ཁྱབ་བདག་རྫོགས་ཆེན་པ་པདྨ་སྐལ་བཟང་གི་གསུང་འབུམ་དབུ་འབྱེད་འགྲེམ་སྤེལ་མཛད་སྒོ་གྲོང་ཁྱེར་ཁྲིན་ཏུའུ་རུ་བསྡུས་པ།


IMG_1297.JPG
རྫོགས་ཆེན༧པདྨ་སྐལ་བཟང་གི་སྐུ་པར།

1527923375301008.jpeg
གསུང་འབུམ་ཆ་ཚང་།

1527922208546975.jpeg
ཚོགས་ཕེབས་སྐུ་མགྲོན་ལྷན་རྒྱས་ཀྱི་མཉམ་པར།

རྫོགས་ཆེན་༧པདྨ་སྐལ་བཟང་གི་གསུང་འབུམ་པོད་སོ་གཉིས་ཀྱི་བདག་ཉིད་ཅན་ཏེ་སྐལ་བཟང་ལེགས་བཤད་དཔེ་ཚོགས་ཞེས་པའི་དབུ་འབྱེད་འགྲེམ་སྤེལ་མཛད་སྒོ་བོད་རབ་རྒྱན་ས་ཁྱི་ལོའི་ཧོར་ཟླ་བཞི་བའི་ཚེས་བཅུ་དགུ་སྟེ། སྤྱི་ལོ་2018 ཟླ་ 6ཚེས་2 ཉིན་གྱི་ཞོགས་པའི་དུས་བཟང་དང་འགྲོགས་ནས་གྲོང་ཁྱེར་ཁྲིན་ཏུའུའམ་སྤོས་ལྡན་གྲོང་གི་ཤམ་བྷ་ལའི་གསོལ་མགྲོན་ཁང་ཆེན་མོ་རུ། ཀྲུང་གོ་མཚོ་སྔོན་བོད་ཀྱི་གསོ་བ་རིག་པའི་དངོས་མང་ཁང་དང་། རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་སྲུང་སྐྱོབ་ཞིབ་འཇུག་ལྟེ་གནས།  སི་ཁྲོན་ཞིང་ཆེན་སློབ་གྲྭ་ཆེན་མོའི་རིག་གནས་དངོས་མང་ཁང་། སི་ཁྲོན་ཞིང་ཆེན་བོད་བརྒྱུད་རིག་དངོས་སྲུང་སྐྱོབ་ཨུ་ཡོན་ལྷན་ཁང་། ཁྲིན་ཏུའུ་དར་རྒྱས་ཧི་མ་ལ་ཡ་རིག་གནས་སྒྱུ་རྩལ་དངོས་མང་ཁང་། པདྨའི་འོད་སྣང་ཚོགས་པ། སི་ཁྲོན་ཧྲན་ཤན་རིག་གནས་ཁྱབ་སྤེལ་ཚད་ཡོད་ཀུང་སི་བཅས་ཀྱིས་མཉམ་སྒྲུབ་བྱས་ནས་གཟབ་རྒྱས་ངང་འཚོགས་ཡོད་པ་དང་།  དེར་ཁང་དཀར་ཚུལ་ཁྲིམས་སྐལ་བཟང་དང་། ཆཱན་ཝུན་ཀྲོང་། Wongngam ཡངས་གླིང་རྡོ་རྗེ། ཐུབ་བསྟན་ཕུན་ཚོགས། བློ་བཟང་ལྷུན་འགྲུབ་རྡོ་རྗེ། དམ་ཆོས་ཟླ་བ། ལྡོང་ཡོན་ཏན་རྒྱ་མཚོ། མཁན་པོ་རིག་དར། བདུད་ལྷ་རྒྱལ་སོགས་འབྲེལ་ཡོད་རིམ་པའི་སྲིད་གཞུང་གི་དབུ་ཁྲིད་ཁག་དང་། ལྷོ་བརྒྱུད་ནང་བསྟན་དང་རྒྱ་བརྒྱུད་ནང་བསྟན་གྱི་སློབ་དཔོན་ཆེན་མོ། ས་དགེ་བཀའ་ཇོ་བོན་དང་བཅས་བོད་བརྒྱུད་ནང་བསྟན་གྱི་རིས་སུ་མ་ཆད་པའི་ཆོས་བརྒྱུད་ཁག་གི་མཁས་དབང་རྣམ་པ། སྔ་འགྱུར་རྙིང་མའི་གདན་ས་ཆེན་མོ་སྨིན་གྲོལ་གླིང་དང་། ཀཿ  ཐོག དཔལ་ཡུལ། ཞེ་ཆེན་དགོན།  ཆོས་སྡེ་ཆེན་མོ་ཡ་ཆེན། གསེར་རྟ་བླ་རུང་།  ལི་མདོ་ཆོས་སྒར་གསུམ་ནས་ཕེབས་པའི་མཁན་སྤྲུལ་རྣམ་པ་དང་། རྫོགས་ཆེན་གདན་ས་རང་གི་བསྟན་བདག་ཁྲི་པ་དང་མཁན་ཆེན་ཁྲི་ཟུར་དང་ཁྲི་པ། ཧྲང་ཧེ་ཧྥོའུ་ཏན་སློབ་ཆེན། ཀྲུང་དབྱང་མི་རིགས་སློབ་གླིང་། ལན་ཀྲུའུ་སློབ་ཆེན་དང་། ནུབ་བྱང་མི་རིགས་སློབ་ཆེན། ཡུན་ནན་མི་རིགས་སློབ་ཆེན། མཚོ་སྔོན་མི་རིགས་སློབ་ཆེན། ལྷོ་ནུབ་མི་རིགས་སློབ་ཆེན། སི་ཁྲོན་བོད་ཡིག་སློབ་གྲྭ་བཅས་སློབ་ཆེན་ཁག་གི་སློབ་དཔོན་ཆེན་མོ། རབ་འབྱམས་པ།  ཞིབ་འཇུག་པ། རྩོམ་པ་པོ།  རིག་གནས་སྡེ་ཁག་སོ་སོའི་ཆེད་ལས་པ། ཀན་སུའུ་མི་རིགས་དཔེ་སྐྲུན་ཁང་། སི་ཁྲོན་མི་རིགས་དཔེ་སྐྲུན་ཁང་། བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་དང་། སྐལ་བཟང་ལེགས་བཤད་དཔེ་ཚོགས་ཀྱི་གཙོ་སྒྲུབ་མི་སྣ་དང་། གཞན་ཡང་ཆེད་ལས་པ་སོགས་ཚོགས་ཞུགས་མི་གྲངས་ཉིས་བརྒྱ་ལས་བརྒལ་བ་ཆེད་ཕེབས་ཀྱིས་དངོས་ཞུགས་གནང་ཡོད་འདུག

