ལྗང་བུའི་སྙན་ངག་ཅིག་གི་ཕྲན་དཔྱད།

ཨ་མ་ལགས།  ང་ཞེད་ཀྱིན་འདུག
             ལྗང་བུ།
ཨ་མ་ལགས   བར་སྐོར་གྱི་སྲང་ལག་ཅིག་གི
སྒོ་ར་ཪྙིང་པ་ཞིག་གི་ཁང་མིག་ཆུང་ཆུང་ཞིག་ཏུ
དོ་དགོང་ཡང་ང་རང་ཞག་སྡོད་བྱས   ཇི་ལྟར་སླེབས་པ
མུན་ནག་གི་ཁང་མིག་འདི་རུ་ཇི་ལྟར་སླེབས་པ
ང་ལ་སྨྲ་ཐབས་བྲལ    སྤྲང་མོ་ཞིག་གི་ཕྱིར་དུའམ
ལོ་རྒྱུས་ཀྱི་ཡུགས་ས་མ་ཞིག་གི་ཕྱིར་དུ   ཡང་ན
ཕྱིར་ཁྱིམ་ལ་ལོག་པའི་ལམ་གླ་ཙམ་གྲོན་པའི་ཕྱིར་དུ
ང་རང་བྲོས་བྱོལ་བྱེད་ཀྱིན་པའི་ཉེས་ཅན་ཞིག་དང་འདྲ་བར
སྐྱོ་ངལ་དང་དངངས་འཚབ་ཉིས་འདྲེས་ཀྱིས་དེད་དེ
བརླན་གཤེར་ལྡན་པའི་ཉལ་ཆས་ཧྲལ་ཧྲུལ་ཞིག་ཏུ་འཛུལ་དགོས་བྱུང
ཨ་མ་ལགས   མཁུར་ཚོས་ལ་དམར་མདངས་ཅུང་ཟད་རྒྱས་པའི་ཨ་མ
ཞག་གང་པོར     ང་རང་གཉིད་ཀྱི་བདེ་བ་དང་བྲལ་སོང
ལམ་བར་གྱི    ཆར་ཐིགས་ཀྱིས་བྲན་པའི
རྡོ་གཅལ་གྱི་ལམ་ཕྲན་དང  མུན་ནག་ཁྲོད
ཟ་ཟིའི་ངང་ངུ་ཞིང་འཁུན་པའི་སྒྲོལ་མ་མེ་ཏོག་ཁ་ཤས་ལས
བདག་གིས་ངང་ཚུལ་གཞན་ཅི་ཡང་དྲན་གྱི་མི་འདུག
ངས་ཁང་མིག་འདི་དང་ནང་གི་བཀོད་པ་འདི་རྟོག་བཟོ་བྱས
ལམ་ཕྲན་དང་མེ་ཏོག་རྣམས་རྟོག་བཟོ་བྱས   དགེ་འདུན་ཆོས་འཕེལ་བྱ་བའི
བརྟག་པ་མཐའ་བཟུང་གི་སྙན་ངག་པ་འཁྱམ་པོ་ཞིག་རྟོག་བཟོ་བྱས
ངས་ཁོ་རང་ཁང་མིག་འདིའི་ཉལ་ཆས་གང་རུང་ཞིག་ཏུ་བཅུག
ཨ་མ་ལགས   གློ་བུར་ངང་རྒས་ཉམས་ཅུང་ཟད་དོད་པའི་ཨ་མ
ཆར་བ་འབབ་མཚམས་ད་དུང་ཆད་མི་འདུག    ངའི་སྣང་ངོར
དེ་ནི་དམར་པོ་ཞིག་ཡིན་འོས་ཏེ    གནམ་རྒན་མའི་རྨ་ཁ་ནས
ཤག་ཤག་འཛར་བའི་ཁྲག་ཐིགས་ཀྱི་ཆར་ཞོད་ཆེན་པོ་ཞིག་ཡིན་འོས་སྙམ
ལམ་ཕྲན་དེ་དང་སྒྲོལ་མ་མེ་ཏོག་དེ་ཚོ     གཞན་ཡང
ཅི་ཞིག་དམར་མདོག་གིས་བརླན་ཡོད་ཚོད་ཡིན་ལགས
ངའི་སེམས་པ་བརླན་གཤེར་གྱིས་འཛིན་གྱིན་འདུག
ལག་པ་ཆུང་ཆུང་ཕར་བསྲིང་ན
མཛུབ་བར་ནས་གཤེར་ཁུ་དམར་པོ་ཞིག་འཛར་འོང་ངམ
ཉལ་ཆས་ཧྲལ་ཧྲུལ་དེ་བརླན་གྱིས་བཟུང་བའི་རྒྱུ་མཚན་ཡང
བདག་གིས་གཞི་ནས་ཧ་གོ་བཞིན་ཡོད་པ་འདྲ
