི་ཚང་མ་ཕྱིར་རང་སར་ལྡོག་པའི་དུས་ཡིན་མོད། ཤྭ་རྫོང་རི་ཁྲོད་ནས་རྒྱལ་བ་ཡིད་བཞིན་ནོར་བུའི་འཁྲུངས་ཡུལ་དུ་ཐག་ཉེ་བོ་ཡོད་པས་མི་ཚད། སྟོད་ཉི་མ་ལྷ་སའི་གྲོང་ནས་ཐོན་པའི་རྩོམ་གྲོགས་གཙོས་ཚོགས་མི་ཚང་མ་གནས་དེར་མཇལ་འདོད་ཀྱི་འདུན་པ་ཤིན་ཏུ་ཆེ་བས་ང་ཚོས་ཁ་ལོ་བར་རིན་གོང་ལྷག་མ་ཞིག་སྤྲད་ནས་མདོ་སྨད་སྟག་འཚེར་གྲོང་དུ་མཆོད་མཇལ་དུ་ཕྱིན་པ་ཡིན། ཉིན་དེར་གནམ་ངོར་སྤྲིན་འཁྲིགས་ལ། སྔོ་ལྗང་ལྗང་གི་ཁོར་ཡུག་ཐ་དག་ཀྱང་སྨུག་པས་བཏུམས་ཡོད། ང་ཚོ་དེར་ཕྱིན་ནས་ཐོབ་ཐང་ལག་འཁྱེར་སོགས་ཐོ་འགོད་བྱེད་དུ་བཅུག་རྗེས་ཁོང་གི་ཉེ་མི་ཞིག་གིས་ང་ཚོར་ཁོར་ཡུག་ཐ་དག་ངོ་སྤྲོད་བྱེད་པ་དང་ཁ་བཏགས་གཏོང་བ་སོགས་བྱས། མཇལ་ཚར་ནས་ཕྱིར་ལོག་དུས་སྒོའི་ནང་དུ་ཁོང་གི་ཉེ་མི་དེའི་ཨ་མ་རྒན་མོར་འཕྲད་ནས་ང་ཚོ་ག་ས་ག་ནས་ཡིན་པ་སོགས་ཀྱི་ལབ་གླེང་བྱས།མི་རྣམས་ཀྱི་ལྗིད་ཏིག་ཏིག་གི་སེམས་པ་གཞི་ནས་མིག་ཀོང་གི་མཆི་མར་བསྡོངས་ནས་ས་ལ་ཟགས།

དེ་ལྟར་གྲོགས་མོ་འགའ་ཞིག་ཕྱིར་ཟི་ལིང་དུ་ལམ་དུ་ཆས་ཤིང་། ལ་ལ་ལམ་བར་ནས་རང་སར་ལོག་པའི་སྟ་གོན་བྱས། ཉིན་དེར་ཏག་ཏག་མཚོ་བསྐོར་ལྕགས་རྒྱུག་འགྲན་བསྡུར་གྱི་དུས་ལ་འཁེལ་བས་ང་ཚོ་གྲོགས་མོ་སྐོར་ཞིག་གིས་ལམ་བར་ནས་ཆུ་ཀུབ་ཟ་བ་དང་། གཞས་ལ་ཉན་པ། པར་ལེན་པ། ཁ་བརྡ་གློད་པ་སོགས་ཀྱིས་དུས་ཚོད་གཉིས་ཙམ་ཟད་པར་བྱས། ཕྱི་དྲོའི་དུས་ཚོད་བཞི་ཙམ་ལ་ང་ཚོ་ཕྱིར་ཟི་ལིང་དུ་ལོག་ནས་རང་སར་གྱེས་ཤིང་། སྐད་འཕྲིན་གྱི་བར་སྟོང་ལས་མཇལ་འཛོམས་ཀྱི་པར་དང་ཁ་བརྡ་སོགས་མཚམས་མི་ཆད་པར་བསྐུར་སྲོལ་ལ་བལྟས་ན་ཚང་མས་ཐེངས་འདིའི་སྐྱིད་པའི་འདུ་འཛོམས་ལ་ཕྱི་མིག་ཡང་ཡང་འཕེན་བཞིན་པ་ཤེས་ཐུབ།

འདུ་འཛོམས་འདི་ལས་ང་ཚོས་མཛེས་སྡུག་གི་རི་ཀླུང་ཞིག་ལ་ཐུན་མོང་གི་ལོངས་སྤྱོད་བྱས་ཤིང་། དགའ་བ་དང་སྐྱོ་གདུང་གི་ཚོར་འདུ་མ་ལུས་ཀྱང་རང་རང་གི་སེམས་སུ་སྒོམ་ནས་ཆེད་དུ་རང་རང་ལ་འཚམ་པའི་གླུ་ཞིག་ལེན་དགོས་པའི་ལས་བྱ་བྱིན་པ་ཡིན་ལ། ལས་བྱ་འདི་ནི་ང་ཚོ་སུ་ལ་མཚོན་ནའང་རང་སེམས་ཀྱི་རི་མོ་རེ་རེ་དབྱངས་གསལ་ལ་བརྒྱུས་ཚུལ་ཞིག་ཅི་ལ་མིན་ཨང་།

                                                                                              2017-7-30ཉིན་ཟི་ལིང་ནས།

image003.jpg

                                     ཁྱེད་ཚོར་བསྐྱུར་པའི་ཕྱི་མིག

                                                                འཆི་མེད།

སྣང་བ་བག་མེད་འཁོར་བའི་སྤྲིན་དཀར་གྱི་འདབ་མ།།
ངེས་མེད་འཕུར་ལྡིང་གར་གྱིས་སྟངས་སྟབས་རང་སྒྱུར་དུས།།
ཞེ་འདང་ཨ་ལོང་འཁྱིལ་བའི་མཚོ་མོ་དེའི་ངོགས་ན།།
དར་དཀར་འཇམ་པོའི་གཤིས་ཀྱི་གྲོགས་མོ་ཚོ་འཛུམ་ཡོད།།

ནགས་མ་ཤིག་ཤིག་དབེན་པའི་གནས་མཇལ་ལ་ཆས་ཏེ།།
རྨོ་མོ་བཞུད་སའི་མཐའ་ཡས་རི་གྲོང་ལ་ཧད་ནས།།
གཤོག་པའི་གར་སྟབས་མཐོན་པོའི་དབྱིངས་རིམ་ན་འཁྱུག་པའི།།
རྒོད་པོའི་འགྲོས་ལ་སེམས་ཀྱི་སྨོན་པ་ཞིག་ཤོར་སོང་།།

སྔོན་མོ་གཡུ་སྒྲོན་སྤྲུལ་བ་ཀོང་ཇོ་དང་ཁྲི་ལྕམ།།
ལབ་ཀྱི་སྒྲོན་མ་མྱང་ཚ་དཀར་རྒྱན་ནས་བཟུང་སྟེ།།
དཀར་སའི་རུས་པ་དམར་སའི་ཟུངས་ཁྲག་གི་ས་བོན།།
བདག་ལ་བགོས་སྐལ་གནང་བར་ངོ་གནོང་ཞིག་སྐྱེས་བྱུང་།།

གོས་དྲོད་ལུས་ཀྱིས་བྱིན་པ་གློ་བུར་དང་སྟེས་དབང་།།
ཞེ་འདོད་རྒྱུན་ཐག་རིང་བ་དཔྱད་དཔྱད་ཀྱི་འབྲས་བུ།།
འགྲུབ་དུས་མེད་པའི་འཁོར་བ་རང་ལག་གིས་བཟོས་པ།།
སུན་མེད་ཟད་མེད་སོར་མོ་དལ་དལ་གྱིས་འགུལ་སོང་།།

མེ་ལྕེ་ཐབ་ན་མཆེད་ཀྱང་སྣོད་འོག་ལས་མ་འདས།།
གཙང་པོ་ཤང་སྒྲ་མཐོ་ཡང་ཟམ་འོག་ནས་བཞུར་དགོས།།
ཆོས་ཉིད་དེ་ཡིས་མཚོན་པའི་ལས་དབང་ལ་མ་རྒོལ།།
མོ་སེམས་གུ་ཡངས་ཆེ་བའི་རྒྱུ་འབྲས་དང་འགལ་འགྲོ།

ལྟོས་བཅས་རི་མོ་འབྲི་བའི་ཚོན་སྨྱུག་གི་རྩེ་མོ།།
ཡིད་ཀྱིས་མ་བསམས་གང་འདོད་བར་སྣང་ལ་འཁྱུག་མཁན།།
ས་ལ་ཀྲབ་ཀྲབ་བྱེད་པའི་སྲིན་ཆུང་གི་རྐང་རྗེས།།
གཉིས་མེད་མཁས་པའི་ཆོ་ལོ་སུ་ཞིག་གིས་སྩོལ་ཨང་།།

 ཡངས་པའི་འཇིག་རྟེན་སྲིད་པའི་གཞིས་ཁྱིམ་གྱི་བདག་མོ།།
ང་ཡི་གྲོགས་མོ་འདི་དག་མཛེས་མཛངས་ཀྱིས་བརྒྱན་ཡོད།།
དབྱངས་གསལ་སོ་བཞིའི་ཕྲེང་རྒྱན་ལག་འོག་ནས་ཡལ་པའི།།
ཁེར་རྐྱང་སེམས་ཀྱི་མཐིལ་ལ་དྲོད་ཁོལ་ཅིག་གནང་ངམ།།

