གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

རྒྱལ་ཡོངས་བོད་ཀྱི་སྒྲུང་ཐུང་འགྲན་སྡུར་སྤེལ་བའི་བརྡ་སྦྱོར།

2018-02-25 13:37:03 མཚོ་སྔོན་བོད་ཡིག་ཚགས་པར། ཀློག་གྲངས། མཆན ཡོད།

 B07D75C7-02AE-4399-9FFC-57A6E8FF0038-293-0000019A8087F455_tmp.JPG

    འདི་ག་ཚགས་པར་ཁང་གིས་ཏང་གི་ཚོགས་ཆེན་ཐེངས་བཅུ་དགུ་པའི་དགོངས་དོན་ནན་ཏན་གྱིས་སློབ་སྦྱོང་དང་ལག་ལེན་མཐར་ཕྱིན་བྱེད་པ་དང་།བོད་ཀྱི་སྒྲུང་ཐུང་གསར་རྩོམ་གྱི་རྩོམ་པ་པོའི་དཔུང་སྡེ་གསོ་སྐྱོང་དང་རྩོམ་པ་པོ་གསར་པ་སྐྱེད་སྲིང་བྱེད་པ།བོད་ཀྱི་རྩོམ་རིག་ལས་དོན་དར་རྒྱས་སུ་གཏོང་བ།སྒྲུང་ཐུང་གསར་རྩོམ་ལ་མོས་པའི་རྩོམ་མཁན་ཀུན་ལ་སྟེགས་བུ་ཞིག་བསྐྲུན་པར་དམིགས་ནས།ད་ལོར་སྤྱི་ཚོགས་ཡོངས་ལ་ཁ་ཕྱོགས་ཏེ་སྒྲུང་ཐུང་འགྲན་སྡུར་གྱི་བྱ་འགུལ་ཞིག་སྤེལ་རྒྱུ་ཡིན།
     འགྲན་སྡུར་འདིའི་ནང་དུ་ཞུགས་མཁན་ཀུན་གྱིས་ངེས་དགོས་པ་གཤམ་གསལ་ཏེ།
    གཅིག རྒྱལ་ཡོངས་ཀྱི་བོད་ཡིག་གི་ལམ་ནས་གསར་རྩོམ་བྱེད་པའི་རྩོམ་མཁན་ཡོངས་ཞུགས་ཆོག
    གཉིས། ནང་དོན་བདེ་ཐང་ཡིན་པ་དང་།བསམ་བློའི་ཟབ་རྒྱ་ཡངས་ཤིང་སྒྱུ་རྩལ་གྱིས་ཕྱུག་པ།མི་གཤིས་མངོན་པར་དོད་པ་བཅས་ཡིན་དགོས་ལ།བརྗོད་བྱར་ཚད་བཀག་མེད་ཅིང་།ཡིག་འབྲུ3000(ཧི་གཟུགས་ལྟར)ཚུན་ཡིན་དགོས །གཞན་རྩོམ་རྐུ་བཤུ་གཏན་ནས་བྱ་མི་ཆོག
    གསུམ།2018ལོའི་ཟླ4པའི་ཚེས1ཉིན་ནས2018ལོའི12པའི་ཚེས31ཉིན་བར་འབྱོར་བའི་རྩོམ་ཡིག་རྣམས་ལས་རྩེ་གྲ་དག<<མཚོ་སྔོན་བོད་ཡིག་གསར་འགྱུར>>སྟེང་དུ་དགོད་རྒྱུ་ཡིན།
    བཞི།2019ལོའི་ཟླ1པར་ཆེད་མཁས་པ་གདན་འདྲེན་ཞུས་ནས་དཔྱད་འདེམ་གཟབ་ནན་བྱ་རྒྱུ་ཡིན།བྱ་དགའི་རིམ་པར་ཨང་དང་པོ་གཅིག་སྟེ་བྱ་དགའི་དངུལ་སྒོར10000ཡིན།ཨང་གཉིས་པ་གཅིག་སྟེ་སྒོར8000ཡིན།ཨང་གསུམ་པ་གཅིག་སྟེ་ སྒོར6000ཡིན།རྟིང་སྐུལ་བྱ་དགའ་གསུམ་སྟེ་སོ་སོར་སྒོར2000ཡིན་ལ་བྱ་དགའི་དཔང་ཡིག་སྟེར་རྒྱུ།
    ལྔ།འགྲན་ཞུགས་རྩོམ་ཡིག་རྣམས་གློག་རྡུལ་ཡིག་ཟམchisanghua@163.comནང་བསྐུར་རྒྱུ་དང་།རྩོམ་ཡིག་གི་མགོར “འགྲན་ཞུགས་བརྩམས་ཆོས”ཞེས་བྲི་དགོས་པར་མ་ཟད། འབྲེལ་གཏུག་ས་གནས་དང་རུས་མིང་།ཁ་པར་ཨང་གྲངས།སྦྲག་སྲིད་ཨང་གྲངས་བཅས་བོད་རྒྱ་སྦྲགས་མས་གསལ་པོར་བྲི་དགོས་པ་ཐུགས་འཇགས་འཚལ།།

                        འབྲེལ་གཏུག་པ།   ཚེ་རིང་བཀྲ་ཤིས།
                           གཞུང་ལས་ཁང་གི་ཁ་པར།  0971-8457657
                           ལག་འཁྱེར་ཁ་པར།  18297176834

                                                                          
                                                                                                      《མཚོ་སྔོན་བོད་ཡིག་གསར་འགྱུར》ཁང་ནས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།