རང་སྣང་ལུ་གུ་རྒྱུད་དུ་སྤེལ་བའི་ལེ་ཚན།

             ༡
མཚན་མོའི་རྨི་ལམ་ནང་གི། ང་ཡི་སྙིང་སྡུག་མེ་ཏོག།
ཞལ་འཛུམ་བག་ཙམ་ཕྱེས་ནས།། ཏོག་ཙམ་བཞུགས་མོལ་གནང་རོགས།།

དཔེ་ཆའི་ཁུད་ན་ལུས་པའི།། གཏམ་གྱི་མཛེས་མ་སྣ་ཚོགས།།
ཚིག་གི་འདོད་པས་མྱོས་ན།། སྤྲོ་བ་ཟད་པ་མེད་འགྲོ།།

ཕ་གིའི་རི་རྒྱལ་ལྷུན་པོ།། གཙུག་གི་སྤྲིན་པར་ཐོགས་སོང་།།
ཞི་བདེའི་ལྷ་བྱ་དཀར་པོ།། རི་བོའི་ཏོག་ལ་བབས་བྱུང་།།

བཞིན་རས་དྭངས་ཤེལ་བཞིན་གྱི།། མོ་རེ་ང་ལ་འཁོར་དང་།།
བུ་ངའི་ཞེ་རྩའི་གསེབ་ན།། ཁྱོད་ལས་གཞན་ཅང་མི་འདུག།

མེ་ལྕེ་སྙིང་ལ་བརྡབས་སོང་།། སྙིང་གི་རྩིད་པ་བྲེགས་སོང་།།
གློ་བུར་རྒྱ་མཚོ་དྲན་པས།། མིག་ནང་མཆི་མས་གང་སོང་།།

ཁ་བའི་གཏམ་རྒྱུད་སྣ་ཚོགས།། རྟོག་བཟོའི་གཡུལ་སར་སྐྱེལ་ཡང་།།
ཆར་བའི་ཤག་སྒྲ་ཙམ་ལས།། རྒྱལ་ཁའི་གཏམ་བཟང་མ་ཐོས།།

མི་དེ་ཡིད་འཕྲོག་ལྷ་མོ།། ལྷ་དེ་མི་ཕམ་ལྷ་མོ།།
གཉི་ག་གཅིག་ཏུ་འཁྲུལ་སོང་།། ཁོ་བོའི་རྨི་ལམ་བསྲེགས་སོང་།།

སྐར་ཚོགས་ཁྲ་ཆིལ་ནང་གི། འོད་པོ་ཆེ་དེ་གང་ཡིན།།
མི་ཚོགས་ཁྲ་ཁྲའི་ཁྲོད་ཀྱི།། སྙིང་གཏམ་བརྗོད་ས་སུ་ཡིན།།

ལུང་བའི་མདོ་ན་གསལ་བའི།། རྐང་རྗེས་ཆུང་ཆུང་དྲན་བྱུང་།།
སྙིང་ལ་རྗེ་བའི་ལུ་གུ། བྲང་ཁོག་བར་ལ་བརྒྱུགས་བྱུང་།།

ཡིད་ཀྱི་མདུད་པ་གྲོལ་ཚེ།། གཏམ་ནི་ཆུ་ལྟར་བཞུར་ཡོང་།།
ལན་རེར་གསང་གཏམ་ཤོར་འགྲོ།། མཚམས་རེར་ལྷ་མོ་བྲིས་འགྲོ།།

             ༢
རླུང་བུ་ལྡོམ་པོ་ཞིག་ལ།། སྙིང་གི་ཚིག་གསུམ་བཅོལ་ཡོད།།
ནམ་མཁའི་སྒང་ལ་སླེབས་ན།། དེ་ནས་སྟོར་ཞིག་གདམས་ཡོད།།

གློག་འོད་འཇམ་པོའི་འོག་ནས།། མིག་ནི་ཁང་ངོར་གཏད་དེ།།
སྣང་བ་རྒྱ་རུ་ཡན་ན།། དེ་ལས་སྐྱིད་ཅིག་མེད་སྙམ།།

དུས་ཚོད་སྐར་ཆ་རེ་རེ།། གསེར་ཞུན་ཐིགས་པ་རེ་རེ།།
དེ་ཡང་དུག་ཚེར་རེ་རེ།། སུས་ཀྱང་རེག་ཐབས་མི་འདུག།

སེམས་པ་ཆུ་ལྟར་བཞུར་འདོད།། བཞུར་ནས་མཚོ་མོར་འདྲེས་འདོད།།
མཚོ་མོ་རླངས་པར་འགྱུར་ནས།། བར་སྣང་ཁམས་སུ་བསྐྱོད་འདོད།།

འཇིག་རྟེན་གང་ནས་བྱུང་ཨང་།། མི་ནི་ཅི་ཞིག་ཡིན་ཨང་།།
ང་ནི་དྲི་བའི་ཚོགས་དང་།། བཙོན་དུ་བཅུག་ན་འདོད་བྱུང་།།

འབྲུག་སྒྲ་ད་རུང་གྲག་གི། དབྱར་ཁའི་གློག་ཞགས་དྲན་བྱུང་།།
ཆར་བ་ད་རུང་འབབ་གི། ཁྱི་ཕྲུག་རྒྱ་སྟག་སྙིང་རྗེ།།

ཡོད་དང་མེད་པའི་མཚམས་དང་།། ཡིན་དང་མིན་པའི་མཚམས་བར།།
མཚམས་མཚམས་ཉེ་ཉེ་འདྲ་བ།། བར་བར་གཅིག་ཏུ་འཁྲུལ་འགྲོ།།

སེམས་ཀྱི་རང་བཞིན་ཅི་འམ།། དཀར་རམ་ནག་གམ་མེད་དམ།།
ཁྱོད་ཀྱིས་གང་ཞིག་འདོད་དམ།། ངས་ནི་མེད་ཅེས་བརྗོད་འདོད།།

གློ་བུར་སྣ་ཚོགས་ཤིག་གིས།། ང་ཚོ་ཁྲ་ཁྲར་བཏང་འགྲོ།།
ཐག་པ་ཁྲ་ཁྲ་སྣ་ཚོགས།། ས་སྟེང་ཀུན་ལ་ཁྱབ་འདུག།