རྒྱང་རིང་དྲན་པའི་འཁྲི་ཤིང་ཡིད་ཡུལ་ནས་མ་བོར།།
ཉིན་མཚན་རྨི་ལམ་ཡོད་ཚད་དེ་ག་ལ་གཏད་ཡོད།།
སེམས་ཀྱི་བདེ་སྐྱིད་ཟེར་ན་དེ་འདྲ་ཞིག་ཨེ་རེད།།
འཁོར་བའི་སྙིང་པོ་ཟེར་པའང་དེ་འདྲ་ཞིག་ལགས་སམ།།

དྭངས་གཙང་བཞིན་གྱི་འཛུམ་ལས་ལྷད་མེད་ཀྱི་སེམས་པ།།
མ་བསྣོགས་བདག་ལ་སྩོལ་པའི་གྲོགས་མོ་རྣམས་བདེ་མོ།།
ས་གཞིའི་ཁུར་དུ་བསྐུར་པའི་འཇིག་རྟེན་འདིའི་བྱ་ལས།།
གྱེས་མཇལ་ཙམ་ཞིག་མ་ལགས་ལམ་སྣེ་དེ་རིང་ངོ་།།

དོན་གཉིས་སྐྲ་རྩེ་ཙམ་ཞིག་རྐང་རྗེས་ལ་མེད་པའི།།
ཐ་ན་རྣམ་འགྱུར་ཙམ་ཡང་མིག་ལམ་ལ་མེད་པའི།།
ཀུན་གྱི་ཐ་མ་འཆི་མེད་གློ་བུར་གྱི་དྲན་པ།།
ཡི་གེར་བཀོད་འདིས་ཁྱེད་ཅག་ཁོང་འཛུམ་རེ་འཆོར་ཤོག།

                 འཆི་མེད་ཀྱིས་གྲོགས་མོ་རྣམས་དང་གྱེས་ཁར་འཕྲལ་དུ་བྲིས།

 image004.jpg

                                     ཤེལ་ཁྲའི་རྒྱབ་ལོགས་ཀྱི་མིག་ཟུང་།

                                                                ཁ་བ་ལྷ་མོ

ཁྲ་སྒོར་སྒོར
ཁྲ་སྒོར་སྒོར་གཟི་ཡི་བྱེའུ་ཆུང་ཆ་གཅིག་འདྲ
ལྟེམ་མེར་འཁྱིལ་ཡོད་པའི་ཆུ་འཁྱིལ་གོར་མོ་ཆ་གཅིག་འདྲ
ཏག་ཏག   ཤེལ་ཁྲའི་རྒྱབ་ལོགས་ན་ཡོད་པས
བར་སྣང་རྟོལ་བྱེད་ཀྱི་གཤོག་པ་འདྲ
ལུས་སེམས་བསིལ་བྱེད་ཀྱི་སྐོམ་པ་གྲང་མོ་འདྲ
ཏག་ཏག  ཤེལ་ཁྲའི་རྒྱབ་ལོགས་ན་ཡོད་པས
སྨུག་གསེབ་ཀྱི་ལུག་ཁྱུ་བཞིན
སྣང་བའི་རེག་བྱ་ཁོ་ནའོ

ཏག་ཏག  ཤེལ་ཁྲ་ལ་ཧ་བཏབ་པ་ཡིན་ཞིང
ཧ་ལ་རི་མོ་བབས་པ་ཡིན་པས
སྐད་ཅིག་ཙམ་གྱིས་ཡལ་སྲིད་ལ
ཆུ་ཐིགས་ཙམ་དུ་ཡང་འགྱུར་མི་སྲིད
ཡིན་ཡང    ཏག་ཏག་ཤེལ་ཁྲ་ལ་ཧ་བཏབ་པའི་སྐད་ཅིག་མ་དེ་ན་ཁོ་ན
སྐལ་བ་བཅུ་གྲངས་ལ་སྙིང་ཁར་སྦྱར་ཆོག་པའི
ལས་ཀྱིས་བསྩལ་པའི་མི་བསླུ་བའི་ཚེ་སྲོག་གི་སྐྱོར་མ་དེའོ

image005.jpg

                                    ཕྱི་མིག་ཀློང་གི་ན་ཟུག

                                                        ------བཞོ་ལུང་གི་མཉམ་འཛོམས་ཐོག་མ།

                                                                རྟོགས་སད་ལྷ་མོ།

སེམས་ཀྱི་གཞི་རྒྱ་འདི་ཧ་ཅང་ཆུང་བས་ལན་སོང་ངམ།
ཡིད་ཀྱི་འདུན་མ་འདི་ཧམ་ཤེད་ཆེ་དྲགས་པས་ལན་སོང་།
ཕྱི་མིག་ཁྲོད་ཀྱི་སྤྲོ་འཛོམས་འདི་ཨང་།
ད་ལྟ་གཞི་ནས་མགོ་མ་བརྩམ་གོང་
འདི་ལྟར་མཇུག་སྒྲིལ་སོང་བས།
ད་ནི་དྲན་པའི་ངོགས་ན་གསལ་བའི་ཁྱེད་ཚོའི་བཞིན་རས་དང་།
བཞིན་རས་ལ་ཐོགས་པའི་དགོད་འཛུམ་རེ་རེ།
ངའི་སྐྱོ་ངལ་གྱི་རྣམ་ཤེས་སྲུང་བའི་སྲུང་མ་ཏག་ཏག་ཡིན་པས།
གཏན་དུ་ངའི་རྣམ་ཤེས་དང་མི་བྲལ་བའི་སྨོན་ལམ་འདེབས།
ཁྱེད་ཚོ་འགྲོ་ཤུལ་དུ་ལུས་པའི་ཕྱི་མིག་གི་འཁྲེང་ཞེན་རེ་རེ།
ངའི་སྙིང་གི་ཟུངས་ཁྲག་ཐིགས་པ་རེ་དང་འདྲ་བར།
ན་ཟུག་གིས་ཞེ་ལ་བཞུར་གྱིན་འདུག
ཟི་ལིང་གི་གྲོང་ཁྱེར་འདི་ནས།
ངས་རང་ཉིད་ཀྱི་བླ་སྲོག་རྩ་བ་ནས་བོར་སོང་བ་ཚོར་ཞིང་།
གྲང་ཤུར་ཤུར་གྱི་སེམས་པ་ཞིག་གིས་སླར་ཡང་འགྲུལ་བཞུད་ཀྱི་ལམ་སྣེར་འཇུ་དགོས་བྱུང་།
ད་ནི་"སྙིང་རྗེ་མེད་པའི་རྟོགས་སད་"འདིའང་སྙིང་རྗེ་མེད་པའི་ལས་ཀྱིས་བསྐྱུར་སོང་བ་མིན་ནམ།
འོན་ཀྱང་། འོན་ཀྱང་།
ཁྱེད་ཚོའི་འཛུམ་མདངས་རེ་རེ་དང་སེམས་གཏམ་རེ་རེས་ང་ལ་མདུན་བསྐྱོད་ཀྱི་སྤོབས་པ་བསྩལ་བས།
ང་རང་ལས་དབང་ལ་སྐྲག་གི་མི་འདུག
ཁེར་རྐྱང་ལ་དེ་བས་སུན་གྱི་མི་འདུག
ངས་ཀྱང་རང་ཉིད་ལ་དབང་བའི་ནམ་མཁའ་ཞིག་ཇི་ལྟར་ཡང་བསྐྲུན་ཐུབ།
དེ་ནི་ཤྭ་རྫོང་རི་ཁྲོད་དང་རི་ཁྲོད་ཀྱི་ནགས་རྫོང་གཡུ་ལོ་འཁྲིག་འཁྲིག་དེས།
ང་དང་ང་ཚོར་བདེན་དཔང་བྱ་ཐུབ་སྙམ།

                                        2017-07-23དགོང་མོ་གནའ་མཁར་ཟི་ལིང་ནས་བྲིས།

 image006.jpg

                  ལུང་ཆུང་སྐྱིད་པོའི་ཉིན་ཐོ།           

                                     གངས་རིའི་སྲས་མོ།

ལས་དབང་གཅིག་གི་གོམ་འགྲོས།།
སྨྱུ་གུའི་ཀློང་ལ་འཁྱུད་པས།།
མོས་མཐུན་གྲོགས་ཀྱི་ལྷན་འཛོམས།།
དེ་རིང་ཉིན་ཐོར་བྲི་ཆོག།

 གནའ་མཁར་ཟི་ལིང་གྲོང་གི།
གྲོགས་མོའི་འདུར་རྒྱུག་དྲིན་གྱིས།།
ལུང་ཆུང་སྐྱིད་པོའི་ནང་ནས།།
ལྷོད་ལྷོད་འདུག་ཁོམ་བྱུང་སོང་།།

གནས་མཆོག་ཤྭ་བ་རི་རྫོང་།།
སྐྱབས་རྗེ་ཙོང་ཁའི་མཚམས་གནས།།
གནས་ལ་ལྷོད་ཀྱིས་མཇལ་བས།།
རྩེ་གཅིག་གསོལ་འདེབས་མ་བརྗེད།།

མཁའ་ཡི་སྤྲིན་པ་ལེབ་མོ།།
དལ་བུར་ལྷོ་རུ་བཞུད་དུས།།
སྨྲེང་བ་རུས་ལ་ཟུག་སོང་།།
མཆི་མ་མིག་ལ་འཁོར་ཡོང་།།

