རྩོམ་པ་པོ་ལྷ་བྱམས་རྒྱལ་གྱི་དེབ་གསར་པ་གཉིས་པར་དུ་བསྐྲུན་པ།

微信图片_20180424173853-1.jpg

«གཉིད་དུ་ཡུར་བའི་ཆུ»ཞེས་པ་འདི་ནི་རྩོམ་པ་པོ་ལྷ་བྱམས་རྒྱལ་གྱིས༢༠༡༠ལོར«ལམ་གྱི་ཉི་འོད»ཅེས་པ་པར་སྐྲུན་གནང་ནས་ལོ་ངོ་བརྒྱད་འགོར་རྗེས།  ཀློག་མཁན་གྱི་རེ་སྒུག་ལ་སྐྱེས་ལན་དུ་ཕུལ་བའི་སྒྲུང་ཐུང་བསྡུས་དེབ་གཉིས་པ་དེ་རེད།  དེབ་འདིའི་ནང་དུ་ཁོང་གི་རྩོམ་གསར«གཉིད་དུ་ཡུར་བའི་ཆུ་»དང་།   «རྨ་འགྲམ་གྱི་ལྗོན་པ་ཁེར་སྐྱེས» «ལོ་བཞི་བཅུའི་སྐྱེས་པའི་ལོ་ཉི་ཤུའི་དུས་ཀྱི་བརྩེ་དུང» «མི་ཞིག་འཚོལ་བ»བཅས་ཧྲགས་བསྡུས་བྱས་ཡོད་ལ།  ད་དུང་དེ་སྔར«སྦྲང་ཆར»དུས་དེབ་ཏུ་བཀོད་ནས་ཀུན་ལ་ཀློག་འདོན་གྱི་སྤྲོ་སྣང་ཆེན་པོ་སྤྲད་མྱོང་བའི་སྒྲུང་ཐུང«ནུབ་ཀྱི་སྐར་མ»དང་།  «དབུས་ལམ་རིང་མོ»གཉིས་ཀྱང་བསྡུས་ཡོད།  

微信图片_20180424173859.jpg

«ང་ཡི་ཁེར་རྐྱང་དང་ཁྱེད་ཀྱི་རྩོམ་རིག»ཅེས་པ་འདི་ནི་ཁོང་གི་འབོལ་རྩོམ་ཕྱོགས་སྒྲིག་ཅིག་ཡིན་ཏེ།  དེབ་འདིར་ཉེ་བའི་ལོ་འདི་འགའི་ནང་དུ་ཁོང་གིས་དྲ་ངོས་སོགས་སུ་སྤེལ་བའི་འབོལ་རྩོམ་དང་། དུས་དེབ་སོགས་ཀྱིས་བཅར་འདྲི་ཞུས་པའི་ཟིན་ཐོ་སོགས་བསྡེབས་གཅིག་ཏུ་བསྡུས་ནས་པར་སྐྲུན་བྱས་ཡོད།   དེབ་ནང་གི་ལྷུག་རྩོམ་མང་བོ་ཞིག་དྲ་ངོས་སོགས་སུ་སྤེལ་བའི་གནས་སྐབས་དེར་བརྡེབས་གྲངས་ཁྲི་ཕྲག་རེ་གཉིས་ལས་བརྒལ་ཡོད་ཅིང་།  ཚ་འུར་གྱི་རྣམ་པ་དེ་ནི་བོད་ཡིག་དྲ་ངོས་རྩོམ་རིག་གི་སྣང་ཚུལ་གསར་བ་ཞིག་ཏུ་གྱུར་ཡོད་པར་མ་ཟད།  ཀློག་གྲངས་དེ་ད་ལྟ་ཡང་བརྒལ་མི་ཐུབ་པའི་ས་མཚམས་ལྟ་བུ་ཞིག་ཏུ་གྱུར་ཡོད།

