༄༅། །ལོ་དེབ་དངུལ་དཀར་ལྡེ་མིག་ལ་ཆེད་དུ་ཕུལ་བ་ལྷག་བསམ་དུང་གི་རང་སྒྲ།

རྫ་ཤུལ་བློ་བཟང་། མཆོད་མེ་བོད་ཀྱི་རྩོམ་རིག་དྲ་བ། 2010-01-23

༄༅། །ལོ་དེབ་དངུལ་དཀར་ལྡེ་མིག་ལ་ཆེད་དུ་ཕུལ་བ་ལྷག་བསམ་དུང་གི་རང་སྒྲ།

 

རྒྱལ་ཀུན་འཕྲིན་ལས་མཛེས་སྡུག་ལྷ་མོའི་སྐུར།།

ཡོངས་ཤར་དབང་གི་མདངས་འཛིན་དགེ་མ་ཡི།།

ཟག་མེད་བདེ་བ་ཆེན་པོའི་དངོས་གྲུབ་མཆོག།།

སྩོལ་བར་མཁྱེན་ནོ་ཐུགས་རྗེ་ལྕགས་ཀྱུས་ཟུངས།།

 

གཞན་དྲིང་མི་འཇོག་དཔའ་གདེང་མེད་མོད་ཀྱང་།།

གཞན་གྱིས་མ་སྐུལ་རང་རང་དགའ་བའི་གཏམ།།

གཞན་ངོ་སྲུང་ཕྱིར་བཙན་གྱིས་སྒྲིག་མིན་པར།།

གཞན་དབང་མ་གྱུར་བར་དུ་བཤད་ན་འདོད།།

 

འདི་ན་སུ་དང་གང་གིས་མི་ཤེས་པའི།།

གྲྭ་རྐྱང་འགའ་ཡི་ལས་དབང་གཉོམ་པོ་འདི།།

མཆིལ་ཞགས་དམོད་ཚིག་འཕེལ་ཡུལ་གྱུར་ནའང་།།

རེ་ལྟོས་མིག་འབུར་གཏོད་ས་མ་འཕྱུག་ཅིག།།

 

རྨ་ཀླུང་གསེར་ལྡན་སྒེག་མོའི་འགྲམ་ངོགས་ཀྱི།།

རྨ་དངུལ་དཔྱི་ཡི་མེ་ཏོག་ཐང་ཆེན་ནས།།

རྨ་མེད་ལོ་དེབ་དངུལ་དཀར་ལྡེ་མིག་གིས།།

རྨ་འགྲམ་གཞོན་ནུར་རྩོམ་རིག་སྒོ་མོ་ཕྱེས།།

 

རྙིང་བ་ཐམས་ཅད་རྗེས་ལུས་ཁོ་ན་མིན།།

གསར་བ་ཡོད་ཚད་སྔོན་ཐོན་ལག་ཆ་མིན།།

གསར་རྙིང་ཟུང་དུ་འབྲེལ་བའི་ཐབས་ཚུལ་གྱིས།།

ལོ་དེབ་དངུལ་དཀར་ལྡེ་མིག་གཉེར་འདི་མཚར།།

 

མ་རྨད་ལྷག་བསམ་དུང་གི་འཁྲི་ཤིང་ལ།།

མ་བཅོས་སེམས་ཀྱི་མཛེས་སྡུག་མེ་ཏོག་ཕྲེང་།།

མ་སྐུལ་མགྲིན་པའི་རྒྱན་འཆང་སྙན་ངག་པའི།།

མ་འགག་ཚིག་གི་འགྱུར་ཁུགས་འདི་ན་སྙན།།

 

དོན་དང་ལྡན་པའི་གཏམ་གྱི་སྦྱོར་བ་རྣམས།།

དོན་མེད་ཚིག་གི་ལོ་མའི་མ་སྒྲིབ་པར།།

དོན་ལྡན་སྲོག་གིས་ཕྱུག་པའི་དཔྱད་རྩོམ་རྣམས།།

དོན་ཡོད་བྱ་ཕྱིར་མུ་འགོད་འདི་ནས་བྱེད།

 

ཡར་ངོས་ཟླ་བའི་འཕེལ་ཁ་དང་མཚུངས་པའི།།

ཡར་རྒྱས་འགྲོ་བའི་བོད་པའི་རིག་གཞུང་ལ།།

ཡར་སྐུལ་ལྷག་བསམ་འཛོམ་པའི་རྣམ་དཔྱོད་ཅན།།

ཡ་རབས་ངོ་མཚར་ལོ་རྒྱུས་འདི་ནས་སྤེལ།།

 

