བཤེར་འཚོལ།
སེམས་པ་འཁྲེན་ས།
ལམ་ལ་ཆས་དུས ཁོང་མོའི་མིག་ཟུང་ལས་རླུང་བུ་ལྡང་གིན་འདུག
དཔྱིད་རླུང་བསིལ་བསིལ་ཁྲོད ང་རང་གཞི་ནས་ཕ་ཡུལ་ལ་སླེབས་བྱུང
ཕ་ཡུལ་ནས ང་རང་སྙིང་ཉེ་བའི་ཡུལ་མི་མང་པོ་ཞིག་དང་མཇལ་བྱུང
ཕ་ཡུལ་ནས གོམ་འདྲིས་སུ་སོང་བའི་ལམ་ཕྲན་དང་གཙང་བོ་དག་མཇལ་བྱུང
ཕ་ཡུལ ཉི་འོད་ལམ་ལམ་ཁྲོད་རྔམ་རྔམ་གྱིས་འགྱིང་འདུག
ཕ་ཡུལ ཟླ་འོད་བསིལ་བསིལ་ཁྲོད་ཁུ་སིམ་མེར་གཟིམ་འདུག
ཡིན་ནའང ངས་ཕ་ཡུལ་ནས་ཁྱེད་ཕྱོགས་སུ་འཕྲིན་པ་མང་དག་ཅིག་རླུང་ལ་བསྐུར
སྒེའུ་ཁུང་ཕྱི་རོལ་གྱི་ལྕང་མའི་ལྗོན་པའང་ཉི་འོད་ཀྱི་འོག་ཏུ་འགྲེང་འདུག
ཉི་མའི་འོད་ཟེར་ཡལ་གའི་མཛུབ་བར་ནས་ཡུན་རིང་ལ་འབར་རྗེས
ལོ་མ་དང་ལྕུག་ཕྲན ལྗང་མདོག་གིས་གསོན་ཞིང་ཚེ་སྲོག་གི་ཐོག་མ་འབུས་འགོ་བརྩམས
ཕ་ཡུལ སྡོང་མགོ་ན་གོར་གོར་དུ་བཅས་པའི་བྱེའུ་ཚང་རྙིང་ཧྲིལ་ཞིག་དང་འདྲ་ཨང
ཕ་ཡུལ སྡོང་རྩ་ན་དྲ་བ་དྲ་ཕྱེད་དུ་འཐེན་པའི་སྡོམ་རྒྱ་ཞིག་རོ་ཞིག་དང་འདྲ་ཨང
ཕ་ཡུལ་ནས་ཁྱེད་དང་མཇལ་མི་སྲིད་པའི་ཉིན་ཞག་དག སེམས་སུ་རླུང་བུ་ལྡང་ཐེངས་རེ་རེ་ཡིན
དཔྱིད་ཀ་མང་པོ་ཞིག་འདས་རྗེས་སླར་ཡང་དཔྱིད་ཀ་གཞན་ཞིག་ཚེས་དུས་ཤིག་ལ
འུ་ཉིས་སླར་ཡང་ལྗོན་རྩ་དེ་རུ་མེ་ཏོག་ཆ་གཅིག་ལྟ་བུར་བཞད་སྲིད་དམ
ཡང་ན་དཔྱིད་ཀ་འདས་རྗེས་ཀྱི་སྟོན་དུས་ཤིག་ལ
འུ་ཉིས་གསེར་མདོག་གི་ལོ་མ་ནང་བཞིན་བསིལ་རླུང་གི་ཁྲོད་ནས་སྡོང་རྩ་དེ་རུ་འབབ་སྲིད་དམ
ལམ་ལ་ཆས་དུས དཔྱིད་རླུང་བསིལ་བསིལ་ལྡང་གིན་འདུག
ལམ་ལ་ཆས་དུས དྲན་པ་ཁོ་ན་ལྷོག་ལྷོག་འགུལ་གྱིན་འདུག
ལམ་ལ་ཆས་དུས ཁོང་མོའི་མིག་ཟུང་ལས་རླུང་བུ་ལྡང་གིན་འདུག
༢༠༢༥ ༦ ༡༦ ཉིན།