ལྗང་མདོག་གཡུ་ལོ་ཤིག་ཤིག།
སྤྲོ་འཛུམ་དགོད་སྒྲ་ལྷང་ལྷང་།།
ལྷིང་འཇགས་ཁོར་ཡུག་དེ་རུ།།
སེམས་རྩ་རློན་པར་བྱས་སོང་།།

བདེ་མཆོག་གྲོང་གི་ཨ་ཅེ།།
སྐད་ཅིག་སླེབས་རྒྱུ་བྱུང་ཡང་།།
ལུང་ཆུང་སྐྱིད་པོའི་ནང་ནས།།
འདུག་ཁོམ་མེད་པས་ཕངས་སོང་།།

རིག་འབྱུང་གྲོང་ཁྱེར་དབུས་ཀྱི།།
རྒན་དང་ཨ་ཅེ་གཉིས་ཀྱིས།།
བརྩེ་བའི་འཇམ་ཤ་གླན་པས།།
ང་ཡི་སྣང་བ་སྐྱིད་སོང་།།

ཡར་ཀླུང་འགྲམ་གྱི་བུ་མོ།།
ཙོང་ཆུའི་ངོགས་སུ་ཕེབས་བྱུང་།།
ཙོང་ཆུ་སྔོན་མོའི་བཞུར་རྒྱུན།།
ཡར་ཀླུང་གཙང་བོར་འདྲེས་སོང་།།

བྱེ་མའི་གྲོང་ཁྱེར་དབུས་ནས།།
མེ་ཏོག་ཆ་གཅིག་འཁྲུངས་པས།།
མྱ་ངམ་ཐང་གི་ཙད་པ།།
ལུང་ཆུང་སྐྱིད་པོས་བཅོམས་སོང་།།

ཀན་ལྷོའི་ཡུལ་ནས་ཡོང་བའི།།
ཉམ་ཆུང་གངས་སྲས་ང་ཡིས།།
ཙོང་ཆུ་སྔོན་མོའི་འགྲམ་ནས།།
དགོད་སྒྲ་དགུང་ལ་སྐྱེལ་སོང་།།

སེམས་གཏམ་གཅིག་བཤད་གཉིས་བཤད།།
ལ་གཞས་གཅིག་ལེན་གཉིས་ལེན།།
ཁ་མཚར་ཞར་དང་ཞོར་གྱིས།།
ལུང་ཆུང་ལྷིང་འཇགས་དཀྲོགས་སོང་།།

ཝུ་ཆང་གཅིག་འདྲེན་གཉིས་འདྲེན།།
གོམ་ཁ་འཁྱོར་ཉེན་ཆེ་འདུག།
སྣང་བ་རབ་རིབ་བར་ནས།།
ཆང་གི་ཉེས་པ་རྟོགས་ཡོང་།།

ཝུ་ཆང་འཕྲོད་ས་མ་རེད།།
རྗེས་ཀྱི་མཇལ་འཛོམས་སྟེང་ནས།།
ཀླད་པ་བཀྲུ་བའི་ལེའུ།།
མེད་པར་བྱས་ན་བསམ་སོང་།།

མདོར་ན་ལུང་ཆུང་སྐྱིད་པོའི།།
ཨ་ཅག་གྲོགས་དང་གྲོགས་མོ།།
གསར་རྩོམ་ལས་ལ་འཁྱུད་པར།།
གེགས་དང་བར་ཆད་མེད་ཤོག།

                ༢༠༡༧ལོའི་ཟླ༧པའི་ཚེས༢༧ཉིན།

image007.jpg 

                                    ཤྭ་རྫོང་རི་ཁྲོད་ཀྱི་འདུ་འཛོམས།

                                              -------བཞོ་ལུང་ནང་གི་གྲོགས་གཅེས་ཚོར།                                
                                                                རིན་ཆེན་མཚོ།

འུ་ཅག་ཕྱོགས་དང་ཕྱོགས་ནས་སྤྲིན་པའི་འདུ་འགོད་བཞིན།
ཙོང་ཆུའི་འགྲམ་ནས་འཛོམས།
འདས་པའི་ཆར་ང་དང་ཁྱོད་ངོ་མཐོང་བ་མེད་ཀྱང་།
ཕུགས་འདུན་དང་རེ་སྙེག་ཅིག་གིས།
ལམ་ཐག་ལ་རིང་ཐུང་ཡོད་ཀྱང་།
སེམས་པ་ལ་བར་ཐག་མེད་པར།
ཕན་ཚུན་བར་སྔ་མོ་ནས་ཞེ་འདང་གི་དར་སྐུད་ཕྲ་མོ་ཡིས་སྦྲེལ་འདུག་ཨང་།
ང་ཚོས་མཛའ་བརྩེ་ཡི་རྨུ་ཐག་ལ་འཇུས་ཤིང་།
མཐུན་སྒྲིལ་གྱི་རྡོག་སྒྲ་རྒྱག་གིན།
གནས་མཆོག་ཤྭ་རྫོང་རི་ཁྲོད་ཀྱི་འདབས་ནས།
དགའ་སྤྲོའི་ཁ་གཡང་བསྒྲགས།
འཛུམ་དྲུག་གི་མེ་ཏོག་གཏོར།
དྲུག་འགྱུར་གྱི་དབྱངས་རྟ་འཐེན།
ཁྱེད་ཅག་གི་ལྷད་མེད་ཀྱི་འཛུམ་བག་རེ་རེ།
ང་ཡི་སྙིང་ཁོང་དུ་དྲོད་ལྟར་འཁྱིལ།
འོད་ལྟར་གསལ།
རི་ལྟར་བརྟན།
ཁྱེད་ཅག་གི་དཀྱེལ་ཡངས་བའི་བློ་ཁོག་རེ་རེར།
ང་རང་དུངས་པ་སྐྱེས།
ཡི་རང་བྱེད།
ཡིད་སྨོན་འཆོར།
ཁྱེད་ཅག་གིས་བདག་ལ་ལང་ཚོ་ཡི་གསོན་ཤུགས་བསྣན་ཅིང་།
ང་ལ་མདུན་སྐྱོད་ཀྱི་སྤོབས་པ་བསྩལ།

རྗེ་བླ་མའི་སྒྲུབ་ཕུག་ལས་མཆེད་པའི་འོད་སྣང་གིས།
འུ་ཅག་ལ་འཇའ་ཚོན་གྱི་གུར་ཁྱིམ་ཕུབ་ཅིང་།

རྗེ་བླ་མའི་གསུང་ཆོས་ཚངས་སྲས་སྒྲ་དབྱངས་ཀྱིས།
འུ་ཅག་གི་རྣམ་པར་ཤེས་པ་ལ་ཡང་བསྐྱར་བྱབས་ཁྲུས་ཐེངས་གཅིག་མཛད་དུས།
འུ་ཅག་ནི་བླ་མ་གཅིག་གི་དགེ་ཕྲུག་མིན་ཞེས་སུ་ཡིས་བསྙོན་ནུས།
ལམ་ཐག་རིང་ཡང་འཛོམས་ཐག་ཐུང་བ་དེ།
འུ་ཅག་གིས་ལས་དབང་ཞིག་ཏུ་བསྒོམས་ནས།
སླར་འཛོམས་ཀྱི་སྨོན་འདུན་ཤྭ་བ་རི་རྫོང་ལ་བཅོལ་བཞིན།
འཁྲེང་ཞེན་གྱི་ཕྱིར་མིག་འཕེན་བཞིན་རང་གནས་སུ་བཞུད་དགོས་ཨང་།

 image008.jpg

                                   ཉི་འོད་ལ་དུངས་པ།

                                                                གཅན་མེ་ཏོག

ལས་དབང་གི་གཙང་བོ་འཁྱག་རོམ་གྱིས་བསྡམས་དུས
ངའི་སྙན་ངག་གི་སྲོག་རྩར་འཐིམ་པའི་རྣམ་ཤེས་ཕྲ་མོར
གཞི་ནས་ཉི་མ་ལྟ་བུའི་དྲོད་ཁོལ་ཞིག་དགོས་པ་ཤེས་བྱུང

དྲོད་ལ་སྙེག་ཅིང་འོད་ལ་དུངས་པ
འཇིག་རྟེན་སྐྱེ་འགྲོ་ཀུན་གྱི་ལྡོག་མེད་ཀྱི་ཆོས་ཉིད་ཅིག་སྟེ
ངས་འཆར་ཡན་ཁྲོད་དུ་མེ་ཏོག་གི་འཇའ་ཚོན་བསླེས་པ
སྐྱོ་ཤས་ཁྲོད་དུ་མིག་ཆུའི་ཐིགས་པ་གཏོར་བ
ཐོབ་ཤོར་ཁྲོད་དུ་ནོངས་འགྱོད་སོན་དུ་བཏབ་པ
ད་དུང་ངོ་གདོང་ན་བཞད་པའི
འཛུམ་མདངས་རེ་རེ་ནི་ཉི་འོད་ལ་དུངས་པའི་རང་མདངས་ཡིན
དུས་དེ་རིང་ཡང་འཚོལ་ཞིང་སྙེག་གིན་པ
ཉི་འོད   རྒྱང་རིང་གི་ཉི་འོད་དེ་ཡིན