མ་རྙིང་བློ་གྲོས་འདབ་སྟོང་བཞད་པ་ཡི།།

མ་རྩ་ཅན་གྱི་བོད་ཕྲུག་གཞོན་ནུ་རྣམས།།

མ་འོངས་གངས་ལྗོངས་གསར་བ་སྐྲུན་ཕྱིར་དུ།།

མ་བཅོས་ལྷག་བསམ་དྲོད་ཀྱིས་བསྐྱངས་འདི་མཚར།།

 

ཁ་བ་ཅན་ལ་ཞབས་འདེགས་ཞུ་དགོས་དང་།།

ཁ་རྗེ་དབང་ཐང་བོད་ལ་དར་དགོས་ཞེས།།

ཁ་གཡང་ཙམ་གྱིས་བོད་དོན་མི་འོངས་པའི།།

ཁ་ཁོག་མཚུངས་པའི་བྱ་བ་འདི་མཚར་རོ།།

 

སྔར་ཡོད་སྲོལ་རྒྱུན་གནས་པ་གོང་འཕེལ་དང་།།

སྔར་མེད་དེང་རབས་རིག་པ་ནང་འདྲེན་སོགས།།

ཀུན་པོའི་ཕྲག་ཏུ་བབས་པའི་འོས་འགན་རྣམས།།

ཀུན་གྱི་དང་ལེན་བྱོས་ཞེས་གཏམ་འདི་སྙན།།

 

བླ་མས་རིགས་མར་རྒྱན་ཆ་འདོགས་ཚུལ་དང་།།

སློབ་མས་ལྐོག་ནས་སྐུར་བ་འདེབས་ཚུལ་སོགས།།

བླ་སློབ་དབྱེན་ལ་སྦྱོར་བའི་ངག་ཀྱལ་གཏམ།།

དོན་མེད་ཕུང་གྲོལ་བྱེད་ས་འདི་ན་མེད།།

 

གྲྭ་བས་སློབ་མར་སྨོད་ཚིག་འཕེལ་ཚུལ་དང་།།

སློབ་མས་གྲྭ་བར་ཡོན་ཏན་མེད་ཚུལ་སོགས།།

མཁྲེགས་འཛིན་ལྟ་བ་ངན་པའི་འཆལ་གཏམ་གྱིས།།

ནང་ཁུལ་མཐུན་སྒྲིལ་བརླག་ས་འདི་ན་མེད།།

 

ཕུ་ནུ་དམར་གསོད་བཏང་ན་དཔའ་ཚུལ་དང་།།

རིག་པའི་གཞུང་ལ་སྦྱང་ན་གླེན་ཚུལ་སོགས།།

བསམ་བློ་གོ་རྟོགས་དམན་པའི་བས་མཐའ་བའི།།

བླུན་པོའི་གཏམ་ངན་སྒྲོག་ས་འདི་ན་མེད།།

 

འབྲོག་པས་རོང་རྐུན་ཟེར་བའི་དམོད་ཚུལ་དང་།།

རོང་བས་འབྲོག་བླུན་ཞེས་པའི་འཕྱ་ཚུལ་སོགས།།

རང་རིགས་མཐུན་སྒྲིག་རྨང་ནས་རླག་བྱེད་པའི།།

བདེན་རྫུན་གཏམ་ངན་རྩོད་ས་འདི་ན་མེད།།

 

བརྡ་ལ་མ་བྱང་བྱིས་པའི་རྡོལ་གཏམ་གྱིས།།

བརྡ་སྤྲོད་རིག་པའི་གཞུང་ལུགས་ཁྱད་བསད་ནས།།

བརྡ་དང་སྐད་ཡིག་བཟོ་བཅོས་བྱེད་དགོས་ཞེས།།

བརྡ་ཡིག་ངན་པ་སྒྲོག་ས་འདི་ན་མེད།།

 

དབུས་གཙང་ཨ་མདོར་ལ་རྒྱ་མེད་ཚུལ་དང་།།

ཁམས་པ་རྒོད་པོས་ནང་དམེ་བྱེད་ཚུལ་སོགས།།

མ་བརྟག་བྱུང་རྒྱལ་སྨྲ་བའི་ཁ་མང་ཚོར།།

དོན་མེད་ཉོག་གཏམ་བཤད་ས་འདི་ན་མེད།།

 