1527922625393968.jpeg
ཆོས་བརྒྱུད་ཁག་གི་མཁས་གྲུབ་ལྷན་རྒྱས།

1527922830499913.jpeg
མགོ་ཁྲིད་དང་ཆེད་ལས་མཁས་པའི་ཚོགས།

ཚོགས་འདུའི་བརྒྱུད་རིམ་ཀྱང་། སྔ་དྲོར་དབུ་འབྱེད་འགྲེམ་སྤེལ་གྱི་མཛད་སྒོ་དངོས་སུ་འཚོགས་ཏེ་གལ་ཆེའི་སྐུ་མགྲོན་དག་གིས་རྟེན་འབྲེལ་ཤིས་ཚིག་ཕུལ་བ་དང་འབྲེལ། ཁྱབ་བདག་རྫོགས་ཆེན་པ་༧སྐྱབས་རྗེ་པདྨ་སྐལ་བཟང་སྟེ། མཁྱེན་རབ་ཡེ་ཤེས་ཀྱི་མངའ་བདག སྡོམ་བརྩོན་བཙུན་པའི་ཁྱུ་མཆོག རིམ་གཉིས་རྣལ་འབྱོར་གྱི་དབང་ཕྱུག ཉམས་རྟོགས་གཟུངས་སྤོབས་ཀྱི་གཏེར་འཆང་། གངས་ལྗོངས་ཆོས་རིག་ཉམས་གསོ་ལ་བླ་ན་ལྷག་པའི་མཛད་པ་དགེ་བ། ཡང་སྙིགས་དུས་ཀྱི་མཐའ་འདིར་ཀུན་བཟང་ཐུགས་ཀྱི་བསྟན་པ་གསལ་བར་བྱེད་པ་ལ་སྨོན་ལམ་གྱི་མཐུ་གྲུབ་པའི་རིས་མེད་བསྟན་འཛིན་གྱི་གཙུག་ནོར་དམ་པ་གང་གིས། མདོ་སྔགས་རིག་གནས་དང་བཅས་པའི་བརྗོད་དོན་ཆ་ཚང་བ། རྩོམ་རིག་སྒྱུ་རྩལ་གྱི་ལམ་ནས་དྲངས་པའི་བཅད་ལྷུག་སྤེལ་མ་སོགས་སྙན་འཇེབས་བརྗིད་ཆགས་ཀྱི་ཉམས་བརྒྱས་ཡོངས་སུ་ཕྱུག་པའི་སྙན་རྩོམ་འབེལ་གཏམ་སྐོར་དང་།  སྒྲུབ་ལ་རྩེ་གཅིག་གཞོལ་བའི་བཅད་རྒྱའི་ཐུན་གསེང་རྣམས་སུ་རིས་སུ་མ་ཆད་པའི་སྐལ་ལྡན་གྱི་སློབ་ཚོགས་ལ།  ཕྱི་ཀུན་འབྱུང་འདྲེན་པའི་ཐེག་པ་ནས་གསང་བ་དབང་བསྒྱུར་ཐབས་ཀྱི་ཐེག་པའི་ཡང་རྩེ་ཨ་ཏི་ཡོ་གའི་གནད་གསང་ཐམས་ཅད་རྡོ་རྗེའི་གསུང་གིས་ལེགས་པར་བཀྲལ་བའི་རིན་བྲལ་འདོད་འབྱུང་གི་ཕ་ནོར་ཕྱི་རབས་བསྟན་པའི་བཙས་སུ་བསྩལ་བ། ཆོས་སྐུའི་རིང་བསྲེལ་གྱི་ཕུང་པོ་ཇི་སྙེད་ཅིག་མཆིས་པ་ལས། ཐེངས་འདིར་གཞི་རྒྱ་ཆེ་བའི་པོ་ཏི་མཚན་བཟང་སོ་གཉིས་ཀྱི་གྲངས་དང་ལྡན་པ་དངོས་སུ་པར་སྐྲུན་ལེགས་འགྲུབ་བྱུང་བའི་གསུང་འབུམ་ཉིད། མིའི་རིགས་ལ་བླ་ན་མེད་པའི་ཤུལ་བཞག་གི་ནོར་བུ་ཆེན་པོ་ཞིག་ཡིན་ཚུལ་དང་། ཉེ་རབས་རྒྱལ་ནང་ལོ་རྒྱུས་ཁྲོད་གསུང་རྩོམ་མང་ཤོས་ཀྱི་བོད་ཀྱི་མཁས་དབང་ཞིག་ཡིན་པའི་ངོས་འཛིན་བྱས། རྩོམ་པ་པོ་ཁོང་ནི་དུས་རབས་ལས་བརྒལ་བའི་རླབས་ཆེན་གྱི་མི་སྣ་ཡིན་ཞིང་། མཁས་དབང་ཁོང་གི་སྐུ་ཚེ་ཧྲིལ་པོ་བསྟན་དོན་དང་མི་རིགས་སློབ་གསོའི་ལས་དོན་ལ་ཕུལ་བའི་ཁྱད་དུ་འཕགས་པའི་མཛད་ཕྲིན་ལ་བཀའ་དྲིན་རྗེས་དྲན་དང་། ཚད་མཐོ་བའི་གདེངས་འཇོག་མཛད་པའི་གསུང་བཤད་གནང་འདུག མ་ཟད་སྤྱི་ཚོགས་སློབ་གསོའི་བྱ་བཞག་ལ་དུས་ཀུན་ཐུགས་ཁུར་དང་རྒྱབ་སྐྱོར་བྱེད་བཞིན་པའི་ལས་ཁུངས་དང་སྤྱི་གཉེར་ཁང་།   ལས་རིགས་འདྲ་མིན་གཉེར་བའི་སྒེར་བ་སོ་སོ་ནས་སྦྱིན་བདག་བྱས་ཏེ། ཕྱི་ནང་རྒྱལ་ཁབ་ཡོངས་གྲགས་ཀྱི་དཔེ་མཛོད་ཁང་དང་།   སློབ་ཆེན་ཁག་གི་དཔེ་མཛོད་ཁང་། ས་ཁུལ་སོ་སོའི་བོད་རིག་པ་ཞིབ་འཇུག་ལྟེ་གནས་ཁང་དང་། དགོན་སྡེ་དང་ཆོས་གྲྭ། རྒྱ་ཆེ་བའི་ཀློག་པ་པོ་རྣམས་ཀྱིས་སྔོན་མངགས་གནང་བ་ལྟར། གསུང་འབུམ་མཚན་བཟང་གི་གྲངས་དང་ལྡན་པ་ཚར་གྲངས་ཉིས་ཁྲི་ལས་བརྒལ་བ་ཆོས་སྦྱིན་གནང་བའི་རླབས་ཆེན་གྱི་མཛད་པ་བཟང་པོར། ཐོག་མཐའ་ཀུན་ཏུ་ཕྱག་ལས་གནང་མཁན་གྱི་མི་སྣ་ཡོངས་ལའང་བཀའ་དྲིན་ཞུས་འདུག

1527922971950935.jpeg
ཁང་དཀར་ཚུལ་ཁྲིམས་སྐལ་བཟང་གིས་གསུང་བཤད་གནང་བཞིན་པ།

IMG_1390.JPG
ཧྲང་ཧེ་ཧྥོའུ་ཏན་སློབ་ཆེན་གྱི་ལོ་རྒྱུས་སྡེ་ཁག་གི་སློབ་དཔོན་ཆེན་མོ་དང་། ཤར་ཕྱོགས་རིག་གནས་ཞིབ་འཇུག་པ་ཆཱན་ཝུན་ཀྲོང་གིས་གསུང་བཤད་གནང་བཞིན་པ།

1527923375875348.jpeg
ཐེ་ལན་ཌིའི་ནང་པའི་སློབ་དཔོན་Wongngamམཆོག

IMG_1389.JPG
ཕྱི་དྲོའི་བགྲོ་གླེང་ཚོགས་འདུའི་ཚོགས་ར།

ཕྱི་དྲོར་མཁས་དབང་བཞི་བཅུ་ལྷག་གིས་རྩོམ་པ་པོ་ཁྱབ་བདག་རྫོགས་ཆེན་པ་པདྨ་སྐལ་བཟང་རིན་པོ་ཆེའི་སྐུ་ཚེའི་བརྒྱུད་རིམ་གྱི་རྣམ་ཐར་དང་འབྲེལ། གསུང་འབུམ་གྱི་བརྗོད་བྱའི་རིན་ཐང་སོགས་ཀྱི་སྒྲོམ་གཞིའི་ཐོག་ནས་དཔྱད་གླེང་གནང་ཞིང་། བརྗོད་བྱ་དོན་གྱི་སྙིང་པོ་མདོ་སྔགས་རིག་གཞུང་རྒྱ་མཚོའི་དགོངས་འགྲེལ་དག་ལས།མདོ་མཚན་ཉིད་ཐེག་པའི་གཞི་ལམ་འབྲས་བུའི་ཟབ་གནད་དེ། བཀའ་ཆོས་འཁོར་རིམ་པ་གསུམ་གྱི་བརྗོད་དོན་ཡོངས་རྫོགས་ཉུང་ངུའི་ཚིག་གིས་ཆ་ཚང་བར་བསྡུས་ཤིང་གདམས་ངག་གིས་གསལ་བར་བཀྲལ་བའི་ཁྱད་ཆོས་དང་།  ཁྱད་པར་ནང་རྒྱུད་སྡེ་གསུམ་སྤྱི་དང་། བྱེ་བྲག་སེམས་བདེ་རྫོགས་ཆེན་གྱི་ལྷ་སྒོམ་སྤྱོད་འབྲས་དང་བཅས་པ་མན་ངག་གི་དྲོད་བཅུད་མ་ཡལ་བར་བསྟན་ཚུལ་སོགས། མདོར་ན་མདོ་སྔགས་རིག་གནས་དང་བཅས་པའི་བརྗོད་དོན་ཆ་ཚང་བའམ་ནང་ཆོས་མཚན་ཉིད་རིག་པ། སྤྱི་ཚོགས་སེམས་ཁམས་རིག་པ། རྩོམ་རིག་སྙན་དངགས། ནང་བསྟན་སྤྱི་ཚོགས་སློབ་གསོ་དང་། ལོ་རྒྱུས་སོགས་གངས་ལྗོངས་བཅུ་ཕྲག་རིག་གནས་ཀྱི་ཉིང་བཅུད། རྨད་བྱུང་ལེགས་བཤད་ཀྱི་གསུང་འབུམ་འདི་ནི་སྐྱེ་དགུའི་བདེ་སྐྱིད་ཀྱི་གཞི་རྩ་ཉག་གཅིག་ཏུ་འཁུམས་ཤིང་། འཛམ་གླིང་རིག་གནས་བང་མཛོད་ཁྲོད་དུ་མཛེས་སྡུག་རབ་ཏུ་བཀྲ་བའི་མེ་ཏོག་གི་ཕྲ་ཚོམ་ཞིག་ཏུ་གྲུབ་ཡོད་ཚུལ་དང་། འདི་ནི་ཡང་སྙིགས་དུས་ཀྱི་མཐའ་འདིར་སྤྱི་བྱེའི་རྒྱལ་བསྟན་རིན་པོ་ཆེ་གསལ་བར་བྱེད་པའི་སྒྲོན་མེ་དང་། མི་རབས་ཤིག་དང་དུས་རབས་ཤིག་གི་ཕུན་སུམ་ཚོགས་པའི་རིག་གནས་ཀྱི་གྲུབ་ཆ་མཚོན་པའི་ལོ་རྒྱུས་ཀྱི་རྡོ་རིང་ཞིག་ཏུ་བརྩིས་ཏེ་ཚད་མཐོ་བའི་གདེང་འཇོག་མཛད་ཡོད་འདུག

