བཤེར་འཚོལ།
ལོ་ཟླའི་ཁྲོད་ཀྱི་གསང་བ།(ཞར་བཀོད་གསུམ་ཡོད)
དྲན་པ་དབྱངས་གསལ་གྱི་སྟར་ལ་བརྒྱུས་ཏེ།།
ཚོར་བའི་བདེ་སྡུག་གི་རི་མོ་སྣ་ཚོགས།།
སྲོག་གི་རྒྱུ་འབྲེལ་འདི་མ་ཆད་བར་དུ།།
སེམས་ཀྱི་རྩ་འདབ་ནས་དལ་གྱིས་བཞུར་ཆོག།
ནང་སེམས་སྙི་མོ་འདིའི་ཕྱི་ནང་བར་གསུམ།།
ཚིག་གི་ཟིལ་ཆང་དུ་སྒོམ་པའི་དྲན་ཤིང་།།
ཁྱེད་དང་འུ་གཉིས་ཀྱི་འཇིག་རྟེན་གྲུ་བཞིར།།
སྙན་ངག་མེ་ཏོག་གི་ནགས་ཚལ་བཞེངས་དགོས།།
དགའ་སྐྱོའི་རྨི་ལམ་གྱིས་ཟློས་གར་འཁྲབ་དུས།།
ཕན་ཚུན་སེམས་ཁྲལ་གྱི་མིག་ཟུང་ཅེར་ནས།།
ཚིག་གི་འདབ་སྟོང་དུ་བཞད་པའི་ཡིག་འབྲུ།།
ཤ་དང་མཆིན་པ་ཡི་དྲན་ཤིང་ཉར་ཡོད།།
བརྒྱ་ཕྲག་རི་ལུང་གིས་མཇལ་འཛོམ་བཀག་ཀྱང་།།
གཟུགས་མེད་རྣམ་ཤེས་ཀྱི་སྟོང་སྐུད་སྦྲེལ་བའི།།
དམར་ཆུང་མཁའ་མཐའ་ཡི་དབྱིངས་མཐའ་རེ་ན།།
མ་བསམ་མ་བསྐུལ་གྱི་ཞེ་འདང་ལྷག་ཡོད།།
འུར་འུར་ཟིང་ཟིང་གིས་གྲུབ་པའི་འཁོར་བར།།
རྟག་བརྟན་འཚོ་བ་ཡི་ལས་སྐལ་དབེན་ཀྱང་།།
སྐྱིད་སྡུག་རེས་མོས་ཀྱི་ཕྲག་པ་རྒལ་ཞོར།།
ཚོར་བའི་ཡིག་འབྲུ་དག་ལྷན་དུ་སྤུང་འགྲོ།།
མཛའ་མཐུན་མེ་ཏོག་གི་མཛེས་སྡུག་རི་མོ།།
ཚེ་རབས་ག་ཙམ་གྱི་སྨིན་འབྲས་ཡིན་ནམ།།
ཡིད་ཀྱི་རྣམ་ཤེས་སུ་འཁོར་བའི་གྲིབ་གཟུཊ།།
བྱམས་པའི་མི་མོ་བཞིན་བྲང་ལ་ཐིམ་སོང་།།
མི་རིང་མི་ཐུང་གི་ན་ཚོད་ཅིག་ལ།།
སྐྱིད་སྡུག་འཚོ་བ་ཡིས་ཞེ་སེམས་གཙེ་དུས།།
ལས་ཀྱི་དར་ཐག་ལ་འཇུག་པའི་གྲོགས་ཁྱོད།།
བརྗེད་མེད་སེམས་རྟེན་གྱི་སྲུང་མ་གྱུར་སོང་།།
ལོ་ཟླའི་འཁོར་འགྲོས་ཀྱི་སྟངས་སྟབས་ཟབ་མོས།།
ཚིག་གི་གཏིང་རུམ་ན་བཙོན་དུ་བཟུང་ཞིང་།།
འཁོར་བའི་ཐ་སྙད་ཀྱི་མངལ་དུ་སྦྲུམ་པའི།།
དབྱངས་ཅན་ལྷ་མོ་ཡི་གཅེས་ཕྲུག་ཁྱེད་ཡིན།།
མ་བཅོས་ངོ་གདོང་གི་འཛུམ་ཆུང་རེ་རེ།།
སྟོན་ཀའི་སྡོང་ལོ་བཞིན་ཞེ་རུ་ལྷུང་དུས།།
ས་མཐའི་ས་མཐའ་ཡི་རྒྱང་རིང་ཞིག་ནས།།