ང་ནི་བསླུ་བྲིད་དབང་གིས།། སྣང་བ་ག་སར་འཕུར་ཞིང་།།
རྫ་རིའི་རྩེ་ནས་བཟུང་སྟེ།། རྡོ་བའི་ཁོག་ལའང་འཛུལ་འགྲོ།།

            ༣
རང་སེམས་སོང་བའི་མི་ལ།། ཅི་ཡང་ཕོད་པ་མི་འདུག།
གྲོགས་པོས་ལབ་པ་བདེན་ན།། ང་ལ་སྙིང་རུས་མི་འདུག།

རྩིབ་ན་འགྲེངས་པ་དེ་ནི།། གྲིབ་གཟུགས་ཡིན་པ་ཤག་ཤག།
མུན་པར་བཅར་མ་ཐག་ཏུ།། ཝ་བཞིན་བྲོས་འདི་སྐྱོ་ཨང་།།

ངག་དབང་དབྱངས་ཅན་ལྷ་མོར།། གསོལ་འདེབས་ལན་བརྒྱ་ཞུས་ཡོད།།
དྲི་ཟའི་གླུ་དབྱངས་བཞིན་གྱི།། སྙན་ངག་འཁྲུངས་བར་སྨོན་ཡོད།།

འཇིག་རྟེན་རབ་རིབ་མག་མོག། འཚོ་བ་དེ་བས་མག་མོག།
རྨི་ལམ་ཐེངས་གཅིག་རྨིས་ནས།། གཏན་ཏུ་སད་པ་མེད་ཤོག།

གླུ་དབྱངས་ཟ་ཟིར་འགྲོགས་ནས།། ཨ་རག་ཟོ་གང་མཆོད་དེ།།
གཏིང་ན་ཡིབ་པ་ཡོད་ཚད།། སྡེབ་གཅིག་ཐང་དུ་འབྱོ་འདོད།།

རེ་དོགས་ཚང་ཚིང་བར་ནས།། དུས་ཚོད་ག་ཚོད་འདས་ཨང་།།
རྨི་ལམ་སྒྱུ་མའི་ཁྲོད་དུ།། བསམ་གཞིགས་ག་ཚོད་བླུགས་ཨང་།།

བུད་མེད་འབའ་ཞིག་གླེང་སྟེ།། ཉིན་མཚན་བར་མེད་གཏོང་བའི།།
འགྲམ་གྱི་མི་བུ་འདི་ཚོ།། བཅོས་པའི་སྨན་ནི་གང་ཞིག།

མདུན་དུ་ཇི་ལྟར་བསྐྱོད་ཀྱང་།། ལམ་ལ་ཟད་པ་མི་འདུག།
ལམ་ལ་སྣེ་མོ་མེད་ན།། སོང་དང་མ་སོང་མི་འདུག།

ཐ་སྙད་རེ་རེ་བརྩིགས་ནས།། རང་ལ་ཁྲི་ཞིག་བཟོ་འདོད།།
མུན་རིམ་རེ་རེ་བརྟོལ་ནས།། འོད་སྣང་ཚང་མར་བགོ་འདོད།།

སང་ཉིན་ཅི་ཞིག་འབྱུང་བ།། ལུང་བསྟན་སུ་ལའང་མི་འདུག།
མགོ་བོ་གོས་ཀྱིས་བཏུམས་རྗེས།། སུ་ཞིག་རྨི་མིན་ཅི་ཆ།།

             ༤
བདེ་བའི་ཚིག་གཅིག་མི་ཡོང་།། འཚམས་པའི་ལས་ཤིག་མི་རྙེད།།
སྤོབས་པའི་གདེང་ཞིག་མ་བྱུང་།། ཁ་ཁུ་སིམ་པོར་ལུས་སོང་།།

ཨ་རོག་ཆང་འཐུང་རྐྱལ་སྟོང་།། ཆང་ལྷག་ང་ལ་བསྐྱུར་དང་།།
བཟི་སྣང་བན་བུན་ཁྲོད་ནས།། ངེད་ནི་ཁོ་མོ་འཚོལ་འདོད།།

རས་ཡུག་ནག་པོ་ཞིག་གིས།། སེམས་ཀྱི་འོད་སྣང་བསྒྲིབས་འདུག།
མུན་པ་མཐུག་པོ་ཞིག་གིས།། འཇིག་རྟེན་ཡོངས་སུ་བཀབ་སོང་།།

བསྒྲུགས་པའི་དངོས་པོ་ཡོད་ཚད།། ཁུག་མ་ཐེད་པོར་བླུགས་པས།།
ད་ནི་ཇི་ལྟར་སེམས་ཀྱང་།། གང་ནས་བོར་བ་མ་ཚོར།།

ཧ་ཧ་ཧོ་ཧོའི་དགོད་སྒྲས།། ཕྱོགས་བཞི་མཚམས་བརྒྱད་གང་འདུག།
འཇིག་པའི་ཉེན་བརྡ་སྣ་ཚོགས།། གྲུ་ཟུར་ག་སར་འཛུལ་འདུག།

བྱམས་དང་སྙིང་རྗེའི་དབང་གིས།། མི་རྣམས་ཕལ་ཆེར་ཞར་འགྲོ།།
དབང་དང་བདེན་པའི་དབང་གིས།། མི་རྣམས་མ་ལུས་ལྐུགས་འགྲོ།།

ཚང་མ་འགྲོ་བཞིན་འདུག་མོད།། གང་ལ་ཆས་ཀྱིན་འདུག་ཨང་།།
ང་ནི་རང་ཉིད་གཅིག་པུ།། ཡུལ་ལ་ལོག་ན་བསམ་བྱུང་།།

ང་དང་སྙན་ངག་གཉི་ག། སྣང་བའི་ཕྱི་ལ་འཕུར་འགྲོ།།
སྣང་བ་སྒྱུ་མའི་ལུང་པར།། ཁྱིམ་གཞིས་གཟུགས་སུ་བུད་འགྲོ།།

སུ་དང་གང་གི་ཆེད་དུ།། ང་ནི་གསོན་འདོད་མ་བྱུང་།།
ཡིན་ཡང་རང་གི་ཆེད་དུ། །ང་ནི་འཚོ་འདོད་བྱུང་སོང་།།

གདུག་རྩུབ་ཡོད་ཚད་མཚོན་པའི།། གྲི་ཞིག་ཡོང་བ་མ་རེད།།
དགའ་བ་ཡོད་ཚད་འདུས་པའི།། གཏམ་ཞིག་ཡོང་བ་མ་རེད།།