མཛད་སྒོ་དེར་སི་ཁྲོན་བརྙན་འཕྲིན་ཁང་དང་། ཁྲིན་ཏུའུ་བརྙན་འཕྲིན་ཁང་། ཁམས་པའི་བརྙན་འཕྲིན་ཁང་།  རྒྱ་ཡིག་གི་བོད་མིའི་རིག་གནས་དྲ་བ།  གངས་ལྗོངས་ཉི་གཞོན། མཆོད་མེ་བོད་ཀྱི་རྩོམ་རིག་དྲ་བ། བཙན་པོ་མགར་དྲ་བ། གངས་ལྗོངས་ཤེས་རིག་དྲ་བ། རྫོགས་ཆེན་དྲ་བ་བཅས་ཀྱི་འཕྲིན་སྦྱོར་ཁང་དངོས་སུ་ཕེབས་ཡོད་པ་དང་།   ཀྲུང་གོ་ཉིན་རེའི་ཚགས་པར་དྲ།   མདོ་ལྷོ་དྲ་བ།  ཀྲུང་གོ་ན་གཞོན་དྲ།    ཀྲུང་ཧྭ་དྲ།    རྒྱལ་སྤྱིའི་དྲ་ལམ།   ཀྲུང་གོའི་དྲ་བ།  ཧྥིན་ཧོང་དྲ་ལམ།       ཀྲུང་གོ་བོད་ཀྱི་དྲ་བ།    མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་དྲ་བ།  མཚོ་སྔོན་པོ་བོད་ཡིག་ཟིན་བྲིས་དྲ་བ། སྔགས་མང་ཞིབ་འཇུག་ཁང་།  ཁམས་པའི་དྲ་བ་སོགས་འཕྲིན་སྦྱོར་ཁང་གང་མང་ཞིག་གིས། ས་གནས་སོ་སོ་ནས་དོ་ཁུར་དང་དེའི་སྐོར་གྱི་གནས་ཚུལ་བརྒྱུད་འགོད་བྱེད་བཞིན་ཡོད་འདུག


ཟུར་བཀོད། ཁྱབ་བདག་རྫོགས་ཆེན་པ་༧སྐྱབས་རྗེ་པདྨ་སྐལ་བཟང་གི་རྣམ་ཐར་ཉུས་བསྡུས།

དེང་གི་དུས་ན་གངས་རིའི་ལྗོངས་སུ་འོད་གསལ་རྫོགས་པ་ཆེན་པོ་གསང་བ་སྙིང་ཐིག་གི་བསྟན་པའི་བཀའ་བབས། བདག་ཅག་གི་འདྲེན་མཆོག་མཚུངས་མེད་མཁས་བཙུན་གྲུབ་པའི་དབང་ཕྱུག ༧རྫོགས་ཆེན་ཁྱབ་བདག་པ་སྐྱབས་རྗེ་པདྨ་སྐལ་བཟང་ངམ་ཐུབ་བསྟན་ལུང་རྟོགས་བསྟན་པའི་རྒྱལ་མཚན་མཆོག་ནི། ཕྱི་ལོ་༡༩༤༣པ་སྟེ་བོད་རབ་བྱུང་བཅུ་དྲུག་པའི་ཆུ་ལུག་ལོར་མདོ་ཁམས་རྫ་ཆུ་ཁར་སྐུ་འཁྲུངས། དགུང་ལོ་ལྔ་ཡི་སྟེང་རྫོགས་ཆེན་ཀོང་སྤྲུལ་དང་། རྫོང་སར་མཁྱེན་བརྩེ་ཆོས་ཀྱི་བློ་གྲོས། གྲུབ་དབང་རྫོགས་ཆེན་དྲུག་པ་འཇིགས་བྲལ་བྱང་ཆུབ་རྡོ་རྗེ་བཅས་ཀྱིས་རྫོགས་ཆེན་མཁན་ཆེན་པདྨ་བཛྲ་རྩལ་གྱི་ཡང་སྲིད་གསུམ་པར་ངོས་བཟུང་ནས་རྫོགས་ཆེན་གདན་སར་མངའ་གསོལ། སྐུ་ན་ཆུང་ངུའི་དུས་རྫ་སྟོད་ལྕང་མའི་མཁན་ཆེན་ཐུབ་དགའ་ཚང་དང་། རྫོགས་ཆེན་མཁན་རྒན་ཨ་བུ་ལྷ་སྒང་བཅས་ཀྱིས་ཐུགས་དགྱེས་པ་ཆེན་པོས་རྗེས་བཟུང་དགོངས་གཏད་མཛད། མཁས་པའི་དབང་པོ་རྫོགས་ཆེན་མཁན་པོ་པདྨ་ཚེ་དབང་ཡོངས་འཛིན་དུ་བཞུགས་པ་ལས་གཞུང་ཆེན་བཅུ་གསུམ་གཙོར་གྱུར་མདོ་སྔགས་རིག་གནས་བཅས་པ་གསན་བཞེས་གནང་བས་སྐྱེས་ཐོབ་ཀྱི་མཁྱེན་རབ་ཕུལ་དུ་ཕྱིན་པའི་ཚད་དུ་གླེང་། རྫོང་སར་མཁྱེན་བརྩེ་ཆོས་ཀྱི་བློ་གྲོས་དང་། རྫོགས་ཆེན་དྲུག་པ་གྲུབ་དབང་འཇིགས་བྲལ་བྱང་ཆུབ་རྡོ་རྗེ་རྣམ་གཉིས་ལས་སྔ་འགྱུར་བཀའ་གཏེར་གཙོར་གྱུར་སྒྲུབ་བརྒྱུད་ཤིང་རྟ་བརྒྱད་ཀྱི་དབང་ལུང་ཕལ་མོ་ཆེ་གསན། ཁྱད་པར་དུ་གདོད་མའི་མགོན་པོ་དང་མི་གཉིས་པ་མཁན་ཆེན་འཇིགས་མེད་ཡོན་ཏན་མགོན་པོ་ལས་འོད་གསལ་རྫོགས་པ་ཆེན་པོ་གསང་བ་སྙིང་ཐིག་གོང་འོག་གི་ཟབ་ཁྲིད་མཐའ་དག་ཆིག་རྫོགས་སུ་གསན། དུས་འགྱུར་ཆེན་མོའི་ཡོ་ལངས་སྐབས་དགུང་ན་གཞོན་ཡང་དམ་པའི་རང་གཤིས་མ་འགྱུར་བ་མཁས་བཙུན་བཟང་པོའི་བདག་ཉིད་དུ་བཞུགས་ཤིང་སྐུ་གསུང་ཐུགས་རྟེན་བཟང་ལ་མང་བ་སྐུ་སྲོག་དང་བསྡོས་ཏེ་ཉར་བསྡུ་མཛད། གངས་རིའི་ལྗོངས་སུ་ཆོས་རིག་གི་མེ་རོ་སླར་གསོའི་དུས་རབས་ཏེ་ཕྱི་ལོ་༡༩༨༡ལོར། ཉེ་རབས་བོད་ཁུལ་གྱི་ཆེས་ཐོག་མའི་རིག་གནས་གླིང་ཀ་སི་ཁྲོན་བོད་ཡིག་སློབ་གྲྭ་རྫོགས་ཆེན་དུ་བཙུགས་པར་སློབ་ཁྲིད་འཆར་འགོད་དང་། སློབ་ཁྲིད། རྒྱུགས་ཡིག་གཏན་འཁེལ། དགེ་རྒན་གདན་ཞུ་སོགས་མཐུན་འགྱུར་ཕྱག་ལས་རྒྱ་ཆེར་གནང་བ་དང་། སྔ་འགྱུར་རྙིང་མའི་གདན་ས་ཆེན་མོ་གྲུབ་དབང་རྫོགས་ཆེན་དགོན་སླར་གསོའི་ཐུགས་ཁུར་ཆེད་བཞེས་མཛད་ཅིང་། དེ་བཞིན་གེ་སར་ལོ་རྒྱུས་ཀྱི་རྩ་ཆེའི་རིག་གནས་བསྐྱར་གསོ་དར་སྤེལ་གནང་བས་རིམ་པ་གོང་འོག་གིས་གེ་སར་ཟློས་གར་གྱི་འབྱུང་གནས་རྩ་ཆེན་དུ་གཏན་འཁེལ་བྱུང་།

ཕྱི་ལོ་༡༩༨༨ལོ་ནས་མདོ་ཁམས་ཡུལ་གྱི་ལོ་རྒྱུས་རིང་ཤོས་ཀྱི་བཤད་གྲྭ་སྟེ་རྫོགས་ཆེན་ཤྲཱི་སེང་ཆོས་གྲྭ་ཆེན་མོ་བསྐྱར་གསོ་རྒྱ་བསྐྱེད་མཛད་དེ་སྔ་ཕྱིར་སྡེ་སྣོད་འཛིན་པ་སྟོང་ཕྲག་ལྷག་བསྐྱེད་སྲིང་བྱུང་། མདོ་དབུས་ཁམས་གསུམ་གྱི་སྔ་འགྱུར་རྙིང་མའི་དགོན་སྡེ་གཙོ་བོར་གྱུར་པའི་རིས་མེད་ཆོས་སྡེ་མང་པོར་ཞབས་ཀྱིས་བཅགས་ཏེ་སོ་བྱང་སྔགས་གསུམ་གི་སྡོམ་རྒྱུན་དང་དབང་ལུང་མན་ངག་གི་རྒྱུན་སྤེལ་བས། དམ་པ་ཉིད་ཀྱི་ཞལ་སྔ་ནས་སྨད་འདུལ་སྔ་འགྱུར་སྡོམ་བརྒྱུད་ལས་རབ་ཏུ་བྱུང་བ་དང་བསྙེན་པར་རྫོགས་པའི་སྡོམ་ཕྲུག་ཁོ་ན་སྟོང་ཕྲག་གཉིས་ལྷག་ཟིན། ཕྱོགས་འདུས་རིས་སུ་མ་ཆད་པའི་ཞལ་སློབ་དག་ལ་སྔ་འགྱུར་བཀའ་གཏེར་གྱི་དབང་ཁྲིད་སྤྱི་དང་། ཁྱད་པར་འོད་གསལ་རྫོགས་པ་ཆེན་པོ་སྙིང་ཐིག་གོང་འོག་གི་སྔོན་འགྲོ་དངོས་གཞི་དང་བཅས་པའི་རྒྱས་ཁྲིད་ནས། རྒྱབ་རྟེན་མཛོད་ཆེན་བདུན་དང་། ཤིང་རྟ་རྣམ་གསུམ། སྙིང་ཐིག་ཡ་བཞི་དང་བཅས་པ་རྒྱ་ཆེ་བ་པཎྡི་ཏའི་ལུགས་སུ་མཁས་པའི་རྩལ་ཐོན་པའི་རྒྱས་ཁྲིད་མཛད་པས་དེང་གི་དུས་ན་གངས་རིའི་ལྗོངས་སུ་འོད་གསལ་རྫོགས་པ་ཆེན་པོའི་བསྟན་པའི་བཀའ་བབས་སུ་དོན་གྱིས་གྲུབ།