དྲན་གདུང་མིག་ཆུ་ཡི་མཚོ་མོ་བྲན་མྱོང་།།
མ་བཙལ་ལམ་ཐུག་གི་གླུ་བ་ཆུང་ཆུང་།།
མ་འདྲིས་ཞེ་འདྲིས་སུ་གྱུར་བའི་བྱེད་པོ།།
སྟེས་དབང་སྟབས་འགྲིག་གིས་འཕྲད་པ་མ་ཡིན།།
ལས་དང་སྨོན་ལམ་གྱི་གདམ་ཀ་ཡིན་ནོ།།
ཁོམ་ལོང་མེད་པའི་པཱ་ལགས།
ཀ་མད་སུམ་བཅུས་གླེང་བའི་རྒྱང་རིང་གི།
ཁ་མིན་སྙིང་ནས་དྲན་པའི་ཡབ་ཆེན་ལགས།།
ག་དུས་ཡིན་ཡང་རྒྱབ་རྟེན་དུ་བཞེངས་ཤིང་།།
ང་ཡི་ལུས་སེམས་བྱིས་པ་ཁྱོད་ཀྱིས་བསྲུངས།།
ཅ་ཅོ་འདུ་ལོང་འཁྲིཊ་པའི་རང་ཡུལ་ནས།།
ཆ་ཡོད་ཆ་མེད་འགྲོགས་ཏེ་བྱེས་མཐར་ཉུལ།།
ཇ་སྐབས་ཙམ་ལ་ཁོམ་ལོང་མེད་པ་ཡི།།
ཉ་གང་ཟླ་བ་འདྲ་བའི་ཡབ་ཆེན་ལགས།།
ཏ་ཐའི་བསྟན་ལ་དད་པ་འགྱུར་མེད་ཀྱང་།།
ཐ་མལ་འཁོར་བའི་རི་གྲོང་འདི་ག་ནས།།
ད་དུང་དམ་ཆོས་བྱེད་ལོང་མི་རྙེད་པའི།།
ན་ཆུང་གཞོན་ཤ་ཉམས་པའི་ཕ་ལགས་དྲན།།
པ་ལོར་སེ་མདའ་ལྷུང་བའི་སྣང་བརྙན་རེ།།
ཕ་ཡུལ་རྒྱབ་ཏུ་བསྐྱུར་བའི་ཅོལ་ཆུང་ངམ།།
བ་ཉལ་གཤིས་ལ་གོམས་པའི་བུ་མོ་ཡིས།།
མ་བཅོས་ཚིག་གི་ངོས་སུ་ཡང་ཡང་འཆར།།
ཙ་རི་གངས་རི་སྐོར་ལ་བྲེལ་མོད་ཀྱང་།།
ཚ་གྲང་ཆ་མི་སྙོམས་པའི་འཇིག་རྟེན་ནས།།
ཛ་དྲག་ལོ་ཟླས་རྨུར་བའི་ལས་དབང་ཁྲོད།།
ཝ་ལེར་འཆི་ཆོས་འགྲུབ་པའི་ལས་སྐལ་ཕྲ།།
ཞྭ་ལྷམ་དངོས་པོའི་རྩེ་གྲས་བུ་ལ་སྦྱིན།།
ཟ་མ་གང་ཞིམ་རོ་བཅུད་བུ་ལ་སྟེར།།
འ་འུར་ཆཊ་སྡང་སྨྲ་བའི་མི་ཚོགས་ཁྲོད།།
ཡ་ཆུང་བུ་ལ་ཕྱོགས་པའི་ཕ་ལོ་དྲན།།
ར་རི་རྫུན་གྱི་དྲི་མས་མ་གོས་པའི།།
ལ་ཁའི་མཚམས་སྤྲིན་ལྟ་བུའི་སྙིང་གཏམ་འདི།།
ཤ་རུས་སྲོག་ལ་ཐིམ་པའི་ཡབ་ཆེན་ལགས།།
ས་ཐག་རིང་བའི་ས་ནས་སྤྲིངས་ཏེ་འཚལ།།
ཧ་ལས་ཧང་སངས་དགོས་པའི་ཚིག་མེད་ཀྱང་།།
ཨ་ཕའི་སྐྱིད་སྡུག་ཡིད་ལ་དྲན་ཐེངས་རེར།།
དམར་ཆུང་སྙིང་ལ་ཉར་བའི་ཡིག་ཚོགས་ཀྱང་།།
ང་དང་ཕ་ལོའི་བར་གྱི་བརྩེ་འདང་བྱས།།
དབྱངས་ཀྱི་མེ་ཏོག
དབྱངས་སུ་གྱེར་བའི་ཚོར་བ།།
གཉུག་མའི་གཤིས་ཀྱི་དྲོད་ཡིན།།