             ༥
རང་སེམས་ཤོག་སྐྱ་ལེབ་མོ།། སྐྱི་བསེར་རླུང་གིས་ཁུར་སོང་།།
ནགས་ཀླུང་སྟུག་པོའི་ཁྲོད་ན།། ང་རང་གཅིག་པུ་ལུས་འདུག།

གླེགས་བམ་ཚི་སྟུག་མ་ཞིག། རང་གི་སྔས་མགོར་བཞག་ཡོད།།
རྙིང་དྲི་སྟུག་པོ་ཞིག་གིས།། རྣམ་ཤེས་དབྱིངས་སུ་དྲངས་འགྲོ།།

འདི་ན་སུ་དང་གང་ལ།། རུས་པ་ཆ་ཚང་མི་འདུག།
གན་ན་འགྲོ་བ་ཡོད་ཚད།། གླུད་དང་ཐོ་ཡོར་ཙམ་རེད།།

དངུལ་ལ་མིག་བཞིན་གཅེས་ཀྱང་།། བདེ་བའི་སྤོད་ཡར་མི་ཡོང་།།
བདེ་བར་ཀུན་ནས་ཆགས་ནའང་།། འཐོབ་པའི་ཐབས་ཤིག་མི་རྙེད།།

མ་འདྲིས་སྙིང་གི་བུ་མོ།། གར་སོང་ས་ནས་དྲན་འོང་།།
ད་ནངས་བློ་ལ་བཞག་པ།། གཅིག་ཀྱང་དྲན་པ་མི་འདུག།

དབྱངས་གསལ་སོ་བཞིའི་ཕྲེང་བ།། ནམ་ཡང་འདྲེན་བཞིན་བསྡད་ཡོད།།
གལ་ཏེ་བརྡབས་གསིག་བཏང་ན།། གཟོད་གསོལ་ཐེངས་གཅིག་གནང་ཞུ།།

བུད་མེད་ཅེས་ན་ཆང་རེད།། ཆང་གི་ཉིང་ཁུའི་མངར་རེད།།
ཆང་ལ་སྤྲོ་བ་མེད་ན།། བཙན་གྱིས་བཏུང་དགོས་མི་འདུག།

སེམས་ལ་ཤིན་ཏུ་སོང་བས།། ད་ནི་སྤྱུག་ཐབས་མེད་བྱུང་།།
ང་ནི་ཡི་མུག་འདི་དང་།། དཔག་ཚད་འབུམ་གྱིས་བཅད་འདོད།།

སྙན་ངག་ཅེས་ན་ཅི་རེད།། ཁོ་མོའི་མིག་ལའང་མི་དོ།།
མིག་ཟུང་ཕྲ་མོའི་འོད་ལས།། སྙན་ཚིག་ཆར་བཞིན་བསྙིལ་ལོ།།

ཁ་བ་སིབ་སིབ་བབས་བྱུང་།། གྲང་རླུང་བག་ཙམ་ལྡང་བྱུང་།།
མཁའ་དབུངས་འཁྱག་པས་སྦོས་བྱུང་།། མོ་རེ་འཁྱགས་སུ་མ་འཇུག།

              ༦
བློ་དང་ཞགས་པ་འཛོམས་ཀྱང་།། རང་ཉིད་ཟིན་ཐབས་མི་འདུག།
མིག་དང་གློག་འོད་འཛོམས་མོད།། རང་ཉིད་མཐོང་ཐབས་མི་འདུག།

ཁ་བཏགས་དཀར་པོའི་ཁུད་ལ།། ཤོག་དངུལ་ཚི་ཅན་མ་གཅུད།།
འཛུམས་མདངས་ཕྲ་མོའི་རྒྱབ་ཏུ།། སྒྱུ་མ་མཁན་པོ་མ་སྦ།།

སྣང་བ་ཁྲལ་ཁྲུལ་ཞིག་གིས།། རང་བློ་རྙོག་པར་བཏང་འགྲོ།།
རིག་པ་ཡ་ཡོ་ཞིག་གིས།། རང་མགོ་རང་གིས་སྐོར་འགྲོ།།

མེ་ལོང་ནང་ལ་བལྟས་ཚེ།། ཤ་དང་ཁྲག་གི་གཟུགས་རེད།།
མེ་ལོང་ལག་ལ་བཟུང་ཚེ།། ཤི་མ་གསོན་ཙམ་ཞིག་རེད།།

སེམས་དང་སེམས་ཀྱི་བར་ཐག། དུས་དང་མཚོན་གྱིས་མི་ཐུབ།།
མི་དང་མི་ཡི་བར་ཐག། སྐད་ཅིག་གློག་ཞགས་བཞིན་ནོ།།

སྟག་དང་འབྲོང་རྒོད་འཐབ་ནས།། ས་གཞི་རྡུལ་གྱིས་ཁེངས་སོང་།།
ང་དང་གྲིབ་མ་འཛིང་ནས།། ཤ་ཐང་ལུས་ཐང་ཆད་སོང་།།

ང་ནི་སེང་གེ་རྨས་མ།། ཁྱོད་ནི་ཤ་བ་ཡུ་མོ།།
ལས་དབང་འཆད་དགོས་མི་འདུག། རང་རང་ས་ལ་བུད་འགྲོ།།

རྩྭ་ཐོག་ཁ་བའི་སྟེང་ལ།། གྲང་རླུང་གཟེར་མ་བརྡབས་བྱུང་།།
ཆམ་ནད་ཚ་བའི་ཐོག་ལ།། ཡི་མུག་ཆར་བ་བབས་བྱུང་།།

ཁང་མིག་ཆུང་ཆུང་འདི་རུ།། ང་དང་རྩིག་པ་དཀར་པོ།།
ཉལ་ཁྲི་གྲུ་བཞིའི་སྟེང་ན།། ང་དང་ཁེར་རྐྱང་སེམས་པ།།

ནམ་ནི་ལངས་མིན་མ་ཤེས།། ས་ནི་རུབ་མིན་མ་རྟོགས།།
སྒོ་དང་སྒེའུ་ཡོལ་བར་ནས།། ཉིན་གཅིག་འདི་ལྟར་རྫོགས་སོང་།།

             ༧
ཉི་འོད་ས་ལ་འཐོར་ནས།། ས་གཞིའི་རྨ་ཁ་སོས་སོང་།།
ཡིད་འཕྲོག་ལྷ་མོ་མཐོང་ནས།། སེམས་ཀྱི་ཚ་སྨུག་ཡལ་སོང་།།