ཕྱི་ལོ་༡༩༨༨ ལོ་ནས་མདོ་ཁམས་ཡུལ་གྱི་ལོ་རྒྱུས་རིང་ཤོས་ཀྱི་བཤད་གྲྭ་སྟེ། རྫོགས་ཆེན་ཤྲཱི་སེང་ཆོས་གྲྭ་ཆེན་མོ་བསྐྱར་གསོ་རྒྱ་བསྐྱེད་མཛད་དེ་སྡེ་སྣོད་འཛིན་པ་སྟོང་ཕྲག་གཉིས་ལྷག་བསྐྱེད་སྲིང་བྱུང་། གངས་རིའི་ལྗོངས་ཀྱི་ཆོས་རིག་གི་སྒྲོན་མེ་སྦར་བའི་མཛད་རྗེས་ཟླ་མེད་དུ་སྐྱོང་བཞིན་སྐུ་བཞུགས་པ་དང་། ༢༠༡༦ ལོར་སྐུ་ཆས་ཉེར་སྤྱོད་སྟབས་བདེ་ཙམ་ལས་གཞན་བདོག་པའི་དངོས་པོ་ཡོད་ཚད་སྔར་སྐུའི་ཟུངས་ཁྲག་གིས་རྨང་གཞི་བྱས་ཏེ་གསར་འཛུགས་གནང་བའི་སྐལ་བཟང་ལེགས་བྱས་ཐེབས་རྩ་ཚོགས་པར་སྤྱི་ཚོགས་དགེ་ལས་སུ་ཕུལ་ནས། དབུལ་སྐྱོར་དང་དྭ་ཕྲུག་སོགས་ལ་རོགས་རམ་དང་། ཐོས་བསམ་སློབ་སྦྱོང་བ་དོན་གཉེར་ཅན་ལ་ཆེད་སྤྱོད་ཐེབས་རྩ་བཙུགས་ནས་སློབ་མ་ཚོའི་འབད་བརྩོན་ལ་རེ་བའི་ས་བོན་བཏབ།  སྔ་ཕྱིའི་དུས་བར་རྣམས་སུ་སྐུ་མཚམས་བཅད་རྒྱ་ལ་བཞུགས་ཏེ་ཡི་དམ་ལྷའི་བསྙེན་བཟླས་དང་བསྐྱེད་རྫོགས་རྫོགས་ཆེན་གྱི་ཉམས་བཞེས་ལ་བཞུགས་པ་སྡོམ་ཚེ་ལོ་ངོ་བཅུ་ལྷག་ལ་ལོངས། མདོར་ན་དམ་པ་འདི་ཉིད་ཀྱི་སྐུ་ཚེ་གང་པོར་མཁས་བཙུན་བཟང་གསུམ་གྱི་དམ་པའི་རྣམ་ཐར་བདག་གིར་བཞེས་ཤིང་། བཤད་སྒྲུབ་ལས་གསུམ་གྱི་མཛད་པ་ཁོ་ནས་གངས་རིའི་ལྗོངས་ཀྱི་ཆོས་རིག་གི་སྒྲོན་མེ་སྦར་བའི་མཛད་རྗེས་ཟླ་མེད་དུ་བསྐྱངས། རྗེ་ཉིད་ཀྱི་ཞལ་གསུང་དྲི་མ་མེད་པའི་ལེགས་བཤད་ཀྱི་ཕུང་པོ་ཕྱི་རབས་བསྟན་པའི་བཙས་སུ་བཞག་པ་ནི། རྫོགས་པ་ཆེན་པོ་ཀློང་ཆེན་སྙིང་ཐིག་གི་སྔོན་འགྲོའི་ཁྲིད་ཡིག་ཀུན་བཟང་བླ་མའི་ཞལ་ལུང་གི་ལྗགས་ཁྲིད་མཚུངས་མེད་བླ་མའི་ཞལ་རྒྱུན། ཀློང་སྙིང་སྔོན་འགྲོའི་ངག་འདོན་རྣམ་མཁྱེན་ལམ་བཟང་གི་ལྗགས་ཁྲིད་སྐལ་བཟང་ཐར་པའི་ལམ་སྟོན། རྫོགས་ཆེན་ཀློང་ཆེན་སྙིང་ཐིག་གི་ཐུན་མོང་སྔོན་འགྲོ་སེམས་སྦྱོང་བདུན་གྱི་དོན་ཁྲིད་ཐར་པའི་ཐེམ་སྐས་ཀྱི་ཟིན་ཐུན་མཚོ་སྐྱེས་བླ་མ་དགྱེས་པའི་ཞལ་ལུང་། ཁྲིད་ཡིག་ཡེ་ཤེས་བླ་མའི་རྒྱས་འགྲེལ་བརྒྱུད་གསུམ་བླ་མའི་ཞལ་ཆབ། ཚིག་དོན་རིན་པོ་ཆེའི་མཛོད་ཀྱི་འགྲེལ་བ་མན་ངག་ནོར་བུའི་བང་མཛོད། མན་ངག་རིན་པོ་ཆེའི་མཛོད་ཀྱི་འགྲེལ་བ་གདམས་ཟབ་ནོར་བུའི་གཏེར་མཛོད། ཡིད་བཞིན་རིན་པོ་ཆེའི་མཛོད་ཀྱི་འགྲེལ་བ་རྨོངས་མུན་འཇོམ་པའི་སྣང་མཛོད། ཆོས་དབྱིངས་རིན་པོ་ཆེའི་མཛོད་ཀྱི་འགྲེལ་བ་ཀུན་ཏུ་བཟང་པོའི་དགོངས་མཛོད། འཇམ་མགོན་མི་ཕམ་རྒྱ་མཚོའི་གསུང་རྫོགས་པ་ཆེན་པོ་སེམས་ངོ་མཛུབ་ཚུགས་ཀྱི་གདམས་པའི་གནད་འགྲོལ། བླ་སྒྲུབ་རིག་འཛིན་འདུས་པའི་རྣམ་བཤད་རིག་འཛིན་བརྒྱུད་པའི་ཞལ་ལུང་། ཟབ་ཆོས་ཞི་ཁྲོ་དགོངས་པ་རང་གྲོལ་གྱི་ལས་བྱང་ཚོར་བ་རང་གྲོལ་གྱི་སྙིང་པོའི་རྣམ་བཤད་རིམ་གཉིས་གསལ་བྱེད། བདེ་བ་ཅན་གི་ཞིང་གི་སྨོན་ལམ་ཚིག་དོན་གོ་སླ་བར་བཀྲལ་བ་ཐར་ལམ་བགྲོད་པའི་ཐེམ་སྐས། བདེ་སྨོན་འགྲེལ་བ་རིན་ཆེན་པདྨ་རཱ་གའི་ཕྲ་ཚོམ། སྙན་རྩོམ་གླེགས་བམ་སྔ་ཕྱི་གཉིས་སོགས་རྨད་དུ་བྱུང་བའི་ལེགས་བཤད་ཀྱི་ཕུང་པོ་༢༠༡༨ ལོར་གསར་དུ་དཔར་སྐྲུན་བྱས་པའི་པོད་སོ་གཉིས་ཀྱི་གྲངས་ཀ་བཞུགས་པ་བཅས་ཐུན་མོང་ཕྱིའི་རྣམ་ཐར་ཉུང་བཏུས་མདོ་ཙམ་སྨྲོས་པ་སྟེ། རྗེ་འདིའི་མཁས་པའི་རྣམ་དཔྱོད། བཙུན་པའི་ཚུགས། གྲུབ་པའི་དགོངས་སྤྱོད། བཟང་པོའི་ཕྲིན་ལས་བཅས་གསང་བ་བསམ་མི་ཁྱབ་པའི་ཡོན་ཏན་མཐའ་དག་ཉུང་ངུའི་ངག་གིས་བརྗོད་པ་རྔོ་མི་ཐོག་པ་སྟེ། ཇི་སྐད་དུ། དཔལ་ལྡན་ཟླ་བས། ནམ་མཁའ་མེད་པས་འདབ་ཆགས་ལྡོག་པར་མི་འགྱུར་གྱི། །འདི་ནི་རང་མཐུ་ཟད་པས་ལྡོག་པར་འགྱུར་དེ་བཞིན། །སློབ་མ་དང་བཅས་སངས་རྒྱས་སྲས་རྣམས་སངས་རྒྱས་ཀྱི། །ཡོན་ཏན་མཁའ་ལྟར་མཐའ་ཡས་མ་བརྗོད་ལྡོག་པར་འགྱུར། །ཞེས་གསུངས་པ་གདམས་པར་བཟུང་བ་དང་། རྒྱ་ཆེ་བའི་མཛད་ཕྲིན་གྱི་ཕུང་པོ་ཡུན་ནས་ཡུན་ཏུ་རྒྱུན་མི་ཆད་པའི་རྟེན་འབྱུང་དུ་རེ་ཞིག་རྩོམ་པ་འཕྲོ་ཅན་དུ་འཇོག་པར་འདོད་དོ།།


རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཁྱབ་བདག་རྫོགས་ཆེན་པ་པདྨ་སྐལ་བཟང་གི་གསུང་འབུམ་དབུ་འབྱེད་འགྲེམ་སྤེལ་མཛད་སྒོ་གྲོང་ཁྱེར་ཁྲིན་ཏུའུ་རུ་བསྡུས་པ།

2018-06-03 དྲ་བ་སྣ་མང་། ཀློག་གྲངས། མཆན ཡོད།


IMG_1297.JPG
རྫོགས་ཆེན༧པདྨ་སྐལ་བཟང་གི་སྐུ་པར།

1527923375301008.jpeg
གསུང་འབུམ་ཆ་ཚང་།

1527922208546975.jpeg
ཚོགས་ཕེབས་སྐུ་མགྲོན་ལྷན་རྒྱས་ཀྱི་མཉམ་པར།

རྫོགས་ཆེན་༧པདྨ་སྐལ་བཟང་གི་གསུང་འབུམ་པོད་སོ་གཉིས་ཀྱི་བདག་ཉིད་ཅན་ཏེ་སྐལ་བཟང་ལེགས་བཤད་དཔེ་ཚོགས་ཞེས་པའི་དབུ་འབྱེད་འགྲེམ་སྤེལ་མཛད་སྒོ་བོད་རབ་རྒྱན་ས་ཁྱི་ལོའི་ཧོར་ཟླ་བཞི་བའི་ཚེས་བཅུ་དགུ་སྟེ། སྤྱི་ལོ་2018 ཟླ་ 6ཚེས་2 ཉིན་གྱི་ཞོགས་པའི་དུས་བཟང་དང་འགྲོགས་ནས་གྲོང་ཁྱེར་ཁྲིན་ཏུའུའམ་སྤོས་ལྡན་གྲོང་གི་ཤམ་བྷ་ལའི་གསོལ་མགྲོན་ཁང་ཆེན་མོ་རུ། ཀྲུང་གོ་མཚོ་སྔོན་བོད་ཀྱི་གསོ་བ་རིག་པའི་དངོས་མང་ཁང་དང་། རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་སྲུང་སྐྱོབ་ཞིབ་འཇུག་ལྟེ་གནས།  སི་ཁྲོན་ཞིང་ཆེན་སློབ་གྲྭ་ཆེན་མོའི་རིག་གནས་དངོས་མང་ཁང་། སི་ཁྲོན་ཞིང་ཆེན་བོད་བརྒྱུད་རིག་དངོས་སྲུང་སྐྱོབ་ཨུ་ཡོན་ལྷན་ཁང་། ཁྲིན་ཏུའུ་དར་རྒྱས་ཧི་མ་ལ་ཡ་རིག་གནས་སྒྱུ་རྩལ་དངོས་མང་ཁང་། པདྨའི་འོད་སྣང་ཚོགས་པ། སི་ཁྲོན་ཧྲན་ཤན་རིག་གནས་ཁྱབ་སྤེལ་ཚད་ཡོད་ཀུང་སི་བཅས་ཀྱིས་མཉམ་སྒྲུབ་བྱས་ནས་གཟབ་རྒྱས་ངང་འཚོགས་ཡོད་པ་དང་།  དེར་ཁང་དཀར་ཚུལ་ཁྲིམས་སྐལ་བཟང་དང་། ཆཱན་ཝུན་ཀྲོང་། Wongngam ཡངས་གླིང་རྡོ་རྗེ། ཐུབ་བསྟན་ཕུན་ཚོགས། བློ་བཟང་ལྷུན་འགྲུབ་རྡོ་རྗེ། དམ་ཆོས་ཟླ་བ། ལྡོང་ཡོན་ཏན་རྒྱ་མཚོ། མཁན་པོ་རིག་དར། བདུད་ལྷ་རྒྱལ་སོགས་འབྲེལ་ཡོད་རིམ་པའི་སྲིད་གཞུང་གི་དབུ་ཁྲིད་ཁག་དང་། ལྷོ་བརྒྱུད་ནང་བསྟན་དང་རྒྱ་བརྒྱུད་ནང་བསྟན་གྱི་སློབ་དཔོན་ཆེན་མོ། ས་དགེ་བཀའ་ཇོ་བོན་དང་བཅས་བོད་བརྒྱུད་ནང་བསྟན་གྱི་རིས་སུ་མ་ཆད་པའི་ཆོས་བརྒྱུད་ཁག་གི་མཁས་དབང་རྣམ་པ། སྔ་འགྱུར་རྙིང་མའི་གདན་ས་ཆེན་མོ་སྨིན་གྲོལ་གླིང་དང་། ཀཿ  ཐོག དཔལ་ཡུལ། ཞེ་ཆེན་དགོན།  ཆོས་སྡེ་ཆེན་མོ་ཡ་ཆེན། གསེར་རྟ་བླ་རུང་།  ལི་མདོ་ཆོས་སྒར་གསུམ་ནས་ཕེབས་པའི་མཁན་སྤྲུལ་རྣམ་པ་དང་། རྫོགས་ཆེན་གདན་ས་རང་གི་བསྟན་བདག་ཁྲི་པ་དང་མཁན་ཆེན་ཁྲི་ཟུར་དང་ཁྲི་པ། ཧྲང་ཧེ་ཧྥོའུ་ཏན་སློབ་ཆེན། ཀྲུང་དབྱང་མི་རིགས་སློབ་གླིང་། ལན་ཀྲུའུ་སློབ་ཆེན་དང་། ནུབ་བྱང་མི་རིགས་སློབ་ཆེན། ཡུན་ནན་མི་རིགས་སློབ་ཆེན། མཚོ་སྔོན་མི་རིགས་སློབ་ཆེན། ལྷོ་ནུབ་མི་རིགས་སློབ་ཆེན། སི་ཁྲོན་བོད་ཡིག་སློབ་གྲྭ་བཅས་སློབ་ཆེན་ཁག་གི་སློབ་དཔོན་ཆེན་མོ། རབ་འབྱམས་པ།  ཞིབ་འཇུག་པ། རྩོམ་པ་པོ།  རིག་གནས་སྡེ་ཁག་སོ་སོའི་ཆེད་ལས་པ། ཀན་སུའུ་མི་རིགས་དཔེ་སྐྲུན་ཁང་། སི་ཁྲོན་མི་རིགས་དཔེ་སྐྲུན་ཁང་། བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་དང་། སྐལ་བཟང་ལེགས་བཤད་དཔེ་ཚོགས་ཀྱི་གཙོ་སྒྲུབ་མི་སྣ་དང་། གཞན་ཡང་ཆེད་ལས་པ་སོགས་ཚོགས་ཞུགས་མི་གྲངས་ཉིས་བརྒྱ་ལས་བརྒལ་བ་ཆེད་ཕེབས་ཀྱིས་དངོས་ཞུགས་གནང་ཡོད་འདུག