ལྐོག་ཏུ་སྦས་པའི་གསང་བ།།
མེ་ལོང་ནང་གི་ཁྱོད་ཡིན།།
ངག་ཏུ་འཁྱིལ་བའི་ཚིག་ཚོགས།།
དགའ་སྐྱོ་གཉིས་ཀྱི་རྟེན་ཡིན།།
སྙན་ངག་ནང་གི་རྣམ་ཤེས།།
རྨི་ལམ་ནང་གི་ཁྱོད་ཡིན།།
མཇལ་འཛོམ་ལས་ཀྱི་གསང་བ།།
སྐྱེ་བ་གཅིག་གི་ཁ་བྱང་།།
ཤ་དང་མཆིན་པའི་བར་ཐག།
སེམས་ཉིད་རྐུན་པོ་ཁྱོད་ཡིན།།
མ་བྲིས་གདོང་གི་མུ་ཏིག།
མགུར་མའི་ནང་གི་མེ་ཏོག།
མིག་གི་མཐིལ་དུ་ལྷུང་ན།།
ཚིག་གི་སྤུ་རིས་འགུལ་ཡོང་།།
ན་ཚོད་གཅིག་གི་ལས་སྐལ།།
སྐྱེ་བ་སྔོན་མའི་བཀོད་སྒྲིག།
བསམ་ཕྱོཊ་གཅིག་པའི་རི་མོ།།
སྨོན་ལམ་གཅིག་གི་རྒྱན་ཡིན།།
ལས་སྐལ་ནང་གི་མེ་ཏོག།
སྙན་ངག་སྨྲ་བའི་ལྷ་ཡིན།།
ལྷ་ཁྱོད་གང་དུ་ཡོད་མེད།།
སྙན་ངག་ནང་ནས་རྟོཊ་ཡོང་།།
འཚོ་བའི་ཁྲོད་ཀྱི་ལ་གཞས།།
འཁོར་བའི་མཐའ་ནས་བརྩམས་ཏེ།།
མི་སེམས་ལྡུམ་རའི་ནང་དུ།།
མི་འགྱུར་ཞེ་རྩིས་བྲིས་ཡོད།།
ཀྱེ་ཀྱེ་དབྱངས་ཀྱི་མེ་ཏོག།
ལས་དབང་ཁ་དན་བཙན་པོས།།
ལྷི་འཇགས་དཀྲུཊ་ཐེངས་རེ་ལ།།
ཀུན་རྟོག་དྲན་པས་མི་ཟིན།།
ཕྲ་ཞིང་དོག་པའི་སེམས་པ།།
ཕལ་བའི་གཤིས་ཀྱི་སྲོལ་རེད།།
དགའ་དང་སྐྱོ་བའི་ན་ཟུག།
སོ་སོའི་སྐྱེ་བོའི་ལུགས་ཡིན།།
ཚིག་འདི་ཚེ་ཡི་རིལ་བུ།།
མགྲིན་པའི་ལམ་ནས་རྡོལ་བྱུང་།།
དབྱངས་འདི་ངག་གི་ལྗོན་པ།།
ཤ་རུས་གསེང་ན་བཞད་ཡོད།།
རྨི་ལམ་འཁྲུགས་པའི་ངག
ང་དང་སྐལ་བ་མཉམ་པའི་རི་གྲོང་གི་ཉག་གར།།
རྨི་ལམ་མཚར་པོ་ཞིག་གི་སྙིང་བོ་དེ་བྲིས་ན།།
མེ་ལོང་ཕྱི་ནང་ངུ་ཞིང་དགོད་པ་ཡི་ཚུལ་གྱིས།།
ཚིག་ཚོཊ་གཙེ་བའི་ལུཊ་ལ་ངལ་བ་རང་མ་མཆིས།།
སེམས་ཀྱི་ཞིང་ས་གཡའ་བའི་ཤ་དྲོད་ཀྱི་མངལ་དུ།།
དྲན་པའི་མཚོ་མོ་སྐྱོམ་པའི་རིག་བྱེད་ཀྱི་ཟླ་བས།།
སྡུག་བསྔལ་སྐད་ཅིག་བྲན་པའི་ན་ཟུག་ལ་བསམ་ན།།
རྨིས་པའི་འཇིག་རྟེན་དེ་ལ་བདེ་སྐྱིད་རང་མེད་འདྲ།།
འདོད་ཡོན་ཟས་སུ་སྤྱོད་པའི་རྨི་ལམ་གྱི་སྐར་མས།།