དཀའ་སྡུག་མི་བཟོད་སྐྱིད་ཉལ་ལང་ཤོར་བའི།།

དཀའ་བ་བརྒྱ་ཕྲག་ཁྱད་དུ་བསད་ཚུལ་སོགས།།

ཁ་ཡག་ངོ་བསྟོད་བྱེད་པའི་གཅམ་ཚིག་གིས།།

ཁ་ངོ་ལེགས་པར་སྲུང་སྐྱོབ་བྱེད་ས་མེད།།

 

བརྗོད་བྱ་སྲོག་དབང་བཀུམས་པའི་མི་རོ་ལ།།

རྗེད་བྱེད་ཚིག་གི་རྐང་ལག་སྒྲིག་སྒྲིག་ནས།།

མཁས་པའི་མྱིང་བྱང་ཐོབ་ལ་རེ་སྟོང་ངང་།།

མི་ཚེ་ཆུད་ཟོས་གཏོང་ས་འདི་ན་མེད།།

 

དོན་མེད་ཚིག་ཉོག་སོག་མའི་ཕུང་བོ་འདི།།

ཡལ་མེད་དངུལ་དཀར་ལྡེ་མིག་གཙོ་བྱས་པའི།།

རྒྱུ་མེད་སྤྲང་བོའི་ལོ་དེབ་ཁག་ཅིག་ལ།།

མདོ་མེད་སྨྱོན་པ་རྫ་བློ་འཁྱམས་པོས་ཕུལ།།

 

ཞེས་ལོ་དེབ་དངུལ་དཀར་ལྡེ་མིག་ལ་ཆེད་དུ་ཕུལ་བ་ལྷག་བསམ་དུང་གི་རང་སྒྲ་ཞེས་པ་འདི་ནི་རྫ་ཤུལ་བློ་བཟང་རྒྱ་མཚོའམ་རྨ་ ཡུལ་སྨེ་བདུན་དུ་འབོད་པས་རབ་གནས་ས་གླང་ལོའི་ཧོར་ཟླ་བཅུ་གཅིག་པའི་ཚེས་བརྒྱད་ཉིན་བྲིས།

 

 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

༄༅། །ལོ་དེབ་དངུལ་དཀར་ལྡེ་མིག་ལ་ཆེད་དུ་ཕུལ་བ་ལྷག་བསམ་དུང་གི་རང་སྒྲ།

2010-01-23 རྫ་ཤུལ་བློ་བཟང་། ཀློག་གྲངས། མཆན ཡོད།

༄༅། །ལོ་དེབ་དངུལ་དཀར་ལྡེ་མིག་ལ་ཆེད་དུ་ཕུལ་བ་ལྷག་བསམ་དུང་གི་རང་སྒྲ།

 

རྒྱལ་ཀུན་འཕྲིན་ལས་མཛེས་སྡུག་ལྷ་མོའི་སྐུར།།

ཡོངས་ཤར་དབང་གི་མདངས་འཛིན་དགེ་མ་ཡི།།

ཟག་མེད་བདེ་བ་ཆེན་པོའི་དངོས་གྲུབ་མཆོག།།

སྩོལ་བར་མཁྱེན་ནོ་ཐུགས་རྗེ་ལྕགས་ཀྱུས་ཟུངས།།

 

གཞན་དྲིང་མི་འཇོག་དཔའ་གདེང་མེད་མོད་ཀྱང་།།

གཞན་གྱིས་མ་སྐུལ་རང་རང་དགའ་བའི་གཏམ།།

གཞན་ངོ་སྲུང་ཕྱིར་བཙན་གྱིས་སྒྲིག་མིན་པར།།

གཞན་དབང་མ་གྱུར་བར་དུ་བཤད་ན་འདོད།།

 

འདི་ན་སུ་དང་གང་གིས་མི་ཤེས་པའི།།

གྲྭ་རྐྱང་འགའ་ཡི་ལས་དབང་གཉོམ་པོ་འདི།།

མཆིལ་ཞགས་དམོད་ཚིག་འཕེལ་ཡུལ་གྱུར་ནའང་།།

རེ་ལྟོས་མིག་འབུར་གཏོད་ས་མ་འཕྱུག་ཅིག།།

 

