གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ང་ཡི་མིག་ཆུའི་ནང་ན།(ཞར་བཀོད་གཅིག་ཡོད)

2017-05-28 21:36:52 ཧཱན་རེ་ཁོལ•ཧཱན་ནེ། (Heinrich Heine) ཀློག་གྲངས། མཆན ཡོད།


55e736d12f2eb938e91e4655dd628535e5dd6f21.jpg           
ང་ཡི་མིག་ཆུའི་ནང་ན
མེ་ཏོག་བྱེ་བ་ཁྲག་ཁྲིག་འཛུམ
ང་ཡི་སྨྲེ་ངག་དང་ཤུགས་རིང
འཇོལ་མོའི་གླུ་སྐད་ལ་སྤྲུལ

གལ་ཏེ   ཁྱོད་རང་ང་ལ་སྙིང་ནས་བརྩེ་ན
ང་ཡི་མེ་ཏོག་ཡོད་ཚད་ཁྱོད་ལ་དབུལ་ཆོག

སྨན་ཤར་ལགས   ཁྱོད་ཀྱི་སྒེའུ་ཁུང་ངོགས་སུ    
འཇོལ་མོའི་དྲུག་འགྱུར་གྱི་དབྱངས་རྟ
རྟག་པར   འཁོར་ཞིང་འཁོར་ངེས་སོ

IMG_4444.JPG 

                               སྤྱི་གླིང་།

                                                  ལྗོན་ཁོལ•ཕོར་ཝེར།(Jacques Préver)
                      
མི་ལོ་ཁྲི་སྟོང་དུ་མར་ཡང
བརྗོད་པར་དཀའ་བའི
སྐད་ཅིག་མའི་རྟག་བརྟན

ཁྱོད་ཀྱིས་ང་ལ་འོ་སྦྱོར་གནང
ངས་ཀྱང་ཁྱོད་ལ་མཆུ་འདབ་སྦྱར

དགུན་ཟླ་འདིའི་རབ་རིབ་ཀྱི་ཞོགས་པ
ཞོགས་པ  མཱོན་སོའུ་ལོན་སྤྱི་གླིང་དུ་ཡོད
སྤྱི་གླིང་པཱ་ལེ་རུ་ཡོད
པཱ་ལེ་ནི་སའི་གོ་ལའི་གྲོང་ཁྱེར་ཞིག
སའི་གོ་ལ་ནི་ནམ་མཁའི་དབྱིངས་ཀྱི་སྐར་ཆེན་ཞིག


                                                     ཐེའུ་རང་གིས་བསྒྱུར།


རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)



རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།