སྣང་བའི་གཞིས་ཆུང་ནང་དུ་འཚུབ་འཚུབ་རང་བྱེད་དུས།།
སྙན་ངག་རྒྱན་དུ་འཆང་བའི་གཟན་འོག་གི་རྣམ་ཤེས།།
ཁྲག་གི་ཐན་པ་རྒྱས་པའི་ཡུལ་ངོས་ནས་མཇལ་བྱུང་།།
བརྩེ་བའི་ལག་འཇུ་བྱས་པ་དྲན་རིག་གིས་མ་ཟིན།།
ལུས་སེམས་དམ་དུ་འཁྱུད་པའི་ས་ཚིགས་སུ་མ་བསླེབས།།
འཁོར་བའི་རྨི་ལམ་ཞིག་གི་བར་ཁྱམས་སུ་སྦྲུམ་པའི།།
བྱང་ཁོག་སྟོད་ན་ཉལ་བའི་ཚེ་སྲོག་དེ་སྙིང་རྗེ།།
སེམས་ཉིད་རྩེད་མོས་བསླུས་པ་ཚེ་རབས་ཀྱི་འགྲུལ་བཞུད།།
ལོ་དང་ཟླ་བའི་རིང་ལ་གོམས་པ་རང་མིན་ཡང་།།
ནུབ་གཅིག་སྒལ་ཚིགས་རྨས་པའི་རྨི་ལམ་གྱི་ཁ་དོག།
མ་བཅོས་གཤིས་སུ་གྲུབ་པའི་སྡིག་སྒྲིབ་ཀྱི་ཚོན་རྩི།།
ཚེ་སྔོན་ཁ་ཆད་ཡི་གེ་བྲང་རུས་ལ་བརྐོས་སམ།།
ད་ཆར་རྨིས་པའི་འཇིག་རྟེན་བག་ཆཊ་ཀྱིས་བསྐྲུན་འདྲ།།
སྐབས་རེ་ལས་ཉོན་རླུང་བུ་ཡིད་ཡུལ་ལ་ལྡང་དུས།།
གློ་བའི་མངན་པ་རེ་རེ་མགྲིན་ལམ་ནས་རྡོལ་བྱུང་།།
སྐྱེ་འཆིའི་དགུ་ཚིགས་རིང་མོ་ངག་རྟ་རུ་དྲངས་ཏེ།།
འཚོ་བའི་བདེ་སྡུག་རི་མོ་སྙན་ཚིག་ལ་བསྲེས་ན།།
ལུས་ངག་ཡིད་གསུམ་སྤྲིན་པ་འདུ་འགོད་དང་མཚུངས་པས།།
ལྕགས་ཀྱི་ཕྱག་སེན་རྩེ་ནས་རྔུལ་ཆུ་རང་འབབ་བྱུང་།།
དགའ་སྐྱོ་གོས་སུ་གྱོན་པའི་དགུན་གཞུང་གི་མེ་ཏོག།
བདག་གི་འཁྲིས་སུ་བཞད་པ་མདང་སུམ་གྱི་རྨི་ལམ།།
འགྱུར་མེད་སེམས་ཀྱི་བདེན་པ་ནང་སེམས་སུ་སྤྲོས་པ།།
དྭངས་གསལ་གཙང་བོ་འགྲམ་གྱི་ཁྲུང་ཁྲུང་གི་རྫི་གླུ།།
ཚོར་བའི་རྟོག་སྒྲིབ་མ་དག་རེ་དོགས་ཀྱིས་གོས་ཤིང་།།
གཞོན་པའི་སྣང་བ་མི་རྟག་འཇའ་ཚོན་གྱི་བླ་འོག།
ལོ་ཟླ་ཚིག་གིས་གཉོར་བའི་སྒྱུ་འཕྲུལ་གྱི་དབུས་ནས།།
ཉམ་ཐག་མུན་པའི་བརྩེ་བ་བྱེ་ཐང་དུ་བྲིས་ཡོད།།
སྒྱུ་མའི་གྲོང་མཐའ་ཉུལ་བའི་སྐར་ཚོགས་ཀྱི་མིག་ཟུང་།།
ཁོ་མོའི་སྒེའུ་ཁུང་རེ་རེའི་སྲུབས་ཀ་ནས་འཛུམ་ཚེ།།
སྐྱིད་སྡུག་ཕྲག་ཏུ་ཁུར་བའི་རྡོ་འཁྱག་གི་མལ་སར།།
ཆང་ཕུད་ལན་གསུམ་བརྔུབས་ཏེ་གབ་ཚིག་འགའ་བསྟར་ཡོད།།