རྨ་ཀླུང་གསེར་ལྡན་སྒེག་མོའི་འགྲམ་ངོགས་ཀྱི།།

རྨ་དངུལ་དཔྱི་ཡི་མེ་ཏོག་ཐང་ཆེན་ནས།།

རྨ་མེད་ལོ་དེབ་དངུལ་དཀར་ལྡེ་མིག་གིས།།

རྨ་འགྲམ་གཞོན་ནུར་རྩོམ་རིག་སྒོ་མོ་ཕྱེས།།

 

རྙིང་བ་ཐམས་ཅད་རྗེས་ལུས་ཁོ་ན་མིན།།

གསར་བ་ཡོད་ཚད་སྔོན་ཐོན་ལག་ཆ་མིན།།

གསར་རྙིང་ཟུང་དུ་འབྲེལ་བའི་ཐབས་ཚུལ་གྱིས།།

ལོ་དེབ་དངུལ་དཀར་ལྡེ་མིག་གཉེར་འདི་མཚར།།

 

མ་རྨད་ལྷག་བསམ་དུང་གི་འཁྲི་ཤིང་ལ།།

མ་བཅོས་སེམས་ཀྱི་མཛེས་སྡུག་མེ་ཏོག་ཕྲེང་།།

མ་སྐུལ་མགྲིན་པའི་རྒྱན་འཆང་སྙན་ངག་པའི།།

མ་འགག་ཚིག་གི་འགྱུར་ཁུགས་འདི་ན་སྙན།།

 

དོན་དང་ལྡན་པའི་གཏམ་གྱི་སྦྱོར་བ་རྣམས།།

དོན་མེད་ཚིག་གི་ལོ་མའི་མ་སྒྲིབ་པར།།

དོན་ལྡན་སྲོག་གིས་ཕྱུག་པའི་དཔྱད་རྩོམ་རྣམས།།

དོན་ཡོད་བྱ་ཕྱིར་མུ་འགོད་འདི་ནས་བྱེད།

 

ཡར་ངོས་ཟླ་བའི་འཕེལ་ཁ་དང་མཚུངས་པའི།།

ཡར་རྒྱས་འགྲོ་བའི་བོད་པའི་རིག་གཞུང་ལ།།

ཡར་སྐུལ་ལྷག་བསམ་འཛོམ་པའི་རྣམ་དཔྱོད་ཅན།།

ཡ་རབས་ངོ་མཚར་ལོ་རྒྱུས་འདི་ནས་སྤེལ།།

 

མ་རྙིང་བློ་གྲོས་འདབ་སྟོང་བཞད་པ་ཡི།།

མ་རྩ་ཅན་གྱི་བོད་ཕྲུག་གཞོན་ནུ་རྣམས།།

མ་འོངས་གངས་ལྗོངས་གསར་བ་སྐྲུན་ཕྱིར་དུ།།

མ་བཅོས་ལྷག་བསམ་དྲོད་ཀྱིས་བསྐྱངས་འདི་མཚར།།

 

ཁ་བ་ཅན་ལ་ཞབས་འདེགས་ཞུ་དགོས་དང་།།

ཁ་རྗེ་དབང་ཐང་བོད་ལ་དར་དགོས་ཞེས།།

ཁ་གཡང་ཙམ་གྱིས་བོད་དོན་མི་འོངས་པའི།།

ཁ་ཁོག་མཚུངས་པའི་བྱ་བ་འདི་མཚར་རོ།།

 

སྔར་ཡོད་སྲོལ་རྒྱུན་གནས་པ་གོང་འཕེལ་དང་།།

སྔར་མེད་དེང་རབས་རིག་པ་ནང་འདྲེན་སོགས།།

ཀུན་པོའི་ཕྲག་ཏུ་བབས་པའི་འོས་འགན་རྣམས།།

ཀུན་གྱི་དང་ལེན་བྱོས་ཞེས་གཏམ་འདི་སྙན།།

 

བླ་མས་རིགས་མར་རྒྱན་ཆ་འདོགས་ཚུལ་དང་།།

སློབ་མས་ལྐོག་ནས་སྐུར་བ་འདེབས་ཚུལ་སོགས།།

བླ་སློབ་དབྱེན་ལ་སྦྱོར་བའི་ངག་ཀྱལ་གཏམ།།

དོན་མེད་ཕུང་གྲོལ་བྱེད་ས་འདི་ན་མེད།།

 