ཁང་མིག་འདི་གཤིན་པོའི་རྣམ་ཤེས་སྐུང་ས་ཞིག་དང
ང་རང་གཅིག་པུ་ལ་ཞེད་སྣང་སྐྱེ་ས་ཞིག་ཡིན་ཚོད་རེད
ཨ་མ་ལགས    སང་ཉིན་ང་ཡིས་ཅི་ཞིག་བྱ་དགོས་ཨང
               ༢༠༠༠.༩.༢༢ཉིན་ལྷ་སའི་མགར་ཁང་དུ།
       ལྗང་བུའི་སྙན་ངག་དག་ཀློག་དུས་སུ་སྲོལ་རྒྱུན་གྱི་མིག་དབང་དེས་སྙེག་སྙེག་ན་མཐར་ཐུགས་འབབ་ས་ཞིག་ལ་ཐོན་ངེས་ནའང་།དེས་ནི་སྙན་ངག་བརྩམས་ཆོས་གང་དེའི་བླ་སྲོག་ཧྲིལ་བོ་རྨང་ནས་བཅོམ་ཚར་ཡོད་པས།ཀློག་པ་པོ་རྣལ་མ་ཞིག་གི་ངེས་ནས་བཤད་ན་ཆེས་མ་རུང་བའི་ཉེན་ཁ་དེ་ཡང་སྣང་ཚུལ་དེ་ཡིས་བཟོ་བཞིན་ཡོད།སྤྱིར་དེང་རབས་སྙན་ངག་དེའི་སྒྲིག་གཞི་དང་སྣང་ཚོར་གྱི་མཛེས་འཛིན་སོགས་གང་ལའང་སྲོལ་རྒྱུན་སྙན་ངག་གི་སྒྲིག་ལམ་ཞིག་བཟོས་ནས་ཡོད་པས།རྩ་བ་ཉིད་དུ་མིག་དབང་གསར་བ་ཞིག་གིས་སྙན་ངག་ལ་གོ་བ་བརྒྱག་རྒྱུ་དེ་ཧ་ཅང་གིས་དཀའ་ནའང་།སྐབས་ཕྱེ་ཡིས་བླང་དོར་ཡོད་པའི་སྒོ་ནས་གོ་བ་བརྒྱབ་པ་ཡིན་ན་སྣང་ཚུལ་དེའི་རིགས་ལ་ཅུང་གསལ་ཁ་འབྱེད་ཐུབ་པར་སྣང་སྟེ།  དེ་ཡང་ལྗང་བུ་དང་འཇུ་སྐལ་བཟང་།གཅན་མེ་སྟག་སོགས་ཀྱིས་མཚོན་པའི་སྙན་ངག་པ་རྒན་གྲས་སྐོར་ཅིག་ལ་སྲོལ་རྒྱུན་རིག་གནས་ཀྱི་རྨང་གཞི་སྟུག་པའི་ཁར།རྒྱ་ཡིག་གི་ལམ་ནས་ཀློག་འགྲེལ་བྱེད་པའི་མིག་དབང་གིས་ལོངས་ནས་ཡོད་པས།ཁོ་ཚོས་བརྩམས་ཆོས་དེའི་རིགས་ཀློག་སྐབས་སུ་ཆེས་ཐོག་མའི་འདུ་ཤེས་འཛིན་སྟངས་དེ་གཙོ་བོ་ཡིད་ཆེས་ཀྱི་དད་སྟོབས་ཤིག་གིས་བཀླག་ན་མ་གཏོགས།དོགས་པ་དང་འགྲན་སེམས་ཀྱིས་ནི་ཡོང་བར་མི་རིགས།
     དེ་ལ་དཔེར་མཚོན་གྱི་ཚུལ་དུ་ལྗང་བུས་《ཨ་མ་ལགས།  ང་ཞེད་ཀྱིན་འདུག》ཅེས་པའི་སྙན་ངག་བརྩམས་ཆོས་འདི་ལྟ་བུར་ཆ་མཚོན་ནས་བཤད་ནའང་།རྒྱུན་ལྡན་གྱི་ཀློག་པ་པོ་ཞིག་གི་མིག་དབང་ལྟར་བཀྲལ་ན།ཨ་མ་ལགས/བར་སྐོར་གྱི་སྲང་ལག་ཅིག་གི/ཞེས་པ་དེ་དུམ་ཚན་དང་པོ་དང་།ཨ་མ་ལགས/མཁུར་ཚོས་ལ་དམར་མདངས་ཅུང་ཟད་རྒྱས་པའི་ཨ་མ/ཞེས་པ་ནས་དུམ་ཚན་གཉིས་པ། ངས་ཁང་མིག་འདི་དང་ནང་གི་བཀོད་པ་འདི་རྟོག་བཟོ་བྱས/ཞེས་པ་ནས་དུམ་ཚན་གསུམ་པ།  