1527922625393968.jpeg
ཆོས་བརྒྱུད་ཁག་གི་མཁས་གྲུབ་ལྷན་རྒྱས།

1527922830499913.jpeg
མགོ་ཁྲིད་དང་ཆེད་ལས་མཁས་པའི་ཚོགས།

ཚོགས་འདུའི་བརྒྱུད་རིམ་ཀྱང་། སྔ་དྲོར་དབུ་འབྱེད་འགྲེམ་སྤེལ་གྱི་མཛད་སྒོ་དངོས་སུ་འཚོགས་ཏེ་གལ་ཆེའི་སྐུ་མགྲོན་དག་གིས་རྟེན་འབྲེལ་ཤིས་ཚིག་ཕུལ་བ་དང་འབྲེལ། ཁྱབ་བདག་རྫོགས་ཆེན་པ་༧སྐྱབས་རྗེ་པདྨ་སྐལ་བཟང་སྟེ། མཁྱེན་རབ་ཡེ་ཤེས་ཀྱི་མངའ་བདག སྡོམ་བརྩོན་བཙུན་པའི་ཁྱུ་མཆོག རིམ་གཉིས་རྣལ་འབྱོར་གྱི་དབང་ཕྱུག ཉམས་རྟོགས་གཟུངས་སྤོབས་ཀྱི་གཏེར་འཆང་། གངས་ལྗོངས་ཆོས་རིག་ཉམས་གསོ་ལ་བླ་ན་ལྷག་པའི་མཛད་པ་དགེ་བ། ཡང་སྙིགས་དུས་ཀྱི་མཐའ་འདིར་ཀུན་བཟང་ཐུགས་ཀྱི་བསྟན་པ་གསལ་བར་བྱེད་པ་ལ་སྨོན་ལམ་གྱི་མཐུ་གྲུབ་པའི་རིས་མེད་བསྟན་འཛིན་གྱི་གཙུག་ནོར་དམ་པ་གང་གིས། མདོ་སྔགས་རིག་གནས་དང་བཅས་པའི་བརྗོད་དོན་ཆ་ཚང་བ། རྩོམ་རིག་སྒྱུ་རྩལ་གྱི་ལམ་ནས་དྲངས་པའི་བཅད་ལྷུག་སྤེལ་མ་སོགས་སྙན་འཇེབས་བརྗིད་ཆགས་ཀྱི་ཉམས་བརྒྱས་ཡོངས་སུ་ཕྱུག་པའི་སྙན་རྩོམ་འབེལ་གཏམ་སྐོར་དང་།  སྒྲུབ་ལ་རྩེ་གཅིག་གཞོལ་བའི་བཅད་རྒྱའི་ཐུན་གསེང་རྣམས་སུ་རིས་སུ་མ་ཆད་པའི་སྐལ་ལྡན་གྱི་སློབ་ཚོགས་ལ།  ཕྱི་ཀུན་འབྱུང་འདྲེན་པའི་ཐེག་པ་ནས་གསང་བ་དབང་བསྒྱུར་ཐབས་ཀྱི་ཐེག་པའི་ཡང་རྩེ་ཨ་ཏི་ཡོ་གའི་གནད་གསང་ཐམས་ཅད་རྡོ་རྗེའི་གསུང་གིས་ལེགས་པར་བཀྲལ་བའི་རིན་བྲལ་འདོད་འབྱུང་གི་ཕ་ནོར་ཕྱི་རབས་བསྟན་པའི་བཙས་སུ་བསྩལ་བ། ཆོས་སྐུའི་རིང་བསྲེལ་གྱི་ཕུང་པོ་ཇི་སྙེད་ཅིག་མཆིས་པ་ལས། ཐེངས་འདིར་གཞི་རྒྱ་ཆེ་བའི་པོ་ཏི་མཚན་བཟང་སོ་གཉིས་ཀྱི་གྲངས་དང་ལྡན་པ་དངོས་སུ་པར་སྐྲུན་ལེགས་འགྲུབ་བྱུང་བའི་གསུང་འབུམ་ཉིད། མིའི་རིགས་ལ་བླ་ན་མེད་པའི་ཤུལ་བཞག་གི་ནོར་བུ་ཆེན་པོ་ཞིག་ཡིན་ཚུལ་དང་། ཉེ་རབས་རྒྱལ་ནང་ལོ་རྒྱུས་ཁྲོད་གསུང་རྩོམ་མང་ཤོས་ཀྱི་བོད་ཀྱི་མཁས་དབང་ཞིག་ཡིན་པའི་ངོས་འཛིན་བྱས། རྩོམ་པ་པོ་ཁོང་ནི་དུས་རབས་ལས་བརྒལ་བའི་རླབས་ཆེན་གྱི་མི་སྣ་ཡིན་ཞིང་། མཁས་དབང་ཁོང་གི་སྐུ་ཚེ་ཧྲིལ་པོ་བསྟན་དོན་དང་མི་རིགས་སློབ་གསོའི་ལས་དོན་ལ་ཕུལ་བའི་ཁྱད་དུ་འཕགས་པའི་མཛད་ཕྲིན་ལ་བཀའ་དྲིན་རྗེས་དྲན་དང་། ཚད་མཐོ་བའི་གདེངས་འཇོག་མཛད་པའི་གསུང་བཤད་གནང་འདུག མ་ཟད་སྤྱི་ཚོགས་སློབ་གསོའི་བྱ་བཞག་ལ་དུས་ཀུན་ཐུགས་ཁུར་དང་རྒྱབ་སྐྱོར་བྱེད་བཞིན་པའི་ལས་ཁུངས་དང་སྤྱི་གཉེར་ཁང་།   ལས་རིགས་འདྲ་མིན་གཉེར་བའི་སྒེར་བ་སོ་སོ་ནས་སྦྱིན་བདག་བྱས་ཏེ། ཕྱི་ནང་རྒྱལ་ཁབ་ཡོངས་གྲགས་ཀྱི་དཔེ་མཛོད་ཁང་དང་།   སློབ་ཆེན་ཁག་གི་དཔེ་མཛོད་ཁང་། ས་ཁུལ་སོ་སོའི་བོད་རིག་པ་ཞིབ་འཇུག་ལྟེ་གནས་ཁང་དང་། དགོན་སྡེ་དང་ཆོས་གྲྭ། རྒྱ་ཆེ་བའི་ཀློག་པ་པོ་རྣམས་ཀྱིས་སྔོན་མངགས་གནང་བ་ལྟར། གསུང་འབུམ་མཚན་བཟང་གི་གྲངས་དང་ལྡན་པ་ཚར་གྲངས་ཉིས་ཁྲི་ལས་བརྒལ་བ་ཆོས་སྦྱིན་གནང་བའི་རླབས་ཆེན་གྱི་མཛད་པ་བཟང་པོར། ཐོག་མཐའ་ཀུན་ཏུ་ཕྱག་ལས་གནང་མཁན་གྱི་མི་སྣ་ཡོངས་ལའང་བཀའ་དྲིན་ཞུས་འདུག

1527922971950935.jpeg
ཁང་དཀར་ཚུལ་ཁྲིམས་སྐལ་བཟང་གིས་གསུང་བཤད་གནང་བཞིན་པ།

IMG_1390.JPG
ཧྲང་ཧེ་ཧྥོའུ་ཏན་སློབ་ཆེན་གྱི་ལོ་རྒྱུས་སྡེ་ཁག་གི་སློབ་དཔོན་ཆེན་མོ་དང་། ཤར་ཕྱོགས་རིག་གནས་ཞིབ་འཇུག་པ་ཆཱན་ཝུན་ཀྲོང་གིས་གསུང་བཤད་གནང་བཞིན་པ།

1527923375875348.jpeg
ཐེ་ལན་ཌིའི་ནང་པའི་སློབ་དཔོན་Wongngamམཆོག

IMG_1389.JPG
ཕྱི་དྲོའི་བགྲོ་གླེང་ཚོགས་འདུའི་ཚོགས་ར།

ཕྱི་དྲོར་མཁས་དབང་བཞི་བཅུ་ལྷག་གིས་རྩོམ་པ་པོ་ཁྱབ་བདག་རྫོགས་ཆེན་པ་པདྨ་སྐལ་བཟང་རིན་པོ་ཆེའི་སྐུ་ཚེའི་བརྒྱུད་རིམ་གྱི་རྣམ་ཐར་དང་འབྲེལ། གསུང་འབུམ་གྱི་བརྗོད་བྱའི་རིན་ཐང་སོགས་ཀྱི་སྒྲོམ་གཞིའི་ཐོག་ནས་དཔྱད་གླེང་གནང་ཞིང་། བརྗོད་བྱ་དོན་གྱི་སྙིང་པོ་མདོ་སྔགས་རིག་གཞུང་རྒྱ་མཚོའི་དགོངས་འགྲེལ་དག་ལས།མདོ་མཚན་ཉིད་ཐེག་པའི་གཞི་ལམ་འབྲས་བུའི་ཟབ་གནད་དེ། བཀའ་ཆོས་འཁོར་རིམ་པ་གསུམ་གྱི་བརྗོད་དོན་ཡོངས་རྫོགས་ཉུང་ངུའི་ཚིག་གིས་ཆ་ཚང་བར་བསྡུས་ཤིང་གདམས་ངག་གིས་གསལ་བར་བཀྲལ་བའི་ཁྱད་ཆོས་དང་།  ཁྱད་པར་ནང་རྒྱུད་སྡེ་གསུམ་སྤྱི་དང་། བྱེ་བྲག་སེམས་བདེ་རྫོགས་ཆེན་གྱི་ལྷ་སྒོམ་སྤྱོད་འབྲས་དང་བཅས་པ་མན་ངག་གི་དྲོད་བཅུད་མ་ཡལ་བར་བསྟན་ཚུལ་སོགས། མདོར་ན་མདོ་སྔགས་རིག་གནས་དང་བཅས་པའི་བརྗོད་དོན་ཆ་ཚང་བའམ་ནང་ཆོས་མཚན་ཉིད་རིག་པ། སྤྱི་ཚོགས་སེམས་ཁམས་རིག་པ། རྩོམ་རིག་སྙན་དངགས། ནང་བསྟན་སྤྱི་ཚོགས་སློབ་གསོ་དང་། ལོ་རྒྱུས་སོགས་གངས་ལྗོངས་བཅུ་ཕྲག་རིག་གནས་ཀྱི་ཉིང་བཅུད། རྨད་བྱུང་ལེགས་བཤད་ཀྱི་གསུང་འབུམ་འདི་ནི་སྐྱེ་དགུའི་བདེ་སྐྱིད་ཀྱི་གཞི་རྩ་ཉག་གཅིག་ཏུ་འཁུམས་ཤིང་། འཛམ་གླིང་རིག་གནས་བང་མཛོད་ཁྲོད་དུ་མཛེས་སྡུག་རབ་ཏུ་བཀྲ་བའི་མེ་ཏོག་གི་ཕྲ་ཚོམ་ཞིག་ཏུ་གྲུབ་ཡོད་ཚུལ་དང་། འདི་ནི་ཡང་སྙིགས་དུས་ཀྱི་མཐའ་འདིར་སྤྱི་བྱེའི་རྒྱལ་བསྟན་རིན་པོ་ཆེ་གསལ་བར་བྱེད་པའི་སྒྲོན་མེ་དང་། མི་རབས་ཤིག་དང་དུས་རབས་ཤིག་གི་ཕུན་སུམ་ཚོགས་པའི་རིག་གནས་ཀྱི་གྲུབ་ཆ་མཚོན་པའི་ལོ་རྒྱུས་ཀྱི་རྡོ་རིང་ཞིག་ཏུ་བརྩིས་ཏེ་ཚད་མཐོ་བའི་གདེང་འཇོག་མཛད་ཡོད་འདུག