གྲྭ་བས་སློབ་མར་སྨོད་ཚིག་འཕེལ་ཚུལ་དང་།།

སློབ་མས་གྲྭ་བར་ཡོན་ཏན་མེད་ཚུལ་སོགས།།

མཁྲེགས་འཛིན་ལྟ་བ་ངན་པའི་འཆལ་གཏམ་གྱིས།།

ནང་ཁུལ་མཐུན་སྒྲིལ་བརླག་ས་འདི་ན་མེད།།

 

ཕུ་ནུ་དམར་གསོད་བཏང་ན་དཔའ་ཚུལ་དང་།།

རིག་པའི་གཞུང་ལ་སྦྱང་ན་གླེན་ཚུལ་སོགས།།

བསམ་བློ་གོ་རྟོགས་དམན་པའི་བས་མཐའ་བའི།།

བླུན་པོའི་གཏམ་ངན་སྒྲོག་ས་འདི་ན་མེད།།

 

འབྲོག་པས་རོང་རྐུན་ཟེར་བའི་དམོད་ཚུལ་དང་།།

རོང་བས་འབྲོག་བླུན་ཞེས་པའི་འཕྱ་ཚུལ་སོགས།།

རང་རིགས་མཐུན་སྒྲིག་རྨང་ནས་རླག་བྱེད་པའི།།

བདེན་རྫུན་གཏམ་ངན་རྩོད་ས་འདི་ན་མེད།།

 

བརྡ་ལ་མ་བྱང་བྱིས་པའི་རྡོལ་གཏམ་གྱིས།།

བརྡ་སྤྲོད་རིག་པའི་གཞུང་ལུགས་ཁྱད་བསད་ནས།།

བརྡ་དང་སྐད་ཡིག་བཟོ་བཅོས་བྱེད་དགོས་ཞེས།།

བརྡ་ཡིག་ངན་པ་སྒྲོག་ས་འདི་ན་མེད།།

 

དབུས་གཙང་ཨ་མདོར་ལ་རྒྱ་མེད་ཚུལ་དང་།།

ཁམས་པ་རྒོད་པོས་ནང་དམེ་བྱེད་ཚུལ་སོགས།།

མ་བརྟག་བྱུང་རྒྱལ་སྨྲ་བའི་ཁ་མང་ཚོར།།

དོན་མེད་ཉོག་གཏམ་བཤད་ས་འདི་ན་མེད།།

 

དཀའ་སྡུག་མི་བཟོད་སྐྱིད་ཉལ་ལང་ཤོར་བའི།།

དཀའ་བ་བརྒྱ་ཕྲག་ཁྱད་དུ་བསད་ཚུལ་སོགས།།

ཁ་ཡག་ངོ་བསྟོད་བྱེད་པའི་གཅམ་ཚིག་གིས།།

ཁ་ངོ་ལེགས་པར་སྲུང་སྐྱོབ་བྱེད་ས་མེད།།

 

བརྗོད་བྱ་སྲོག་དབང་བཀུམས་པའི་མི་རོ་ལ།།

རྗེད་བྱེད་ཚིག་གི་རྐང་ལག་སྒྲིག་སྒྲིག་ནས།།

མཁས་པའི་མྱིང་བྱང་ཐོབ་ལ་རེ་སྟོང་ངང་།།

མི་ཚེ་ཆུད་ཟོས་གཏོང་ས་འདི་ན་མེད།།

 

དོན་མེད་ཚིག་ཉོག་སོག་མའི་ཕུང་བོ་འདི།།

ཡལ་མེད་དངུལ་དཀར་ལྡེ་མིག་གཙོ་བྱས་པའི།།

རྒྱུ་མེད་སྤྲང་བོའི་ལོ་དེབ་ཁག་ཅིག་ལ།།

མདོ་མེད་སྨྱོན་པ་རྫ་བློ་འཁྱམས་པོས་ཕུལ།།

 

ཞེས་ལོ་དེབ་དངུལ་དཀར་ལྡེ་མིག་ལ་ཆེད་དུ་ཕུལ་བ་ལྷག་བསམ་དུང་གི་རང་སྒྲ་ཞེས་པ་འདི་ནི་རྫ་ཤུལ་བློ་བཟང་རྒྱ་མཚོའམ་རྨ་ ཡུལ་སྨེ་བདུན་དུ་འབོད་པས་རབ་གནས་ས་གླང་ལོའི་ཧོར་ཟླ་བཅུ་གཅིག་པའི་ཚེས་བརྒྱད་ཉིན་བྲིས།

 

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།