དིང་རི་བ་དང་འཁྱག་པ།
ས་རྒྱུས་སུ་གལ་ཆེ་བའི་ལ་སྟོད་དིང་རི།
ལོ་རྒྱུས་སུ་ཤིན་ཏུ་གྲགས་ཆེ་བའི་དིང་རི་བ།
ཆོས་ལ་དད་པ་དང་།
ཟས་ལ་ལེན་པ་ཟེར་བ་ལྟར།
ཚེ་སྲོག་གི་ཟླ་བ་ཤར་ནས་འཇིག་པ་འུ་ཚོའི་ཕ་ཆོས་ཡིན།
རྒྱ་གར་ཕ་དམ་པའི་གདུལ་བྱ་ཧ་ཅང་རྒྱས་ས།
སློབ་མ་ཀུན་དགའ་སོགས་བློ་སྙིང་བྲང་གསུམ་ཆོས་ལ་གཏོད་ས།
ལོ་ངོ་སྟོང་ཕྲག་གཅིག་གི་གོང་ལ།
དིང་རི་བ་མང་པོ་ཐར་བའི་ལམ་ལ་བཀོད་རབས།
དགེ་རྒན་གྱི་ཞལ་གདམས་ཁྲོད་ནས་ཐོས་མྱོང་།
དིང་རི་བའི་ཕྱེད་ཀའི་ཕྱེད་ཀ་སངས་རྒྱས་རབས་ཀྱང་།
དཔེ་ཀློག་དང་ཉན་ཐོས་བར་ནས་རྙེད་མྱོང་།
ཆོས་ཀྱི་བཙན་ས།
ས་བབས་ཀྱི་མཐོ་ས།
བོད་ཁ་བ་ཅན་གྱི་དིང་རི་བ།
རྒྱ་གར་འཕགས་པའི་ཡུལ་གྱི་ཕ་ཆོས་ཀྱི་གོ་ཁྲབ་ཡོད་ས།
ཕ་གཅིག་རྗེ་བཙུན་དམ་པ་སངས་རྒྱས་ཀྱི་དིང་རི་བརྒྱ་རྩ་མའི་རྨོག་ཞུ་ཡོད་ས།
མ་གཅིག་ལབ་ཀྱི་སྒྲོན་མེའི་ཞི་བྱེད་གཅོད་ཀྱི་གདམས་པ་ཡོད་ས།
གློ་བུར་དུ། དིང་རི་ལ།
ན་ཚ་མེད་པར་འབྱུང་བ་འཁྲུག་པ་ག་རེ་ཡིན་ནམ།
གློ་བུར་དུ། དིང་རི་ལ།
བྱས་ཉེས་མེད་པར་རྡུལ་འཚུབ་འཕྱུར་དོན་ག་རེ་ཡི་ནམ།
གློ་བུར་དུ། དིང་རི་ལ།
སྙིང་རྗེ་མེད་པར་ས་འགུལ་ལངས་དོན་ག་རེ་ཡིན།
འདུས་བྱས་མི་རྟག་པའི་སྒྱུ་མའི་ལུས་པོ་འདི་ས་རྡོ་རྩིག་མ་ཡིན།
འཇིག་རྟེན་བྱ་བ་ཀུན་བྱེ་མ་སྤར་མོ་གང་ཅི་བྱས་དོན་མེད་ཡིན།
ཐམས་ཅད་གཡར་མའི་ནོར་མི་རྟག་སྐད་ཅིག་གི་ཚེ་འདི་རྨི་ལམ་ཡིན།
སྐྱེ་འཆིའི་ཤིང་ཟམ་ལ་འདུ་འབྲལ་བཙན་པོའི་ས་ཞག་སྡོད་མགྲོན་པོ་ཡིན།
འབྱུང་བཞིའི་གོད་ཆགས་ལ་བརྩེ་བ་མེད་ན་ཡང་།
མི་ཡུལ་གྱི་གདུང་སེམས་མཉམ་བསྐྱེད་ལ།
བྱམས་དང་སྙིང་རྗེ་ཡི་དྲོད་ཀྱི་ཁེབས་མ་ཡོད།
དགུན་ཟླ་ཐ་མའི་གྲང་ངར་ཁྲོད་སྐྱེས་པའི་སྡུག་གི་ཚེར་མ་ནི།
མཆེ་བ་ཇི་བཞིན་སྙིང་ལ་གཙིགས་ན་ཡང་། སྡེར་མོ་ཇི་བཞིན་བྲང་ལ་བགྲད་ན་ཡང།
རང་ཉིད་རང་གི་གནས་སུ་བསྡད་དེ་སེམས་པ་ནང་ལ་བསྡུས་དང་།
དིང་རི་བརྒྱ་རྩ་མའི་སྲིད་ཞིའི་བསླབ་བྱ་ཡོད།
བོད་ཁ་བ་ཅན་གྱི་དིང་རི་བ།
2025.1.9ཞོགས་པར་ཆུ་མིག་དཀར་པོའི་གན་དུ་བཏབ།
