པར་རིས་ལ་སྦྱར་བའི་སྙན་ངག་ཚན་པ་བཞི།
རྩག་སྐྱའི་ནང་གི་འབྲོག་ལྡང་།།
མི་གཤིས་གདོད་མ་ཅན་པོ།།
པར་ཆས་མཆུ་ཏོ་ཅན་པོར།།
མིག་ཟུང་དོགས་པ་ཨེ་རེད།།
སྔར་གྱི་ཐང་གཞོངས་ཡངས་མོར།།
གྲོང་དང་གྲོང་ཁྱེར་བརྡལ་འདུག།
སེམས་ཀྱི་རྟ་ནོར་ལུག་གསུམ།།
སུ་ཡིས་གང་དུ་དེད་སོང་།།
བྲག་རི་གནམ་ལ་ཟུག་པ།།
སྨུག་ཞགས་ཐང་ལ་བརྡལ་བ།།
ནོར་ནག་ལྡང་ལ་སྦྲེལ་བ།།
བདག་པོ་བུ་ཆུང་ཨེ་རེད།།
རྒྱང་གི་རི་རྒྱུད་ལྷུན་པོ།།
སྤྲིན་དང་སྨུག་པར་འདྲེས་འདུག།
མདུན་གྱི་དར་ལྕོག་ནར་མོ།།
སེམས་ཀྱི་རྟེན་ས་མིན་འགྲོ།
(མཆོད་མེ་དྲ་བའི་པར་དབང་གཞན་གྱིས་དགོལ་མི་རུང)
རྩོམ་ཁུངས། ངེད་དྲ་བ།