རྩོམ་པ་པོ་ལྷ་བྱམས་རྒྱལ་གྱི་སྒྲུང་གཏམ་དང་འབོལ་རྩོམ་གང་ཡིན་རུང་།   རྩོམ་རིག་རང་སྟེང་གི་རྨད་བྱུང་སྒྱུ་རྩལ་གྱི་མཛེས་པ་ཞིག་གིས་ཡོངས་སུ་ཕྱུག་ཡོད་ཅིང་།   རྩོམ་མཁན་ཁོང་རང་ཉིད་ཁོ་ནར་མངའ་བའི་སྒེར་གཤིས་ཤིག་ཀྱང་ཀུན་ནས་གྲུབ་ཡོད་པས། ཁོང་གི་བརྩམས་ཆོས་བྱེ་བྲག་པ་གང་ཡིན་རུང་ཀློག་མཁན་གྱི་ཁྲོད་དུ་སྐྱོམ་སྒུལ་མི་ཆུང་བ་རེ་བཟོས་ཡོད།   ད་དུང་མི་ལོ་ཉི་ཤུ་ལྷག་གི་གསར་རྩོམ་གྱི་ཉམས་མྱོང་གསོག་འཇོག་དང་།   བོད་ཀྱི་རྩོམ་རིག་ལ་བཅངས་པའི་དད་འདུན་དང་དགའ་མོས།   ཕྱི་ནང་གི་རྐྱེན་གང་གིས་ཀྱང་གཡོ་བར་མི་ནུས་པའི་རྒྱུན་འཁྱོངས་སོགས་ལ་བརྟེན་ནས།   ཁོང་དང་ཁོང་གི་བརྩམས་ཆོས་རིམ་གྱིས་བོད་ཀྱི་དེང་རབས་རྩོམ་རིག་གི་སྣང་ཚུལ་གསར་བ་ཞིག་དང་གྲུབ་འབྲས་ཆེན་པོ་ཞིག་ཏུ་གྱུར་ཡོད་དེ།  ལོ་ངོ་བཅུ་ཕྲག་གི་རིང་དུ་སྔ་རྗེས་སུ«སྦྲང་ཆར»རྩོམ་རིག་བྱ་དགའ་ཐེངས་བཞིར་ཐོབ་པ་དེས་ཀྱང་ཁོང་གི་གསར་རྩོམ་གྱི་ཟིལ་ཤུགས་ཚོར་ཐུབ།

ཐེངས་འདིར།  པེ་ཅིན་ཏ་ཧྥང་རིག་སྤེལ་དཔེ་དེབ་འགྲེམ་སྤེལ་ཚད་ཡོད་སྤྱི་གཉེར་ཁང་གིས་མ་རྩའི་མཐུན་རྐྱེན་སྦྱར་བའི་ཁོང་གི་དེབ་གསར་འདི་གཉིས་ཀྲུང་གོའི་བོད་རིག་པ་དཔེ་སྐྲུན་ཁང་གིས་པར་དུ་སྐྲུན་པ་དང་།   བོད་ཀྱི་རྩོམ་པ་པོ་གྲགས་ཅན་བཀྲ་བྷ་དང་པད་མ་ཚེ་བརྟན་རྣམ་གཉིས་ཀྱིས་ཀློག་མཁན་ཀུན་ལ་འོས་སྦྱོར་གནང་ཡོད།   དེབ་ཀྱི་རྒྱབ་ཤར་བློ་ཞིབ་མོས་སྒྱུ་རྩལ་གྱི་ཇུས་འགོད་མང་དུ་བྱས་པ་དང་།  ནང་དོན་ཞུ་དག་ཞིབ་ཚགས་གང་ལེགས་བྱས་ཤིང་།  རྒྱུ་ཆར་ཤོག་བུ་སོགས་སྤུས་དག་པ་གང་ཡག་བདམས་ནས་རྒྱ་ཆེ་བའི་ཀློག་མཁན་དག་གི་ཡིད་ཀྱི་མགུ་བཀང་བའི་དེབ་མཆོག་སྤུས་ལེགས་ཤིག་འཁྱོངས་པར་འབད་བརྩོན་བྱས་ཡོད།  

ནན་དུ་ཞུ་གསོལ་ལ་སྤྱིར་ཉག་ཕྲ་བའི་བོད་ཡིག་གི་རྩོམ་རིག་ཚོང་རའི་ལས་དབང་དང་ཉམ་ཆུང་བའི་བོད་ཀྱི་རྩོམ་པ་པོའི་ཁྲིམས་མཐུན་ལུགས་མཐུན་གྱི་ཁེ་དབང་སྲུང་སྐྱོབ་ཡོང་བའི་ཆེད་དུ། ཀུན་ནས་དེབ་འདི་གཉིས་ཚོང་ཁྲོམ་སོགས་ནས་ཉོ་དུས་དེབ་རྫུན་ལ་མཐའ་གཅིག་ཏུ་འགོག་རྒོལ་ཡོང་བའི་རེ་བ་མི་ཆུང་བ་ཡོད།  དེབ་འདི་གཉིས་ཀྱི་ཚོང་ལམ་འགྲེམ་སྤེལ་གྱི་འགན་དབང་ཡོད་ཚད་གོང་གསལ་སྤྱི་གཉེར་ཁང་ལ་ཡོད་ཅིང་།    མོས་པ་ཡོད་མཁན་ནས་གཤམ་གྱི་སྐད་འཕྲིན་གྱི་རྩ་གཉིས་ཨང་རྟགས་བཤེར་ནས་སྐད་འཕྲིན་དུ་བཅུག་སྟེ་ཐད་ཀར་དུ་འཕྲིན་ལམ་ནས་ཉོས་ཆོག  