 སྤྲིན་པ་ལང་ལོང་དུ་འཕྱུར་བའི་དུས་ཚིགས་འདིར
དབེན་ཐིང་ཐིང་གི་མྱ་ངམ་ཐང་འདིར
ཚ་གདུག་ཅི་འདྲའི་ཆེ་ནའང
ངས   ཚར་སློག་སྟུག་པོ་ཞིག་རྒྱབ་ཏུ་གྱོན་ནས
ཕངས་སེམས་ཅི་ཡང་མེད་པར
ཁྱེད་ཀྱི་མེ་འོབས་སུ་ལྕེབས་ཏེ
རྒྱ་ལྕང་གི་ལོ་མ་མེ་རུ་བསྒྲོན་ཆོག


རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བཞོ་ལུང་ཚང་གི་སྐབས་དང་པོའི་ལྷན་འཛོམས།

2017-08-03 བོད་གཞུག་སྐྱིད། ཀློག་གྲངས། མཆན ཡོད།

image001.jpg

                                    འདུ་འཛོམས་ཐེངས་ཤིག་གི་ཟིན་བྲིས།

                                                         
བོད་གཞུག་སྐྱིད།

དབྱར་ཟླ་བདུན་པའི་བོད་ཡུལ་གྱི་ས་ཆ་གང་ས་གང་དུ་འདུ་འཛོམས་ཀྱི་ཡོ་ལང་རབ་ཏུ་རྒྱས་འདུག དེ་ནི་གཅིག་ནས་རི་ལུང་དང་ནགས་ཚལ། སྤང་ལྗོངས་དང་རྩྭ་ཐང་། ཨ་སྔོན་དང་སྤྲིན་དཀར། མཚོ་དང་མཚེའུ། མེ་ཏོག་དང་སྨན་ཆུ་སོགས་མཚར་སྡུག་མངར་བའི་ཕྱིའི་སྣོད་ཀྱི་བཀོད་པའི་མཚར་སྡུག་གི་བསླུ་བྲིད་དང་། གཞན་ཞིག་ནི་མི་རྣམས་ཀྱིས་ཁེར་རྐྱང་དང་བྲེལ་འཚུབ། ཟང་ཟིང་དང་བསླུ་བྲིད། འགྱུར་ལྡོག་དང་ཆིག་འགྱུར་སོགས་འདོད་ཡོན་གྱི་སེམས་བྱུང་གང་ཞིག་ལྡོག་ཏུ་མ་ནུས་པར་ལྷན་འཛོམས་ཀྱི་དགོད་སྒྲ་དང་། རང་དབང་བག་ལྷོད་ཀྱི་མཁའ་དབུགས་ཤིག་འཚོལ་འདོད་བྱུང་བའི་ཨེ་ཡིན་སྙམ།

ང་ཚོའང་ཐེངས་འདིར་སྐྱིད་སྡུག་གི་འཚོ་བ་གླུ་རུ་འདྲེན་ཞིང་། དགའ་སྐྱོའི་ཚོར་བ་སྨྱུག་རྩེར་འགོད་པར་དགའ་བའི་གྲོགས་མོ་སྐོར་ཞིག་དང་མཉམ་དུ་འཛོམས་པའི་སྐལ་བ་བྱུང་། ང་ཚོར་མདོ་དབུས་ཁམས་གསུམ་གྱི་མི་སྣ་འདུས་པའི་བཞོ་ལུང་ཟེར་བའི་སྐྱེས་མ་རྐྱང་རྐྱང་གི་རྩོམ་རིག་གི་ཚོགས་པ་ཞིག་ཡོད་ལ། དེའི་ནང་ནམ་རྒྱུན་ཀུ་རེ་རྩེད་མོ་དང་། རྩོམ་རིག་བརྩམས་ཆོས་མྱོང་རོལ་ལས་གཞན་ལེགས་རྩོམ་འོས་སྦྱོར། རྩོམ་ཡིག་ཆེད་འགོད། རྩོམ་སྐུལ་བྱ་བ་སོགས་རེ་འགའ་འང་འདུ། མཚམས་རེར་འཁྲུག་ཆ་ཤིན་ཏུ་དོད་པོ་བྱུང་ལ་མཚམས་རེར་ཤིན་ཏུ་ལྷིང་འཇགས་ཀྱི་ཚོགས་པ་ཞིག་ཀྱང་ཡིན། ཐེངས་འདིའི་མཉམ་འཛོམས་འདི་ཐོག་མར་ཨ་ཅེ་འཆི་མེད་ལགས་ནས་གྲོས་འགོ་བཏོན་ཏེ། ཚོགས་མི་ཐམས་ཅད་ཀྱི་གྲོས་བསྡུར་བྱས་པས་ཚོགས་མི་མང་ཤོས་མོས་མཐུན་བྱུང་། དེར་བལྟས་ན་སྐད་འཕྲིན་ཟེར་བའི་དྲ་རྒྱའི་བརྒྱུད་ལམ་གྱི་འཛོམས་པ་འདི་ལས་མི་མང་ཤོས་ངོ་དང་ངོ་འཕྲད་ནས། སེམས་དང་སེམས་གཏད་ནས་ཕན་ཚུན་ལ་འཕྲད་འདོད་ཀྱི་བློ་ཡོད་པ་རྟོགས་ཐུབ། མི་སུམ་ཅུར་བསམ་པ་སུམ་ཅུ་ཟེར་བའི་དཔེ་ལྟར་གྲོས་བསྡུར་ཡང་ཡང་བྱས་མཐར་ས་གནས་མདོ་སྨད་རྫོང་ཆེན་བཞིའི་ཡ་གྱལ་ཤྭ་བ་རི་རྫོང་དང་། དུས་ཚོད་ཀྱང་དབྱར་གནང་ཡིན་ལ་གཟའ་མཇུག་ཀྱང་ཡིན་པའི་ཉིན་མོར་གཏན་འཁེལ་བྱས། འདུ་འཛོམས་ཀྱི་མ་དངུལ་ཀྱང་མི་སྒེར་སོ་སོ་ནས་གཏོང་བ་དང་། སློབ་མ་རྣམས་ལ་མ་དངུལ་མི་བསྡུ་བའི་ཐག་བཅད། ནམ་རྒྱུན་གཞུང་གི་རྩོམ་རིག་གི་ཚོགས་འདུ་ལ་ལ་དང་། བྱ་འགུལ་ཁ་ཤས་ལས་ང་ཚོ་སྐྱེས་མ་རེ་གཉིས་འདུ་བའི་གོ་སྐབས་ཡོད་སྲིད་ཀྱང་མང་པོ་འདུ་བའི་གོ་སྐབས་མེད་ལ། ཡང་གཅིག་བཤད་ན་སྐྱེས་མ་རྣམས་ཀྱིས་རང་རང་གི་མ་དངུལ་བཏང་ནས་བྱ་འགུལ་ཆེན་པོའམ་འདུ་འཛོམས་བསྡུས་པ་སོགས་ཀྱི་མྱོང་བའང་མེད་པས་ཐེངས་འདིའི་འདུ་འཛོམས་ནི་ང་ཚོར་མཚོན་ན་རང་གིས་རང་ལ་རང་དབང་སྟེར་མིན་དང་། རྒྱུ་ནོར་བཀོལ་སྟངས། རང་རང་ནང་སེམས་ཀྱི་འདོད་འདུན་ལ་ཕྱོགས་ཐུབ་མིན་སོགས་སྣང་ཚུལ་འགའ་རེའང་མཚོན་འོང་གི་འདུག

ཚོགས་གནས་མཚོ་སྔོན་དུ་གཏན་འཁེལ་བྱས་པས་ང་རང་འདུ་འཛོམས་འདིའི་བཀོད་སྒྲིག་པའི་འགན་ཕྲག་ཏུ་བབས་བྱུང་ལ། ངས་ཀྱང་ལས་ཀའི་བྲེལ་ཟིང་གི་ཁྲོད་ནས་འདུ་འཛོམས་འདིའི་མགོ་མཇུག་བར་གསུམ་ལ་འབད་པ་བྱས། ཐོག་མར་ཚོགས་མི་ལ་ལས་ང་ཚོ་འདི་ལྟར་ཐེངས་ཤིག་འཛོམས་ན་དོན་དག་ཞིག་སྒྲུབ་འོས་ཞེས་གྲོས་གཞི་འདོན་མཁན་དང་། ཡང་ལ་ལས་ཁྱེད་ཚོ་འདི་ལྟར་འཛོམས་དོན་ཅི་ཡིན་ཞེས་རྒྱུ་མཚན་འདྲི་མཁན་ཡང་གང་མང་ཡོད་མོད། ང་ཚོས་ལན་ནི་ཤིན་ཏུ་སྟབས་བདེ་ཞིག་ཡིན་ཏེ་འདི་ལྟར་ཆེད་དུ་འཛོམས་ནས་རང་དབང་བག་ལྷོད་ངང་ཇ་འཐུང་ཞོར་ཕན་ཚུན་ལ་རྒྱུས་ལོན་དང་བསམ་པ་སྟོན་ཚུལ་ཡང་མ་གཞི་ནས་དོན་དག་ཞིག་རེད་བསམ་པ་དེ་ཡིན་ལ། འདུ་འཛོམས་ཐེངས་ཤིག་ནི་སུ་ཡིས་བལྟས་ནའང་ལས་སླ་མོ་ཞིག་ཏུ་མངོན་སྲིད་ཀྱང་། སྐྱེས་མ་རྣམས་སྒོར་ཐོན་པ་ནི་དངོས་གནས་ཁྱིམ་ཚང་ཞིག་གི་སླ་ང་འཁུར་ནས་བུད་སོང་བ་ལྟ་བུའི་དཔེ་གསོན་པོ་ཞིག་རེད། འདུ་འཛོམས་ལ་ཐོག་མར་མི་མང་ཤས་འཐད་པ་བྱུང་ནའང་གཞུང་སྒེར་གྱི་ངོས་ཐད་ནས་དོན་དག་ཙག་ཙིག་གིས་ང་ཚོ་སྐྱེས་མ་དགུ་ལས་འཛོམས་མ་ཐུབ་པ་དང་། འཛོམས་ཡོད་པ་རྣམས་ཀྱི་ཁྲོད་ནས་ཀྱང་རང་རང་ས་ནས་གཞུང་སྒེར་གྱི་དོན་དག་ཆེ་མ་ཆུང་གསུམ་བཀོད་སྒྲིག་བྱས་ཚར་ནས་ད་གཟོད་སྒོར་ཐོན་པ་རེད། དགའ་བའི་དོན་ཞིག་ཡོད་པ་ནི་སྐྱེས་མ་ལ་ཤས་ལ་ཁྱོ་ག་དང་བུ་ཕྲུག་གི་རྒྱབ་བསྐྱོར་བྱས་ནས་ས་གནས་གང་དེར་བསྐྱལ་ལེན་བྱེད་པའི་སྣང་ཚུལ་ཡོད་པ་དེ་ཡིན།