ཨ་མ་ལགས/གློ་བུར་ངང་རྒས་ཉམས་ཅུང་ཟད་དོད་པའི་ཨ་མ/ཞེས་པ་ནས་དུམ་ཚན་བཞི་བ་ཡིན་པ་བྱས་ཏེ་གོ་བ་བརྒྱབ་པ་ཡིན་ན་སྲོལ་འགྲོས་ལྟར་ཤིན་ཏུ་གོ་ཐུབ་པ་ཞིག་ནི་བུ་ཆུང་ཞིག་གིས་རང་གི་ཨ་མ་དེ་དྲན་གྱིན་པའི་སེམས་ཚོར་དྲགས་པོ་དེ་བསྟན་ནས་ཡོད་པ་རེད་མ་གཏོགས།  སྙན་ངག་པ་གང་དེས་སྟོན་འདོད་པའི་སེམས་ངོ་སྐོར་ཅིག་མག་མོག་གིས་ཡིད་ལ་འཇགས་དཀའ་བ་རེད།དེ་བས་ང་ཚོས་ཅུང་གཟབ་ཉན་གྱི་ལས་ཀར་འཇུས་ཏེ་སྙན་ངག་ཧྲིལ་བོ་དཀྱུས་གཅིག་ཏུ་བལྟས་ནས་དུམ་ཚན་དགར་སྟངས་ལ་དང་དོད་མ་བྱས་པར་བརྩམས་ཆོས་ཀྱིས་རང་ཉིད་ལ་བཞག་པའི་ནུས་སྟོབས་དེ་དང་སྙན་ངག་པ་ཁོང་ཉིད་རང་ཉིད་ཡིན་པའི་གཟུགས་སུ་བཀོད་པ་ཡིན་དུས་ད་གཟོད་སྙན་ངག་གི་ཁྲོད་དུ་བསྐུངས་པའི་ཡིད་གཟུགས་དང་བསྟན་དོན་ཁ་ཤས་ཤིག་ལྷང་ལ་འབུད་སླ་བ་ནི་༼སྒོ་ར་ཪྙིང་བ༽དང་༼ལོ་རྒྱུས་ཀྱི་ཡུགས་ས་མ༽༼སྒྲོལ་མ་མེ་ཏོག༽༼དགེ་འདུན་ཆོས་འཕེལ༽སོགས་ལོ་རྒྱུས་ཀྱི་རྒྱབ་ལྗོངས་བསྟན་དུ་ཡོད་པའི་ཐ་སྙད་སྐོར་ཅིག་ཡིན་ལ།བསྟན་དོན་དེའི་འདེགས་ཤུགས་ཀྱི་ཁྲོད་དུ་རང་གི་སེམས་ངོར་སླར་ཡང་སྙན་ངག་བརྩམས་ཆོས་ཁྲོད་ཀྱི་ཐ་སྙད་དང་འབྲེལ་བ་མེད་པའི་ཡིད་གཟུགས་སྐོར་ཅིག་དྲན་ངེས་པ་ནི།ལྷ་ས་དང་རིག་གནས།ཕ་ཡུལ་དང་བཙོན་ཁང་སོགས་རེད་ལ།སྣང་སྟོབས་དེས་སྐྱེད་པའི་དྲན་འཆར་གྱི་བསམ་ཤེས་དེའི་ད་གཟོད་སྐྱེས་པོ་སོ་སོའི་རང་རང་གི་ཨ་མ་དྲན་ཚུལ་ལ་རིགས་མི་འདྲ་བ་དང་ཚད་མི་འདྲ་བའི་མཚོན་སྟོབས་རེ་ཡོད་པ་གསལ་རྟོགས་ཐུབ་ཅིང་།གོང་གི་ལྗང་བུ་ལགས་ཀྱི་སྙན་ངག་འདིའི་རིགས་ཡུམ་ཆེན་མ་སྒེར་ལ་སེམས་ངོ་སྟོན་པའི་སྡུག་སྐད་ཅིག་ནི་མ་ཡིན་པར་རེ་སྟོང་དང་གྱེས་བྲལ།ཤུབ་བཤད་དང་ཁེར་འདུག་ལྟ་བུ་ཞིག་གི་ངོས་ནས་རང་ཅག་ལ་བསྟན་པ་ནི་སྲིད་པའི་འཇིག་རྟེན་གྱི་དར་རྒུད་དང་སྣང་བའི་འཇིག་རྟེན་གྱི་བོར་བརླག་གི་སྟོང་ཆ་དེ་བསྟན་ནས་ཡོད་པ་ཧ་གོ་ཡོང་།  