དཔལ་མོའི་སྙན་ངག་གསར་པ། 《འཛད་ཀྱིན་པ་འདི་དག་གང་ལ་འཛད་སྲིད》



འཛད་ཀྱིན་པ་ནི་རི་རབ་ཀྱི་དཔུང་ཤ་མཐུག་པོ་རེད
ས་གཞི་ཡི་བྲང་གཞུང་ཆེན་པོའི་ཤོང་ཚད་རེད
ཉི་འོད་ཀྱིས་བལྡག་ནས་ཚར་ལ་ཉེ་བའི་ཁ་བ་རེད
མཐོ་སྒང་དུ་འཚོ་བའི་ལྷ་ཚོགས་ཀྱི་འཇིག་རྟེན་རེད

འཛད་ཀྱིན་པ་ནི་མཚོ་ནང་ལ་འཐིམ་པའི་ཁ་བའི་ལུག་ཁྱུ་རེད
དགུན་གྱི་གྲང་ངར་གྱིས་འཁེང་བའི་འབྲོང་གི་སྙིང་རུས་རེད
ཉི་ཟླའི་བཞུད་ལམ་ལ་འཐིབས་པའི་རླུང་ནག་འཚུབ་མ་རེད
གཞི་བདག་གིས་ཡུལ་ཕྱོགས་སྐྱོང་བའི་དཔའ་གདེང་རེད

འཛད་ཀྱིན་པ་ནི་ཨ་ཕའི་སྐད་ཆའི་ནང་གི་ཨང་ཀི་རེད
དབྱངས་གསལ་གྱི་སྲོག་ལ་ཀེར་བའི་ཚེག་དང་ཤད་རེད
ཀོ་རྒྱུན་རློན་པས་བཙེམ་པའི་ཞྭ་མོའི་ནང་གི་མུན་པ་རེད
སྐད་འཕྲིན་གྱི་ཕྱི་རོལ་ན་ཨ་ཐང་ཆད་པའི་སེམས་རེད

འཛད་ཀྱིན་པ་ནི་བདེན་ལམ་འཚོལ་བའི་དཔའ་སྙིང་རེད
སྟག་ཤར་ཚོའི་དཔའ་ཉམས་ཀྱིས་བརྡུངས་པའི་དགྲ་ལྷ་རེད
རྟ་མཆོག་གི་རྨིག་ཁ་ནས་ཐོར་བའི་ཟིལ་ཆུའི་མེ་ཏོག་རེད
གསེར་སྒའི་ཡོབ་ཆེན་ནོན་པའི་ཞབས་ཟུང་གི་རི་མོ་རེད

འཛད་ཀྱིན་པ་ནི་རང་གདེང་དང་དཀྱེལ་ཡངས་རེད
སྐྱེས་མ་ཚོའི་འདུ་ཤེས་ལ་ཐོགས་ཙམ་ཡང་མི་བྱེད་པར
སོ་སུམ་ཅུའི་བར་གྱི་ཕ་སྐད་ཀྱི་རྣམ་ཤེས་དྭངས་མོ་རེད
ངག་སྙན་མོའི་ནང་གི་ལ་གཞས་དང་གཏམ་དཔེ་རེད

འཛད་ཀྱིན་པ་ནི་བྱིས་པ་ཚོའི་མིག་ཟུང་གི་དྭངས་ཤ་རེད
མེ་ཏོག་གི་སྙིང་ཆུང་འདར་བའི་སྟེང་གི་ཟིལ་ཆུ་རེད
རིག་པ་ཐོས་པ་ལ་བརྡར་ཏེ་རྣོ་དབལ་ལྡུད་པའི་བློ་རེད
དུས་ཚོད་ཀྱིས་འཚིག་པའི་ལང་ཚོའི་བཞུར་ཤུགས་རེད

འཛད་ཀྱིན་པ་ནི་རླུང་ཁའི་དར་ལྕོག་དང་བདག་གི་སྐྲ་ལོ་རེད
འབྲོག་མོ་ཚོའི་མཁུར་ཚོས་ལ་བཞད་པའི་མེ་ཏོག་དམར་པོ་རེད
གནམ་མཐའི་སྔོ་བསང་ལ་འདྲེས་པའི་སྤང་དང་འབྲོག་སྡེ་རེད
བདག་གི་སྙིམ་པའི་ནང་ན་འཛར་བའི་བྱེ་མ་སྤར་གང་བོ་འདི་རེད

                          ༢༠༢༡/༡/༢༣མཚན་མོར།

རྩོམ་སྒྲིག་པ། དབང་མོ།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག   བཤེར་འཚོལ།བཤེར་འཚོལ།

