དུས་ཚོད། ༢༠༠༧ལོའི་ཟླ༦པའི་ཚེས༢༨ཉིན་གྱི་ཕྱི་དྲོ།
  ས་གནས། རྨ་ཆུ་རྫོང་བོད་རིགས་སློབ་འབྲིང༌།
  བརྗོད་བྱ། གླུ་གར་འཁྲབ་སྟོན། སྙན་ངག་གྱེར་འདོན།
  ལས་རིམ་བཀོད་སྒྲིག་པ། སྐྱབས་ཆེན་བདེ་གྲོལ།
  ཚོགས་ཕེབས་པ། ལྗང་བུ། ཚེ་རིང་དོན་གྲུབ། རྡོ་གྲགས། སྐྱབས་ཆེན་བདེ་གྲོལ། མདའ་བཙན་པོ། རྡོ་དཀར་མོག་ཟླ། རི་སྔོན་བླ་མ་ཐར། མཚོ་བུ་དགའ་
བདེ། བསྒྲལ་རྡོ། རྨོག་རུ་ཤེས་རབ་རྡོ་རྗེ། ནག་པོ་ཁྲོ་ཐུབ། ཐང་སྲས་རྟ་ལོ། ཀིརྟི་སྐྱབས། ལྷ་མོ་སྐྱབས། ཆོས་ཤུལ་འོད་ཐགས། རྨ་ཉིན་སྐལ་སྦྱིན། སྙིང་ལྕགས།
དངུལ་རྭའི་འཇམ་དབྱངས།(ལོ་རབས་བརྒྱད་ཅུ་བའི་དུས་ཀྱི་སྐད་གྲགས་ཆེ་བའི་བརྩམས་སྒྲུང<བདུད་མོ་གསལ་བའི་འབེལ་གཏམ>གྱི་རྩོམ་པ་པོ)
དཔལ་མགོན།(རྡུང་ལེན་པ) རྡོ་རེད།(རྡུང་ལེན་པ)  གཡུ་འབྲུག་གཞས་ཚོགས།  རྡོར་ཚེ།(རྡུང་ལེན་པ)རྨ་ཆུ་རྫོང་བོད་རིགས་སློབ་འབྲིང་གི་དགེ་
སློབ་ཡོངས་དང་དེ་བྱིངས་ལྟད་མོ་བ༣༠ལྷག
     
     གསར་བྱུང་གཞས་ཚོགས་གཡུ་འབྲུག་གཞས་ཚོགས་ཀྱིས་འདུ་ཚོགས་ཀྱི་དབུ་རྩོམ་པའི་གླུ་གཞས་གཏོང་བ།
     
     སྙན་ངག་པ་དག་གིས་རང་གི་མཚན་འབྲི་བ།
      
     རྡུང་ལེན་པ་གྲགས་ཅན་དཔལ་མགོན་གྱིས་རྡུང་ལེན་བྱེད་བཞིན་པ།
     
     སྙན་ངག་པ་ལྗང་བུས<<བདག་གི་རྟ་ཕོ>>ཞེས་པའི་སྙན་ངག་གྱེར་འདོན་བྱེད་བཞིན་པ།
     
     རྡོ་དཀར་མོག་ཟླས<<སྙན་ངག་པ>>ཞེས་པའི་སྙན་ངག་གྱེར་འདོན་བྱེད་བཞིན་པ།
     
     རྨ་ཆུ་རྫོང་བོད་རིགས་སློབ་འབྲིང་གི་སློབ་མས་སྙན་ངག་གྱེར་འདོན་བྱེད་བཞིན་པ།
     
     ཚོགས་ར།

      ལས་རིམ་དངོས། གསར་བྱུང་གཞས་ཚོགས་གཡུ་འབྲུག་གཞས་ཚོགས་ཀྱི་ཕོ་གསར་ཚོའི་དེང་རབས་ཀྱི་ཉམས་འགྱུར་མངོན་པར་དོད་པའི་གླུ་སྐད་
ཀྱི་ཁྲོད་ནས་གླུ་གར་འཁྲབ་སྟོན་དང་སྙན་ངག་གྱེར་འདོན་ཟུང་དུ་སྦྲེལ་བའི་ལས་རིམ་གཉིས་པའི་སྒོ་མོ་ཕྱེ་ཞིང༌། དེའི་འཕྲོར་སྙན་ངག་པ་རྣམས་ཀྱིས་སྤྲོ་
སེམས་ཆེན་པོས་རེ་རེ་བཞིན་སྟེགས་བུའི་ངོས་ཀྱི་བྱང་བུ་རུ་རང་གི་མཚན་བཀོད་པ་དང༌། ཨ་མདོའི་རྡུང་ལེན་པའི་མེས་པོར་འབོད་པའི་རྡུང་ལེན་པ་སྐད་
གྲགས་ཅན་དཔལ་མགོན་དང༌། ན་གཞོན་རྡུང་ལེན་པ་རྡོ་རེད། སློབ་གླིང་རྡུང་ལེན་པ་རྡོར་ཚེ་བཅས་ཀྱིས་རེ་རེ་བཞིན་ཚིག་དང་དབྱངས་རང་གིས་
བརྩམས་པའི་རྡུང་ལེན་སྙན་མོ་འདུ་ཚོགས་ཀྱི་མཆོད་པར་ཕུལ་བས་ལྟད་མོ་བ་ཡོངས་ཀྱི་དགའ་སྤྲོའི་ཐལ་མོ་ཡང་ཡང་བརྡབས། དེ་ནས་སྐད་གཉིས་སྙན་
ངག་པ་རྡོ་གྲགས་དང་མི་རབས་གསུམ་པའི་སྙན་ངག་པ་མདའ་བཙན་པོ། གསར་སྐྱེས་སྙན་ངག་པ་རྡོ་དཀར་མོག་ཟླ། སྐད་གྲགས་ཅན་གྱི་སྙན་ངག་པ་
ལྗང་བུ་བཅས་ཀྱིས་རིམ་པ་བཞིན་རང་གི་བརྩམས་ཆོས་གྱེར་འདོན་བྱས་ཏེ་ཚོགས་ར་ཡོངས་ལ་སྙན་ངག་གི་ཁོར་ཡུག་སྟུག་པོར་ཆགས་སུ་བཅུག མཇུག་
མཐར་རྨ་ཆུ་རྫོང་བོད་རིགས་སློབ་འབྲིང་གི་སློབ་མ་ཚེ་རིང་དོན་གྲུབ་སོགས་ཀྱིས་རྨ་ཆུ་རྫོང་གི་སྙན་ངག་པ་རྨ་འོད་དང་སྐྱབས་ཆེན་བདེ་གྲོལ། རྨོག་རུ་ཤེས་
རབ་རྡོ་རྗེ་བཅས་ཀྱི་སྙན་ངག་གྱེར་འདོན་བྱས།

རྩོམ་ཁུངས། ངེད་དྲ་བ།