དེ་ལས་ཡང་བསྐྱར་སྙན་ངག་པ་གང་དེའི་བསམ་ཤེས་ཀྱི་ཁྲོད་དུ་འཚོལ་སྙེགས་ལ་བྲེལ་བའི་འདུན་པ་དེ་སྤྱི་མཚོན་གྱི་རང་བཞིན་ཐུབ་པའི་མཚོན་དོན་ཞིག་ལ་སྙིང་སྟོབས་ཆེན་པོས་བཅར་བ་ཡིན་ན་ང་ཚོས་སླར་ཡང་སྙན་ངག་བརྩམས་ཆོས་དེའི་ཡང་ཏིག་སྙིང་བོ་ལ་བསམ་བློ་འཁོར་དགོས་ཏེ།སྒྱུ་མའི་ཐ་སྙད་ཀྱི་གཞུང་དུ་སིམ་པའི་སྙན་ངག་གི་༼བརྡ་རྟགས༽ལ་མནོ་བསམ་གཏོང་དགོས་པ་ནི།སྙན་ངག་བརྩམས་ཆོས་ཀྱི་མགོ་མཇུག་གང་རུང་དུ་གནས་པའི་༼བརླན་གཤེར༽གྱི་མཚོན་དོན་དེ་རེད་ལ།མཚོན་དོན་དེའི་ལྷུན་ཆགས་ཀྱི་ངོ་བོ་ལྟར་འགྱུར་བའི་མཚམས་ཚིགས་སུ་ཁ་དོག༼དམར་པོ༽ཞིག་གིས་གསལ་འགྲེལ་བྱས་པ་དེས་སྙན་ངག་བརྩམས་ཆོས་དེ་ཡི་ཚོར་བས་ཟིན་ས་དང་དབང་ཤེས་ཀྱི་ཚད་རིམ་དེ་རྟོག་པ་ཐོལ་བརྒལ་གྱི་ལམ་དུ་བསྙེགས་སུ་བཅུག་ཡོད་པས་སྨྲ་བསམ་བརྗོད་འདས་ཀྱི་ཚོར་བ་འཚུབ་པོ་དེ་གནས་འདི་ག་ནས་ཪྙེད་ཐུབ་ལ།སྙན་ངག་ཀློག་པའི་མྱོས་སྣང་གི་ཚོར་བ་ཟ་ཟི་དེ་ཡང་ད་གཟོད་ཕྱི་དང་ནང་གི་བར་དང་བྲང་ཁ་དང་སེམས་པའི་བར་དུ་འཇོག་ཤེས་ཡོད་པ་རེད།  
       སྤྱིར་ན་སྙན་ངག་བརྩམས་ཆོས་གང་ཞིག་ཡིན་པས་ཀྱང་རང་གི་འཇུ་སྟོབས་ལྟར་གོ་བ་བརྒྱག་རྒྱུ་དེ་ཧ་ཅང་གིས་གལ་ཆེ་ལ་དེ་ལས་འབྲེལ་མེད་འཆར་ཅན་གྱི་ཐ་སྙད་ཁ་ཤས་ཤིག་སྤངས་དགོས་པ་ནི་དཔེར་ན་《ཨ་མ་ལགས།  ང་ཞེད་ཀྱིན་འདུག》ཁྲོད་ཀྱི་༼བརྟག་པ་མཐའ་བཟུང་གི་སྙན་ངག་པ༽ལྟ་བུ་ཆ་མཚོན་ནས་བཤད་ན་དེ་ཉིད་སྙན་ངག་པ་གང་དེའི་རང་འགར་ལོབས་ཕྱོགས་ཤིག་གམ་སེམས་ལ་འཆར་ཚུལ་ཞིག་གིས་རྒྱུན་ལྡན་གྱི་ཐ་སྙད་ཅིག་གི་ཚབ་བྱེད་རེད་མོད་ཀྱང་ཀླད་པ་ཡོད་མདོག་གི་ཀློག་མཁན་སྐོར་ཞིག་གིས་ནི་༼རྟག་པ་མཐའ་བཟུང༽ཞེས་པའི་ཐ་སྙད་ཀྱི་ལྗིད་ཤུགས་ལྟར་སྙན་ངག་རང་སྟེང་གི་ཁྱད་ཆོས་སོགས་ལ་ཅི་མི་སྙམ་པར་ཆེད་དུ་ཐ་སྙད་འདིའི་རིགས་ཁོ་ནར་བསམ་བློ་གཏོང་ཞིང་།དེ་ལས་རྒྱ་ཆེན་པོ་ཞིག་ལ་རེ་བ་བྱེད་པ་ནི་རྩད་པ་བཏང་ནས་ཡལ་གར་འཇུ་བ་དེ་ཙམ་ཞིག་རེད་འདོད་ལ།སྐྱོན་འདི་གོང་དུ་ཤོད་ཟིན་པའི་སྙན་ངག་པ་འཇུ་སྐལ་བཟང་སོགས་ལའང་ལྡན་ནས་ཡོད་པས་གཟབ་པར་རིག་གོ །

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལྗང་བུའི་སྙན་ངག་ཅིག་གི་ཕྲན་དཔྱད།

