གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

པ་སངས་ལགས།

2009-11-14 09:57:00 གངས་བུ་དགའ་སྐྱེད། ཀློག་གྲངས། མཆན ཡོད།

བོད་ལྗོངས་ན་ཡིད་ཀྱི་དྲན་པ་རྐུ་བའི་གླུ་མ་ཤིན་ཏུ་མང་ཞིང་པ་སངས་ནི་དེའི་གྲས་ཀྱི་གཅིག་ཡིན།

གླུ་སྐད་མཁའ་མཐའི་སྤྲིན་གསེབ་ནས་བཞུར་ཡོང་།

ངའི་བྲང་སྙིང་གི་ཕྱེད་ཀ་བརླན་གྱིས་བཟུང་།

 

ཐག་རིང་ནས།

རླུང་རྟ་ལེབ་མོ་ཁ་བའི་འདབ་མར་འཚུབ།

ལ་རྩེའི་དར་ལྕོག་དང་ཨ་མས།

ཁྱོད་ཀྱི་སློབ་གྲྭ་གྲོལ་བའི་ལམ་སྣེ་སྲུང་ཡོད།

པ་སངས་ལགས།

 

མཚོ་སྐོར་གྱི་ལམ་ན་རླུང་བུའི་རྣམ་ཤེས་རྒྱུ་ལ།

སྨོན་འདུན་ཁྱེར་བའི་ཁྲུང་ཁྲུང་ཞིག་ལྷོ་རུ་འཕུར།

དེ་ནས་བཟུང་།

ཟླ་ངོགས་ལ་འཁོར་བའི་ཁང་མིག་དེར།

རྫ་ཆུའི་དབྱངས་སྙན་གྱི་བྲག་ཅ་གཉིད་རྒྱུ་མེད།

 

ཁྱེད་རང་བགད་མྱོང་ལ་ངུས་པའང་གྲངས་མེད།

བདག་ཁྱོད་ལ་རྒྱུས་མངའ་མེད་ན་ཡང་།

ངས་ཁྱོད་ཀྱི་གཏམ་རྒྱུད་བྲིས་ཆོག

པ་སངས་ལགས།

 

མི་ཚེ་ནི་དཀའ་སྡུག་གི་འགྲུལ་བཞུད་ཐེངས་ཤིག་སྟེ།

ཡོད་ཚད་འཇའ་གཟུགས་ཀྱིས་མངོན་ཞིང་ཡལ་དུས།

ད་གཟོད་རང་རང་གི་མགྲིན་ངག

ཨ་མར་ལྷག་བསམ་འབུལ་བའི་ཉེ་ལམ་ཙམ་ཨེ་ཡིན།

དམག་ལྭ་ལྗང་སེར་གྱོན་པའི་པ་སངས་ལགས།

 

རྩོམ་ཁུངས། ༡༩༩༡ལོའི་གངས་རྒྱན་མེ་ཏོག

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།