ཀུན་དང་མཐུན་པའི་མི་ཞིག་གནང་ན་ཨ་རག་བཙན་པོ་མ་འཐུང་ལགས།།
ཁ་སེམས་མཐུན་པའི་སྐྱ་ཡ་འགྲོགས་ན་ཨ་རག་བཙན་པོ་མ་འཐུང་ལགས།།
གལ་ཆེན་དོན་ཆེན་བྱ་གཞག་སྒྲུབ་ན་ཨ་རག་བཙན་པོ་མ་འཐུང་ལགས།།
ངང་རྒྱུད་དྲང་མོ་མི་གཤིས་དགོས་པའི་ཨ་རག་བཙན་པོ་མ་འཐུང་ལགས།།

ཅ་ཅོ་མང་པའི་མི་གཞིར་འགྱུར་བས་་ཨ་རག་བཙན་པོ་མ་འཐུང་ལགས།།
ཆ་ཡོད་ཆ་མེད་གཉིས་ལ་འཚེ་བས་ཨ་རག་བཙན་པོ་མ་འཐུང་ལགས།།
ཇག་ཚོགས་ངན་པའི་སྤུན་གྱི་ལོག་འགྲོ་ཨ་རག་བཙན་པོ་མ་འཐུང་ལགས།།
ཉ་ཉོག་ལབ་གླེང་དོན་མེད་བཤད་ཡོང་ཨ་རག་བཙན་པོ་མ་འཐུང་ལགས།།།

ཏ་ཐ་ག་ཐའི་བསྟན་ལ་ཞུགས་ནས་ཨ་རག་བཙན་པོ་མ་འཐུང་ལགས།།
ཐ་མལ་མི་བུའི་གྲལ་ཏུ་ཚུད་འགྲོ་ཨ་རག་བཙན་པོ་མ་འཐུང་ལགས།།
དུག་ནད་མཆིན་པའི་བྱེད་ལས་མཉམ་འགྲོ་ཨ་རག་བཙན་པོ་མ་འཐུང་ལགས།།
ན་ཚ་འདྲ་མིན་རང་གིས་འཕེལ་ཡོང་ཨ་རག་བཙན་པོ་མ་འཐུང་ལགས།།

པ་ཕའི་ཞབས་འདྲེན་གླིང་ལ་བཞག་ཡོང་ཨ་རག་བཙན་པོ་མ་འཐུང་ལགས།།
ཕལ་ཆེར་མི་ཡི་མཐོང་ཆུང་བྱེད་ཡོང་ཨ་རག་བཙན་པོ་མ་འཐུང་ལགས།།
བ་གླང་བཞིན་ཏུ་དྲན་པ་བརླགས་འགྲོ་ཨ་རག་བཙན་པོ་མ་འཐུང་ལགས།།
མ་ལོ་ཡིན་ཀྱང་ཡིད་ཆེས་བོར་འགྲོ་ཨ་རག་བཙན་པོ་མ་འཐུང་ལགས།།

ཙག་ཙིག་ལས་དོན་ཉུང་ཙམ་མི་འགྲུབ་ཨ་རག་བཙན་པོ་མ་འཐུང་ལགས།།
ཚད་འཛིན་མི་ཡི་རིན་ཐང་བོར་འགྲོ་ཨ་རག་བཙན་པོ་མ་འཐུང་ལགས།།
ཛ་དྲག་ཆེ་བའི་ནད་པའི་ལོག་འགྲོ་ཨ་རག་བཙན་པོ་མ་འཐུང་ལགས།།
ཝ་མོ་བཞིན་དུ་སྡར་མའི་ཆགས་འགྲོ་ཨ་རག་བཙན་པོ་མ་འཐུང་ལགས།།

ཞ་སེར་བསྟན་པའི་དགོན་ལ་ཞུགས་ན་ཨ་རགས་བཙན་པོ་མ་འཐུང་ལགས།།
ཟ་མའི་དྲོ་བ་ལྕེ་ཡི་མྱང་ན་ཨ་རག་བཙན་པོ་མ་འཐུང་ལགས།
འོ་མ་འདྲ་བའི་སེམས་ཁམས་མཁོ་བའི་ཨ་རག་བཙན་པོ་མ་འཐུང་ལགས།།
ཡ་རབས་མི་ཡི་གཤིས་ལུགས་དགོས་པའི་ཨ་རག་བཙན་པོ་མ་འཐུང་ལགས།།

རིན་ཆེན་མི་ལུས་དོན་ལྡན་བཟོ་ཆེད་ཨ་རག་བཙན་པོ་མ་འཐུང་ལགས།།
ལ་ལུང་མི་ཡུལ་གང་དུ་གནས་ཀྱང་ཨ་རགབཙན་པོ་མ་འཐུང་ལགས།།
ཤིན་ཏུ་མཁོ་བའི་ལུས་འདི་སྲུང་དགོས་ཨ་རག་བཙན་པོ་མ་འཐུང་ལགས།།
ས་ཆེན་འདི་རུ་ཡུན་རིང་འཚོ་དགོས་ཨ་རགབཙན་པོ་མ་འཐུང་ལགས།།

ཧ་ཅང་གལ་ཆེན་དོན་ཆེན་ངང་ནས་ཨ་རག་བཙན་པོ་མ་འཐུང་ལགས།།
ཨ་ཇོ་ཞིག་གི་སེམས་གྱི་གཏམ་ཡིན་ཨ་རག་བཙན་པོ་མ་འཐུང་ལགས།།
              ༢༠༡༢་༡༢་༡༦་རང་ཤག་ནས་བྲིས།།

རྩོམ་ཁུངས། ངེད་དྲ་བ།