ངེས་འབྱུང་།


ཞེན་པའི་རིབ་མ་བཤིག་པའི་རྗེས།།
གཉུག་མའི་མེ་ཏོག་འཛུམ་གྱིས་གད།།
སྙིང་ཁར་དོད་པའི་ཨ་ཡིག་གིས།།
འཁོར་བར་འགྲེལ་བཤད་མང་པོ་བྱས།།
གཙང་བོ་འཐུང་བའི་ཟླ་འོད་ཀྱིས།།
རྒྱུ་སྐར་གྲོགས་སུ་སྦྲན་པ་ན།།
ང་ཡི་ལུས་ངག་ཡིད་ཀྱི་མཐའ།།
རྟོག་པ་འགྱུ་བའི་ཟོལ་གྱིས་ནི།།
སྲིད་པའི་སྒང་གཤོང་ཀུན་ཏུ་ཉུལ།།
གཤོག་པ་སྲབ་པའི་སྦྲང་བུ་དེས།།
མཆུ་ཏོས་ལན་མང་གཙགས་པའི་ཚེ།།
ཤིན་ཏུ་ཐ་བ་འབྱུང་བའི་ཁམས།།
སྐད་ཅིག་ཙམ་ལ་ཕུག་པར་བྱས།།


ལོ་མང་ཉར་བའི་ཤོག་བུ་དེར།།
ཚིག་གི་ཝུ་བ་བརྡོལ་བའི་ཚེ།།
ས་སྲོས་གྲིབ་མར་བློ་ཁེན་ཏེ།།
ཙབ་ཙུབ་ཚུལ་གྱིས་མགུར་ཞིག་ཐལ།།
ཞེ་ལ་བརྣགས་པའི་མགུར་དེ་ཉིད།།
རི་ལུང་ཀུན་ཏུ་ལན་མང་བརྒལ།།
ལྗོན་པའི་ཚོགས་ཀྱང་རྗེས་སུ་འགྲོ།།
རླུང་བུའི་འགྲོས་ཀྱང་གཞུག་ཏུ་འདེད།།
དྲན་པའི་སྲབ་སྐྱོགས་འཇུ་ཐེངས་རེར།།
ངེས་ཤེས་བ་སྤུ་གཟེངས་ན་ཡང་།།
སྐར་མདའ་ལྷུང་ལྟའི་རྨི་ལམ་གྱི།།
འཇིགས་པའི་སྦ་བེར་སྐྱ་བོ་ཡིས།།
ང་ལ་ལན་ནས་ལན་མང་གཞུས།།

           2014 10 3
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ངེས་འབྱུང་།

2015-02-01 ཞོགས་འོད། ཀློག་གྲངས། མཆན ཡོད།


ཞེན་པའི་རིབ་མ་བཤིག་པའི་རྗེས།།
གཉུག་མའི་མེ་ཏོག་འཛུམ་གྱིས་གད།།
སྙིང་ཁར་དོད་པའི་ཨ་ཡིག་གིས།།
འཁོར་བར་འགྲེལ་བཤད་མང་པོ་བྱས།།
གཙང་བོ་འཐུང་བའི་ཟླ་འོད་ཀྱིས།།
རྒྱུ་སྐར་གྲོགས་སུ་སྦྲན་པ་ན།།
ང་ཡི་ལུས་ངག་ཡིད་ཀྱི་མཐའ།།
རྟོག་པ་འགྱུ་བའི་ཟོལ་གྱིས་ནི།།
སྲིད་པའི་སྒང་གཤོང་ཀུན་ཏུ་ཉུལ།།
གཤོག་པ་སྲབ་པའི་སྦྲང་བུ་དེས།།
མཆུ་ཏོས་ལན་མང་གཙགས་པའི་ཚེ།།
ཤིན་ཏུ་ཐ་བ་འབྱུང་བའི་ཁམས།།
སྐད་ཅིག་ཙམ་ལ་ཕུག་པར་བྱས།།


ལོ་མང་ཉར་བའི་ཤོག་བུ་དེར།།
ཚིག་གི་ཝུ་བ་བརྡོལ་བའི་ཚེ།།
ས་སྲོས་གྲིབ་མར་བློ་ཁེན་ཏེ།།
ཙབ་ཙུབ་ཚུལ་གྱིས་མགུར་ཞིག་ཐལ།།
ཞེ་ལ་བརྣགས་པའི་མགུར་དེ་ཉིད།།
རི་ལུང་ཀུན་ཏུ་ལན་མང་བརྒལ།།
ལྗོན་པའི་ཚོགས་ཀྱང་རྗེས་སུ་འགྲོ།།
རླུང་བུའི་འགྲོས་ཀྱང་གཞུག་ཏུ་འདེད།།
དྲན་པའི་སྲབ་སྐྱོགས་འཇུ་ཐེངས་རེར།།
ངེས་ཤེས་བ་སྤུ་གཟེངས་ན་ཡང་།།
སྐར་མདའ་ལྷུང་ལྟའི་རྨི་ལམ་གྱི།།
འཇིགས་པའི་སྦ་བེར་སྐྱ་བོ་ཡིས།།
ང་ལ་ལན་ནས་ལན་མང་གཞུས།།

           2014 10 3
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།