ཐོག་མར་ང་ཚོ་ཟླ་བདུན་པའི་ཚེས༢༡ཉིན་གནའ་མཁར་ཟི་ལིང་གྲོང་ནས་འཛོམས་ཤིང་ཕན་ཚུན་ངོ་འཕྲད་པའི་འཚམ་རྟགས་སུ་ཁ་བཏགས་དང་དཔེ་ཆ། ས་གནས་སོ་སོ་ནས་འཁྱེར་འོང་བའི་ལེགས་སྐྱེས་སོགས་ཕན་ཚུན་ལ་སྐྱེས་སུ་སྦྱིན་ཞིང་ཕན་ཚུན་ངོ་སྤྲོད་བྱོས། དེ་ནས་ཟས་ཞིམ་པོ་མཉམ་རོལ་དང་།ཆང་ཞིམ་པོ་མཉམ་བཏུང་བྱས་ནས་གླུ་ངག་གི་དབྱངས་རྟ་དང་ཀུ་རེ་རྩེད་དགོད་ཀྱི་ཀློང་ནས་སོ་སོའི་བྱ་བཞག་དང་། ཁྱིམ་ཚང་། བུ་ཕྲུག དགའ་ཁ་འཁྱེར་སོ། ས་གནས་སོ་སོའི་རྩོམ་རིག་གི་མཁའ་དབུགས་དང་། སྐྱེས་མ་རྩོམ་འབྲི་བ་རྣམས་ཀྱི་གནས་བབས་སོགས་རྒྱུས་ལོན་གྱི་ཁ་བརྡ་ཅི་རིགས་བྱས་པ་ཡིན།

image002.jpg

ཚེས༢༢ཉིན་ཞོགས་ཟས་ཟོས་རྗེས་ང་ཚོ་རླངས་འཁོར་གཉིས་སུ་བསྡད་དེ་མདོ་སྨད་རྫོང་ཆེན་བཞིའི་ཡ་གྱལ་ཤྭ་བ་རི་རྫོང་གི་ཉེ་འགྲམ་དུ་བཀོད་སྒྲིག་བྱས་ཡོད་པའི་ཚེ་བརྟན་ཚང་གི་ཁྱིམ་དུ་ཐོན།དུས་ཚོད་བཅུ་ལ་ཐོན་མ་ཐག་ཡིན་པའི་ཚང་མ་མོས་མཐུན་བྱུང་ནས་ཤྭ་རྫོང་རི་ཁྲོད་ཀྱི་དགོན་པར་མཆོད་མཇལ་དུ་ཕྱིན། ཤྭ་རྫོང་རི་ཁྲོད་ནི་རྒྱབ་རི་བྲག་ལ་བརྟེན་ཞིང་། མདུན་རི་དང་ལུང་ཐང་ཐམས་ཅད་ནགས་ཀྱིས་ཁེངས་ནས་དགོན་པའི་རྩེ་ནས་ཕྱོགས་བཞིར་བལྟས་ཚེ་ལྗང་མདོག་གི་ཡུལ་ལྗོངས་སྣུམ་པོས་རང་དབང་མེད་པར་སེམས་སུ་ཞི་བདེ་དང་དགའ་སྤྲོ། བདེ་སྐྱིད་དང་བག་ལྷོད་བཅས་ཚོར་བ་དུ་མས་བརྒྱན་འོང་། གནས་དེ་ནས་ང་ཚོས་མཉམ་དུ་མཆོད་མཇལ་དང་བསྐོར་བ། གསོལ་འདེབས་དང་སྨོན་ལམ་རྒྱག་པ། མཆོད་མེ་སྒྲོན་པ་སོགས་དུས་གཅིག་ཏུ་བྱས་པའི་མི་ཚད་ད་དུང་འདྲ་པར་དང་བརྙན་ཐུང་དུ་མ་བླངས་ནས་དགའ་འཛུམ་དང་དགོད་སྒྲའི་ཁྲོད་ཕྱིར་ཚེ་བརྟན་ཚང་དུ་ལོག་པ་ཡིན། དེ་ནས་གུང་ཟས་ཀྱང་རན་སོང་བས་ལབ་གླེང་དང་ཀུ་རེ་ཁྲོད་དུས་ཚོད་ཅི་ལྟར་འདས་པའང་ཤེས་མ་སོང་། ཕྱི་དྲོའི་དུས་སུ་ང་ཚོ་སྡོད་གནས་ལས་ཅུང་རིང་དུ་གྱེས་ཏེ་ཕ་རིའི་ནགས་གསེང་དུ་སོང་ནས་མགོ་ན་གནམ་དང་ཐང་ན་སྤང་མ་གཏོགས་མེད་པའི་གནས་ཤིག་ནས་ཡང་བསྐྱར་ལྦུ་ཆང་བཏུང་མ་མྱོང་བ་དག་ལ་ལྦུ་ཆང་བླུགས་ཤིང་། འཐུང་མྱོང་བ་དག་གིས་ཆང་དང་འབྲེལ་ཡོད་ཀྱི་ལབ་གླེང་རིང་དུ་བྱས་ཏེ་མཚམས་རེར་གད་མོ་བགོད་པ་དང་། མཚམས་རེར་གླུ་ལེན་པ། ཨམ་སྐད་སྨྲ་བ་དག་གིས་དབུས་སྐད་ལབ་ཤིང་དབུས་སྐད་སྨྲ་བ་དག་གིས་ཨམ་སྐད་ལ་ཨུ་ཚུགས་བྱེད་པ། ལོ་སུམ་ཅུའི་སྔོན་ལ་སློབ་གྲོགས་ཡིན་ཡང་། ལོ་སུམ་ཅུའི་རྗེས་སུ་འདུ་འཛོམས་འདིའི་སྟེང་འཕྲད་པའི་མི་ཡིས་སླར་མཇལ་ནས་དེ་དུས་ཀྱི་གཏམ་རྒྱུད་ལབ་པ་དང་། ལ་ལས་ཀུ་རེ་རྩེད་ཞོར་དང་རྩོམ་འབྲི་བ་སོགས་ཀྱི་རང་དབང་ངང་ཡུལ་ལྗོངས་ཐ་དག་སེམས་ཀྱི་ལོངས་སྤྱོད་བྱས་པས་ས་སྲོད་ལ་ཅི་ལྟར་ཐོན་པའང་ཤེས་མ་སོང་།

ནུབ་འཚལ་གྱི་རྗེས་སུ་ཡང་བསྐྱར་ཆང་དང་གཏམ་ལ་བརྟེན་ནས་གཞས་གང་མང་བཏང་བའི་མི་ཚད།བརྩེ་བའི་གཏམ་རྒྱུད་གང་མང་འང་རོལ་རྒྱུ་བྱུང་བས་མཚན་མོ་ནི་མི་སེམས་ཀྱི་གཉུག་གཤིས་འོད་དུ་འཚེར་བའི་རང་དབང་གི་མཁའ་དབྱིངས་དེའང་རེད་འདོད་སོང་།

