གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྣང་སྲིད་དངོས་ཁམས་སྨྲ་བའི་དབང་བོ་སི་ཐེ་ཧྥེན་ཧོ་ཁེན་མཆོག་སྐུ་གཤེགས་པ།

2018-03-15 00:10:14 རྩོམ་པ་པོ་མི་གསལ། ཀློག་གྲངས། མཆན ཡོད།

VwE0-fyscsmv4379971.jpg

སི་ཐེ་ཧྥེན་ཧའོ་ཁེན(Stephen Hawking)ནི་དབྱིན་ཇིའི་ཁམ་ཟམ་སློབ་གྲྭ་ཆེན་མོའི་དངོས་ཁམས་རིག་པ་བ་ཞིག་སྟེ། ཁོང་ནི་ཨེན་སི་ཐེན་གྱི་རྗེས་ཀྱི་ཆེས་ཁྱད་དུ་འཕགས་པའི་སྣང་སྲིད་དངོས་ཁམས་སྨྲ་བའི(theoretical physicist)མཁས་དབང་ཞིག་ཏུ་གྲགས། ཁོང་གི་སྐུ་ལུས་ཞ་འཁུམས་སུ་གྱུར་བར་བརྟེན་ཆེད་དུ་སྤྱོད་པའི་རྩིས་འཁོར་ལ་མ་བརྟེན་ཚེ་གཏམ་སྨྲ་མི་ནུས་ཤིང་། ལུས་ཀྱི་ཆ་ཤས་ཐམས་ཅད་ཀྱི་ནང་ནས་མིག་གཉིས་ཀ་དང་མཛུབ་མོ་གསུམ་མ་གཏོགས་གཞན་དག་འགུལ་བར་མི་ནུས།
  ཁོང་ནི་དེང་གི་སྒྲ་ཡངས་འཇུག་གི་ལྟོས་བཅས་སྨྲ་བ་དང་སྲིད་པ་སྨྲ་བ་གཙོ་བོ་ཞིག་ཡིན་ལ། དེང་འདིར་སྐུ་འཚོ་གཞེས་གནང་ཞིང་རྒྱལ་སྤྱིའི་སྒང་ལ་སྐད་གྲགས་ཆོད་པའི་སྐྱེས་བུ་རླབས་ཆེན་དག་གི་ཁྲོད་ཀྱི་གཅིག་ཡིན་པར་མ་ཟད།མིའི་རིགས་ཀྱི་ལོ་རྒྱུས་སུ་ཆེས་གལ་འགངས་ཆེ་བའི་ཚན་རིག་པ་ཞིག་ཡིན།

༢༠༡༠ལོའི་ཟླ་༤བའི་ཚེས་༢༥ཉིན། ཧའོ་ཁེན་གྱིས་གོ་ལ་གཞན་དུ་འཚོ་གཞེས་གནང་བའི་སེམས་ཅན་ནི་ཡོད་ཐག་ཆོད་ཡིན་པ་དང་། མིའི་རིགས་ཀྱིས་ཕར་དེ་ཚོ་བཙལ་མི་རུང་ཞེས་གསུང་ཞིང་། ཟླ་བ་དེའི་ཟླ་མཇུག་ཏུ། ཁོང་གིས་སླར་ཡང་ནམ་ཞིག་ལ་མིའི་རིགས་ནི་དུས་ཀྱི་འགྲུལ་བཞུད་ལ་འཇུག་ཐུབ་མོད། འོན་ཏེ་འདས་ཟིན་པར་ཕྱིར་ལོག་མི་རུང་སྟེ། དེ་ལྟར་བྱས་ཚེ་དུས་ཀྱི་སྒྲོམ་གཞི་འཐོར་ནས་བསམ་པའི་ཡུལ་ལས་འདས་པའི་འབྲས་བུ་འབྱུང་བར་འགྱུར་ཅེས་གསུང་།

༢༠༡༠ལོའི་ཟླ་༨པའི་ཚེས་༦ཉིན། ཁོང་གིས་སའི་གོ་ལ་ནི་མ་འོངས་པའི་ལོ་ཉིས་བརྒྱའི་ནང་དུ་འཇིག་སྲིད་པས། སྐར་མ་གཞན་ལ་གནས་སྤོ་བ་ནི་མིའི་རིགས་ཀྱི་གདམ་ཀ་ཉག་གཅིག་རེད་ཅེས་གསུང་།
  ༢༠༡༠ལོའི་ཟླ་༩བའི་ཚེས་༢ཉིན། ཁོང་གིས་འཇིག་རྟེན་ཆགས་པ་དང་འཇིག་རྟེན་བྱེད་པོ་གཉིས་ཀྱི་བར་དུ་འབྲེལ་བ་ཅི་ཡང་མི་འདུག་ཅེས་གསུང་།

ཁོང་གི་དེ་དང་དེ་ལྟ་བུའི་སྐད་ཆ་དག་གིས། ཚན་རིག་སྨྲ་བའི་སྡེ་ལ་ཕོག་ཐུག་བཏང་ཞིང་ཆོས་ལུགས་པ་དག་ལའང་ཤུགས་རྐྱེན་ཐེབས་པས་ཚུར་སྣང་ལན་ཆ་ཡང་ཡང་བྱུང་། 



ཁོང་སྤྱི་ལོ་༢༠༡༨ལོའི་ཟླ་༣པའི་ཚེས་༡༤ཉིན་སྐུ་གཤེགས།


རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།