བཤེར་འཚོལ།
རྒྱུ་འབྲས་མེད་པའི་མགྲོན་པོ།*
—འཛམ་གླིང་སྤྱི་བོའི་གནས་མཆོག་རི་བོ་ཧི་མ་ལ་ཡའི་འདབས་ནས་རྨོངས་པའི་སྒྱུ་རྩལ་སྤེལ་བ་ལ་ལྟ་བ་གཉིས་འཆར་རྟོག་པ་གསུམ་འཆར་གྱིས་བྲིས།
སྤྱིར་ན་མཛེས་པ་ལྷ་ཡིས་བཞེངས་པའི་རི་མོའི་སྟེང། །
སུ་དང་གང་གིས་ཚོན་མདོག་གཞན་ཞིག་ཕབ་དགོས་མེད། །
དེ་འདྲ་ཡིན་ཡང་སྟོང་པའི་ཀླད་པས་ཚོས་སྣ་བརྒྱབ། །
དེ་ཡི་རྒྱུན་མར་སྣ་ཚོགས་ཐལ་བའི་དུད་སྤྲིན་འཁྲིགས། །
དེ་ཡིས་རི་བྲག་ནགས་དང་ཆབ་ལ་གནས་པ་ཡི། །
གསང་བ་ལྷ་ཀླུ་གཉན་གསུམ་རྡུལ་གྱིས་མནོལ་བར་གྱུར། །
འདི་ནི་ཚོན་མདོག་བསྐུ་ཞེས་རི་མོ་བརྫད་པ་རེད། །
མི་འདོད་སྒྱུ་མའི་བྱ་ངན་ལྷ་ལ་བྱས་པ་རེད། །
སྒོས་སུ་གཙང་ཆབ་སྨན་ཆུའི་ལྗོན་པ་གངས་རིའི་སྤོར། །
སུ་དང་གང་གིས་མཚར་བའི་མེ་ཏོག་འདེབས་དགོས་མེད། །
དེ་འདྲ་ཡིན་ཡང་རྫས་འགྱུར་ལག་པས་གནས་བཟང་བསློགས། །
དེ་ཡི་རྒྱུན་མར་སྦག་སྒྲ་འཛེར་སྒྲ་ལྷན་གཅིག་ལྡིར། །
མངོན་སུམ་བྱ་བྱིའུ་འབའ་འབུ་རི་དྭགས་གཅན་གཟན་སོགས། །
བླ་དང་རྣམ་ཤེས་སྲོག་ལས་བྲལ་ཏེ་འབྲོ་བར་རྩོམ། །
འདི་ནི་མེ་ཏོག་འདེབས་ཞེས་ལྡུམ་ར་གཏོར་བ་ཉིད། །
མི་བསམ་དམྱལ་བའི་ཉེན་ཚབས་སྙིང་ལ་བཞག་པ་རེད། །
ཕྱི་ནང་ལྷིང་འཇགས་དབེན་པ་རྡོ་རྗེའི་གནས་མཆོག་ལ། །
སུ་དང་གང་གིས་འཕྲུལ་གྱི་སྒྱུ་རྩལ་བཞེངས་དགོས་མེད། །
དེ་འདྲ་ཡིན་ཡང་རང་རློམ་ཅན་གྱིས་ཤོག་སྦག་གཏོར། །
དེ་ཡི་རྒྱུན་མར་རྨོངས་པའི་འུར་སྐད་མགྲིན་གཅིག་བཀྱགས། །
མཆོག་གྱུར་རྩྭ་སྨན་ཤིང་སྨན་གངས་ལྷ་མེ་ཏོག་སོགས། །
སོལ་བ་མུ་ཟི་ཟེ་ཚྭའི་དྲི་མས་གསོད་པར་འདུག །
འདི་ནི་སྒྱུ་རྩལ་བཞེངས་ཞེས་ལྷ་རྫས་བརླག་པར་རིགས། །
མི་དྲན་བླུན་པོའི་རིག་པ་ཆོས་ལ་བཅོས་པ་རེད། །
2025/09/21ཉིན་བྲིས།
