གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མིང་མེད།༼རང་མོས༽

2013-08-24 10:13:00 སྐྱབས་ཆེན་བདེ་གྲོལ། ཀློག་གྲངས། མཆན ཡོད།

 

ང་རང་སུ་ཞིག་གིས་བཟོས་ཏེ་བར་སྣང་འདིར་བཏགས་ཡོད་པ་འདྲ
ངའི་གློ་བས་གྲོགས་པོ་ཚོས་འཐེན་པའི་ཐ་མག་གི་དུ་བ་རྔུབ་ཅིང
དེ་ཉིད་ཕྱིར་བཏང་བའི་ཚེ་ན་ཁ་དོག་ཀྱང་མེད་པ་ལྟ་བུར་འདུག
ང་དང་འབྲེལ་བ་མེད་པའི་མི་དག་ཚོགས་འདུར་ཞུགས་པ་ཇི་བཞིན
ཐག་རིང་གི་ལྗོན་པའི་གསེབ་ན་ཁུ་བྱུག་དག་གྲག་བཞིན་འདུག

ཉི་མས་ང་རང་དུམ་བུ་གཉིས་སུ་བཏང
སྤང་གིས་ང་ལ་གདན་བཏིང
རྒྱ་མཚོས་ང་ཡི་འདོད་པ་འཕེལ་བར་བྱས
ནམ་མཁས་ང་རང་རྨི་ལམ་གྱི་གཟེབ་ཏུ་བཅུག
ང་ཡིས་ཟུངས་ཁྲག་གངས་རིའི་གསེབ་ཏུ་བཞུར

སྣང་བ་ཡོད་ཚད་བཟློག་ནས་ཚེ་སྲོག་གཅིག་བུ་སྲུང་དུས
དུས་ཚོད་ཁོ་ན་མ་ཡུམ་བཞིན་འདུག་པ་ལས
གཞན་ཅི་ཡང་མི་འདུག

རི་རྩེའི་གྲོག་ཚང་གིས་རླུང་འཚུབ་ཅིག་སྒུག་པ་ཇི་བཞིན
ངས་ཀྱང་འཆི་བདག་བསྒུགས་ཡོད

                         ༢༠༡༣ལོའི་ཟླ་༨པའི་ཚེས་༢༢ཉིན།

 
 
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།