མཛད་སྒོ་དེར་སི་ཁྲོན་བརྙན་འཕྲིན་ཁང་དང་། ཁྲིན་ཏུའུ་བརྙན་འཕྲིན་ཁང་། ཁམས་པའི་བརྙན་འཕྲིན་ཁང་།  རྒྱ་ཡིག་གི་བོད་མིའི་རིག་གནས་དྲ་བ།  གངས་ལྗོངས་ཉི་གཞོན། མཆོད་མེ་བོད་ཀྱི་རྩོམ་རིག་དྲ་བ། བཙན་པོ་མགར་དྲ་བ། གངས་ལྗོངས་ཤེས་རིག་དྲ་བ། རྫོགས་ཆེན་དྲ་བ་བཅས་ཀྱི་འཕྲིན་སྦྱོར་ཁང་དངོས་སུ་ཕེབས་ཡོད་པ་དང་།   ཀྲུང་གོ་ཉིན་རེའི་ཚགས་པར་དྲ།   མདོ་ལྷོ་དྲ་བ།  ཀྲུང་གོ་ན་གཞོན་དྲ།    ཀྲུང་ཧྭ་དྲ།    རྒྱལ་སྤྱིའི་དྲ་ལམ།   ཀྲུང་གོའི་དྲ་བ།  ཧྥིན་ཧོང་དྲ་ལམ།       ཀྲུང་གོ་བོད་ཀྱི་དྲ་བ།    མཚོ་སྔོན་བོད་སྐད་རྒྱང་སྒྲོག་བརྙན་འཕྲིན་དྲ་བ།  མཚོ་སྔོན་པོ་བོད་ཡིག་ཟིན་བྲིས་དྲ་བ། སྔགས་མང་ཞིབ་འཇུག་ཁང་།  ཁམས་པའི་དྲ་བ་སོགས་འཕྲིན་སྦྱོར་ཁང་གང་མང་ཞིག་གིས། ས་གནས་སོ་སོ་ནས་དོ་ཁུར་དང་དེའི་སྐོར་གྱི་གནས་ཚུལ་བརྒྱུད་འགོད་བྱེད་བཞིན་ཡོད་འདུག


ཟུར་བཀོད། ཁྱབ་བདག་རྫོགས་ཆེན་པ་༧སྐྱབས་རྗེ་པདྨ་སྐལ་བཟང་གི་རྣམ་ཐར་ཉུས་བསྡུས།

དེང་གི་དུས་ན་གངས་རིའི་ལྗོངས་སུ་འོད་གསལ་རྫོགས་པ་ཆེན་པོ་གསང་བ་སྙིང་ཐིག་གི་བསྟན་པའི་བཀའ་བབས། བདག་ཅག་གི་འདྲེན་མཆོག་མཚུངས་མེད་མཁས་བཙུན་གྲུབ་པའི་དབང་ཕྱུག ༧རྫོགས་ཆེན་ཁྱབ་བདག་པ་སྐྱབས་རྗེ་པདྨ་སྐལ་བཟང་ངམ་ཐུབ་བསྟན་ལུང་རྟོགས་བསྟན་པའི་རྒྱལ་མཚན་མཆོག་ནི། ཕྱི་ལོ་༡༩༤༣པ་སྟེ་བོད་རབ་བྱུང་བཅུ་དྲུག་པའི་ཆུ་ལུག་ལོར་མདོ་ཁམས་རྫ་ཆུ་ཁར་སྐུ་འཁྲུངས། དགུང་ལོ་ལྔ་ཡི་སྟེང་རྫོགས་ཆེན་ཀོང་སྤྲུལ་དང་། རྫོང་སར་མཁྱེན་བརྩེ་ཆོས་ཀྱི་བློ་གྲོས། གྲུབ་དབང་རྫོགས་ཆེན་དྲུག་པ་འཇིགས་བྲལ་བྱང་ཆུབ་རྡོ་རྗེ་བཅས་ཀྱིས་རྫོགས་ཆེན་མཁན་ཆེན་པདྨ་བཛྲ་རྩལ་གྱི་ཡང་སྲིད་གསུམ་པར་ངོས་བཟུང་ནས་རྫོགས་ཆེན་གདན་སར་མངའ་གསོལ། སྐུ་ན་ཆུང་ངུའི་དུས་རྫ་སྟོད་ལྕང་མའི་མཁན་ཆེན་ཐུབ་དགའ་ཚང་དང་། རྫོགས་ཆེན་མཁན་རྒན་ཨ་བུ་ལྷ་སྒང་བཅས་ཀྱིས་ཐུགས་དགྱེས་པ་ཆེན་པོས་རྗེས་བཟུང་དགོངས་གཏད་མཛད། མཁས་པའི་དབང་པོ་རྫོགས་ཆེན་མཁན་པོ་པདྨ་ཚེ་དབང་ཡོངས་འཛིན་དུ་བཞུགས་པ་ལས་གཞུང་ཆེན་བཅུ་གསུམ་གཙོར་གྱུར་མདོ་སྔགས་རིག་གནས་བཅས་པ་གསན་བཞེས་གནང་བས་སྐྱེས་ཐོབ་ཀྱི་མཁྱེན་རབ་ཕུལ་དུ་ཕྱིན་པའི་ཚད་དུ་གླེང་། རྫོང་སར་མཁྱེན་བརྩེ་ཆོས་ཀྱི་བློ་གྲོས་དང་། རྫོགས་ཆེན་དྲུག་པ་གྲུབ་དབང་འཇིགས་བྲལ་བྱང་ཆུབ་རྡོ་རྗེ་རྣམ་གཉིས་ལས་སྔ་འགྱུར་བཀའ་གཏེར་གཙོར་གྱུར་སྒྲུབ་བརྒྱུད་ཤིང་རྟ་བརྒྱད་ཀྱི་དབང་ལུང་ཕལ་མོ་ཆེ་གསན། ཁྱད་པར་དུ་གདོད་མའི་མགོན་པོ་དང་མི་གཉིས་པ་མཁན་ཆེན་འཇིགས་མེད་ཡོན་ཏན་མགོན་པོ་ལས་འོད་གསལ་རྫོགས་པ་ཆེན་པོ་གསང་བ་སྙིང་ཐིག་གོང་འོག་གི་ཟབ་ཁྲིད་མཐའ་དག་ཆིག་རྫོགས་སུ་གསན། དུས་འགྱུར་ཆེན་མོའི་ཡོ་ལངས་སྐབས་དགུང་ན་གཞོན་ཡང་དམ་པའི་རང་གཤིས་མ་འགྱུར་བ་མཁས་བཙུན་བཟང་པོའི་བདག་ཉིད་དུ་བཞུགས་ཤིང་སྐུ་གསུང་ཐུགས་རྟེན་བཟང་ལ་མང་བ་སྐུ་སྲོག་དང་བསྡོས་ཏེ་ཉར་བསྡུ་མཛད། གངས་རིའི་ལྗོངས་སུ་ཆོས་རིག་གི་མེ་རོ་སླར་གསོའི་དུས་རབས་ཏེ་ཕྱི་ལོ་༡༩༨༡ལོར། ཉེ་རབས་བོད་ཁུལ་གྱི་ཆེས་ཐོག་མའི་རིག་གནས་གླིང་ཀ་སི་ཁྲོན་བོད་ཡིག་སློབ་གྲྭ་རྫོགས་ཆེན་དུ་བཙུགས་པར་སློབ་ཁྲིད་འཆར་འགོད་དང་། སློབ་ཁྲིད། རྒྱུགས་ཡིག་གཏན་འཁེལ། དགེ་རྒན་གདན་ཞུ་སོགས་མཐུན་འགྱུར་ཕྱག་ལས་རྒྱ་ཆེར་གནང་བ་དང་། སྔ་འགྱུར་རྙིང་མའི་གདན་ས་ཆེན་མོ་གྲུབ་དབང་རྫོགས་ཆེན་དགོན་སླར་གསོའི་ཐུགས་ཁུར་ཆེད་བཞེས་མཛད་ཅིང་། དེ་བཞིན་གེ་སར་ལོ་རྒྱུས་ཀྱི་རྩ་ཆེའི་རིག་གནས་བསྐྱར་གསོ་དར་སྤེལ་གནང་བས་རིམ་པ་གོང་འོག་གིས་གེ་སར་ཟློས་གར་གྱི་འབྱུང་གནས་རྩ་ཆེན་དུ་གཏན་འཁེལ་བྱུང་།

ཕྱི་ལོ་༡༩༨༨ལོ་ནས་མདོ་ཁམས་ཡུལ་གྱི་ལོ་རྒྱུས་རིང་ཤོས་ཀྱི་བཤད་གྲྭ་སྟེ་རྫོགས་ཆེན་ཤྲཱི་སེང་ཆོས་གྲྭ་ཆེན་མོ་བསྐྱར་གསོ་རྒྱ་བསྐྱེད་མཛད་དེ་སྔ་ཕྱིར་སྡེ་སྣོད་འཛིན་པ་སྟོང་ཕྲག་ལྷག་བསྐྱེད་སྲིང་བྱུང་། མདོ་དབུས་ཁམས་གསུམ་གྱི་སྔ་འགྱུར་རྙིང་མའི་དགོན་སྡེ་གཙོ་བོར་གྱུར་པའི་རིས་མེད་ཆོས་སྡེ་མང་པོར་ཞབས་ཀྱིས་བཅགས་ཏེ་སོ་བྱང་སྔགས་གསུམ་གི་སྡོམ་རྒྱུན་དང་དབང་ལུང་མན་ངག་གི་རྒྱུན་སྤེལ་བས། དམ་པ་ཉིད་ཀྱི་ཞལ་སྔ་ནས་སྨད་འདུལ་སྔ་འགྱུར་སྡོམ་བརྒྱུད་ལས་རབ་ཏུ་བྱུང་བ་དང་བསྙེན་པར་རྫོགས་པའི་སྡོམ་ཕྲུག་ཁོ་ན་སྟོང་ཕྲག་གཉིས་ལྷག་ཟིན། ཕྱོགས་འདུས་རིས་སུ་མ་ཆད་པའི་ཞལ་སློབ་དག་ལ་སྔ་འགྱུར་བཀའ་གཏེར་གྱི་དབང་ཁྲིད་སྤྱི་དང་། ཁྱད་པར་འོད་གསལ་རྫོགས་པ་ཆེན་པོ་སྙིང་ཐིག་གོང་འོག་གི་སྔོན་འགྲོ་དངོས་གཞི་དང་བཅས་པའི་རྒྱས་ཁྲིད་ནས། རྒྱབ་རྟེན་མཛོད་ཆེན་བདུན་དང་། ཤིང་རྟ་རྣམ་གསུམ། སྙིང་ཐིག་ཡ་བཞི་དང་བཅས་པ་རྒྱ་ཆེ་བ་པཎྡི་ཏའི་ལུགས་སུ་མཁས་པའི་རྩལ་ཐོན་པའི་རྒྱས་ཁྲིད་མཛད་པས་དེང་གི་དུས་ན་གངས་རིའི་ལྗོངས་སུ་འོད་གསལ་རྫོགས་པ་ཆེན་པོའི་བསྟན་པའི་བཀའ་བབས་སུ་དོན་གྱིས་གྲུབ།