རྩོམ་སྒྲིག་པ། དབང་མོ།
ཚོར་བའི་བདེ་སྡུག་གི་རི་མོ་སྣ་ཚོགས།།
སྲོག་གི་རྒྱུ་འབྲེལ་འདི་མ་ཆད་བར་དུ།།
སེམས་ཀྱི་རྩ་འདབ་ནས་དལ་གྱིས་བཞུར་ཆོག།
ནང་སེམས་སྙི་མོ་འདིའི་ཕྱི་ནང་བར་གསུམ།།
ཚིག་གི་ཟིལ་ཆང་དུ་སྒོམ་པའི་དྲན་ཤིང་།།
ཁྱེད་དང་འུ་གཉིས་ཀྱི་འཇིག་རྟེན་གྲུ་བཞིར།།
སྙན་ངག་མེ་ཏོག་གི་ནགས་ཚལ་བཞེངས་དགོས།།
དགའ་སྐྱོའི་རྨི་ལམ་གྱིས་ཟློས་གར་འཁྲབ་དུས།།
ཕན་ཚུན་སེམས་ཁྲལ་གྱི་མིག་ཟུང་ཅེར་ནས།།
ཚིག་གི་འདབ་སྟོང་དུ་བཞད་པའི་ཡིག་འབྲུ།།
ཤ་དང་མཆིན་པ་ཡི་དྲན་ཤིང་ཉར་ཡོད།།
བརྒྱ་ཕྲག་རི་ལུང་གིས་མཇལ་འཛོམ་བཀག་ཀྱང་།།
གཟུགས་མེད་རྣམ་ཤེས་ཀྱི་སྟོང་སྐུད་སྦྲེལ་བའི།།
དམར་ཆུང་མཁའ་མཐའ་ཡི་དབྱིངས་མཐའ་རེ་ན།།
མ་བསམ་མ་བསྐུལ་གྱི་ཞེ་འདང་ལྷག་ཡོད།།
འུར་འུར་ཟིང་ཟིང་གིས་གྲུབ་པའི་འཁོར་བར།།
རྟག་བརྟན་འཚོ་བ་ཡི་ལས་སྐལ་དབེན་ཀྱང་།།
སྐྱིད་སྡུག་རེས་མོས་ཀྱི་ཕྲག་པ་རྒལ་ཞོར།།
ཚོར་བའི་ཡིག་འབྲུ་དག་ལྷན་དུ་སྤུང་འགྲོ།།
མཛའ་མཐུན་མེ་ཏོག་གི་མཛེས་སྡུག་རི་མོ།།
ཚེ་རབས་ག་ཙམ་གྱི་སྨིན་འབྲས་ཡིན་ནམ།།
ཡིད་ཀྱི་རྣམ་ཤེས་སུ་འཁོར་བའི་གྲིབ་གཟུཊ།།
བྱམས་པའི་མི་མོ་བཞིན་བྲང་ལ་ཐིམ་སོང་།།
མི་རིང་མི་ཐུང་གི་ན་ཚོད་ཅིག་ལ།།
སྐྱིད་སྡུག་འཚོ་བ་ཡིས་ཞེ་སེམས་གཙེ་དུས།།
ལས་ཀྱི་དར་ཐག་ལ་འཇུག་པའི་གྲོགས་ཁྱོད།།
བརྗེད་མེད་སེམས་རྟེན་གྱི་སྲུང་མ་གྱུར་སོང་།།
ལོ་ཟླའི་འཁོར་འགྲོས་ཀྱི་སྟངས་སྟབས་ཟབ་མོས།།
ཚིག་གི་གཏིང་རུམ་ན་བཙོན་དུ་བཟུང་ཞིང་།།
འཁོར་བའི་ཐ་སྙད་ཀྱི་མངལ་དུ་སྦྲུམ་པའི།།
དབྱངས་ཅན་ལྷ་མོ་ཡི་གཅེས་ཕྲུག་ཁྱེད་ཡིན།།
མ་བཅོས་ངོ་གདོང་གི་འཛུམ་ཆུང་རེ་རེ།།
སྟོན་ཀའི་སྡོང་ལོ་བཞིན་ཞེ་རུ་ལྷུང་དུས།།
ས་མཐའི་ས་མཐའ་ཡི་རྒྱང་རིང་ཞིག་ནས།།
དྲན་གདུང་མིག་ཆུ་ཡི་མཚོ་མོ་བྲན་མྱོང་།།
མ་བཙལ་ལམ་ཐུག་གི་གླུ་བ་ཆུང་ཆུང་།།