རྩོམ་སྒྲིག་པ། གངས་དགའ།
དཔྱིད་རླུང་བསིལ་བསིལ་ཁྲོད ང་རང་གཞི་ནས་ཕ་ཡུལ་ལ་སླེབས་བྱུང
ཕ་ཡུལ་ནས ང་རང་སྙིང་ཉེ་བའི་ཡུལ་མི་མང་པོ་ཞིག་དང་མཇལ་བྱུང
ཕ་ཡུལ་ནས གོམ་འདྲིས་སུ་སོང་བའི་ལམ་ཕྲན་དང་གཙང་བོ་དག་མཇལ་བྱུང
ཕ་ཡུལ ཉི་འོད་ལམ་ལམ་ཁྲོད་རྔམ་རྔམ་གྱིས་འགྱིང་འདུག
ཕ་ཡུལ ཟླ་འོད་བསིལ་བསིལ་ཁྲོད་ཁུ་སིམ་མེར་གཟིམ་འདུག
ཡིན་ནའང ངས་ཕ་ཡུལ་ནས་ཁྱེད་ཕྱོགས་སུ་འཕྲིན་པ་མང་དག་ཅིག་རླུང་ལ་བསྐུར
སྒེའུ་ཁུང་ཕྱི་རོལ་གྱི་ལྕང་མའི་ལྗོན་པའང་ཉི་འོད་ཀྱི་འོག་ཏུ་འགྲེང་འདུག
ཉི་མའི་འོད་ཟེར་ཡལ་གའི་མཛུབ་བར་ནས་ཡུན་རིང་ལ་འབར་རྗེས
ལོ་མ་དང་ལྕུག་ཕྲན ལྗང་མདོག་གིས་གསོན་ཞིང་ཚེ་སྲོག་གི་ཐོག་མ་འབུས་འགོ་བརྩམས
ཕ་ཡུལ སྡོང་མགོ་ན་གོར་གོར་དུ་བཅས་པའི་བྱེའུ་ཚང་རྙིང་ཧྲིལ་ཞིག་དང་འདྲ་ཨང
ཕ་ཡུལ སྡོང་རྩ་ན་དྲ་བ་དྲ་ཕྱེད་དུ་འཐེན་པའི་སྡོམ་རྒྱ་ཞིག་རོ་ཞིག་དང་འདྲ་ཨང
ཕ་ཡུལ་ནས་ཁྱེད་དང་མཇལ་མི་སྲིད་པའི་ཉིན་ཞག་དག སེམས་སུ་རླུང་བུ་ལྡང་ཐེངས་རེ་རེ་ཡིན
དཔྱིད་ཀ་མང་པོ་ཞིག་འདས་རྗེས་སླར་ཡང་དཔྱིད་ཀ་གཞན་ཞིག་ཚེས་དུས་ཤིག་ལ
འུ་ཉིས་སླར་ཡང་ལྗོན་རྩ་དེ་རུ་མེ་ཏོག་ཆ་གཅིག་ལྟ་བུར་བཞད་སྲིད་དམ
ཡང་ན་དཔྱིད་ཀ་འདས་རྗེས་ཀྱི་སྟོན་དུས་ཤིག་ལ
འུ་ཉིས་གསེར་མདོག་གི་ལོ་མ་ནང་བཞིན་བསིལ་རླུང་གི་ཁྲོད་ནས་སྡོང་རྩ་དེ་རུ་འབབ་སྲིད་དམ
ལམ་ལ་ཆས་དུས དཔྱིད་རླུང་བསིལ་བསིལ་ལྡང་གིན་འདུག
ལམ་ལ་ཆས་དུས དྲན་པ་ཁོ་ན་ལྷོག་ལྷོག་འགུལ་གྱིན་འདུག
ལམ་ལ་ཆས་དུས ཁོང་མོའི་མིག་ཟུང་ལས་རླུང་བུ་ལྡང་གིན་འདུག
༢༠༢༥ ༦ ༡༦ ཉིན།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།