བཤེར་འཚོལ།
འོད་ཀྱི་མཆོད་མེ། ཡི་གེའི་མཆོད་མེ།(ཞར་བཀོད་གཅིག)
---མཆོད་མེ་རྩོམ་རིག་དྲ་བའི་སྐྱེ་སྐར་ཐེངས་ཉི་ཤུ་པ་ལ་ཕུལ།
སྤྲིན་རྣམས་རྟག་ཏུ་གླུ་ལེན་ཞིང་།།
ལྗོན་པ་དག་གིས་གར་བྱེད་པའི།།
རླུང་གི་རྒྱུ་བ་རབ་ཡངས་བའི།།
རིག་བྱེད་པདྨའི་ནགས་ཀྱི་ཚལ།།
དབྱངས་ཅན་སོར་མོའི་ཡལ་ག་ཡིས།།
བསྒུལ་བས་གློག་གི་གཙང་བོའི་ངོས།།
འོད་ཟེར་བྱེ་བའི་སྐྱེ་མཆེད་ལས།།
ཡི་གེའི་གཟུགས་ཀྱི་རི་དྭགས་འདྲོགས།།
དྲན་པས་གདུང་བའི་སེམས་ཅན་གྱི།།
ཉོན་མོངས་ལུས་ཀྱི་ངལ་བ་ཡིས།།
འཁོར་བའི་ཉིན་ལམ་གྲངས་མེད་དུ།།
སྐྱེ་འཆིའི་གཟུགས་སུ་མེ་ཏོག་བཞད།།
བརྩེ་བའི་བྱ་ཁྱུ་འཕུར་ཤུལ་གྱི།།
རྒྱ་མཚོའི་རླབས་ཀྱིས་ནམ་མཁའ་བསྒུལ།།
བྱིས་པས་ཆུ་རྣམས་འཐུང་གྱུར་པས།།
ཆུང་མ་ངལ་བའི་གནས་སུ་ལྷུང་།།
ད་ནི་རེ་ཞིག་རྒས་གྱུར་ཀྱང་།།
ཡི་གེའི་ཟས་སུ་བསྟེན་ནས་སུ།།
དགུན་ཁའི་གངས་རི་མཐོང་བར་རེ།།
འཆར་སྒོ་གྲངས་མེད་ཀྱི་གླུ།
བཞིན་བཟང་ཟླ་གསར་པདྨའི་སྐྱེས་ཚལ་གྱི།།
ངང་པའི་རླུང་གིས་བསྐྱོད་པའི་གེ་སར་ཚོགས།།
ཡིད་འཕྲོག་སྤྲིན་དཀར་རོལ་བའི་བདག་ཡིད་ཀྱི།།
བསིལ་ལྡན་དལ་བ་རིང་མོའི་རླབས་དྲངས་པས།།
བརྩེ་བའི་ཤུགས་ཀྱི་སྒྲ་དང་གཟུགས་ཀྱང་ཚོར།།
སྙིང་རྗེའི་གླིང་བུ་འབུད་པའི་རྨི་ལམ་དུ།།
གང་གི་ཞབས་སེན་ཁ་བའི་མེ་ཏོག་བཞད།།
གཟུགས་མེད་ལས་ཀྱི་རྒྱུད་སྐུད་འདར་བའི་ཤུལ།།
ཤིནད་དུ་དགའ་བའི་གླུ་དང་གར་ལ་རོལ།།
དྲན་གདུང་རི་དྭགས་རྒྱུ་བའི་ནགས་ཀློང་དུ།།
སྒྱུ་མའི་ལོ་འདབ་དམར་སེར་གཙང་འགྲམ་འཕུར།།
ཁེར་རྐྱང་ཐུག་འཕྲད་བོར་བའི་སྡིག་སྒྲིབ་ཀྱིས།།
འདས་སོང་ལྷན་འཛོམས་དག་ཀྱང་བརྗེད་པར་མོས།།
མཛའ་གཅུགས་ལྗོན་པའི་ཡལ་ག་ཕྲ་མོའི་རྩེར།།
ཁྱེད་ཞལ་འཛུམ་པའི་མིག་གི་མཆི་མ་ལྷུང་།།
ཆང་ལ་བཟི་ཁ་མེད་ཀྱང་འཐུང་སྙིང་བྲོ།།
མཚན་མོར་སྲང་ལམ་ཤར་ནུབ་ཡུན་རིང་ཉུལ།།
འཁོར་བའི་རྩྭ་ལྗང་གཡོ་བའི་ཉག་ག་དེར།།
བྱིས་པ་ཆུང་ཆུང་ལྷན་དུ་རྒྱང་མིག་བྱས།།
སྙིང་སྡུག་ལུག་ཁྱུའི་རྗེས་ནས་མཐོང་བར་སྒུག།
ཁ་བ་ཉིན་འབབ་མཚན་འབབ་ལམ་ཡང་བོར།།