2010-12-04 རེ་རྐང་གླིང་། ཀློག་གྲངས། མཆན ཡོད།

ཨ་མ་ལགས།  ང་ཞེད་ཀྱིན་འདུག
             ལྗང་བུ།
ཨ་མ་ལགས   བར་སྐོར་གྱི་སྲང་ལག་ཅིག་གི
སྒོ་ར་ཪྙིང་པ་ཞིག་གི་ཁང་མིག་ཆུང་ཆུང་ཞིག་ཏུ
དོ་དགོང་ཡང་ང་རང་ཞག་སྡོད་བྱས   ཇི་ལྟར་སླེབས་པ
མུན་ནག་གི་ཁང་མིག་འདི་རུ་ཇི་ལྟར་སླེབས་པ
ང་ལ་སྨྲ་ཐབས་བྲལ    སྤྲང་མོ་ཞིག་གི་ཕྱིར་དུའམ
ལོ་རྒྱུས་ཀྱི་ཡུགས་ས་མ་ཞིག་གི་ཕྱིར་དུ   ཡང་ན
ཕྱིར་ཁྱིམ་ལ་ལོག་པའི་ལམ་གླ་ཙམ་གྲོན་པའི་ཕྱིར་དུ
ང་རང་བྲོས་བྱོལ་བྱེད་ཀྱིན་པའི་ཉེས་ཅན་ཞིག་དང་འདྲ་བར
སྐྱོ་ངལ་དང་དངངས་འཚབ་ཉིས་འདྲེས་ཀྱིས་དེད་དེ
བརླན་གཤེར་ལྡན་པའི་ཉལ་ཆས་ཧྲལ་ཧྲུལ་ཞིག་ཏུ་འཛུལ་དགོས་བྱུང
ཨ་མ་ལགས   མཁུར་ཚོས་ལ་དམར་མདངས་ཅུང་ཟད་རྒྱས་པའི་ཨ་མ
ཞག་གང་པོར     ང་རང་གཉིད་ཀྱི་བདེ་བ་དང་བྲལ་སོང
ལམ་བར་གྱི    ཆར་ཐིགས་ཀྱིས་བྲན་པའི
རྡོ་གཅལ་གྱི་ལམ་ཕྲན་དང  མུན་ནག་ཁྲོད
ཟ་ཟིའི་ངང་ངུ་ཞིང་འཁུན་པའི་སྒྲོལ་མ་མེ་ཏོག་ཁ་ཤས་ལས
བདག་གིས་ངང་ཚུལ་གཞན་ཅི་ཡང་དྲན་གྱི་མི་འདུག
ངས་ཁང་མིག་འདི་དང་ནང་གི་བཀོད་པ་འདི་རྟོག་བཟོ་བྱས
ལམ་ཕྲན་དང་མེ་ཏོག་རྣམས་རྟོག་བཟོ་བྱས   དགེ་འདུན་ཆོས་འཕེལ་བྱ་བའི
བརྟག་པ་མཐའ་བཟུང་གི་སྙན་ངག་པ་འཁྱམ་པོ་ཞིག་རྟོག་བཟོ་བྱས
ངས་ཁོ་རང་ཁང་མིག་འདིའི་ཉལ་ཆས་གང་རུང་ཞིག་ཏུ་བཅུག
ཨ་མ་ལགས   གློ་བུར་ངང་རྒས་ཉམས་ཅུང་ཟད་དོད་པའི་ཨ་མ
ཆར་བ་འབབ་མཚམས་ད་དུང་ཆད་མི་འདུག    ངའི་སྣང་ངོར
དེ་ནི་དམར་པོ་ཞིག་ཡིན་འོས་ཏེ    གནམ་རྒན་མའི་རྨ་ཁ་ནས
ཤག་ཤག་འཛར་བའི་ཁྲག་ཐིགས་ཀྱི་ཆར་ཞོད་ཆེན་པོ་ཞིག་ཡིན་འོས་སྙམ
ལམ་ཕྲན་དེ་དང་སྒྲོལ་མ་མེ་ཏོག་དེ་ཚོ     གཞན་ཡང
ཅི་ཞིག་དམར་མདོག་གིས་བརླན་ཡོད་ཚོད་ཡིན་ལགས
ངའི་སེམས་པ་བརླན་གཤེར་གྱིས་འཛིན་གྱིན་འདུག
ལག་པ་ཆུང་ཆུང་ཕར་བསྲིང་ན
མཛུབ་བར་ནས་གཤེར་ཁུ་དམར་པོ་ཞིག་འཛར་འོང་ངམ
ཉལ་ཆས་ཧྲལ་ཧྲུལ་དེ་བརླན་གྱིས་བཟུང་བའི་རྒྱུ་མཚན་ཡང
བདག་གིས་གཞི་ནས་ཧ་གོ་བཞིན་ཡོད་པ་འདྲ
