གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྒྲ་མེད་པའི་གོམ་སྒྲ།

2012-07-08 11:07:00 ཐེ་ཀོར། ཀློག་གྲངས། མཆན ཡོད།


ཁྱེད་ཀྱིས་ཁོས་སྒྲ་མེད་པའི་གོམ་སྟབས་དེ་ཐོས་སམ།
ཁོ་ཡོང་ཀྱིན་འདུག ཡོད་ཀྱིན་འདུག མཚམས་མི་འཇོག་པར་ཡོང་གི་འདུག

སྐད་ཅིག་མ་རེ་རེ      ལོ་རབས་རེ་རེ
ཉིན་དང་མཚན་མོ་རེ་རེར  ཁོ་ཡོང་ཀྱིན་འདུག
ཡོང་ཀྱིན་འདུག   
མཚམས་མི་འཇོག་པར་ཡོང་གི་འདུག

སེམས་ཁམས་ཤིན་ཏུ་རྙོག་འཛིང་ཡིན་པའི་སྐབས་སུ
ངས་གླུ་དབྱངས་མང་པོ་བླངས་མྱོང
འོན་ཀྱང འདི་དག་གི་དབྱངས་འགྲོས་རེ་རེའི་ནང
ནམ་རྒྱུན་འདི་ལྟར་བསྒྲགས་ཀྱིན་འདུག
ཁོ་ཐོན་ཐལ། ཐོན་ཐལ། མཚམས་མི་འཇོགས་པར་ཐོན་ཐལ།

ཉི་འོད་དྭངས་ཤིང་གསལ་ལ།
དྲི་བསུང་ཕྱོགས་བཞིར་ཁྱབ་པའི་ཟླ་བཞི་བར།
ཁོས་ནགས་ཚལ་ཁྲོད་ཀྱི་ལམ་བུ་བརྒལ་ནས་ཐོན་ཐལ།
ཐོན་གྱིན་འདུག

མུན་མདངས་ཀྱི་ཟླ་བདུན་པར།
ཆར་ཞོད་ཆེ་བའི་མཚན་མོར
ཁོ་ནག་སྣུམ་གྱི་སྤྲིན་ཚོམ་དུ་ཞུགས་ནས་ཡོང་ཀྱིན་འདུག
ཁོ་ཡོང་ཕོད་དམ      ཁོ་ཡོང་ཕོད་དམ

ཁོས་སྡུག་བསྔལ་གྱི་རྒྱུན་བསྲིངས་སྟེ
གོམ་སྟབས་དེ་ངའི་སེམས་སུ་བཞག་རྗེས
ཁོས་གསེར་མདོག་ལྟ་བུའི་ཞབས་ཟུང་གཉིས་ཀྱིས
ངའི་ཚེ་སྲོག་གི་བདེ་སྐྱིད་མ་ལུས་གསེར་མདོག་གིས་བྱུགས
 
       གདོང་དང་གདོང་གཏད་དེ།
ཉིན་རེ་ནས་ཉིན་རེ་འདས་རྗེས
ཀྱེ     བདག་གི་མགོན་སྐྱབས་ཡ།
ངས་ལག་ཟུང་ཐལ་མོ་སྦྱར་ཏེ
ང་རང་ཁྱེད་ཀྱི་གདོང་དང་གདོང་གཏད་དེ་འགྲེང་ཆོག་གམ

ཀྱེ              མི་ཡུལ་གྱི་མགོན་སྐྱབས་ཡ།
ང་རང་ཁྱེད་ཀྱི་གདོང་དང་གདོང་གཏད་དེ་འགྲེང་ཆོག་གམ

ཁྱེད་ཀྱི་ཁེར་རྐྱང་དང་ལྷིང་འཇགས་ཀྱི་
མཐའ་མི་མངོན་པའི་གནམ་འོག་ན
ངས་ཁེངས་གུས་ཀྱི་སེམས་པ་བསྣམས་ཏེ
ཁྱེད་ཀྱི་གདོང་དང་གདོང་གཏད་དེ་འགྲེང་ཆོག་གམ

ཁྱེད་ཀྱི་བྲེལ་འཚུབ་ཀྱི་འཇིག་རྟེན་ན
ལག་ཤེས་དང་ངལ་རྩོལ་གྱིས་ཁྱབ་ཅིང
བྲེལ་བྲེལ་འཚུབ་འཚུབ་ཀྱི་མི་ཚོགས་ཁྲོད་ནས
ང་རང་ཁྱེད་ཀྱི་གདོང་དང་གདོང་གཏད་དེ་འགྲེང་ཆོག་གམ

ངའི་ཚེ་འདིའི་བྱ་བཞག་ཡོད་ཅོག་མཇུག་རྫོགས་རྗེས
ཀྱེ   མཐུན་ལྡན་གྱི་མགོན་སྐྱབས་ཡ
ང་རང་ཁྱེད་ཀྱི་མདུན་ནས་སྒེར་ཚུགས་ཀྱིས་འགྲེང་ཆོག་གམ
        ༼སྲིན་པོས་བསྒྱུར༽
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།