微信图片_20180424173820.jpg

 རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

རྩོམ་པ་པོ་ལྷ་བྱམས་རྒྱལ་གྱི་དེབ་གསར་པ་གཉིས་པར་དུ་བསྐྲུན་པ།

微信图片_20180424173853-1.jpg

«གཉིད་དུ་ཡུར་བའི་ཆུ»ཞེས་པ་འདི་ནི་རྩོམ་པ་པོ་ལྷ་བྱམས་རྒྱལ་གྱིས༢༠༡༠ལོར«ལམ་གྱི་ཉི་འོད»ཅེས་པ་པར་སྐྲུན་གནང་ནས་ལོ་ངོ་བརྒྱད་འགོར་རྗེས།  ཀློག་མཁན་གྱི་རེ་སྒུག་ལ་སྐྱེས་ལན་དུ་ཕུལ་བའི་སྒྲུང་ཐུང་བསྡུས་དེབ་གཉིས་པ་དེ་རེད།  དེབ་འདིའི་ནང་དུ་ཁོང་གི་རྩོམ་གསར«གཉིད་དུ་ཡུར་བའི་ཆུ་»དང་།   «རྨ་འགྲམ་གྱི་ལྗོན་པ་ཁེར་སྐྱེས» «ལོ་བཞི་བཅུའི་སྐྱེས་པའི་ལོ་ཉི་ཤུའི་དུས་ཀྱི་བརྩེ་དུང» «མི་ཞིག་འཚོལ་བ»བཅས་ཧྲགས་བསྡུས་བྱས་ཡོད་ལ།  ད་དུང་དེ་སྔར«སྦྲང་ཆར»དུས་དེབ་ཏུ་བཀོད་ནས་ཀུན་ལ་ཀློག་འདོན་གྱི་སྤྲོ་སྣང་ཆེན་པོ་སྤྲད་མྱོང་བའི་སྒྲུང་ཐུང«ནུབ་ཀྱི་སྐར་མ»དང་།  «དབུས་ལམ་རིང་མོ»གཉིས་ཀྱང་བསྡུས་ཡོད།  

微信图片_20180424173859.jpg

«ང་ཡི་ཁེར་རྐྱང་དང་ཁྱེད་ཀྱི་རྩོམ་རིག»ཅེས་པ་འདི་ནི་ཁོང་གི་འབོལ་རྩོམ་ཕྱོགས་སྒྲིག་ཅིག་ཡིན་ཏེ།  དེབ་འདིར་ཉེ་བའི་ལོ་འདི་འགའི་ནང་དུ་ཁོང་གིས་དྲ་ངོས་སོགས་སུ་སྤེལ་བའི་འབོལ་རྩོམ་དང་། དུས་དེབ་སོགས་ཀྱིས་བཅར་འདྲི་ཞུས་པའི་ཟིན་ཐོ་སོགས་བསྡེབས་གཅིག་ཏུ་བསྡུས་ནས་པར་སྐྲུན་བྱས་ཡོད།   དེབ་ནང་གི་ལྷུག་རྩོམ་མང་བོ་ཞིག་དྲ་ངོས་སོགས་སུ་སྤེལ་བའི་གནས་སྐབས་དེར་བརྡེབས་གྲངས་ཁྲི་ཕྲག་རེ་གཉིས་ལས་བརྒལ་ཡོད་ཅིང་།  ཚ་འུར་གྱི་རྣམ་པ་དེ་ནི་བོད་ཡིག་དྲ་ངོས་རྩོམ་རིག་གི་སྣང་ཚུལ་གསར་བ་ཞིག་ཏུ་གྱུར་ཡོད་པར་མ་ཟད།  ཀློག་གྲངས་དེ་ད་ལྟ་ཡང་བརྒལ་མི་ཐུབ་པའི་ས་མཚམས་ལྟ་བུ་ཞིག་ཏུ་གྱུར་ཡོད།