ཕྱི་ལོ་༡༩༨༨ ལོ་ནས་མདོ་ཁམས་ཡུལ་གྱི་ལོ་རྒྱུས་རིང་ཤོས་ཀྱི་བཤད་གྲྭ་སྟེ། རྫོགས་ཆེན་ཤྲཱི་སེང་ཆོས་གྲྭ་ཆེན་མོ་བསྐྱར་གསོ་རྒྱ་བསྐྱེད་མཛད་དེ་སྡེ་སྣོད་འཛིན་པ་སྟོང་ཕྲག་གཉིས་ལྷག་བསྐྱེད་སྲིང་བྱུང་། གངས་རིའི་ལྗོངས་ཀྱི་ཆོས་རིག་གི་སྒྲོན་མེ་སྦར་བའི་མཛད་རྗེས་ཟླ་མེད་དུ་སྐྱོང་བཞིན་སྐུ་བཞུགས་པ་དང་། ༢༠༡༦ ལོར་སྐུ་ཆས་ཉེར་སྤྱོད་སྟབས་བདེ་ཙམ་ལས་གཞན་བདོག་པའི་དངོས་པོ་ཡོད་ཚད་སྔར་སྐུའི་ཟུངས་ཁྲག་གིས་རྨང་གཞི་བྱས་ཏེ་གསར་འཛུགས་གནང་བའི་སྐལ་བཟང་ལེགས་བྱས་ཐེབས་རྩ་ཚོགས་པར་སྤྱི་ཚོགས་དགེ་ལས་སུ་ཕུལ་ནས། དབུལ་སྐྱོར་དང་དྭ་ཕྲུག་སོགས་ལ་རོགས་རམ་དང་། ཐོས་བསམ་སློབ་སྦྱོང་བ་དོན་གཉེར་ཅན་ལ་ཆེད་སྤྱོད་ཐེབས་རྩ་བཙུགས་ནས་སློབ་མ་ཚོའི་འབད་བརྩོན་ལ་རེ་བའི་ས་བོན་བཏབ།  སྔ་ཕྱིའི་དུས་བར་རྣམས་སུ་སྐུ་མཚམས་བཅད་རྒྱ་ལ་བཞུགས་ཏེ་ཡི་དམ་ལྷའི་བསྙེན་བཟླས་དང་བསྐྱེད་རྫོགས་རྫོགས་ཆེན་གྱི་ཉམས་བཞེས་ལ་བཞུགས་པ་སྡོམ་ཚེ་ལོ་ངོ་བཅུ་ལྷག་ལ་ལོངས། མདོར་ན་དམ་པ་འདི་ཉིད་ཀྱི་སྐུ་ཚེ་གང་པོར་མཁས་བཙུན་བཟང་གསུམ་གྱི་དམ་པའི་རྣམ་ཐར་བདག་གིར་བཞེས་ཤིང་། བཤད་སྒྲུབ་ལས་གསུམ་གྱི་མཛད་པ་ཁོ་ནས་གངས་རིའི་ལྗོངས་ཀྱི་ཆོས་རིག་གི་སྒྲོན་མེ་སྦར་བའི་མཛད་རྗེས་ཟླ་མེད་དུ་བསྐྱངས། རྗེ་ཉིད་ཀྱི་ཞལ་གསུང་དྲི་མ་མེད་པའི་ལེགས་བཤད་ཀྱི་ཕུང་པོ་ཕྱི་རབས་བསྟན་པའི་བཙས་སུ་བཞག་པ་ནི། རྫོགས་པ་ཆེན་པོ་ཀློང་ཆེན་སྙིང་ཐིག་གི་སྔོན་འགྲོའི་ཁྲིད་ཡིག་ཀུན་བཟང་བླ་མའི་ཞལ་ལུང་གི་ལྗགས་ཁྲིད་མཚུངས་མེད་བླ་མའི་ཞལ་རྒྱུན། ཀློང་སྙིང་སྔོན་འགྲོའི་ངག་འདོན་རྣམ་མཁྱེན་ལམ་བཟང་གི་ལྗགས་ཁྲིད་སྐལ་བཟང་ཐར་པའི་ལམ་སྟོན། རྫོགས་ཆེན་ཀློང་ཆེན་སྙིང་ཐིག་གི་ཐུན་མོང་སྔོན་འགྲོ་སེམས་སྦྱོང་བདུན་གྱི་དོན་ཁྲིད་ཐར་པའི་ཐེམ་སྐས་ཀྱི་ཟིན་ཐུན་མཚོ་སྐྱེས་བླ་མ་དགྱེས་པའི་ཞལ་ལུང་། ཁྲིད་ཡིག་ཡེ་ཤེས་བླ་མའི་རྒྱས་འགྲེལ་བརྒྱུད་གསུམ་བླ་མའི་ཞལ་ཆབ། ཚིག་དོན་རིན་པོ་ཆེའི་མཛོད་ཀྱི་འགྲེལ་བ་མན་ངག་ནོར་བུའི་བང་མཛོད། མན་ངག་རིན་པོ་ཆེའི་མཛོད་ཀྱི་འགྲེལ་བ་གདམས་ཟབ་ནོར་བུའི་གཏེར་མཛོད། ཡིད་བཞིན་རིན་པོ་ཆེའི་མཛོད་ཀྱི་འགྲེལ་བ་རྨོངས་མུན་འཇོམ་པའི་སྣང་མཛོད། ཆོས་དབྱིངས་རིན་པོ་ཆེའི་མཛོད་ཀྱི་འགྲེལ་བ་ཀུན་ཏུ་བཟང་པོའི་དགོངས་མཛོད། འཇམ་མགོན་མི་ཕམ་རྒྱ་མཚོའི་གསུང་རྫོགས་པ་ཆེན་པོ་སེམས་ངོ་མཛུབ་ཚུགས་ཀྱི་གདམས་པའི་གནད་འགྲོལ། བླ་སྒྲུབ་རིག་འཛིན་འདུས་པའི་རྣམ་བཤད་རིག་འཛིན་བརྒྱུད་པའི་ཞལ་ལུང་། ཟབ་ཆོས་ཞི་ཁྲོ་དགོངས་པ་རང་གྲོལ་གྱི་ལས་བྱང་ཚོར་བ་རང་གྲོལ་གྱི་སྙིང་པོའི་རྣམ་བཤད་རིམ་གཉིས་གསལ་བྱེད། བདེ་བ་ཅན་གི་ཞིང་གི་སྨོན་ལམ་ཚིག་དོན་གོ་སླ་བར་བཀྲལ་བ་ཐར་ལམ་བགྲོད་པའི་ཐེམ་སྐས། བདེ་སྨོན་འགྲེལ་བ་རིན་ཆེན་པདྨ་རཱ་གའི་ཕྲ་ཚོམ། སྙན་རྩོམ་གླེགས་བམ་སྔ་ཕྱི་གཉིས་སོགས་རྨད་དུ་བྱུང་བའི་ལེགས་བཤད་ཀྱི་ཕུང་པོ་༢༠༡༨ ལོར་གསར་དུ་དཔར་སྐྲུན་བྱས་པའི་པོད་སོ་གཉིས་ཀྱི་གྲངས་ཀ་བཞུགས་པ་བཅས་ཐུན་མོང་ཕྱིའི་རྣམ་ཐར་ཉུང་བཏུས་མདོ་ཙམ་སྨྲོས་པ་སྟེ། རྗེ་འདིའི་མཁས་པའི་རྣམ་དཔྱོད། བཙུན་པའི་ཚུགས། གྲུབ་པའི་དགོངས་སྤྱོད། བཟང་པོའི་ཕྲིན་ལས་བཅས་གསང་བ་བསམ་མི་ཁྱབ་པའི་ཡོན་ཏན་མཐའ་དག་ཉུང་ངུའི་ངག་གིས་བརྗོད་པ་རྔོ་མི་ཐོག་པ་སྟེ། ཇི་སྐད་དུ། དཔལ་ལྡན་ཟླ་བས། ནམ་མཁའ་མེད་པས་འདབ་ཆགས་ལྡོག་པར་མི་འགྱུར་གྱི། །འདི་ནི་རང་མཐུ་ཟད་པས་ལྡོག་པར་འགྱུར་དེ་བཞིན། །སློབ་མ་དང་བཅས་སངས་རྒྱས་སྲས་རྣམས་སངས་རྒྱས་ཀྱི། །ཡོན་ཏན་མཁའ་ལྟར་མཐའ་ཡས་མ་བརྗོད་ལྡོག་པར་འགྱུར། །ཞེས་གསུངས་པ་གདམས་པར་བཟུང་བ་དང་། རྒྱ་ཆེ་བའི་མཛད་ཕྲིན་གྱི་ཕུང་པོ་ཡུན་ནས་ཡུན་ཏུ་རྒྱུན་མི་ཆད་པའི་རྟེན་འབྱུང་དུ་རེ་ཞིག་རྩོམ་པ་འཕྲོ་ཅན་དུ་འཇོག་པར་འདོད་དོ།།


རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།