རྩོམ་སྒྲིག་པ། ལྷ་སྐྱིད།
ལོ་རྒྱུས་སུ་ཤིན་ཏུ་གྲགས་ཆེ་བའི་དིང་རི་བ།
ཆོས་ལ་དད་པ་དང་།
ཟས་ལ་ལེན་པ་ཟེར་བ་ལྟར།
ཚེ་སྲོག་གི་ཟླ་བ་ཤར་ནས་འཇིག་པ་འུ་ཚོའི་ཕ་ཆོས་ཡིན།
རྒྱ་གར་ཕ་དམ་པའི་གདུལ་བྱ་ཧ་ཅང་རྒྱས་ས།
སློབ་མ་ཀུན་དགའ་སོགས་བློ་སྙིང་བྲང་གསུམ་ཆོས་ལ་གཏོད་ས།
ལོ་ངོ་སྟོང་ཕྲག་གཅིག་གི་གོང་ལ།
དིང་རི་བ་མང་པོ་ཐར་བའི་ལམ་ལ་བཀོད་རབས།
དགེ་རྒན་གྱི་ཞལ་གདམས་ཁྲོད་ནས་ཐོས་མྱོང་།
དིང་རི་བའི་ཕྱེད་ཀའི་ཕྱེད་ཀ་སངས་རྒྱས་རབས་ཀྱང་།
དཔེ་ཀློག་དང་ཉན་ཐོས་བར་ནས་རྙེད་མྱོང་།
ཆོས་ཀྱི་བཙན་ས།
ས་བབས་ཀྱི་མཐོ་ས།
བོད་ཁ་བ་ཅན་གྱི་དིང་རི་བ།
རྒྱ་གར་འཕགས་པའི་ཡུལ་གྱི་ཕ་ཆོས་ཀྱི་གོ་ཁྲབ་ཡོད་ས།
ཕ་གཅིག་རྗེ་བཙུན་དམ་པ་སངས་རྒྱས་ཀྱི་དིང་རི་བརྒྱ་རྩ་མའི་རྨོག་ཞུ་ཡོད་ས།
མ་གཅིག་ལབ་ཀྱི་སྒྲོན་མེའི་ཞི་བྱེད་གཅོད་ཀྱི་གདམས་པ་ཡོད་ས།
གློ་བུར་དུ། དིང་རི་ལ།
ན་ཚ་མེད་པར་འབྱུང་བ་འཁྲུག་པ་ག་རེ་ཡིན་ནམ།
གློ་བུར་དུ། དིང་རི་ལ།
བྱས་ཉེས་མེད་པར་རྡུལ་འཚུབ་འཕྱུར་དོན་ག་རེ་ཡི་ནམ།
གློ་བུར་དུ། དིང་རི་ལ།
སྙིང་རྗེ་མེད་པར་ས་འགུལ་ལངས་དོན་ག་རེ་ཡིན།
འདུས་བྱས་མི་རྟག་པའི་སྒྱུ་མའི་ལུས་པོ་འདི་ས་རྡོ་རྩིག་མ་ཡིན།
འཇིག་རྟེན་བྱ་བ་ཀུན་བྱེ་མ་སྤར་མོ་གང་ཅི་བྱས་དོན་མེད་ཡིན།
ཐམས་ཅད་གཡར་མའི་ནོར་མི་རྟག་སྐད་ཅིག་གི་ཚེ་འདི་རྨི་ལམ་ཡིན།
སྐྱེ་འཆིའི་ཤིང་ཟམ་ལ་འདུ་འབྲལ་བཙན་པོའི་ས་ཞག་སྡོད་མགྲོན་པོ་ཡིན།
འབྱུང་བཞིའི་གོད་ཆགས་ལ་བརྩེ་བ་མེད་ན་ཡང་།
མི་ཡུལ་གྱི་གདུང་སེམས་མཉམ་བསྐྱེད་ལ།
བྱམས་དང་སྙིང་རྗེ་ཡི་དྲོད་ཀྱི་ཁེབས་མ་ཡོད།
དགུན་ཟླ་ཐ་མའི་གྲང་ངར་ཁྲོད་སྐྱེས་པའི་སྡུག་གི་ཚེར་མ་ནི།
མཆེ་བ་ཇི་བཞིན་སྙིང་ལ་གཙིགས་ན་ཡང་། སྡེར་མོ་ཇི་བཞིན་བྲང་ལ་བགྲད་ན་ཡང།
རང་ཉིད་རང་གི་གནས་སུ་བསྡད་དེ་སེམས་པ་ནང་ལ་བསྡུས་དང་།
དིང་རི་བརྒྱ་རྩ་མའི་སྲིད་ཞིའི་བསླབ་བྱ་ཡོད།
བོད་ཁ་བ་ཅན་གྱི་དིང་རི་བ།
2025.1.9ཞོགས་པར་ཆུ་མིག་དཀར་པོའི་གན་དུ་བཏབ།
རྩོམ་སྒྲིག་པ། ལྷ་སྐྱིད།
རྩོམ་ཁུངས། ངེད་དྲ་བ།