ནང་གི་རི་མོའི་ནང་ན།། གསང་བའི་སྒམ་ཞིག་ལུས་འདུག།
དངུལ་གྱི་ལྡེ་མིག་དཀར་པོ།། ཟྭ་ཁུང་ནང་ན་ཤི་འདུག།

རིད་པའི་ལག་པ་མང་པོས།། ང་ཡི་མཐའ་ནས་བསྐོར་ཏེ།།
འདོད་པའི་ལྕེ་རིང་སྣ་ཚོགས།། ང་ཡི་ཕྱོགས་ལ་བསྲིངས་བྱུང་།།

མིག་གིས་རྒྱང་ལ་བལྟས་ཀྱང་།། རབ་རིབ་ཅིག་ལས་མི་མཐོང་།།
དེ་ཡི་ཕ་རོལ་བསམ་ཚེ།། ཟ་འཕྲུག་ཙམ་ལས་མི་ཡོང་།།

སེམས་ལ་ཕུར་བ་བརྡབས་ཤིང་།། སྙིང་གིས་མདུད་ལོག་བརྒྱབ་སྟེ།།
གཏན་གྱི་འདུན་པ་ཡོད་ཚད།། དེ་ལ་བཅོལ་ན་འདོད་དོ།།

རུས་པའི་གསེང་ལ་ཟུག་པ།། དབྱངས་དང་གསལ་བྱེད་གཉིས་རེད།།
ཁྲག་རྩའི་ནང་ལ་འཐིམ་པ།། མེས་པོའི་རྔུལ་ནག་ཡིན་དགོས།།

ལ་ཁའི་དར་ལྕོག་ནར་མོ།། རླུང་གིས་བརྡར་ནས་ཟད་འགྲོ།།
མི་ཚེའི་འབད་འབུངས་ཡོད་རྒུ།། འཆི་བདག་གཅིག་པུར་དབང་འགྲོ།།

དུས་མཐའི་རླུང་འཚུབ་འདི་ཡིས།། ནད་དུག་བགྲང་ཡས་ཁྱེར་ཡོང་།།
ང་ནི་བྱིས་པའི་རྩེད་རར།། རྐང་རྗེན་བུད་དུ་འགྲོ་འདོད།།

མིང་དང་ཚིག་གི་བར་ནས།། འདོད་པའི་ལྷ་མོ་འཁྲུངས་ན།།
ང་ཡང་རྩོལ་བ་འདི་དང་།། མཉམ་དུ་སྨྱོས་ན་འདོད་བྱུང་།།

མཚན་མོའི་ལྷིང་འཇགས་དབུས་ཀྱི།། ཟླ་བ་ཁེར་རྐྱང་སྙིང་རྗེ།།
རོལ་དབྱངས་ཟ་ཟི་འཐུང་ཞོར།། རྨི་ལམ་ཁྲོད་དུ་ཞུགས་འགྲོ།།

             ༨
ཚོར་བ་སྒྱུ་མ་སྣ་ཚོགས།། རྟ་རྒོད་ཐང་ལ་ཤོར་ཤོར།།
གོ་རིམ་འཆོལ་བའི་སྣང་བ།། རྦབ་རྡོ་རི་ལས་འབབ་འབབ།།

པོ་ཏི་མཁྲེགས་པོ་འདི་ལས།། རུས་པའི་མེ་ཏོག་སྐྱེས་ཏེ།།
ཟངས་ཀྱི་འདབ་མ་རློན་ཅན།། གློ་བུར་ལྕིག་ལྕིག་འདར་བྱུང་།།

ས་སྟོང་ལུང་སྟོང་ཞིག་གི། བགྲེས་མོ་ཡུགས་ས་ཞིག་གིས།།
ང་ལ་མགྲོན་འབོད་བྱས་བྱུང་།། མནའ་མ་ཁྲིད་ཤོག་གསུངས་གི།

ཅི་ཞིག་བྱས་ན་མ་རེད།། མ་བྱས་ན་ཡང་མ་རེད།།
ཡི་མུག་སྟུག་པོ་ཞིག་གིས།། སྙིང་ལ་སྦར་འབྲད་བྱས་བྱུང་།།

མི་ཚེ་ཐུང་ཐུང་ཨེ་རེད།། འཚོ་བ་རྨི་ལམ་ཨེ་རེད།།
སྐད་ཅིག་ཙམ་གྱི་ཁྲོད་ལ།། གཉིད་རྗེས་སད་པ་མེད་དོ།།

དྲོད་ཐིག་རེ་རེ་བཏུས་ནས།། ཚར་ལྭའི་ཚབ་ཏུ་བྱས་ཆོག།
ཡིག་འབྲུ་རེ་རེ་བརྩིགས་ནས།། སེམས་ཀྱི་ཕོ་བྲང་བཞེངས་ཆོག།

སྐྱུར་བའི་ཚོར་བ་ཁ་པོ།། བྱང་ཁོག་ཀུན་ལ་འཚང་འདུག།
རེ་བའི་རབ་གསལ་ཁ་ལ།། བདུད་ཀྱི་འཇིགས་པ་སླེབས་བྱུང་།།

ཚིག་སྐམ་ཧྲུག་ཧྲུག་འཆའ་ཞོར།། མིག་གིས་ཧྲིག་ཧྲིག་ལྟ་ཞོར།།
གོམ་སྒྲ་ཁྲོག་ཁྲོག་སྤོ་བཞིན།། ཁྱོད་ཀྱི་གམ་ནས་བུད་འགྲོ།།

སྨྲ་བསམ་འདིར་སྣང་ཆོས་ཀུན།། ད་ཀོ་ཚིག་གིས་མི་ཐེག།
དབྱངས་ཅན་ལྷ་མོའི་དངོས་གྲུབ།། ད་ནི་ཉམ་རེ་ཐག་ཨང་།།

ང་ནི་འཐོམས་པའི་དབང་གིས།། སྣང་བའི་རྗེས་སུ་རྒྱུགས་སོང་།།
རེ་ཞིག་ཚོར་བས་ཟིན་ན།། འདི་ལས་དགའ་བ་མེད་འགྲོ།།

                 ༢༠༡༤ལོའི་ཟླ༡༠པའི་ཚེས༣༡ཉིན་ནས་ཟླ༡༡པའི་ཚེས༥བར། 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