ཁང་མིག་འདི་གཤིན་པོའི་རྣམ་ཤེས་སྐུང་ས་ཞིག་དང
ང་རང་གཅིག་པུ་ལ་ཞེད་སྣང་སྐྱེ་ས་ཞིག་ཡིན་ཚོད་རེད
ཨ་མ་ལགས    སང་ཉིན་ང་ཡིས་ཅི་ཞིག་བྱ་དགོས་ཨང
               ༢༠༠༠.༩.༢༢ཉིན་ལྷ་སའི་མགར་ཁང་དུ།
       ལྗང་བུའི་སྙན་ངག་དག་ཀློག་དུས་སུ་སྲོལ་རྒྱུན་གྱི་མིག་དབང་དེས་སྙེག་སྙེག་ན་མཐར་ཐུགས་འབབ་ས་ཞིག་ལ་ཐོན་ངེས་ནའང་།དེས་ནི་སྙན་ངག་བརྩམས་ཆོས་གང་དེའི་བླ་སྲོག་ཧྲིལ་བོ་རྨང་ནས་བཅོམ་ཚར་ཡོད་པས།ཀློག་པ་པོ་རྣལ་མ་ཞིག་གི་ངེས་ནས་བཤད་ན་ཆེས་མ་རུང་བའི་ཉེན་ཁ་དེ་ཡང་སྣང་ཚུལ་དེ་ཡིས་བཟོ་བཞིན་ཡོད།སྤྱིར་དེང་རབས་སྙན་ངག་དེའི་སྒྲིག་གཞི་དང་སྣང་ཚོར་གྱི་མཛེས་འཛིན་སོགས་གང་ལའང་སྲོལ་རྒྱུན་སྙན་ངག་གི་སྒྲིག་ལམ་ཞིག་བཟོས་ནས་ཡོད་པས།རྩ་བ་ཉིད་དུ་མིག་དབང་གསར་བ་ཞིག་གིས་སྙན་ངག་ལ་གོ་བ་བརྒྱག་རྒྱུ་དེ་ཧ་ཅང་གིས་དཀའ་ནའང་།སྐབས་ཕྱེ་ཡིས་བླང་དོར་ཡོད་པའི་སྒོ་ནས་གོ་བ་བརྒྱབ་པ་ཡིན་ན་སྣང་ཚུལ་དེའི་རིགས་ལ་ཅུང་གསལ་ཁ་འབྱེད་ཐུབ་པར་སྣང་སྟེ།  དེ་ཡང་ལྗང་བུ་དང་འཇུ་སྐལ་བཟང་།གཅན་མེ་སྟག་སོགས་ཀྱིས་མཚོན་པའི་སྙན་ངག་པ་རྒན་གྲས་སྐོར་ཅིག་ལ་སྲོལ་རྒྱུན་རིག་གནས་ཀྱི་རྨང་གཞི་སྟུག་པའི་ཁར།རྒྱ་ཡིག་གི་ལམ་ནས་ཀློག་འགྲེལ་བྱེད་པའི་མིག་དབང་གིས་ལོངས་ནས་ཡོད་པས།ཁོ་ཚོས་བརྩམས་ཆོས་དེའི་རིགས་ཀློག་སྐབས་སུ་ཆེས་ཐོག་མའི་འདུ་ཤེས་འཛིན་སྟངས་དེ་གཙོ་བོ་ཡིད་ཆེས་ཀྱི་དད་སྟོབས་ཤིག་གིས་བཀླག་ན་མ་གཏོགས།དོགས་པ་དང་འགྲན་སེམས་ཀྱིས་ནི་ཡོང་བར་མི་རིགས།
     དེ་ལ་དཔེར་མཚོན་གྱི་ཚུལ་དུ་ལྗང་བུས་《ཨ་མ་ལགས།  ང་ཞེད་ཀྱིན་འདུག》ཅེས་པའི་སྙན་ངག་བརྩམས་ཆོས་འདི་ལྟ་བུར་ཆ་མཚོན་ནས་བཤད་ནའང་།རྒྱུན་ལྡན་གྱི་ཀློག་པ་པོ་ཞིག་གི་མིག་དབང་ལྟར་བཀྲལ་ན།ཨ་མ་ལགས/བར་སྐོར་གྱི་སྲང་ལག་ཅིག་གི/ཞེས་པ་དེ་དུམ་ཚན་དང་པོ་དང་།ཨ་མ་ལགས/མཁུར་ཚོས་ལ་དམར་མདངས་ཅུང་ཟད་རྒྱས་པའི་ཨ་མ/ཞེས་པ་ནས་དུམ་ཚན་གཉིས་པ། ངས་ཁང་མིག་འདི་དང་ནང་གི་བཀོད་པ་འདི་རྟོག་བཟོ་བྱས/ཞེས་པ་ནས་དུམ་ཚན་གསུམ་པ།  