མ་འདྲིས་ཞེ་འདྲིས་སུ་གྱུར་བའི་བྱེད་པོ།།
སྟེས་དབང་སྟབས་འགྲིག་གིས་འཕྲད་པ་མ་ཡིན།།
ལས་དང་སྨོན་ལམ་གྱི་གདམ་ཀ་ཡིན་ནོ།།
ཁོམ་ལོང་མེད་པའི་པཱ་ལགས།
ཀ་མད་སུམ་བཅུས་གླེང་བའི་རྒྱང་རིང་གི།
ཁ་མིན་སྙིང་ནས་དྲན་པའི་ཡབ་ཆེན་ལགས།།
ག་དུས་ཡིན་ཡང་རྒྱབ་རྟེན་དུ་བཞེངས་ཤིང་།།
ང་ཡི་ལུས་སེམས་བྱིས་པ་ཁྱོད་ཀྱིས་བསྲུངས།།
ཅ་ཅོ་འདུ་ལོང་འཁྲིཊ་པའི་རང་ཡུལ་ནས།།
ཆ་ཡོད་ཆ་མེད་འགྲོགས་ཏེ་བྱེས་མཐར་ཉུལ།།
ཇ་སྐབས་ཙམ་ལ་ཁོམ་ལོང་མེད་པ་ཡི།།
ཉ་གང་ཟླ་བ་འདྲ་བའི་ཡབ་ཆེན་ལགས།།
ཏ་ཐའི་བསྟན་ལ་དད་པ་འགྱུར་མེད་ཀྱང་།།
ཐ་མལ་འཁོར་བའི་རི་གྲོང་འདི་ག་ནས།།
ད་དུང་དམ་ཆོས་བྱེད་ལོང་མི་རྙེད་པའི།།
ན་ཆུང་གཞོན་ཤ་ཉམས་པའི་ཕ་ལགས་དྲན།།
པ་ལོར་སེ་མདའ་ལྷུང་བའི་སྣང་བརྙན་རེ།།
ཕ་ཡུལ་རྒྱབ་ཏུ་བསྐྱུར་བའི་ཅོལ་ཆུང་ངམ།།
བ་ཉལ་གཤིས་ལ་གོམས་པའི་བུ་མོ་ཡིས།།
མ་བཅོས་ཚིག་གི་ངོས་སུ་ཡང་ཡང་འཆར།།
ཙ་རི་གངས་རི་སྐོར་ལ་བྲེལ་མོད་ཀྱང་།།
ཚ་གྲང་ཆ་མི་སྙོམས་པའི་འཇིག་རྟེན་ནས།།
ཛ་དྲག་ལོ་ཟླས་རྨུར་བའི་ལས་དབང་ཁྲོད།།
ཝ་ལེར་འཆི་ཆོས་འགྲུབ་པའི་ལས་སྐལ་ཕྲ།།
ཞྭ་ལྷམ་དངོས་པོའི་རྩེ་གྲས་བུ་ལ་སྦྱིན།།
ཟ་མ་གང་ཞིམ་རོ་བཅུད་བུ་ལ་སྟེར།།
འ་འུར་ཆཊ་སྡང་སྨྲ་བའི་མི་ཚོགས་ཁྲོད།།
ཡ་ཆུང་བུ་ལ་ཕྱོགས་པའི་ཕ་ལོ་དྲན།།
ར་རི་རྫུན་གྱི་དྲི་མས་མ་གོས་པའི།།
ལ་ཁའི་མཚམས་སྤྲིན་ལྟ་བུའི་སྙིང་གཏམ་འདི།།
ཤ་རུས་སྲོག་ལ་ཐིམ་པའི་ཡབ་ཆེན་ལགས།།
ས་ཐག་རིང་བའི་ས་ནས་སྤྲིངས་ཏེ་འཚལ།།
ཧ་ལས་ཧང་སངས་དགོས་པའི་ཚིག་མེད་ཀྱང་།།
ཨ་ཕའི་སྐྱིད་སྡུག་ཡིད་ལ་དྲན་ཐེངས་རེར།།
དམར་ཆུང་སྙིང་ལ་ཉར་བའི་ཡིག་ཚོགས་ཀྱང་།།
ང་དང་ཕ་ལོའི་བར་གྱི་བརྩེ་འདང་བྱས།།
དབྱངས་ཀྱི་མེ་ཏོག
དབྱངས་སུ་གྱེར་བའི་ཚོར་བ།།
གཉུག་མའི་གཤིས་ཀྱི་དྲོད་ཡིན།།
ལྐོག་ཏུ་སྦས་པའི་གསང་བ།།
མེ་ལོང་ནང་གི་ཁྱོད་ཡིན།།