རང་སྣང་ལུ་གུ་རྒྱུད་དུ་སྤེལ་བའི་ལེ་ཚན།

2015-02-26 འབུམ་ཕྲག ཀློག་གྲངས། མཆན ཡོད།

             ༡
མཚན་མོའི་རྨི་ལམ་ནང་གི། ང་ཡི་སྙིང་སྡུག་མེ་ཏོག།
ཞལ་འཛུམ་བག་ཙམ་ཕྱེས་ནས།། ཏོག་ཙམ་བཞུགས་མོལ་གནང་རོགས།།

དཔེ་ཆའི་ཁུད་ན་ལུས་པའི།། གཏམ་གྱི་མཛེས་མ་སྣ་ཚོགས།།
ཚིག་གི་འདོད་པས་མྱོས་ན།། སྤྲོ་བ་ཟད་པ་མེད་འགྲོ།།

ཕ་གིའི་རི་རྒྱལ་ལྷུན་པོ།། གཙུག་གི་སྤྲིན་པར་ཐོགས་སོང་།།
ཞི་བདེའི་ལྷ་བྱ་དཀར་པོ།། རི་བོའི་ཏོག་ལ་བབས་བྱུང་།།

བཞིན་རས་དྭངས་ཤེལ་བཞིན་གྱི།། མོ་རེ་ང་ལ་འཁོར་དང་།།
བུ་ངའི་ཞེ་རྩའི་གསེབ་ན།། ཁྱོད་ལས་གཞན་ཅང་མི་འདུག།

མེ་ལྕེ་སྙིང་ལ་བརྡབས་སོང་།། སྙིང་གི་རྩིད་པ་བྲེགས་སོང་།།
གློ་བུར་རྒྱ་མཚོ་དྲན་པས།། མིག་ནང་མཆི་མས་གང་སོང་།།

ཁ་བའི་གཏམ་རྒྱུད་སྣ་ཚོགས།། རྟོག་བཟོའི་གཡུལ་སར་སྐྱེལ་ཡང་།།
ཆར་བའི་ཤག་སྒྲ་ཙམ་ལས།། རྒྱལ་ཁའི་གཏམ་བཟང་མ་ཐོས།།

མི་དེ་ཡིད་འཕྲོག་ལྷ་མོ།། ལྷ་དེ་མི་ཕམ་ལྷ་མོ།།
གཉི་ག་གཅིག་ཏུ་འཁྲུལ་སོང་།། ཁོ་བོའི་རྨི་ལམ་བསྲེགས་སོང་།།

སྐར་ཚོགས་ཁྲ་ཆིལ་ནང་གི། འོད་པོ་ཆེ་དེ་གང་ཡིན།།
མི་ཚོགས་ཁྲ་ཁྲའི་ཁྲོད་ཀྱི།། སྙིང་གཏམ་བརྗོད་ས་སུ་ཡིན།།

ལུང་བའི་མདོ་ན་གསལ་བའི།། རྐང་རྗེས་ཆུང་ཆུང་དྲན་བྱུང་།།
སྙིང་ལ་རྗེ་བའི་ལུ་གུ། བྲང་ཁོག་བར་ལ་བརྒྱུགས་བྱུང་།།

ཡིད་ཀྱི་མདུད་པ་གྲོལ་ཚེ།། གཏམ་ནི་ཆུ་ལྟར་བཞུར་ཡོང་།།
ལན་རེར་གསང་གཏམ་ཤོར་འགྲོ།། མཚམས་རེར་ལྷ་མོ་བྲིས་འགྲོ།།

             ༢
རླུང་བུ་ལྡོམ་པོ་ཞིག་ལ།། སྙིང་གི་ཚིག་གསུམ་བཅོལ་ཡོད།།
ནམ་མཁའི་སྒང་ལ་སླེབས་ན།། དེ་ནས་སྟོར་ཞིག་གདམས་ཡོད།།

གློག་འོད་འཇམ་པོའི་འོག་ནས།། མིག་ནི་ཁང་ངོར་གཏད་དེ།།
སྣང་བ་རྒྱ་རུ་ཡན་ན།། དེ་ལས་སྐྱིད་ཅིག་མེད་སྙམ།།

དུས་ཚོད་སྐར་ཆ་རེ་རེ།། གསེར་ཞུན་ཐིགས་པ་རེ་རེ།།
དེ་ཡང་དུག་ཚེར་རེ་རེ།། སུས་ཀྱང་རེག་ཐབས་མི་འདུག།

སེམས་པ་ཆུ་ལྟར་བཞུར་འདོད།། བཞུར་ནས་མཚོ་མོར་འདྲེས་འདོད།།
མཚོ་མོ་རླངས་པར་འགྱུར་ནས།། བར་སྣང་ཁམས་སུ་བསྐྱོད་འདོད།།

འཇིག་རྟེན་གང་ནས་བྱུང་ཨང་།། མི་ནི་ཅི་ཞིག་ཡིན་ཨང་།།
ང་ནི་དྲི་བའི་ཚོགས་དང་།། བཙོན་དུ་བཅུག་ན་འདོད་བྱུང་།།

འབྲུག་སྒྲ་ད་རུང་གྲག་གི། དབྱར་ཁའི་གློག་ཞགས་དྲན་བྱུང་།།
ཆར་བ་ད་རུང་འབབ་གི། ཁྱི་ཕྲུག་རྒྱ་སྟག་སྙིང་རྗེ།།

ཡོད་དང་མེད་པའི་མཚམས་དང་།། ཡིན་དང་མིན་པའི་མཚམས་བར།།
མཚམས་མཚམས་ཉེ་ཉེ་འདྲ་བ།། བར་བར་གཅིག་ཏུ་འཁྲུལ་འགྲོ།།

སེམས་ཀྱི་རང་བཞིན་ཅི་འམ།། དཀར་རམ་ནག་གམ་མེད་དམ།།
ཁྱོད་ཀྱིས་གང་ཞིག་འདོད་དམ།། ངས་ནི་མེད་ཅེས་བརྗོད་འདོད།།

གློ་བུར་སྣ་ཚོགས་ཤིག་གིས།། ང་ཚོ་ཁྲ་ཁྲར་བཏང་འགྲོ།།
ཐག་པ་ཁྲ་ཁྲ་སྣ་ཚོགས།། ས་སྟེང་ཀུན་ལ་ཁྱབ་འདུག།