ད་ནི་སེམས་ཁུལ་ཞོར་དུ་ནང་ཇ་འཐུང་།།
རྩོམ་སྒྲིག་པ། གངས་དགའ།
སྤྲིན་རྣམས་རྟག་ཏུ་གླུ་ལེན་ཞིང་།།
ལྗོན་པ་དག་གིས་གར་བྱེད་པའི།།
རླུང་གི་རྒྱུ་བ་རབ་ཡངས་བའི།།
རིག་བྱེད་པདྨའི་ནགས་ཀྱི་ཚལ།།
དབྱངས་ཅན་སོར་མོའི་ཡལ་ག་ཡིས།།
བསྒུལ་བས་གློག་གི་གཙང་བོའི་ངོས།།
འོད་ཟེར་བྱེ་བའི་སྐྱེ་མཆེད་ལས།།
ཡི་གེའི་གཟུགས་ཀྱི་རི་དྭགས་འདྲོགས།།
དྲན་པས་གདུང་བའི་སེམས་ཅན་གྱི།།
ཉོན་མོངས་ལུས་ཀྱི་ངལ་བ་ཡིས།།
འཁོར་བའི་ཉིན་ལམ་གྲངས་མེད་དུ།།
སྐྱེ་འཆིའི་གཟུགས་སུ་མེ་ཏོག་བཞད།།
བརྩེ་བའི་བྱ་ཁྱུ་འཕུར་ཤུལ་གྱི།།
རྒྱ་མཚོའི་རླབས་ཀྱིས་ནམ་མཁའ་བསྒུལ།།
བྱིས་པས་ཆུ་རྣམས་འཐུང་གྱུར་པས།།
ཆུང་མ་ངལ་བའི་གནས་སུ་ལྷུང་།།
ད་ནི་རེ་ཞིག་རྒས་གྱུར་ཀྱང་།།
ཡི་གེའི་ཟས་སུ་བསྟེན་ནས་སུ།།
དགུན་ཁའི་གངས་རི་མཐོང་བར་རེ།།
འཆར་སྒོ་གྲངས་མེད་ཀྱི་གླུ།
བཞིན་བཟང་ཟླ་གསར་པདྨའི་སྐྱེས་ཚལ་གྱི།།
ངང་པའི་རླུང་གིས་བསྐྱོད་པའི་གེ་སར་ཚོགས།།
ཡིད་འཕྲོག་སྤྲིན་དཀར་རོལ་བའི་བདག་ཡིད་ཀྱི།།
བསིལ་ལྡན་དལ་བ་རིང་མོའི་རླབས་དྲངས་པས།།
བརྩེ་བའི་ཤུགས་ཀྱི་སྒྲ་དང་གཟུགས་ཀྱང་ཚོར།།
སྙིང་རྗེའི་གླིང་བུ་འབུད་པའི་རྨི་ལམ་དུ།།
གང་གི་ཞབས་སེན་ཁ་བའི་མེ་ཏོག་བཞད།།
གཟུགས་མེད་ལས་ཀྱི་རྒྱུད་སྐུད་འདར་བའི་ཤུལ།།
ཤིནད་དུ་དགའ་བའི་གླུ་དང་གར་ལ་རོལ།།
དྲན་གདུང་རི་དྭགས་རྒྱུ་བའི་ནགས་ཀློང་དུ།།
སྒྱུ་མའི་ལོ་འདབ་དམར་སེར་གཙང་འགྲམ་འཕུར།།
ཁེར་རྐྱང་ཐུག་འཕྲད་བོར་བའི་སྡིག་སྒྲིབ་ཀྱིས།།
འདས་སོང་ལྷན་འཛོམས་དག་ཀྱང་བརྗེད་པར་མོས།།
མཛའ་གཅུགས་ལྗོན་པའི་ཡལ་ག་ཕྲ་མོའི་རྩེར།།
ཁྱེད་ཞལ་འཛུམ་པའི་མིག་གི་མཆི་མ་ལྷུང་།།
ཆང་ལ་བཟི་ཁ་མེད་ཀྱང་འཐུང་སྙིང་བྲོ།།
མཚན་མོར་སྲང་ལམ་ཤར་ནུབ་ཡུན་རིང་ཉུལ།།
འཁོར་བའི་རྩྭ་ལྗང་གཡོ་བའི་ཉག་ག་དེར།།
བྱིས་པ་ཆུང་ཆུང་ལྷན་དུ་རྒྱང་མིག་བྱས།།
སྙིང་སྡུག་ལུག་ཁྱུའི་རྗེས་ནས་མཐོང་བར་སྒུག།
ཁ་བ་ཉིན་འབབ་མཚན་འབབ་ལམ་ཡང་བོར།།
ད་ནི་སེམས་ཁུལ་ཞོར་དུ་ནང་ཇ་འཐུང་།།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།