ཚེས༢༣ཉིན་ནི་ཚང་མ་ཕྱིར་རང་སར་ལྡོག་པའི་དུས་ཡིན་མོད། ཤྭ་རྫོང་རི་ཁྲོད་ནས་རྒྱལ་བ་ཡིད་བཞིན་ནོར་བུའི་འཁྲུངས་ཡུལ་དུ་ཐག་ཉེ་བོ་ཡོད་པས་མི་ཚད། སྟོད་ཉི་མ་ལྷ་སའི་གྲོང་ནས་ཐོན་པའི་རྩོམ་གྲོགས་གཙོས་ཚོགས་མི་ཚང་མ་གནས་དེར་མཇལ་འདོད་ཀྱི་འདུན་པ་ཤིན་ཏུ་ཆེ་བས་ང་ཚོས་ཁ་ལོ་བར་རིན་གོང་ལྷག་མ་ཞིག་སྤྲད་ནས་མདོ་སྨད་སྟག་འཚེར་གྲོང་དུ་མཆོད་མཇལ་དུ་ཕྱིན་པ་ཡིན། ཉིན་དེར་གནམ་ངོར་སྤྲིན་འཁྲིགས་ལ། སྔོ་ལྗང་ལྗང་གི་ཁོར་ཡུག་ཐ་དག་ཀྱང་སྨུག་པས་བཏུམས་ཡོད། ང་ཚོ་དེར་ཕྱིན་ནས་ཐོབ་ཐང་ལག་འཁྱེར་སོགས་ཐོ་འགོད་བྱེད་དུ་བཅུག་རྗེས་ཁོང་གི་ཉེ་མི་ཞིག་གིས་ང་ཚོར་ཁོར་ཡུག་ཐ་དག་ངོ་སྤྲོད་བྱེད་པ་དང་ཁ་བཏགས་གཏོང་བ་སོགས་བྱས། མཇལ་ཚར་ནས་ཕྱིར་ལོག་དུས་སྒོའི་ནང་དུ་ཁོང་གི་ཉེ་མི་དེའི་ཨ་མ་རྒན་མོར་འཕྲད་ནས་ང་ཚོ་ག་ས་ག་ནས་ཡིན་པ་སོགས་ཀྱི་ལབ་གླེང་བྱས།མི་རྣམས་ཀྱི་ལྗིད་ཏིག་ཏིག་གི་སེམས་པ་གཞི་ནས་མིག་ཀོང་གི་མཆི་མར་བསྡོངས་ནས་ས་ལ་ཟགས།

དེ་ལྟར་གྲོགས་མོ་འགའ་ཞིག་ཕྱིར་ཟི་ལིང་དུ་ལམ་དུ་ཆས་ཤིང་། ལ་ལ་ལམ་བར་ནས་རང་སར་ལོག་པའི་སྟ་གོན་བྱས། ཉིན་དེར་ཏག་ཏག་མཚོ་བསྐོར་ལྕགས་རྒྱུག་འགྲན་བསྡུར་གྱི་དུས་ལ་འཁེལ་བས་ང་ཚོ་གྲོགས་མོ་སྐོར་ཞིག་གིས་ལམ་བར་ནས་ཆུ་ཀུབ་ཟ་བ་དང་། གཞས་ལ་ཉན་པ། པར་ལེན་པ། ཁ་བརྡ་གློད་པ་སོགས་ཀྱིས་དུས་ཚོད་གཉིས་ཙམ་ཟད་པར་བྱས། ཕྱི་དྲོའི་དུས་ཚོད་བཞི་ཙམ་ལ་ང་ཚོ་ཕྱིར་ཟི་ལིང་དུ་ལོག་ནས་རང་སར་གྱེས་ཤིང་། སྐད་འཕྲིན་གྱི་བར་སྟོང་ལས་མཇལ་འཛོམས་ཀྱི་པར་དང་ཁ་བརྡ་སོགས་མཚམས་མི་ཆད་པར་བསྐུར་སྲོལ་ལ་བལྟས་ན་ཚང་མས་ཐེངས་འདིའི་སྐྱིད་པའི་འདུ་འཛོམས་ལ་ཕྱི་མིག་ཡང་ཡང་འཕེན་བཞིན་པ་ཤེས་ཐུབ།

འདུ་འཛོམས་འདི་ལས་ང་ཚོས་མཛེས་སྡུག་གི་རི་ཀླུང་ཞིག་ལ་ཐུན་མོང་གི་ལོངས་སྤྱོད་བྱས་ཤིང་། དགའ་བ་དང་སྐྱོ་གདུང་གི་ཚོར་འདུ་མ་ལུས་ཀྱང་རང་རང་གི་སེམས་སུ་སྒོམ་ནས་ཆེད་དུ་རང་རང་ལ་འཚམ་པའི་གླུ་ཞིག་ལེན་དགོས་པའི་ལས་བྱ་བྱིན་པ་ཡིན་ལ། ལས་བྱ་འདི་ནི་ང་ཚོ་སུ་ལ་མཚོན་ནའང་རང་སེམས་ཀྱི་རི་མོ་རེ་རེ་དབྱངས་གསལ་ལ་བརྒྱུས་ཚུལ་ཞིག་ཅི་ལ་མིན་ཨང་།

                                                                                              2017-7-30ཉིན་ཟི་ལིང་ནས།

image003.jpg

                                     ཁྱེད་ཚོར་བསྐྱུར་པའི་ཕྱི་མིག

                                                                འཆི་མེད།

སྣང་བ་བག་མེད་འཁོར་བའི་སྤྲིན་དཀར་གྱི་འདབ་མ།།
ངེས་མེད་འཕུར་ལྡིང་གར་གྱིས་སྟངས་སྟབས་རང་སྒྱུར་དུས།།
ཞེ་འདང་ཨ་ལོང་འཁྱིལ་བའི་མཚོ་མོ་དེའི་ངོགས་ན།།
དར་དཀར་འཇམ་པོའི་གཤིས་ཀྱི་གྲོགས་མོ་ཚོ་འཛུམ་ཡོད།།

ནགས་མ་ཤིག་ཤིག་དབེན་པའི་གནས་མཇལ་ལ་ཆས་ཏེ།།
རྨོ་མོ་བཞུད་སའི་མཐའ་ཡས་རི་གྲོང་ལ་ཧད་ནས།།
གཤོག་པའི་གར་སྟབས་མཐོན་པོའི་དབྱིངས་རིམ་ན་འཁྱུག་པའི།།
རྒོད་པོའི་འགྲོས་ལ་སེམས་ཀྱི་སྨོན་པ་ཞིག་ཤོར་སོང་།།

སྔོན་མོ་གཡུ་སྒྲོན་སྤྲུལ་བ་ཀོང་ཇོ་དང་ཁྲི་ལྕམ།།
ལབ་ཀྱི་སྒྲོན་མ་མྱང་ཚ་དཀར་རྒྱན་ནས་བཟུང་སྟེ།།
དཀར་སའི་རུས་པ་དམར་སའི་ཟུངས་ཁྲག་གི་ས་བོན།།
བདག་ལ་བགོས་སྐལ་གནང་བར་ངོ་གནོང་ཞིག་སྐྱེས་བྱུང་།།

གོས་དྲོད་ལུས་ཀྱིས་བྱིན་པ་གློ་བུར་དང་སྟེས་དབང་།།
ཞེ་འདོད་རྒྱུན་ཐག་རིང་བ་དཔྱད་དཔྱད་ཀྱི་འབྲས་བུ།།
འགྲུབ་དུས་མེད་པའི་འཁོར་བ་རང་ལག་གིས་བཟོས་པ།།
སུན་མེད་ཟད་མེད་སོར་མོ་དལ་དལ་གྱིས་འགུལ་སོང་།།

མེ་ལྕེ་ཐབ་ན་མཆེད་ཀྱང་སྣོད་འོག་ལས་མ་འདས།།
གཙང་པོ་ཤང་སྒྲ་མཐོ་ཡང་ཟམ་འོག་ནས་བཞུར་དགོས།།
ཆོས་ཉིད་དེ་ཡིས་མཚོན་པའི་ལས་དབང་ལ་མ་རྒོལ།།
མོ་སེམས་གུ་ཡངས་ཆེ་བའི་རྒྱུ་འབྲས་དང་འགལ་འགྲོ།

ལྟོས་བཅས་རི་མོ་འབྲི་བའི་ཚོན་སྨྱུག་གི་རྩེ་མོ།།
ཡིད་ཀྱིས་མ་བསམས་གང་འདོད་བར་སྣང་ལ་འཁྱུག་མཁན།།
ས་ལ་ཀྲབ་ཀྲབ་བྱེད་པའི་སྲིན་ཆུང་གི་རྐང་རྗེས།།
གཉིས་མེད་མཁས་པའི་ཆོ་ལོ་སུ་ཞིག་གིས་སྩོལ་ཨང་།།

 ཡངས་པའི་འཇིག་རྟེན་སྲིད་པའི་གཞིས་ཁྱིམ་གྱི་བདག་མོ།།
ང་ཡི་གྲོགས་མོ་འདི་དག་མཛེས་མཛངས་ཀྱིས་བརྒྱན་ཡོད།།
དབྱངས་གསལ་སོ་བཞིའི་ཕྲེང་རྒྱན་ལག་འོག་ནས་ཡལ་པའི།།
ཁེར་རྐྱང་སེམས་ཀྱི་མཐིལ་ལ་དྲོད་ཁོལ་ཅིག་གནང་ངམ།།

རྒྱང་རིང་དྲན་པའི་འཁྲི་ཤིང་ཡིད་ཡུལ་ནས་མ་བོར།།
ཉིན་མཚན་རྨི་ལམ་ཡོད་ཚད་དེ་ག་ལ་གཏད་ཡོད།།
སེམས་ཀྱི་བདེ་སྐྱིད་ཟེར་ན་དེ་འདྲ་ཞིག་ཨེ་རེད།།
འཁོར་བའི་སྙིང་པོ་ཟེར་པའང་དེ་འདྲ་ཞིག་ལགས་སམ།།