ང་ནི་བསླུ་བྲིད་དབང་གིས།། སྣང་བ་ག་སར་འཕུར་ཞིང་།།
རྫ་རིའི་རྩེ་ནས་བཟུང་སྟེ།། རྡོ་བའི་ཁོག་ལའང་འཛུལ་འགྲོ།།

            ༣
རང་སེམས་སོང་བའི་མི་ལ།། ཅི་ཡང་ཕོད་པ་མི་འདུག།
གྲོགས་པོས་ལབ་པ་བདེན་ན།། ང་ལ་སྙིང་རུས་མི་འདུག།

རྩིབ་ན་འགྲེངས་པ་དེ་ནི།། གྲིབ་གཟུགས་ཡིན་པ་ཤག་ཤག།
མུན་པར་བཅར་མ་ཐག་ཏུ།། ཝ་བཞིན་བྲོས་འདི་སྐྱོ་ཨང་།།

ངག་དབང་དབྱངས་ཅན་ལྷ་མོར།། གསོལ་འདེབས་ལན་བརྒྱ་ཞུས་ཡོད།།
དྲི་ཟའི་གླུ་དབྱངས་བཞིན་གྱི།། སྙན་ངག་འཁྲུངས་བར་སྨོན་ཡོད།།

འཇིག་རྟེན་རབ་རིབ་མག་མོག། འཚོ་བ་དེ་བས་མག་མོག།
རྨི་ལམ་ཐེངས་གཅིག་རྨིས་ནས།། གཏན་ཏུ་སད་པ་མེད་ཤོག།

གླུ་དབྱངས་ཟ་ཟིར་འགྲོགས་ནས།། ཨ་རག་ཟོ་གང་མཆོད་དེ།།
གཏིང་ན་ཡིབ་པ་ཡོད་ཚད།། སྡེབ་གཅིག་ཐང་དུ་འབྱོ་འདོད།།

རེ་དོགས་ཚང་ཚིང་བར་ནས།། དུས་ཚོད་ག་ཚོད་འདས་ཨང་།།
རྨི་ལམ་སྒྱུ་མའི་ཁྲོད་དུ།། བསམ་གཞིགས་ག་ཚོད་བླུགས་ཨང་།།

བུད་མེད་འབའ་ཞིག་གླེང་སྟེ།། ཉིན་མཚན་བར་མེད་གཏོང་བའི།།
འགྲམ་གྱི་མི་བུ་འདི་ཚོ།། བཅོས་པའི་སྨན་ནི་གང་ཞིག།

མདུན་དུ་ཇི་ལྟར་བསྐྱོད་ཀྱང་།། ལམ་ལ་ཟད་པ་མི་འདུག།
ལམ་ལ་སྣེ་མོ་མེད་ན།། སོང་དང་མ་སོང་མི་འདུག།

ཐ་སྙད་རེ་རེ་བརྩིགས་ནས།། རང་ལ་ཁྲི་ཞིག་བཟོ་འདོད།།
མུན་རིམ་རེ་རེ་བརྟོལ་ནས།། འོད་སྣང་ཚང་མར་བགོ་འདོད།།

སང་ཉིན་ཅི་ཞིག་འབྱུང་བ།། ལུང་བསྟན་སུ་ལའང་མི་འདུག།
མགོ་བོ་གོས་ཀྱིས་བཏུམས་རྗེས།། སུ་ཞིག་རྨི་མིན་ཅི་ཆ།།

             ༤
བདེ་བའི་ཚིག་གཅིག་མི་ཡོང་།། འཚམས་པའི་ལས་ཤིག་མི་རྙེད།།
སྤོབས་པའི་གདེང་ཞིག་མ་བྱུང་།། ཁ་ཁུ་སིམ་པོར་ལུས་སོང་།།

ཨ་རོག་ཆང་འཐུང་རྐྱལ་སྟོང་།། ཆང་ལྷག་ང་ལ་བསྐྱུར་དང་།།
བཟི་སྣང་བན་བུན་ཁྲོད་ནས།། ངེད་ནི་ཁོ་མོ་འཚོལ་འདོད།།

རས་ཡུག་ནག་པོ་ཞིག་གིས།། སེམས་ཀྱི་འོད་སྣང་བསྒྲིབས་འདུག།
མུན་པ་མཐུག་པོ་ཞིག་གིས།། འཇིག་རྟེན་ཡོངས་སུ་བཀབ་སོང་།།

བསྒྲུགས་པའི་དངོས་པོ་ཡོད་ཚད།། ཁུག་མ་ཐེད་པོར་བླུགས་པས།།
ད་ནི་ཇི་ལྟར་སེམས་ཀྱང་།། གང་ནས་བོར་བ་མ་ཚོར།།

ཧ་ཧ་ཧོ་ཧོའི་དགོད་སྒྲས།། ཕྱོགས་བཞི་མཚམས་བརྒྱད་གང་འདུག།
འཇིག་པའི་ཉེན་བརྡ་སྣ་ཚོགས།། གྲུ་ཟུར་ག་སར་འཛུལ་འདུག།

བྱམས་དང་སྙིང་རྗེའི་དབང་གིས།། མི་རྣམས་ཕལ་ཆེར་ཞར་འགྲོ།།
དབང་དང་བདེན་པའི་དབང་གིས།། མི་རྣམས་མ་ལུས་ལྐུགས་འགྲོ།།

ཚང་མ་འགྲོ་བཞིན་འདུག་མོད།། གང་ལ་ཆས་ཀྱིན་འདུག་ཨང་།།
ང་ནི་རང་ཉིད་གཅིག་པུ།། ཡུལ་ལ་ལོག་ན་བསམ་བྱུང་།།

ང་དང་སྙན་ངག་གཉི་ག། སྣང་བའི་ཕྱི་ལ་འཕུར་འགྲོ།།
སྣང་བ་སྒྱུ་མའི་ལུང་པར།། ཁྱིམ་གཞིས་གཟུགས་སུ་བུད་འགྲོ།།

སུ་དང་གང་གི་ཆེད་དུ།། ང་ནི་གསོན་འདོད་མ་བྱུང་།།
ཡིན་ཡང་རང་གི་ཆེད་དུ། །ང་ནི་འཚོ་འདོད་བྱུང་སོང་།།

གདུག་རྩུབ་ཡོད་ཚད་མཚོན་པའི།། གྲི་ཞིག་ཡོང་བ་མ་རེད།།
དགའ་བ་ཡོད་ཚད་འདུས་པའི།། གཏམ་ཞིག་ཡོང་བ་མ་རེད།།

