ནམ་མཁའ་མཚོ་མོ།

1
ནམ་མཁའ་མཚོ་མོའི་ལ་གཞས་ཅིག་གིས་ང་ཡི་སེམས་པ་ཕྲོགས་སོང
ངས་སྲོག་གིས་བཟོས་པའི་ཐ་སྙད་དག་བསྒྲིགས་ཏེ
ནམ་མཁའ་མཚོ་མོ་གཞས་ཚིག་ཅིག་གི་ནང་དུ་བཅུག
སྐད་འཕྲིན་ལས་ལབ་གླེང་ཉུང་དྲགས་ཀྱང་
ནམ་མཁའ་མཚོ་མོའི་སྐད་ཆར་བསྐྱར་ཉན་ནས་བསྐྱར་ཉན་བྱས
ལ་གཞས་དག་ལ་བསྐྱར་ཉན་ནས་བསྐྱར་ཉན་བྱས
གླང་རྫིའི་དོར་ཐུང་དང
རས་ཀྱི་ནུ་ཐུམ
གཡང་ཌིའི་རྣ་ལུང་གི་ལེགས་སྐྱེས་སོགས་ལ
བདག་པོ་བརྒྱབ་སྟེ
མོའི་འཚོ་བའི་སྐད་ཅིག་མ་རེ་རེར་སྐྱིད་སྣང་སྟེར་དགོས
ཐོ་ཡོ་ཐ་ཡི་རྟགས་མའི་མོ་ཊའི་ནང་བུད་ནས
གནའ་མཁར་ཟི་ལིང་གི་གློག་བརྙན་ཁང་ནས
ཉི་ཧོང་གི་གློག་བརྙན་དག་ལ་མཉམ་གཅིག་ཏུ་བལྟ་འདོད
དགུན་གཞུང་གི་ཟི་ལིང་ནས
མཉམ་གཅིག་ཏུ་མངར་ཇའང་བཏུང་འདོད
2
རི་ཀླུང་གི་ལྷིང་འཇགས་ལ
ལ་གཞས་ཀྱི་གཟུངས་སྔགས་འཇོག་མཁན
ནམ་མཁའ་ལྷ་མོ་མ་རེད
མཚོ་ནང་ཀླུ་མོ་མ་རེད
འབྲོག་མོ་རེད
འབྲོག་མོ་ནམ་མཁའ་མཚོ་མོ་རེད
ལ་གཞས་ཀྱི་ཁ་ཚིག་དག་པའི་ནམ་མཁའ་མཚོ་མོ་རེད
ལ་གཞས་ཀྱི་འགྱུར་ཁུགས་སྙན་པའི་ནམ་མཁའ་མཚོ་མོ་རེད
ཨ། ནམ་མཁའ་མཚོ་མོ
ནམ་མཁའ་མཚོ་མོའི་ལ་གཞས་དབྱངས་ཀྱི་གཤོག་པ་རུ་གྱུར
གངས་རིའི་དབུ་འཕང་མཐོ་ནས་མཐོ་རུ་བསྟད
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།