ཨ་མ་ལགས/གློ་བུར་ངང་རྒས་ཉམས་ཅུང་ཟད་དོད་པའི་ཨ་མ/ཞེས་པ་ནས་དུམ་ཚན་བཞི་བ་ཡིན་པ་བྱས་ཏེ་གོ་བ་བརྒྱབ་པ་ཡིན་ན་སྲོལ་འགྲོས་ལྟར་ཤིན་ཏུ་གོ་ཐུབ་པ་ཞིག་ནི་བུ་ཆུང་ཞིག་གིས་རང་གི་ཨ་མ་དེ་དྲན་གྱིན་པའི་སེམས་ཚོར་དྲགས་པོ་དེ་བསྟན་ནས་ཡོད་པ་རེད་མ་གཏོགས།  སྙན་ངག་པ་གང་དེས་སྟོན་འདོད་པའི་སེམས་ངོ་སྐོར་ཅིག་མག་མོག་གིས་ཡིད་ལ་འཇགས་དཀའ་བ་རེད།དེ་བས་ང་ཚོས་ཅུང་གཟབ་ཉན་གྱི་ལས་ཀར་འཇུས་ཏེ་སྙན་ངག་ཧྲིལ་བོ་དཀྱུས་གཅིག་ཏུ་བལྟས་ནས་དུམ་ཚན་དགར་སྟངས་ལ་དང་དོད་མ་བྱས་པར་བརྩམས་ཆོས་ཀྱིས་རང་ཉིད་ལ་བཞག་པའི་ནུས་སྟོབས་དེ་དང་སྙན་ངག་པ་ཁོང་ཉིད་རང་ཉིད་ཡིན་པའི་གཟུགས་སུ་བཀོད་པ་ཡིན་དུས་ད་གཟོད་སྙན་ངག་གི་ཁྲོད་དུ་བསྐུངས་པའི་ཡིད་གཟུགས་དང་བསྟན་དོན་ཁ་ཤས་ཤིག་ལྷང་ལ་འབུད་སླ་བ་ནི་༼སྒོ་ར་ཪྙིང་བ༽དང་༼ལོ་རྒྱུས་ཀྱི་ཡུགས་ས་མ༽༼སྒྲོལ་མ་མེ་ཏོག༽༼དགེ་འདུན་ཆོས་འཕེལ༽སོགས་ལོ་རྒྱུས་ཀྱི་རྒྱབ་ལྗོངས་བསྟན་དུ་ཡོད་པའི་ཐ་སྙད་སྐོར་ཅིག་ཡིན་ལ།བསྟན་དོན་དེའི་འདེགས་ཤུགས་ཀྱི་ཁྲོད་དུ་རང་གི་སེམས་ངོར་སླར་ཡང་སྙན་ངག་བརྩམས་ཆོས་ཁྲོད་ཀྱི་ཐ་སྙད་དང་འབྲེལ་བ་མེད་པའི་ཡིད་གཟུགས་སྐོར་ཅིག་དྲན་ངེས་པ་ནི།ལྷ་ས་དང་རིག་གནས།ཕ་ཡུལ་དང་བཙོན་ཁང་སོགས་རེད་ལ།སྣང་སྟོབས་དེས་སྐྱེད་པའི་དྲན་འཆར་གྱི་བསམ་ཤེས་དེའི་ད་གཟོད་སྐྱེས་པོ་སོ་སོའི་རང་རང་གི་ཨ་མ་དྲན་ཚུལ་ལ་རིགས་མི་འདྲ་བ་དང་ཚད་མི་འདྲ་བའི་མཚོན་སྟོབས་རེ་ཡོད་པ་གསལ་རྟོགས་ཐུབ་ཅིང་།གོང་གི་ལྗང་བུ་ལགས་ཀྱི་སྙན་ངག་འདིའི་རིགས་ཡུམ་ཆེན་མ་སྒེར་ལ་སེམས་ངོ་སྟོན་པའི་སྡུག་སྐད་ཅིག་ནི་མ་ཡིན་པར་རེ་སྟོང་དང་གྱེས་བྲལ།ཤུབ་བཤད་དང་ཁེར་འདུག་ལྟ་བུ་ཞིག་གི་ངོས་ནས་རང་ཅག་ལ་བསྟན་པ་ནི་སྲིད་པའི་འཇིག་རྟེན་གྱི་དར་རྒུད་དང་སྣང་བའི་འཇིག་རྟེན་གྱི་བོར་བརླག་གི་སྟོང་ཆ་དེ་བསྟན་ནས་ཡོད་པ་ཧ་གོ་ཡོང་།  