དྭངས་གཙང་བཞིན་གྱི་འཛུམ་ལས་ལྷད་མེད་ཀྱི་སེམས་པ།།
མ་བསྣོགས་བདག་ལ་སྩོལ་པའི་གྲོགས་མོ་རྣམས་བདེ་མོ།།
ས་གཞིའི་ཁུར་དུ་བསྐུར་པའི་འཇིག་རྟེན་འདིའི་བྱ་ལས།།
གྱེས་མཇལ་ཙམ་ཞིག་མ་ལགས་ལམ་སྣེ་དེ་རིང་ངོ་།།

དོན་གཉིས་སྐྲ་རྩེ་ཙམ་ཞིག་རྐང་རྗེས་ལ་མེད་པའི།།
ཐ་ན་རྣམ་འགྱུར་ཙམ་ཡང་མིག་ལམ་ལ་མེད་པའི།།
ཀུན་གྱི་ཐ་མ་འཆི་མེད་གློ་བུར་གྱི་དྲན་པ།།
ཡི་གེར་བཀོད་འདིས་ཁྱེད་ཅག་ཁོང་འཛུམ་རེ་འཆོར་ཤོག།

                 འཆི་མེད་ཀྱིས་གྲོགས་མོ་རྣམས་དང་གྱེས་ཁར་འཕྲལ་དུ་བྲིས།

 image004.jpg

                                     ཤེལ་ཁྲའི་རྒྱབ་ལོགས་ཀྱི་མིག་ཟུང་།

                                                                ཁ་བ་ལྷ་མོ

ཁྲ་སྒོར་སྒོར
ཁྲ་སྒོར་སྒོར་གཟི་ཡི་བྱེའུ་ཆུང་ཆ་གཅིག་འདྲ
ལྟེམ་མེར་འཁྱིལ་ཡོད་པའི་ཆུ་འཁྱིལ་གོར་མོ་ཆ་གཅིག་འདྲ
ཏག་ཏག   ཤེལ་ཁྲའི་རྒྱབ་ལོགས་ན་ཡོད་པས
བར་སྣང་རྟོལ་བྱེད་ཀྱི་གཤོག་པ་འདྲ
ལུས་སེམས་བསིལ་བྱེད་ཀྱི་སྐོམ་པ་གྲང་མོ་འདྲ
ཏག་ཏག  ཤེལ་ཁྲའི་རྒྱབ་ལོགས་ན་ཡོད་པས
སྨུག་གསེབ་ཀྱི་ལུག་ཁྱུ་བཞིན
སྣང་བའི་རེག་བྱ་ཁོ་ནའོ

ཏག་ཏག  ཤེལ་ཁྲ་ལ་ཧ་བཏབ་པ་ཡིན་ཞིང
ཧ་ལ་རི་མོ་བབས་པ་ཡིན་པས
སྐད་ཅིག་ཙམ་གྱིས་ཡལ་སྲིད་ལ
ཆུ་ཐིགས་ཙམ་དུ་ཡང་འགྱུར་མི་སྲིད
ཡིན་ཡང    ཏག་ཏག་ཤེལ་ཁྲ་ལ་ཧ་བཏབ་པའི་སྐད་ཅིག་མ་དེ་ན་ཁོ་ན
སྐལ་བ་བཅུ་གྲངས་ལ་སྙིང་ཁར་སྦྱར་ཆོག་པའི
ལས་ཀྱིས་བསྩལ་པའི་མི་བསླུ་བའི་ཚེ་སྲོག་གི་སྐྱོར་མ་དེའོ

image005.jpg

                                    ཕྱི་མིག་ཀློང་གི་ན་ཟུག

                                                        ------བཞོ་ལུང་གི་མཉམ་འཛོམས་ཐོག་མ།

                                                                རྟོགས་སད་ལྷ་མོ།

སེམས་ཀྱི་གཞི་རྒྱ་འདི་ཧ་ཅང་ཆུང་བས་ལན་སོང་ངམ།
ཡིད་ཀྱི་འདུན་མ་འདི་ཧམ་ཤེད་ཆེ་དྲགས་པས་ལན་སོང་།
ཕྱི་མིག་ཁྲོད་ཀྱི་སྤྲོ་འཛོམས་འདི་ཨང་།
ད་ལྟ་གཞི་ནས་མགོ་མ་བརྩམ་གོང་
འདི་ལྟར་མཇུག་སྒྲིལ་སོང་བས།
ད་ནི་དྲན་པའི་ངོགས་ན་གསལ་བའི་ཁྱེད་ཚོའི་བཞིན་རས་དང་།
བཞིན་རས་ལ་ཐོགས་པའི་དགོད་འཛུམ་རེ་རེ།
ངའི་སྐྱོ་ངལ་གྱི་རྣམ་ཤེས་སྲུང་བའི་སྲུང་མ་ཏག་ཏག་ཡིན་པས།
གཏན་དུ་ངའི་རྣམ་ཤེས་དང་མི་བྲལ་བའི་སྨོན་ལམ་འདེབས།
ཁྱེད་ཚོ་འགྲོ་ཤུལ་དུ་ལུས་པའི་ཕྱི་མིག་གི་འཁྲེང་ཞེན་རེ་རེ།
ངའི་སྙིང་གི་ཟུངས་ཁྲག་ཐིགས་པ་རེ་དང་འདྲ་བར།
ན་ཟུག་གིས་ཞེ་ལ་བཞུར་གྱིན་འདུག
ཟི་ལིང་གི་གྲོང་ཁྱེར་འདི་ནས།
ངས་རང་ཉིད་ཀྱི་བླ་སྲོག་རྩ་བ་ནས་བོར་སོང་བ་ཚོར་ཞིང་།
གྲང་ཤུར་ཤུར་གྱི་སེམས་པ་ཞིག་གིས་སླར་ཡང་འགྲུལ་བཞུད་ཀྱི་ལམ་སྣེར་འཇུ་དགོས་བྱུང་།
ད་ནི་"སྙིང་རྗེ་མེད་པའི་རྟོགས་སད་"འདིའང་སྙིང་རྗེ་མེད་པའི་ལས་ཀྱིས་བསྐྱུར་སོང་བ་མིན་ནམ།
འོན་ཀྱང་། འོན་ཀྱང་།
ཁྱེད་ཚོའི་འཛུམ་མདངས་རེ་རེ་དང་སེམས་གཏམ་རེ་རེས་ང་ལ་མདུན་བསྐྱོད་ཀྱི་སྤོབས་པ་བསྩལ་བས།
ང་རང་ལས་དབང་ལ་སྐྲག་གི་མི་འདུག
ཁེར་རྐྱང་ལ་དེ་བས་སུན་གྱི་མི་འདུག
ངས་ཀྱང་རང་ཉིད་ལ་དབང་བའི་ནམ་མཁའ་ཞིག་ཇི་ལྟར་ཡང་བསྐྲུན་ཐུབ།
དེ་ནི་ཤྭ་རྫོང་རི་ཁྲོད་དང་རི་ཁྲོད་ཀྱི་ནགས་རྫོང་གཡུ་ལོ་འཁྲིག་འཁྲིག་དེས།
ང་དང་ང་ཚོར་བདེན་དཔང་བྱ་ཐུབ་སྙམ།

                                        2017-07-23དགོང་མོ་གནའ་མཁར་ཟི་ལིང་ནས་བྲིས།

 image006.jpg

                  ལུང་ཆུང་སྐྱིད་པོའི་ཉིན་ཐོ།           

                                     གངས་རིའི་སྲས་མོ།

ལས་དབང་གཅིག་གི་གོམ་འགྲོས།།
སྨྱུ་གུའི་ཀློང་ལ་འཁྱུད་པས།།
མོས་མཐུན་གྲོགས་ཀྱི་ལྷན་འཛོམས།།
དེ་རིང་ཉིན་ཐོར་བྲི་ཆོག།

 གནའ་མཁར་ཟི་ལིང་གྲོང་གི།
གྲོགས་མོའི་འདུར་རྒྱུག་དྲིན་གྱིས།།
ལུང་ཆུང་སྐྱིད་པོའི་ནང་ནས།།
ལྷོད་ལྷོད་འདུག་ཁོམ་བྱུང་སོང་།།

གནས་མཆོག་ཤྭ་བ་རི་རྫོང་།།
སྐྱབས་རྗེ་ཙོང་ཁའི་མཚམས་གནས།།
གནས་ལ་ལྷོད་ཀྱིས་མཇལ་བས།།
རྩེ་གཅིག་གསོལ་འདེབས་མ་བརྗེད།།

མཁའ་ཡི་སྤྲིན་པ་ལེབ་མོ།།
དལ་བུར་ལྷོ་རུ་བཞུད་དུས།།
སྨྲེང་བ་རུས་ལ་ཟུག་སོང་།།
མཆི་མ་མིག་ལ་འཁོར་ཡོང་།།

ལྗང་མདོག་གཡུ་ལོ་ཤིག་ཤིག།
སྤྲོ་འཛུམ་དགོད་སྒྲ་ལྷང་ལྷང་།།
ལྷིང་འཇགས་ཁོར་ཡུག་དེ་རུ།།
སེམས་རྩ་རློན་པར་བྱས་སོང་།།

བདེ་མཆོག་གྲོང་གི་ཨ་ཅེ།།
སྐད་ཅིག་སླེབས་རྒྱུ་བྱུང་ཡང་།།
ལུང་ཆུང་སྐྱིད་པོའི་ནང་ནས།།
འདུག་ཁོམ་མེད་པས་ཕངས་སོང་།།