*གདོད་མའི་བྱ་ལ་རྣམ་ཤེས་སྩོལ་སྟངས་ཡོངས་སུ་ནོར་བས་ཁ་བྱང་དེ་ལྟར་བཏགས་པ་ལགས།
རྩོམ་སྒྲིག་པ། ལྷ་སྐྱིད།
སྤྱིར་ན་མཛེས་པ་ལྷ་ཡིས་བཞེངས་པའི་རི་མོའི་སྟེང། །
སུ་དང་གང་གིས་ཚོན་མདོག་གཞན་ཞིག་ཕབ་དགོས་མེད། །
དེ་འདྲ་ཡིན་ཡང་སྟོང་པའི་ཀླད་པས་ཚོས་སྣ་བརྒྱབ། །
དེ་ཡི་རྒྱུན་མར་སྣ་ཚོགས་ཐལ་བའི་དུད་སྤྲིན་འཁྲིགས། །
དེ་ཡིས་རི་བྲག་ནགས་དང་ཆབ་ལ་གནས་པ་ཡི། །
གསང་བ་ལྷ་ཀླུ་གཉན་གསུམ་རྡུལ་གྱིས་མནོལ་བར་གྱུར། །
འདི་ནི་ཚོན་མདོག་བསྐུ་ཞེས་རི་མོ་བརྫད་པ་རེད། །
མི་འདོད་སྒྱུ་མའི་བྱ་ངན་ལྷ་ལ་བྱས་པ་རེད། །
སྒོས་སུ་གཙང་ཆབ་སྨན་ཆུའི་ལྗོན་པ་གངས་རིའི་སྤོར། །
སུ་དང་གང་གིས་མཚར་བའི་མེ་ཏོག་འདེབས་དགོས་མེད། །
དེ་འདྲ་ཡིན་ཡང་རྫས་འགྱུར་ལག་པས་གནས་བཟང་བསློགས། །
དེ་ཡི་རྒྱུན་མར་སྦག་སྒྲ་འཛེར་སྒྲ་ལྷན་གཅིག་ལྡིར། །
མངོན་སུམ་བྱ་བྱིའུ་འབའ་འབུ་རི་དྭགས་གཅན་གཟན་སོགས། །
བླ་དང་རྣམ་ཤེས་སྲོག་ལས་བྲལ་ཏེ་འབྲོ་བར་རྩོམ། །
འདི་ནི་མེ་ཏོག་འདེབས་ཞེས་ལྡུམ་ར་གཏོར་བ་ཉིད། །
མི་བསམ་དམྱལ་བའི་ཉེན་ཚབས་སྙིང་ལ་བཞག་པ་རེད། །
ཕྱི་ནང་ལྷིང་འཇགས་དབེན་པ་རྡོ་རྗེའི་གནས་མཆོག་ལ། །
སུ་དང་གང་གིས་འཕྲུལ་གྱི་སྒྱུ་རྩལ་བཞེངས་དགོས་མེད། །
དེ་འདྲ་ཡིན་ཡང་རང་རློམ་ཅན་གྱིས་ཤོག་སྦག་གཏོར། །
དེ་ཡི་རྒྱུན་མར་རྨོངས་པའི་འུར་སྐད་མགྲིན་གཅིག་བཀྱགས། །
མཆོག་གྱུར་རྩྭ་སྨན་ཤིང་སྨན་གངས་ལྷ་མེ་ཏོག་སོགས། །
སོལ་བ་མུ་ཟི་ཟེ་ཚྭའི་དྲི་མས་གསོད་པར་འདུག །
འདི་ནི་སྒྱུ་རྩལ་བཞེངས་ཞེས་ལྷ་རྫས་བརླག་པར་རིགས། །
མི་དྲན་བླུན་པོའི་རིག་པ་ཆོས་ལ་བཅོས་པ་རེད། །
2025/09/21ཉིན་བྲིས།
*གདོད་མའི་བྱ་ལ་རྣམ་ཤེས་སྩོལ་སྟངས་ཡོངས་སུ་ནོར་བས་ཁ་བྱང་དེ་ལྟར་བཏགས་པ་ལགས།
རྩོམ་སྒྲིག་པ། ལྷ་སྐྱིད།
རྩོམ་ཁུངས། ངེད་དྲ་བ།