ངག་ཏུ་འཁྱིལ་བའི་ཚིག་ཚོགས།།
དགའ་སྐྱོ་གཉིས་ཀྱི་རྟེན་ཡིན།།
སྙན་ངག་ནང་གི་རྣམ་ཤེས།།
རྨི་ལམ་ནང་གི་ཁྱོད་ཡིན།།
མཇལ་འཛོམ་ལས་ཀྱི་གསང་བ།།
སྐྱེ་བ་གཅིག་གི་ཁ་བྱང་།།
ཤ་དང་མཆིན་པའི་བར་ཐག།
སེམས་ཉིད་རྐུན་པོ་ཁྱོད་ཡིན།།
མ་བྲིས་གདོང་གི་མུ་ཏིག།
མགུར་མའི་ནང་གི་མེ་ཏོག།
མིག་གི་མཐིལ་དུ་ལྷུང་ན།།
ཚིག་གི་སྤུ་རིས་འགུལ་ཡོང་།།
ན་ཚོད་གཅིག་གི་ལས་སྐལ།།
སྐྱེ་བ་སྔོན་མའི་བཀོད་སྒྲིག།
བསམ་ཕྱོཊ་གཅིག་པའི་རི་མོ།།
སྨོན་ལམ་གཅིག་གི་རྒྱན་ཡིན།།
ལས་སྐལ་ནང་གི་མེ་ཏོག།
སྙན་ངག་སྨྲ་བའི་ལྷ་ཡིན།།
ལྷ་ཁྱོད་གང་དུ་ཡོད་མེད།།
སྙན་ངག་ནང་ནས་རྟོཊ་ཡོང་།།
འཚོ་བའི་ཁྲོད་ཀྱི་ལ་གཞས།།
འཁོར་བའི་མཐའ་ནས་བརྩམས་ཏེ།།
མི་སེམས་ལྡུམ་རའི་ནང་དུ།།
མི་འགྱུར་ཞེ་རྩིས་བྲིས་ཡོད།།
ཀྱེ་ཀྱེ་དབྱངས་ཀྱི་མེ་ཏོག།
ལས་དབང་ཁ་དན་བཙན་པོས།།
ལྷི་འཇགས་དཀྲུཊ་ཐེངས་རེ་ལ།།
ཀུན་རྟོག་དྲན་པས་མི་ཟིན།།
ཕྲ་ཞིང་དོག་པའི་སེམས་པ།།
ཕལ་བའི་གཤིས་ཀྱི་སྲོལ་རེད།།
དགའ་དང་སྐྱོ་བའི་ན་ཟུག།
སོ་སོའི་སྐྱེ་བོའི་ལུགས་ཡིན།།
ཚིག་འདི་ཚེ་ཡི་རིལ་བུ།།
མགྲིན་པའི་ལམ་ནས་རྡོལ་བྱུང་།།
དབྱངས་འདི་ངག་གི་ལྗོན་པ།།
ཤ་རུས་གསེང་ན་བཞད་ཡོད།།
རྨི་ལམ་འཁྲུགས་པའི་ངག
ང་དང་སྐལ་བ་མཉམ་པའི་རི་གྲོང་གི་ཉག་གར།།
རྨི་ལམ་མཚར་པོ་ཞིག་གི་སྙིང་བོ་དེ་བྲིས་ན།།
མེ་ལོང་ཕྱི་ནང་ངུ་ཞིང་དགོད་པ་ཡི་ཚུལ་གྱིས།།
ཚིག་ཚོཊ་གཙེ་བའི་ལུཊ་ལ་ངལ་བ་རང་མ་མཆིས།།
སེམས་ཀྱི་ཞིང་ས་གཡའ་བའི་ཤ་དྲོད་ཀྱི་མངལ་དུ།།
དྲན་པའི་མཚོ་མོ་སྐྱོམ་པའི་རིག་བྱེད་ཀྱི་ཟླ་བས།།
སྡུག་བསྔལ་སྐད་ཅིག་བྲན་པའི་ན་ཟུག་ལ་བསམ་ན།།
རྨིས་པའི་འཇིག་རྟེན་དེ་ལ་བདེ་སྐྱིད་རང་མེད་འདྲ།།
འདོད་ཡོན་ཟས་སུ་སྤྱོད་པའི་རྨི་ལམ་གྱི་སྐར་མས།།
སྣང་བའི་གཞིས་ཆུང་ནང་དུ་འཚུབ་འཚུབ་རང་བྱེད་དུས།།
སྙན་ངག་རྒྱན་དུ་འཆང་བའི་གཟན་འོག་གི་རྣམ་ཤེས།།
