༢༠༠༦ལོའི་ཟླ༨པའི་ཚེས༣གྱི་ཆུ་ཚོད་༡༡པའི་སྐར་མ༣༠ཡི་སྟེང་དུ།༼རང་མོས༽
ཚག་སྒྲ་དང་བཅས་འབར་ཞུན་རྐང་གཅིག་སྦར་ནས
ཐ་མ་ཁ་དང་དུས་ཚོད་གཉིས་མཉམ་དུ་བསྲེགས
དུས་ཚོད་ཀྱི་ཐལ་རོའི་ནང་གི ཁྱོད་ཀྱི་མཆུ་ཡི་ཚོས་རྩི་དེ
ང་ཡི་གདུང་བ་མཚོན་ཕྱིར་མེ་ཏོག་གློ་ཁ་ཞིག་ལྟར་མངོན
འདི་ནི་རྨི་ལམ་ཡིན་པའི་དབང་དུ་བཏང་ན
སྣང་བའི་ཡོལ་བ་དཀར་བོའི་ངོས་ནས
ཡང་དང་བསྐྱར་དུ་འཆར་དུས
རྣམ་སྨིན་ཞིག་ཀྱང་མྱོང་དགོས་ཀྱིན་འདུག
ངས་ཁྱོད་ལ་ལྟ་དུས
འཇིག་རྟེན་འདི་མེ་ལོང་ཞིག་ཏུ་མཐོང་ཞིང
ཁྱོད་དེའི་ནང་གི་ཁྱོད་ལ་མཐོང་སོང
མེ་ལོང་དེ་ཡུན་རིང་བར་ཆུ་ཁར་གཡེང་དུས
བདག་གིས་ལྕི་འདམ་གྱི་ཕུང་བོ་གཏོས་ཆེ་བ་ཞིག་བརྒལ་དགོས་བྱུང
ཅི་ཡང་མེད་པའི་སྟོང་བ་དེ་ཅི་འདྲའི་གྱོང་ཞིང་སྲ་བ་ལ
རྩོམ་ཁུངས། ངེད་དྲ་བ།