བཤེར་འཚོལ།
ཚེས་མ་ཐུབ་པའི་ཟླ་བ་དེ་ཁྱོད་རང་ཡིན་ནམ།
དུས་ཚོད་ཀྱི་ཕ་མཐར་བསྙེགས་པའི་སྤྲིན་ཕུང་དེ་ལས
ཚེས་མ་ཐུབ་པའི་ཟླ་བ་ཞིག་རབ་རིབ་ཏུ་འཚེར
ངང་སྒུག་དང་རྒྱུན་རིང་བའི་རྨི་ལམ་གྱི་ཤུལ་དུ
དཔྱིད་ཀ་གྲངས་མེད་ཅིག
སྐབས་འགར་ཆུ་ཐིགས་བཞིན་ས་ལ་ལྷུང་འགྲོ
སྙིང་གཟེར་མེད་པའི་དུས་ཚོད་དག་སྐྱིད་སྣང་རེ་བསམས་ན
ཁྱོད་ཀྱིས་ཕ་ཡུལ་དྲན་པའི་གདུང་བ་ཡང་མོ་དེའི
ཕྱེད་ཀ་ཙམ་ཞིག་སུ་དང་གང་གིས་མྱོང་དུ་ཡོད་ནའང
ས་ལ་འཕོ་བའི་དབང་ཐང་དང་བརྩེ་དུང་ཡོངས་སུ་དོར་མི་འདུག
མདོག་ཉེས་པའི་སྐྱེ་བོ་དེ་འཁྲུལ་སྣང་གི་ཀློང་དུ་སིམ
རྐྱེན་སྣང་གང་ཞིག་གིས་ཡིན་ནམ
དུས་ཚོད་ཀྱི་ངལ་དུབ་དང་སུན་སྣང་དལ་བ་ལ
རྨི་ལམ་གྱི་གཟེབ་དྲ་རུ་ཚུད་པའི་ཀོ་གྲུ་དེ
ཅི་ཞིག་མཐོང་འདོད་པ་བཞིན་རྣམ་ཤེས་འཁྱག་པ་ཞིག་དྲུད་དེ
ཁྱོད་ཀྱིས་མིག་ཟུང་འབྱེད་ཙམ་བྱེད་པའི་སྐད་ཅིག་ལ
རྡུལ་འཚུབ་གཞན་ཞིག་གིས་མི་སྣང་བར་གྱུར
ཁྱོད་ཀྱིས་ནག་རོག་རོག་གི་ཡིག་འབྲུ་དེ་ཚོ་ལས
དུས་ཚོད་སྟོང་པའི་ནང་གི་རང་ཉིད་ནད་པ་བཙལ
འཇིག་རྟེན་འདིར་ཅི་ཡང་མི་འདུག་སྙམ་ན
སྐད་ཅིག་ཙམ་རྟག་པའི་རྨི་ལམ་གྱི་བདེ་བའང
འཐོར་བཞིན་པ་ཙམ་མོ།།
རྩོམ་སྒྲིག་པ། དབང་མོ།
ཚེས་མ་ཐུབ་པའི་ཟླ་བ་ཞིག་རབ་རིབ་ཏུ་འཚེར
ངང་སྒུག་དང་རྒྱུན་རིང་བའི་རྨི་ལམ་གྱི་ཤུལ་དུ
དཔྱིད་ཀ་གྲངས་མེད་ཅིག
སྐབས་འགར་ཆུ་ཐིགས་བཞིན་ས་ལ་ལྷུང་འགྲོ
སྙིང་གཟེར་མེད་པའི་དུས་ཚོད་དག་སྐྱིད་སྣང་རེ་བསམས་ན
ཁྱོད་ཀྱིས་ཕ་ཡུལ་དྲན་པའི་གདུང་བ་ཡང་མོ་དེའི
ཕྱེད་ཀ་ཙམ་ཞིག་སུ་དང་གང་གིས་མྱོང་དུ་ཡོད་ནའང
ས་ལ་འཕོ་བའི་དབང་ཐང་དང་བརྩེ་དུང་ཡོངས་སུ་དོར་མི་འདུག
མདོག་ཉེས་པའི་སྐྱེ་བོ་དེ་འཁྲུལ་སྣང་གི་ཀློང་དུ་སིམ
རྐྱེན་སྣང་གང་ཞིག་གིས་ཡིན་ནམ
དུས་ཚོད་ཀྱི་ངལ་དུབ་དང་སུན་སྣང་དལ་བ་ལ
རྨི་ལམ་གྱི་གཟེབ་དྲ་རུ་ཚུད་པའི་ཀོ་གྲུ་དེ
ཅི་ཞིག་མཐོང་འདོད་པ་བཞིན་རྣམ་ཤེས་འཁྱག་པ་ཞིག་དྲུད་དེ
ཁྱོད་ཀྱིས་མིག་ཟུང་འབྱེད་ཙམ་བྱེད་པའི་སྐད་ཅིག་ལ
རྡུལ་འཚུབ་གཞན་ཞིག་གིས་མི་སྣང་བར་གྱུར
ཁྱོད་ཀྱིས་ནག་རོག་རོག་གི་ཡིག་འབྲུ་དེ་ཚོ་ལས
དུས་ཚོད་སྟོང་པའི་ནང་གི་རང་ཉིད་ནད་པ་བཙལ
འཇིག་རྟེན་འདིར་ཅི་ཡང་མི་འདུག་སྙམ་ན
སྐད་ཅིག་ཙམ་རྟག་པའི་རྨི་ལམ་གྱི་བདེ་བའང
འཐོར་བཞིན་པ་ཙམ་མོ།།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།