             ༥
རང་སེམས་ཤོག་སྐྱ་ལེབ་མོ།། སྐྱི་བསེར་རླུང་གིས་ཁུར་སོང་།།
ནགས་ཀླུང་སྟུག་པོའི་ཁྲོད་ན།། ང་རང་གཅིག་པུ་ལུས་འདུག།

གླེགས་བམ་ཚི་སྟུག་མ་ཞིག། རང་གི་སྔས་མགོར་བཞག་ཡོད།།
རྙིང་དྲི་སྟུག་པོ་ཞིག་གིས།། རྣམ་ཤེས་དབྱིངས་སུ་དྲངས་འགྲོ།།

འདི་ན་སུ་དང་གང་ལ།། རུས་པ་ཆ་ཚང་མི་འདུག།
གན་ན་འགྲོ་བ་ཡོད་ཚད།། གླུད་དང་ཐོ་ཡོར་ཙམ་རེད།།

དངུལ་ལ་མིག་བཞིན་གཅེས་ཀྱང་།། བདེ་བའི་སྤོད་ཡར་མི་ཡོང་།།
བདེ་བར་ཀུན་ནས་ཆགས་ནའང་།། འཐོབ་པའི་ཐབས་ཤིག་མི་རྙེད།།

མ་འདྲིས་སྙིང་གི་བུ་མོ།། གར་སོང་ས་ནས་དྲན་འོང་།།
ད་ནངས་བློ་ལ་བཞག་པ།། གཅིག་ཀྱང་དྲན་པ་མི་འདུག།

དབྱངས་གསལ་སོ་བཞིའི་ཕྲེང་བ།། ནམ་ཡང་འདྲེན་བཞིན་བསྡད་ཡོད།།
གལ་ཏེ་བརྡབས་གསིག་བཏང་ན།། གཟོད་གསོལ་ཐེངས་གཅིག་གནང་ཞུ།།

བུད་མེད་ཅེས་ན་ཆང་རེད།། ཆང་གི་ཉིང་ཁུའི་མངར་རེད།།
ཆང་ལ་སྤྲོ་བ་མེད་ན།། བཙན་གྱིས་བཏུང་དགོས་མི་འདུག།

སེམས་ལ་ཤིན་ཏུ་སོང་བས།། ད་ནི་སྤྱུག་ཐབས་མེད་བྱུང་།།
ང་ནི་ཡི་མུག་འདི་དང་།། དཔག་ཚད་འབུམ་གྱིས་བཅད་འདོད།།

སྙན་ངག་ཅེས་ན་ཅི་རེད།། ཁོ་མོའི་མིག་ལའང་མི་དོ།།
མིག་ཟུང་ཕྲ་མོའི་འོད་ལས།། སྙན་ཚིག་ཆར་བཞིན་བསྙིལ་ལོ།།

ཁ་བ་སིབ་སིབ་བབས་བྱུང་།། གྲང་རླུང་བག་ཙམ་ལྡང་བྱུང་།།
མཁའ་དབུངས་འཁྱག་པས་སྦོས་བྱུང་།། མོ་རེ་འཁྱགས་སུ་མ་འཇུག།

              ༦
བློ་དང་ཞགས་པ་འཛོམས་ཀྱང་།། རང་ཉིད་ཟིན་ཐབས་མི་འདུག།
མིག་དང་གློག་འོད་འཛོམས་མོད།། རང་ཉིད་མཐོང་ཐབས་མི་འདུག།

ཁ་བཏགས་དཀར་པོའི་ཁུད་ལ།། ཤོག་དངུལ་ཚི་ཅན་མ་གཅུད།།
འཛུམས་མདངས་ཕྲ་མོའི་རྒྱབ་ཏུ།། སྒྱུ་མ་མཁན་པོ་མ་སྦ།།

སྣང་བ་ཁྲལ་ཁྲུལ་ཞིག་གིས།། རང་བློ་རྙོག་པར་བཏང་འགྲོ།།
རིག་པ་ཡ་ཡོ་ཞིག་གིས།། རང་མགོ་རང་གིས་སྐོར་འགྲོ།།

མེ་ལོང་ནང་ལ་བལྟས་ཚེ།། ཤ་དང་ཁྲག་གི་གཟུགས་རེད།།
མེ་ལོང་ལག་ལ་བཟུང་ཚེ།། ཤི་མ་གསོན་ཙམ་ཞིག་རེད།།

སེམས་དང་སེམས་ཀྱི་བར་ཐག། དུས་དང་མཚོན་གྱིས་མི་ཐུབ།།
མི་དང་མི་ཡི་བར་ཐག། སྐད་ཅིག་གློག་ཞགས་བཞིན་ནོ།།

སྟག་དང་འབྲོང་རྒོད་འཐབ་ནས།། ས་གཞི་རྡུལ་གྱིས་ཁེངས་སོང་།།
ང་དང་གྲིབ་མ་འཛིང་ནས།། ཤ་ཐང་ལུས་ཐང་ཆད་སོང་།།

ང་ནི་སེང་གེ་རྨས་མ།། ཁྱོད་ནི་ཤ་བ་ཡུ་མོ།།
ལས་དབང་འཆད་དགོས་མི་འདུག། རང་རང་ས་ལ་བུད་འགྲོ།།

རྩྭ་ཐོག་ཁ་བའི་སྟེང་ལ།། གྲང་རླུང་གཟེར་མ་བརྡབས་བྱུང་།།
ཆམ་ནད་ཚ་བའི་ཐོག་ལ།། ཡི་མུག་ཆར་བ་བབས་བྱུང་།།

ཁང་མིག་ཆུང་ཆུང་འདི་རུ།། ང་དང་རྩིག་པ་དཀར་པོ།།
ཉལ་ཁྲི་གྲུ་བཞིའི་སྟེང་ན།། ང་དང་ཁེར་རྐྱང་སེམས་པ།།

ནམ་ནི་ལངས་མིན་མ་ཤེས།། ས་ནི་རུབ་མིན་མ་རྟོགས།།
སྒོ་དང་སྒེའུ་ཡོལ་བར་ནས།། ཉིན་གཅིག་འདི་ལྟར་རྫོགས་སོང་།།

             ༧
ཉི་འོད་ས་ལ་འཐོར་ནས།། ས་གཞིའི་རྨ་ཁ་སོས་སོང་།།
ཡིད་འཕྲོག་ལྷ་མོ་མཐོང་ནས།། སེམས་ཀྱི་ཚ་སྨུག་ཡལ་སོང་།།