རྩོམ་པ་པོ་ལྷ་བྱམས་རྒྱལ་གྱི་སྒྲུང་གཏམ་དང་འབོལ་རྩོམ་གང་ཡིན་རུང་།   རྩོམ་རིག་རང་སྟེང་གི་རྨད་བྱུང་སྒྱུ་རྩལ་གྱི་མཛེས་པ་ཞིག་གིས་ཡོངས་སུ་ཕྱུག་ཡོད་ཅིང་།   རྩོམ་མཁན་ཁོང་རང་ཉིད་ཁོ་ནར་མངའ་བའི་སྒེར་གཤིས་ཤིག་ཀྱང་ཀུན་ནས་གྲུབ་ཡོད་པས། ཁོང་གི་བརྩམས་ཆོས་བྱེ་བྲག་པ་གང་ཡིན་རུང་ཀློག་མཁན་གྱི་ཁྲོད་དུ་སྐྱོམ་སྒུལ་མི་ཆུང་བ་རེ་བཟོས་ཡོད།   ད་དུང་མི་ལོ་ཉི་ཤུ་ལྷག་གི་གསར་རྩོམ་གྱི་ཉམས་མྱོང་གསོག་འཇོག་དང་།   བོད་ཀྱི་རྩོམ་རིག་ལ་བཅངས་པའི་དད་འདུན་དང་དགའ་མོས།   ཕྱི་ནང་གི་རྐྱེན་གང་གིས་ཀྱང་གཡོ་བར་མི་ནུས་པའི་རྒྱུན་འཁྱོངས་སོགས་ལ་བརྟེན་ནས།   ཁོང་དང་ཁོང་གི་བརྩམས་ཆོས་རིམ་གྱིས་བོད་ཀྱི་དེང་རབས་རྩོམ་རིག་གི་སྣང་ཚུལ་གསར་བ་ཞིག་དང་གྲུབ་འབྲས་ཆེན་པོ་ཞིག་ཏུ་གྱུར་ཡོད་དེ།  ལོ་ངོ་བཅུ་ཕྲག་གི་རིང་དུ་སྔ་རྗེས་སུ«སྦྲང་ཆར»རྩོམ་རིག་བྱ་དགའ་ཐེངས་བཞིར་ཐོབ་པ་དེས་ཀྱང་ཁོང་གི་གསར་རྩོམ་གྱི་ཟིལ་ཤུགས་ཚོར་ཐུབ།

ཐེངས་འདིར།  པེ་ཅིན་ཏ་ཧྥང་རིག་སྤེལ་དཔེ་དེབ་འགྲེམ་སྤེལ་ཚད་ཡོད་སྤྱི་གཉེར་ཁང་གིས་མ་རྩའི་མཐུན་རྐྱེན་སྦྱར་བའི་ཁོང་གི་དེབ་གསར་འདི་གཉིས་ཀྲུང་གོའི་བོད་རིག་པ་དཔེ་སྐྲུན་ཁང་གིས་པར་དུ་སྐྲུན་པ་དང་།   བོད་ཀྱི་རྩོམ་པ་པོ་གྲགས་ཅན་བཀྲ་བྷ་དང་པད་མ་ཚེ་བརྟན་རྣམ་གཉིས་ཀྱིས་ཀློག་མཁན་ཀུན་ལ་འོས་སྦྱོར་གནང་ཡོད།   དེབ་ཀྱི་རྒྱབ་ཤར་བློ་ཞིབ་མོས་སྒྱུ་རྩལ་གྱི་ཇུས་འགོད་མང་དུ་བྱས་པ་དང་།  ནང་དོན་ཞུ་དག་ཞིབ་ཚགས་གང་ལེགས་བྱས་ཤིང་།  རྒྱུ་ཆར་ཤོག་བུ་སོགས་སྤུས་དག་པ་གང་ཡག་བདམས་ནས་རྒྱ་ཆེ་བའི་ཀློག་མཁན་དག་གི་ཡིད་ཀྱི་མགུ་བཀང་བའི་དེབ་མཆོག་སྤུས་ལེགས་ཤིག་འཁྱོངས་པར་འབད་བརྩོན་བྱས་ཡོད།  

ནན་དུ་ཞུ་གསོལ་ལ་སྤྱིར་ཉག་ཕྲ་བའི་བོད་ཡིག་གི་རྩོམ་རིག་ཚོང་རའི་ལས་དབང་དང་ཉམ་ཆུང་བའི་བོད་ཀྱི་རྩོམ་པ་པོའི་ཁྲིམས་མཐུན་ལུགས་མཐུན་གྱི་ཁེ་དབང་སྲུང་སྐྱོབ་ཡོང་བའི་ཆེད་དུ། ཀུན་ནས་དེབ་འདི་གཉིས་ཚོང་ཁྲོམ་སོགས་ནས་ཉོ་དུས་དེབ་རྫུན་ལ་མཐའ་གཅིག་ཏུ་འགོག་རྒོལ་ཡོང་བའི་རེ་བ་མི་ཆུང་བ་ཡོད།  དེབ་འདི་གཉིས་ཀྱི་ཚོང་ལམ་འགྲེམ་སྤེལ་གྱི་འགན་དབང་ཡོད་ཚད་གོང་གསལ་སྤྱི་གཉེར་ཁང་ལ་ཡོད་ཅིང་།    མོས་པ་ཡོད་མཁན་ནས་གཤམ་གྱི་སྐད་འཕྲིན་གྱི་རྩ་གཉིས་ཨང་རྟགས་བཤེར་ནས་སྐད་འཕྲིན་དུ་བཅུག་སྟེ་ཐད་ཀར་དུ་འཕྲིན་ལམ་ནས་ཉོས་ཆོག  

微信图片_20180424173820.jpg

 རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།