དཔལ་མོའི་སྙན་ངག་གསར་པ། 《འཛད་ཀྱིན་པ་འདི་དག་གང་ལ་འཛད་སྲིད》

2021-01-24 དཔལ་མོ།(ལན་ཀྲུ) ཀློག་གྲངས། མཆན ཡོད།


འཛད་ཀྱིན་པ་ནི་རི་རབ་ཀྱི་དཔུང་ཤ་མཐུག་པོ་རེད
ས་གཞི་ཡི་བྲང་གཞུང་ཆེན་པོའི་ཤོང་ཚད་རེད
ཉི་འོད་ཀྱིས་བལྡག་ནས་ཚར་ལ་ཉེ་བའི་ཁ་བ་རེད
མཐོ་སྒང་དུ་འཚོ་བའི་ལྷ་ཚོགས་ཀྱི་འཇིག་རྟེན་རེད

འཛད་ཀྱིན་པ་ནི་མཚོ་ནང་ལ་འཐིམ་པའི་ཁ་བའི་ལུག་ཁྱུ་རེད
དགུན་གྱི་གྲང་ངར་གྱིས་འཁེང་བའི་འབྲོང་གི་སྙིང་རུས་རེད
ཉི་ཟླའི་བཞུད་ལམ་ལ་འཐིབས་པའི་རླུང་ནག་འཚུབ་མ་རེད
གཞི་བདག་གིས་ཡུལ་ཕྱོགས་སྐྱོང་བའི་དཔའ་གདེང་རེད

འཛད་ཀྱིན་པ་ནི་ཨ་ཕའི་སྐད་ཆའི་ནང་གི་ཨང་ཀི་རེད
དབྱངས་གསལ་གྱི་སྲོག་ལ་ཀེར་བའི་ཚེག་དང་ཤད་རེད
ཀོ་རྒྱུན་རློན་པས་བཙེམ་པའི་ཞྭ་མོའི་ནང་གི་མུན་པ་རེད
སྐད་འཕྲིན་གྱི་ཕྱི་རོལ་ན་ཨ་ཐང་ཆད་པའི་སེམས་རེད

འཛད་ཀྱིན་པ་ནི་བདེན་ལམ་འཚོལ་བའི་དཔའ་སྙིང་རེད
སྟག་ཤར་ཚོའི་དཔའ་ཉམས་ཀྱིས་བརྡུངས་པའི་དགྲ་ལྷ་རེད
རྟ་མཆོག་གི་རྨིག་ཁ་ནས་ཐོར་བའི་ཟིལ་ཆུའི་མེ་ཏོག་རེད
གསེར་སྒའི་ཡོབ་ཆེན་ནོན་པའི་ཞབས་ཟུང་གི་རི་མོ་རེད

འཛད་ཀྱིན་པ་ནི་རང་གདེང་དང་དཀྱེལ་ཡངས་རེད
སྐྱེས་མ་ཚོའི་འདུ་ཤེས་ལ་ཐོགས་ཙམ་ཡང་མི་བྱེད་པར
སོ་སུམ་ཅུའི་བར་གྱི་ཕ་སྐད་ཀྱི་རྣམ་ཤེས་དྭངས་མོ་རེད
ངག་སྙན་མོའི་ནང་གི་ལ་གཞས་དང་གཏམ་དཔེ་རེད

འཛད་ཀྱིན་པ་ནི་བྱིས་པ་ཚོའི་མིག་ཟུང་གི་དྭངས་ཤ་རེད
མེ་ཏོག་གི་སྙིང་ཆུང་འདར་བའི་སྟེང་གི་ཟིལ་ཆུ་རེད
རིག་པ་ཐོས་པ་ལ་བརྡར་ཏེ་རྣོ་དབལ་ལྡུད་པའི་བློ་རེད
དུས་ཚོད་ཀྱིས་འཚིག་པའི་ལང་ཚོའི་བཞུར་ཤུགས་རེད

འཛད་ཀྱིན་པ་ནི་རླུང་ཁའི་དར་ལྕོག་དང་བདག་གི་སྐྲ་ལོ་རེད
འབྲོག་མོ་ཚོའི་མཁུར་ཚོས་ལ་བཞད་པའི་མེ་ཏོག་དམར་པོ་རེད
གནམ་མཐའི་སྔོ་བསང་ལ་འདྲེས་པའི་སྤང་དང་འབྲོག་སྡེ་རེད
བདག་གི་སྙིམ་པའི་ནང་ན་འཛར་བའི་བྱེ་མ་སྤར་གང་བོ་འདི་རེད

                          ༢༠༢༡/༡/༢༣མཚན་མོར།

རྩོམ་སྒྲིག་པ། དབང་མོ།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།