གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མཚན་ཕྱེད།

2012-05-31 12:42:00 ཆོས་ཤུལ་གསང་བདག ཀློག་གྲངས། མཆན ཡོད།


མུན་རུབ་མ་ཐག  
རྒྱང་རིང་དེ་འོད་སྣང་དུ་སྒོམ་ནའང
མུན་པ་ཤ་དང་རུས་པའི་གསེང་དུ་འཐིམས
འོ་དོད་འཐེན་པས་ཅི་ཕན
མེ་གཏིང་ཤིག་འབྲུ་འདྲ་བོ  
ཉི་འོད་ལྟར་འཕྲོ་བར་གྱིས

རང་ལ་གཏོགས་པའི་ཉི་འོད
འཕྲོགས་པར་དོགས་པའི་འཚེར་སྣང
ཚེར་མ་ལྟར་སེམས་སུ་ཟུག
རྨི་ལམ་གྱི་གཞོགས་སུ་འཁྲིགས་པའི་བསམ་ཡན
རླུང་བུའི་རྒྱུ་ཕྱོགས་སུ་འགྲོགས

ལ་རྒྱ་རྩམ་ཁུག་འདྲ་བོ་རླུང་ཁར་ཟད
འདུན་པ་ལྗོན་ཤིང་ལྟ་བུ་བཙག་གིས་བསྡམས
མུན་པའི་གསེང་བསྲིངས་ཡོང་བའི་ལག་པ་མང་བོ
མཚེར་ཤུལ་དུ་ལུས་པའི་ཀེང་རུས་ལྟར
སྐྱ་སང་སིང་དུ་གྱུར

ཟླ་འོད་ཀྱིས་མུན་པའི་ཡོལ་བ་ཕྱེས་དང
སྐར་ཚོགས་ཀྱིས་རྨི་ལམ་ལ་དབུ་འཁྱུད་འཕྲིས་དང
ང་རང་ཁེར་རྐྱང་མིན  མཚན་མོ་ལྟ་བུ་མིན
གསོན་སྙིང་འདོད   འོད་དང་འདྲ་བར་གསོན་སྙིང་འདོད

གློག་འོད་ལམ་ལམ་འཚེར་བའི་གཞོགས་སུ
རྟ་ཕོའི་འཚེར་སྐད་ཡལ་ཅིང
སྤང་ཐང་གི་ལྷིང་འཇགས་གཏོར
མཚན་ཕྱེད་འདས་རྗེས
རྡོག་སྒྲས་ས་གཞི་འགུལ་ཞིང
ཀི་སྒྲས་བར་སྣང་ཁེངས
       སྤྱི་ལོ་༢༠༡༢ལོའི་ཟླ༥པའི་ཚེས་༡༩དགོང་མོ་རང་མགྲོན་ཁང་དུ་སྦྱར།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།