རིག་འབྱུང་གྲོང་ཁྱེར་དབུས་ཀྱི།།
རྒན་དང་ཨ་ཅེ་གཉིས་ཀྱིས།།
བརྩེ་བའི་འཇམ་ཤ་གླན་པས།།
ང་ཡི་སྣང་བ་སྐྱིད་སོང་།།

ཡར་ཀླུང་འགྲམ་གྱི་བུ་མོ།།
ཙོང་ཆུའི་ངོགས་སུ་ཕེབས་བྱུང་།།
ཙོང་ཆུ་སྔོན་མོའི་བཞུར་རྒྱུན།།
ཡར་ཀླུང་གཙང་བོར་འདྲེས་སོང་།།

བྱེ་མའི་གྲོང་ཁྱེར་དབུས་ནས།།
མེ་ཏོག་ཆ་གཅིག་འཁྲུངས་པས།།
མྱ་ངམ་ཐང་གི་ཙད་པ།།
ལུང་ཆུང་སྐྱིད་པོས་བཅོམས་སོང་།།

ཀན་ལྷོའི་ཡུལ་ནས་ཡོང་བའི།།
ཉམ་ཆུང་གངས་སྲས་ང་ཡིས།།
ཙོང་ཆུ་སྔོན་མོའི་འགྲམ་ནས།།
དགོད་སྒྲ་དགུང་ལ་སྐྱེལ་སོང་།།

སེམས་གཏམ་གཅིག་བཤད་གཉིས་བཤད།།
ལ་གཞས་གཅིག་ལེན་གཉིས་ལེན།།
ཁ་མཚར་ཞར་དང་ཞོར་གྱིས།།
ལུང་ཆུང་ལྷིང་འཇགས་དཀྲོགས་སོང་།།

ཝུ་ཆང་གཅིག་འདྲེན་གཉིས་འདྲེན།།
གོམ་ཁ་འཁྱོར་ཉེན་ཆེ་འདུག།
སྣང་བ་རབ་རིབ་བར་ནས།།
ཆང་གི་ཉེས་པ་རྟོགས་ཡོང་།།

ཝུ་ཆང་འཕྲོད་ས་མ་རེད།།
རྗེས་ཀྱི་མཇལ་འཛོམས་སྟེང་ནས།།
ཀླད་པ་བཀྲུ་བའི་ལེའུ།།
མེད་པར་བྱས་ན་བསམ་སོང་།།

མདོར་ན་ལུང་ཆུང་སྐྱིད་པོའི།།
ཨ་ཅག་གྲོགས་དང་གྲོགས་མོ།།
གསར་རྩོམ་ལས་ལ་འཁྱུད་པར།།
གེགས་དང་བར་ཆད་མེད་ཤོག།

                ༢༠༡༧ལོའི་ཟླ༧པའི་ཚེས༢༧ཉིན།

image007.jpg 

                                    ཤྭ་རྫོང་རི་ཁྲོད་ཀྱི་འདུ་འཛོམས།

                                              -------བཞོ་ལུང་ནང་གི་གྲོགས་གཅེས་ཚོར།                                
                                                                རིན་ཆེན་མཚོ།

འུ་ཅག་ཕྱོགས་དང་ཕྱོགས་ནས་སྤྲིན་པའི་འདུ་འགོད་བཞིན།
ཙོང་ཆུའི་འགྲམ་ནས་འཛོམས།
འདས་པའི་ཆར་ང་དང་ཁྱོད་ངོ་མཐོང་བ་མེད་ཀྱང་།
ཕུགས་འདུན་དང་རེ་སྙེག་ཅིག་གིས།
ལམ་ཐག་ལ་རིང་ཐུང་ཡོད་ཀྱང་།
སེམས་པ་ལ་བར་ཐག་མེད་པར།
ཕན་ཚུན་བར་སྔ་མོ་ནས་ཞེ་འདང་གི་དར་སྐུད་ཕྲ་མོ་ཡིས་སྦྲེལ་འདུག་ཨང་།
ང་ཚོས་མཛའ་བརྩེ་ཡི་རྨུ་ཐག་ལ་འཇུས་ཤིང་།
མཐུན་སྒྲིལ་གྱི་རྡོག་སྒྲ་རྒྱག་གིན།
གནས་མཆོག་ཤྭ་རྫོང་རི་ཁྲོད་ཀྱི་འདབས་ནས།
དགའ་སྤྲོའི་ཁ་གཡང་བསྒྲགས།
འཛུམ་དྲུག་གི་མེ་ཏོག་གཏོར།
དྲུག་འགྱུར་གྱི་དབྱངས་རྟ་འཐེན།
ཁྱེད་ཅག་གི་ལྷད་མེད་ཀྱི་འཛུམ་བག་རེ་རེ།
ང་ཡི་སྙིང་ཁོང་དུ་དྲོད་ལྟར་འཁྱིལ།
འོད་ལྟར་གསལ།
རི་ལྟར་བརྟན།
ཁྱེད་ཅག་གི་དཀྱེལ་ཡངས་བའི་བློ་ཁོག་རེ་རེར།
ང་རང་དུངས་པ་སྐྱེས།
ཡི་རང་བྱེད།
ཡིད་སྨོན་འཆོར།
ཁྱེད་ཅག་གིས་བདག་ལ་ལང་ཚོ་ཡི་གསོན་ཤུགས་བསྣན་ཅིང་།
ང་ལ་མདུན་སྐྱོད་ཀྱི་སྤོབས་པ་བསྩལ།

རྗེ་བླ་མའི་སྒྲུབ་ཕུག་ལས་མཆེད་པའི་འོད་སྣང་གིས།
འུ་ཅག་ལ་འཇའ་ཚོན་གྱི་གུར་ཁྱིམ་ཕུབ་ཅིང་།

རྗེ་བླ་མའི་གསུང་ཆོས་ཚངས་སྲས་སྒྲ་དབྱངས་ཀྱིས།
འུ་ཅག་གི་རྣམ་པར་ཤེས་པ་ལ་ཡང་བསྐྱར་བྱབས་ཁྲུས་ཐེངས་གཅིག་མཛད་དུས།
འུ་ཅག་ནི་བླ་མ་གཅིག་གི་དགེ་ཕྲུག་མིན་ཞེས་སུ་ཡིས་བསྙོན་ནུས།
ལམ་ཐག་རིང་ཡང་འཛོམས་ཐག་ཐུང་བ་དེ།
འུ་ཅག་གིས་ལས་དབང་ཞིག་ཏུ་བསྒོམས་ནས།
སླར་འཛོམས་ཀྱི་སྨོན་འདུན་ཤྭ་བ་རི་རྫོང་ལ་བཅོལ་བཞིན།
འཁྲེང་ཞེན་གྱི་ཕྱིར་མིག་འཕེན་བཞིན་རང་གནས་སུ་བཞུད་དགོས་ཨང་།

 image008.jpg

                                   ཉི་འོད་ལ་དུངས་པ།

                                                                གཅན་མེ་ཏོག

ལས་དབང་གི་གཙང་བོ་འཁྱག་རོམ་གྱིས་བསྡམས་དུས
ངའི་སྙན་ངག་གི་སྲོག་རྩར་འཐིམ་པའི་རྣམ་ཤེས་ཕྲ་མོར
གཞི་ནས་ཉི་མ་ལྟ་བུའི་དྲོད་ཁོལ་ཞིག་དགོས་པ་ཤེས་བྱུང

དྲོད་ལ་སྙེག་ཅིང་འོད་ལ་དུངས་པ
འཇིག་རྟེན་སྐྱེ་འགྲོ་ཀུན་གྱི་ལྡོག་མེད་ཀྱི་ཆོས་ཉིད་ཅིག་སྟེ
ངས་འཆར་ཡན་ཁྲོད་དུ་མེ་ཏོག་གི་འཇའ་ཚོན་བསླེས་པ
སྐྱོ་ཤས་ཁྲོད་དུ་མིག་ཆུའི་ཐིགས་པ་གཏོར་བ
ཐོབ་ཤོར་ཁྲོད་དུ་ནོངས་འགྱོད་སོན་དུ་བཏབ་པ
ད་དུང་ངོ་གདོང་ན་བཞད་པའི
འཛུམ་མདངས་རེ་རེ་ནི་ཉི་འོད་ལ་དུངས་པའི་རང་མདངས་ཡིན
དུས་དེ་རིང་ཡང་འཚོལ་ཞིང་སྙེག་གིན་པ
ཉི་འོད   རྒྱང་རིང་གི་ཉི་འོད་དེ་ཡིན

 སྤྲིན་པ་ལང་ལོང་དུ་འཕྱུར་བའི་དུས་ཚིགས་འདིར
དབེན་ཐིང་ཐིང་གི་མྱ་ངམ་ཐང་འདིར
ཚ་གདུག་ཅི་འདྲའི་ཆེ་ནའང
ངས   ཚར་སློག་སྟུག་པོ་ཞིག་རྒྱབ་ཏུ་གྱོན་ནས
ཕངས་སེམས་ཅི་ཡང་མེད་པར
ཁྱེད་ཀྱི་མེ་འོབས་སུ་ལྕེབས་ཏེ
རྒྱ་ལྕང་གི་ལོ་མ་མེ་རུ་བསྒྲོན་ཆོག


རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།