ནང་གི་རི་མོའི་ནང་ན།། གསང་བའི་སྒམ་ཞིག་ལུས་འདུག།
དངུལ་གྱི་ལྡེ་མིག་དཀར་པོ།། ཟྭ་ཁུང་ནང་ན་ཤི་འདུག།

རིད་པའི་ལག་པ་མང་པོས།། ང་ཡི་མཐའ་ནས་བསྐོར་ཏེ།།
འདོད་པའི་ལྕེ་རིང་སྣ་ཚོགས།། ང་ཡི་ཕྱོགས་ལ་བསྲིངས་བྱུང་།།

མིག་གིས་རྒྱང་ལ་བལྟས་ཀྱང་།། རབ་རིབ་ཅིག་ལས་མི་མཐོང་།།
དེ་ཡི་ཕ་རོལ་བསམ་ཚེ།། ཟ་འཕྲུག་ཙམ་ལས་མི་ཡོང་།།

སེམས་ལ་ཕུར་བ་བརྡབས་ཤིང་།། སྙིང་གིས་མདུད་ལོག་བརྒྱབ་སྟེ།།
གཏན་གྱི་འདུན་པ་ཡོད་ཚད།། དེ་ལ་བཅོལ་ན་འདོད་དོ།།

རུས་པའི་གསེང་ལ་ཟུག་པ།། དབྱངས་དང་གསལ་བྱེད་གཉིས་རེད།།
ཁྲག་རྩའི་ནང་ལ་འཐིམ་པ།། མེས་པོའི་རྔུལ་ནག་ཡིན་དགོས།།

ལ་ཁའི་དར་ལྕོག་ནར་མོ།། རླུང་གིས་བརྡར་ནས་ཟད་འགྲོ།།
མི་ཚེའི་འབད་འབུངས་ཡོད་རྒུ།། འཆི་བདག་གཅིག་པུར་དབང་འགྲོ།།

དུས་མཐའི་རླུང་འཚུབ་འདི་ཡིས།། ནད་དུག་བགྲང་ཡས་ཁྱེར་ཡོང་།།
ང་ནི་བྱིས་པའི་རྩེད་རར།། རྐང་རྗེན་བུད་དུ་འགྲོ་འདོད།།

མིང་དང་ཚིག་གི་བར་ནས།། འདོད་པའི་ལྷ་མོ་འཁྲུངས་ན།།
ང་ཡང་རྩོལ་བ་འདི་དང་།། མཉམ་དུ་སྨྱོས་ན་འདོད་བྱུང་།།

མཚན་མོའི་ལྷིང་འཇགས་དབུས་ཀྱི།། ཟླ་བ་ཁེར་རྐྱང་སྙིང་རྗེ།།
རོལ་དབྱངས་ཟ་ཟི་འཐུང་ཞོར།། རྨི་ལམ་ཁྲོད་དུ་ཞུགས་འགྲོ།།

             ༨
ཚོར་བ་སྒྱུ་མ་སྣ་ཚོགས།། རྟ་རྒོད་ཐང་ལ་ཤོར་ཤོར།།
གོ་རིམ་འཆོལ་བའི་སྣང་བ།། རྦབ་རྡོ་རི་ལས་འབབ་འབབ།།

པོ་ཏི་མཁྲེགས་པོ་འདི་ལས།། རུས་པའི་མེ་ཏོག་སྐྱེས་ཏེ།།
ཟངས་ཀྱི་འདབ་མ་རློན་ཅན།། གློ་བུར་ལྕིག་ལྕིག་འདར་བྱུང་།།

ས་སྟོང་ལུང་སྟོང་ཞིག་གི། བགྲེས་མོ་ཡུགས་ས་ཞིག་གིས།།
ང་ལ་མགྲོན་འབོད་བྱས་བྱུང་།། མནའ་མ་ཁྲིད་ཤོག་གསུངས་གི།

ཅི་ཞིག་བྱས་ན་མ་རེད།། མ་བྱས་ན་ཡང་མ་རེད།།
ཡི་མུག་སྟུག་པོ་ཞིག་གིས།། སྙིང་ལ་སྦར་འབྲད་བྱས་བྱུང་།།

མི་ཚེ་ཐུང་ཐུང་ཨེ་རེད།། འཚོ་བ་རྨི་ལམ་ཨེ་རེད།།
སྐད་ཅིག་ཙམ་གྱི་ཁྲོད་ལ།། གཉིད་རྗེས་སད་པ་མེད་དོ།།

དྲོད་ཐིག་རེ་རེ་བཏུས་ནས།། ཚར་ལྭའི་ཚབ་ཏུ་བྱས་ཆོག།
ཡིག་འབྲུ་རེ་རེ་བརྩིགས་ནས།། སེམས་ཀྱི་ཕོ་བྲང་བཞེངས་ཆོག།

སྐྱུར་བའི་ཚོར་བ་ཁ་པོ།། བྱང་ཁོག་ཀུན་ལ་འཚང་འདུག།
རེ་བའི་རབ་གསལ་ཁ་ལ།། བདུད་ཀྱི་འཇིགས་པ་སླེབས་བྱུང་།།

ཚིག་སྐམ་ཧྲུག་ཧྲུག་འཆའ་ཞོར།། མིག་གིས་ཧྲིག་ཧྲིག་ལྟ་ཞོར།།
གོམ་སྒྲ་ཁྲོག་ཁྲོག་སྤོ་བཞིན།། ཁྱོད་ཀྱི་གམ་ནས་བུད་འགྲོ།།

སྨྲ་བསམ་འདིར་སྣང་ཆོས་ཀུན།། ད་ཀོ་ཚིག་གིས་མི་ཐེག།
དབྱངས་ཅན་ལྷ་མོའི་དངོས་གྲུབ།། ད་ནི་ཉམ་རེ་ཐག་ཨང་།།

ང་ནི་འཐོམས་པའི་དབང་གིས།། སྣང་བའི་རྗེས་སུ་རྒྱུགས་སོང་།།
རེ་ཞིག་ཚོར་བས་ཟིན་ན།། འདི་ལས་དགའ་བ་མེད་འགྲོ།།

                 ༢༠༡༤ལོའི་ཟླ༡༠པའི་ཚེས༣༡ཉིན་ནས་ཟླ༡༡པའི་ཚེས༥བར། 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།