བཤེར་འཚོལ།
ཟླ་དྲུག་པའི་རྨི་ལམ།
ནོར་འཛིན་གཡུ་གཞོང་ཡངས་བའི་ཚལ།།
མེ་ཏོག་སྣ་ཚོགས་འདབ་བརྒྱ་གྲོལ།།
དུས་ཀྱི་སྣང་བརྙན་འཇམ་པ་འདི།།
ཡིད་ཅན་དགའ་བའི་གསོས་སུ་གྲུབ།།
རི་ཁྱུའི་ཉག་ག་བརྗིད་ཆགས་ཤིང་།།
སྤྲིན་གྱི་རྒྱ་མཚོ་རྒྱ་མཚོ་ཁུར།།
གནམ་ས་འདྲེས་པའི་བར་མཚམས་ན།།
དྭངས་གསལ་འོད་ཀྱི་ཟི་ར་འཚུབ།།
ཉི་མའི་འཛུམ་ཟེར་སྤང་ལ་འཁྱུད།།
བསིལ་འཇམ་རླུང་བུ་སྙིང་ལ་སིམ།།
གཙང་ཆབ་སྔོ་མོའི་འགྲམ་ཟུར་ན།།
ངང་བ་ཁྱུ་ཚོགས་གཏམ་རྒྱུད་སྒྲིག།
སྦྲང་ཆར་རྩྭི་ཤིང་རྒྱས་པའི་གཉེན།།
འཇའ་ཚོན་ལང་ཚོ་ངོམ་པའི་ཤུལ།།
གཟུགས་མེད་ཀུན་རྟོག་སྒྱུ་མའི་ངོར།།།
མི་རྟག་ཚེ་ཡི་གཉེར་མ་འཁྱིལ།།
ནགས་ཀྱི་ལྗོན་པ་གསར་བའི་ཚལ།།
བྱིའུ་ཆུང་འཇོལ་མོ་གླུ་གར་རོལ།།
སྙིང་གྲོཊ་རི་དྭཊ་བག་ཡངས་རྒྱུ།།
ཏིང་འཛིན་གླིང་བུ་རྣ་བར་འཇེབས།།
དྲན་འཛིན་ཟླ་འོད་སྲོད་ལ་ཉུལ།།
རང་བྱུང་ཁང་ཆུང་ཁུ་སིམ་གནས།།
ང་དང་ང་ཡི་མིང་ཚིག་ཚོགས།།
སོར་མོའི་རྩེ་རུ་ཡང་ཡང་འཁྱུག།
ཚེ་ནི་རྨི་ལམ་ཐེངས་གཅིག་སྟེ།།
ཡུན་རིང་རོལ་བའི་སྐལ་མེད་ཀྱང་།།
ལས་ཀྱིས་རྫོགས་ཚིག་མ་བྲིས་བར།།
དེ་སྲིད་མགུར་མའི་པང་དུ་འཁྱུད།།
སྨུག་པའི་རི་གྲོང་ཉམས་དགའ་རུ།།
རྒྱུད་དྲུག་པི་ཝང་དཀྲོལ་བའི་མི།།
སྙན་ངག་གོམ་སྟབས་བསྒྱུར་ཐེངས་རེར།།
ང་ཡི་ནང་སེམས་ཅིག་ཅར་འཕྲོགས།།
སྲོད་ཀྱི་སྐར་ཕྲན་མིག་མཐར་ལྷུང་།།
རྣམ་ཤེས་ཁེར་རྐྱང་དབྱངས་སུ་འདྲེས།།
བས་མཐའི་འཇིག་རྟེན་གང་ཞིག་ནས།།
སེམས་ཉིད་དགའ་བའི་གླུ་ཞིག་བླངས།།
མེ་ཏོག་སྣ་ཚོགས་འདབ་བརྒྱ་གྲོལ།།
དུས་ཀྱི་སྣང་བརྙན་འཇམ་པ་འདི།།
ཡིད་ཅན་དགའ་བའི་གསོས་སུ་གྲུབ།།
རི་ཁྱུའི་ཉག་ག་བརྗིད་ཆགས་ཤིང་།།
སྤྲིན་གྱི་རྒྱ་མཚོ་རྒྱ་མཚོ་ཁུར།།
གནམ་ས་འདྲེས་པའི་བར་མཚམས་ན།།
དྭངས་གསལ་འོད་ཀྱི་ཟི་ར་འཚུབ།།
ཉི་མའི་འཛུམ་ཟེར་སྤང་ལ་འཁྱུད།།
བསིལ་འཇམ་རླུང་བུ་སྙིང་ལ་སིམ།།
གཙང་ཆབ་སྔོ་མོའི་འགྲམ་ཟུར་ན།།
ངང་བ་ཁྱུ་ཚོགས་གཏམ་རྒྱུད་སྒྲིག།
སྦྲང་ཆར་རྩྭི་ཤིང་རྒྱས་པའི་གཉེན།།
འཇའ་ཚོན་ལང་ཚོ་ངོམ་པའི་ཤུལ།།
གཟུགས་མེད་ཀུན་རྟོག་སྒྱུ་མའི་ངོར།།།
མི་རྟག་ཚེ་ཡི་གཉེར་མ་འཁྱིལ།།
ནགས་ཀྱི་ལྗོན་པ་གསར་བའི་ཚལ།།
བྱིའུ་ཆུང་འཇོལ་མོ་གླུ་གར་རོལ།།
སྙིང་གྲོཊ་རི་དྭཊ་བག་ཡངས་རྒྱུ།།
ཏིང་འཛིན་གླིང་བུ་རྣ་བར་འཇེབས།།
དྲན་འཛིན་ཟླ་འོད་སྲོད་ལ་ཉུལ།།
རང་བྱུང་ཁང་ཆུང་ཁུ་སིམ་གནས།།
ང་དང་ང་ཡི་མིང་ཚིག་ཚོགས།།
སོར་མོའི་རྩེ་རུ་ཡང་ཡང་འཁྱུག།
ཚེ་ནི་རྨི་ལམ་ཐེངས་གཅིག་སྟེ།།
ཡུན་རིང་རོལ་བའི་སྐལ་མེད་ཀྱང་།།
ལས་ཀྱིས་རྫོགས་ཚིག་མ་བྲིས་བར།།
དེ་སྲིད་མགུར་མའི་པང་དུ་འཁྱུད།།
སྨུག་པའི་རི་གྲོང་ཉམས་དགའ་རུ།།
རྒྱུད་དྲུག་པི་ཝང་དཀྲོལ་བའི་མི།།
སྙན་ངག་གོམ་སྟབས་བསྒྱུར་ཐེངས་རེར།།
ང་ཡི་ནང་སེམས་ཅིག་ཅར་འཕྲོགས།།
སྲོད་ཀྱི་སྐར་ཕྲན་མིག་མཐར་ལྷུང་།།
རྣམ་ཤེས་ཁེར་རྐྱང་དབྱངས་སུ་འདྲེས།།
བས་མཐའི་འཇིག་རྟེན་གང་ཞིག་ནས།།
སེམས་ཉིད་དགའ་བའི་གླུ་ཞིག་བླངས།།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།