གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྣང་བ་རང་སར་གྲོལ་དུས།

2018-01-18 13:59:47 ཀླུ་པད་བཟང་།(དཀར་མཛེས) ཀློག་གྲངས། མཆན ཡོད།

8BB1D1CA-2163-40B0-A75F-DAAD8383A1E6-410-0000006AF8B93749_tmp.JPG

ཕྱོགས་བཞིའི་ནགས་ཚལ་མེ་ཡིས་ཚིག་ཀྱང་ཆོག
དུས་མཐའི་སྐྲ་དཀར་འཇག་མ་གཅིག་གིས
ལུ་གུ་དཀར་དཀར་དག་ལ་ལྷས་ར་བསྐོར་ཡོད
སྲོག་མི་གཅོད་པའི་དགེ་ཁྲིམས་ཀྱི་འོག་ཏུ
པགས་རྩག་གྱོན་པའི་གཞོན་ནུ་མས
བག་ཡངས་ཀྱི་རྨི་ལམ་རྩྭ་ཐང་མཐའ་རུ་བསྡུས

ཨ་ཕས་རྐང་མར་གདུས་ནས་གསོ་མྱོང་བའི
ལུ་གུ་དཀར་དཀར་ཤིན་ཏུ་ཤིན་ཏུ་ཆུང་བ་ཞིག
ཉི་འོད་ནུར་བའི་རྒྱབ་རི་ལས་མར་འབབ་བཞིན
ལོ་ངོ་དུ་མའི་སྔོན་གྱི་ཐག་པ་རིང་མོ་སྐེ་ལ་དྲུད་འདུག
ཨ་མ་ལགས་ཀྱི་རྒས་ཤིང་འཁོགས་པའི་ལག་མཐིལ་ནས
ཆུ་བུར་མིག་གིས་མཐོང་བ་དག་ག་ལེར་འཛད་འགྲོ

ས་གཞིའི་ཤུན་ལྤགས་དེ་རང་ཁྱིམ་གྱི་སྦྲ་ནག་དང་འདྲ་བར
ཨ་མའི་སེམས་གཅོང་གི་བར་ནས་ལྷུང་བ་དེས
གདོད་མའི་མཛེས་སྡུག་གི་ལུག་ཁྱུ་གཞན་ཞིག་དྲན་པར་བྱེད
སྒྱུ་མ་མཁན་གྱི་བློ་རིག་ལས་བྱུང་བའི་བདུག་སྤོས་དེ
གྲྭ་བཙུན་ཞིག་གིས་སྣོམ་བཞིན་རིགས་མཐུན་གྱི་ཁྲོད་དུ
ང་དང་ཨ་མའི་བར་གྱི་འབྲེལ་བ་ནི
ནོར་ལུག་གི་རུས་གསེང་དུ་ཐིམ་ཡོད་རབས་གླེང་སོང་།

                        2017. 6. 22

རྩོམ་སྒྲིག་པ། གངས་དགའ།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།