དེ་ལས་ཡང་བསྐྱར་སྙན་ངག་པ་གང་དེའི་བསམ་ཤེས་ཀྱི་ཁྲོད་དུ་འཚོལ་སྙེགས་ལ་བྲེལ་བའི་འདུན་པ་དེ་སྤྱི་མཚོན་གྱི་རང་བཞིན་ཐུབ་པའི་མཚོན་དོན་ཞིག་ལ་སྙིང་སྟོབས་ཆེན་པོས་བཅར་བ་ཡིན་ན་ང་ཚོས་སླར་ཡང་སྙན་ངག་བརྩམས་ཆོས་དེའི་ཡང་ཏིག་སྙིང་བོ་ལ་བསམ་བློ་འཁོར་དགོས་ཏེ།སྒྱུ་མའི་ཐ་སྙད་ཀྱི་གཞུང་དུ་སིམ་པའི་སྙན་ངག་གི་༼བརྡ་རྟགས༽ལ་མནོ་བསམ་གཏོང་དགོས་པ་ནི།སྙན་ངག་བརྩམས་ཆོས་ཀྱི་མགོ་མཇུག་གང་རུང་དུ་གནས་པའི་༼བརླན་གཤེར༽གྱི་མཚོན་དོན་དེ་རེད་ལ།མཚོན་དོན་དེའི་ལྷུན་ཆགས་ཀྱི་ངོ་བོ་ལྟར་འགྱུར་བའི་མཚམས་ཚིགས་སུ་ཁ་དོག༼དམར་པོ༽ཞིག་གིས་གསལ་འགྲེལ་བྱས་པ་དེས་སྙན་ངག་བརྩམས་ཆོས་དེ་ཡི་ཚོར་བས་ཟིན་ས་དང་དབང་ཤེས་ཀྱི་ཚད་རིམ་དེ་རྟོག་པ་ཐོལ་བརྒལ་གྱི་ལམ་དུ་བསྙེགས་སུ་བཅུག་ཡོད་པས་སྨྲ་བསམ་བརྗོད་འདས་ཀྱི་ཚོར་བ་འཚུབ་པོ་དེ་གནས་འདི་ག་ནས་ཪྙེད་ཐུབ་ལ།སྙན་ངག་ཀློག་པའི་མྱོས་སྣང་གི་ཚོར་བ་ཟ་ཟི་དེ་ཡང་ད་གཟོད་ཕྱི་དང་ནང་གི་བར་དང་བྲང་ཁ་དང་སེམས་པའི་བར་དུ་འཇོག་ཤེས་ཡོད་པ་རེད།  
       སྤྱིར་ན་སྙན་ངག་བརྩམས་ཆོས་གང་ཞིག་ཡིན་པས་ཀྱང་རང་གི་འཇུ་སྟོབས་ལྟར་གོ་བ་བརྒྱག་རྒྱུ་དེ་ཧ་ཅང་གིས་གལ་ཆེ་ལ་དེ་ལས་འབྲེལ་མེད་འཆར་ཅན་གྱི་ཐ་སྙད་ཁ་ཤས་ཤིག་སྤངས་དགོས་པ་ནི་དཔེར་ན་《ཨ་མ་ལགས།  ང་ཞེད་ཀྱིན་འདུག》ཁྲོད་ཀྱི་༼བརྟག་པ་མཐའ་བཟུང་གི་སྙན་ངག་པ༽ལྟ་བུ་ཆ་མཚོན་ནས་བཤད་ན་དེ་ཉིད་སྙན་ངག་པ་གང་དེའི་རང་འགར་ལོབས་ཕྱོགས་ཤིག་གམ་སེམས་ལ་འཆར་ཚུལ་ཞིག་གིས་རྒྱུན་ལྡན་གྱི་ཐ་སྙད་ཅིག་གི་ཚབ་བྱེད་རེད་མོད་ཀྱང་ཀླད་པ་ཡོད་མདོག་གི་ཀློག་མཁན་སྐོར་ཞིག་གིས་ནི་༼རྟག་པ་མཐའ་བཟུང༽ཞེས་པའི་ཐ་སྙད་ཀྱི་ལྗིད་ཤུགས་ལྟར་སྙན་ངག་རང་སྟེང་གི་ཁྱད་ཆོས་སོགས་ལ་ཅི་མི་སྙམ་པར་ཆེད་དུ་ཐ་སྙད་འདིའི་རིགས་ཁོ་ནར་བསམ་བློ་གཏོང་ཞིང་།དེ་ལས་རྒྱ་ཆེན་པོ་ཞིག་ལ་རེ་བ་བྱེད་པ་ནི་རྩད་པ་བཏང་ནས་ཡལ་གར་འཇུ་བ་དེ་ཙམ་ཞིག་རེད་འདོད་ལ།སྐྱོན་འདི་གོང་དུ་ཤོད་ཟིན་པའི་སྙན་ངག་པ་འཇུ་སྐལ་བཟང་སོགས་ལའང་ལྡན་ནས་ཡོད་པས་གཟབ་པར་རིག་གོ །

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།