སེམས་ཀྱི་བརྩེ་དྲོད་ཕྱི་རུ་བཞུར་བས་ཝུ་རག་ལྟར།།
འཛུམ་གྱི་དྭངས་མ་ང་ལ་གཏད་པས་སྒྲོལ་སྐུ་བཞིན།།
བརྩེ་བའི་སྙིང་གཏམ་ཤུབ་ཤུབ་སྨྲ་བའི་ཁུ་བྱུག་མ།།
དེ་རིང་ང་ཡི་ཆང་མ་ཡིན་ནམ་ཆུང་མ་ཡིན།།

རྒྱ་ལྕང་སྐྲ་ལོ་ཕྲག་ཏུ་དཔྱངས་པས་མིག་མདའ་འཐུ།།
ཞལ་མཛེས་པད་མ་གསར་དུ་བཞད་པས་ཡིད་དབང་འཕྲོག།
ངག་འཇམ་ཚིག་གི་སྦྲང་ཆར་འདི་ལ་བཟི་ཁ་བཙན།།
དེ་རིང་ང་ལ་མིག་བརྡ་གཅིག་གི་ལོངས་སྤྱོད་སྩལ།།

མཛེས་མ་ཕོར་བའི་ནང་དུ་ཡོད་དུས་བཟི་ཁ་བཙན།།
མཛེས་མ་གླུ་ཡི་དབྱངས་སུ་སུམ་དུས་སྙན་ཆ་རྫོགས།།
མཛེས་མ་ཚོར་བའི་གཏིང་དུ་ལྷུང་དུས་སེམས་རྩ་དྲོ།།
མཛེས་མ་མིག་གི་དཔྱིད་དུ་འཇོ་དུས་རྣམ་ཤེས་འབོར།།

བརྩེ་བའི་མིག་ཟུང་ང་ལ་གཏད་པའི་སྐར་ཆེན་འདི།།
ང་ཡི་སྙིང་གི་རྐུན་པོ་མིན་པའི་ངེས་པ་མེད།།
མཛའ་བརྩེའི་རི་མོ་ཤར་ཤར་འཇོ་བའི་འཛུམ་ཆུང་འདི།།
ང་རང་བསླུ་བའི་གཏམ་རྒྱུད་ཅིག་ཏུ་ངེས་ཀྱང་སྲིད།།

དགའ་རོགས་ཡོད་མེད་ང་ལ་དྲིས་པའི་ཡང་སྙིང་དུ།།
ང་ལ་གོ་བརྡ་གཞན་ཞིག་སྤྲད་མིན་མི་ཤེས་མོད།།
མིག་ཟུང་སྐད་ཆ་རང་འཇོ་ལྟ་བུའི་ཕྱི་ལོགས་ན།།
ང་ལ་མཛའ་བརྩེ་གཞན་ཞིག་ཡོད་པའི་ངེས་པ་རྙེད།།

གྲོགས་ཀྱི་ཆུང་མ་ང་ཡི་ཆང་མ་ཡིན་པའི་ལོར།།
ང་ཡི་རྩ་དོན་རླུང་གིས་འཁུར་མདོག་གིས།།
དགོད་སྒྲ་འདྲེས་མ་ཆང་གི་བཟི་ཁ་བཙན་པོ་བཞིན།།
ལྷུང་ལྷུང་འབབ་པ་ཨེ་མིན་གྲོགས་ལ་འདྲི་འདང་ཡོད།།
 

རྩོམ་ཁུངས། ངེད་དྲ་བ།