ཁྲག་གི་ཐན་པ་རྒྱས་པའི་ཡུལ་ངོས་ནས་མཇལ་བྱུང་།།
བརྩེ་བའི་ལག་འཇུ་བྱས་པ་དྲན་རིག་གིས་མ་ཟིན།།
ལུས་སེམས་དམ་དུ་འཁྱུད་པའི་ས་ཚིགས་སུ་མ་བསླེབས།།
འཁོར་བའི་རྨི་ལམ་ཞིག་གི་བར་ཁྱམས་སུ་སྦྲུམ་པའི།།
བྱང་ཁོག་སྟོད་ན་ཉལ་བའི་ཚེ་སྲོག་དེ་སྙིང་རྗེ།།
སེམས་ཉིད་རྩེད་མོས་བསླུས་པ་ཚེ་རབས་ཀྱི་འགྲུལ་བཞུད།།
ལོ་དང་ཟླ་བའི་རིང་ལ་གོམས་པ་རང་མིན་ཡང་།།
ནུབ་གཅིག་སྒལ་ཚིགས་རྨས་པའི་རྨི་ལམ་གྱི་ཁ་དོག།
མ་བཅོས་གཤིས་སུ་གྲུབ་པའི་སྡིག་སྒྲིབ་ཀྱི་ཚོན་རྩི།།
ཚེ་སྔོན་ཁ་ཆད་ཡི་གེ་བྲང་རུས་ལ་བརྐོས་སམ།།
ད་ཆར་རྨིས་པའི་འཇིག་རྟེན་བག་ཆཊ་ཀྱིས་བསྐྲུན་འདྲ།།
སྐབས་རེ་ལས་ཉོན་རླུང་བུ་ཡིད་ཡུལ་ལ་ལྡང་དུས།།
གློ་བའི་མངན་པ་རེ་རེ་མགྲིན་ལམ་ནས་རྡོལ་བྱུང་།།
སྐྱེ་འཆིའི་དགུ་ཚིགས་རིང་མོ་ངག་རྟ་རུ་དྲངས་ཏེ།།
འཚོ་བའི་བདེ་སྡུག་རི་མོ་སྙན་ཚིག་ལ་བསྲེས་ན།།
ལུས་ངག་ཡིད་གསུམ་སྤྲིན་པ་འདུ་འགོད་དང་མཚུངས་པས།།
ལྕགས་ཀྱི་ཕྱག་སེན་རྩེ་ནས་རྔུལ་ཆུ་རང་འབབ་བྱུང་།།
དགའ་སྐྱོ་གོས་སུ་གྱོན་པའི་དགུན་གཞུང་གི་མེ་ཏོག།
བདག་གི་འཁྲིས་སུ་བཞད་པ་མདང་སུམ་གྱི་རྨི་ལམ།།
འགྱུར་མེད་སེམས་ཀྱི་བདེན་པ་ནང་སེམས་སུ་སྤྲོས་པ།།
དྭངས་གསལ་གཙང་བོ་འགྲམ་གྱི་ཁྲུང་ཁྲུང་གི་རྫི་གླུ།།
ཚོར་བའི་རྟོག་སྒྲིབ་མ་དག་རེ་དོགས་ཀྱིས་གོས་ཤིང་།།
གཞོན་པའི་སྣང་བ་མི་རྟག་འཇའ་ཚོན་གྱི་བླ་འོག།
ལོ་ཟླ་ཚིག་གིས་གཉོར་བའི་སྒྱུ་འཕྲུལ་གྱི་དབུས་ནས།།
ཉམ་ཐག་མུན་པའི་བརྩེ་བ་བྱེ་ཐང་དུ་བྲིས་ཡོད།།
སྒྱུ་མའི་གྲོང་མཐའ་ཉུལ་བའི་སྐར་ཚོགས་ཀྱི་མིག་ཟུང་།།
ཁོ་མོའི་སྒེའུ་ཁུང་རེ་རེའི་སྲུབས་ཀ་ནས་འཛུམ་ཚེ།།
སྐྱིད་སྡུག་ཕྲག་ཏུ་ཁུར་བའི་རྡོ་འཁྱག་གི་མལ་སར།།
ཆང་ཕུད་ལན་གསུམ་བརྔུབས་ཏེ་གབ་ཚིག་འགའ་བསྟར་ཡོད།།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།