ཚོར་བའི་མཚོ་ལ་ལྕེབས་པའི་ལེའུ།

གདོན་མིག༼ ལན་ཀྲུ ༽ མཆོད་མེ་བོད་ཀྱི་རྩོམ་རིག་དྲ་བ། 2015-06-10


             རླུང་གི་འུར།

གྲིབ་མའི་དྲི་མ་ཡིད་ལ་ཞིམ་སོང་།།
སྐྱོ་བའི་ཁ་དོག་ལག་མཐིར་བབས་སོང་།།
དགུན་གྱི་གྲང་ངར་སྐུད་པར་བརྒྱུས་སོང་།།
མཚན་མོའི་ཁ་ངོ་གཡོན་པར་གཅུས་སོང་།།
དེ་ནི་རྣམ་ཤེས་ཕྱེད་པ་རང་ཡིན།།
དེ་ནི་མཆེ་བ་རྣོ་བ་ཙམ་ཡིན།།
དེ་ནི་རི་མོ་སྐྱ་སྐོག་དེ་ཡིན།།
དེ་ནི་འཚོ་བའི་རྟ་སྲབ་དེ་ཡིན།།
ལན་པ་མིག་གི་འཛིན་པ་ལན་ན།།
ཕྱིར་ལྡོག་ལྕགས་ཐག་གཅོད་པ་ཨེ་གླེན།།
དྲན་པ་རི་བོའི་ཕར་ནས་འཁྲིགས་ན།།
སེམས་འདི་ཆུ་བོས་སྨད་ལ་ཁུར་འགྲོ།།
ཀླད་པ་རིག་པས་ཕྱགས་ཕྱགས་གནང་དང་།།
བདེན་པའི་ཤ་འོད་འོག་ནས་བརྒྱུག་ཆོག།།
སྙིང་གི་ལྡེབས་རིས་ཡང་ཡང་བསུབ་དང་།།
ཚོར་བའི་སྤྲིན་པ་སྟེང་ནས་འཁྲིགས་ཆོག།
རྨི་ལམ་ལབ་བེ་ལེབ་བེ་རྨི་དུས།།
ང་ནི་ཚེ་སྲོག་སྔོན་པོ་དེ་ཡིན།།
འོད་ཀྱི་བྱེ་ཐང་རླུང་བུས་ཟ་དུས།།
ང་ནི་བརླན་གྱི་གཅིན་པ་དེ་ཡིན།།
སྐད་ཆ་མུན་པའི་འཚིག་པ་དེ་ལ།།
རེ་བའི་སྐྲ་ལོ་ཡག་པར་སློས་ཀྱང་།།
ནམ་མཁའི་བྲང་གཞུང་རལ་ཅིང་ཐེད་པས།།
ཆར་བ་ནག་པོ་དྲག་ཏུ་བབས་སོང་།།

           དབུགས་གཅོད་པ།

བསམ་གཟས་རྨས་པ་ཨེ་ཡིན་ཅིའི་ཕྱིར་རྨ་ཁ་མ་བཟོས།།
ཆག་པའི་བསམ་བློ་འདི་ནི་སུ་ཡི་ཤུབས་སུ་འཛུལ་ལམ།།
ཐང་དཀར་རྒོད་པོ་ཨེ་ཡིན་ཡིན་ན་ནམ་མཁར་འཕུར་ཅིག།
མཚོ་མོ་རབ་ཁ་ཅན་དེས་ན་ནིང་ང་རང་ཁྲེལ་སོང་།།
སྙན་ངག་ཟུར་གསུམ་མ་དེས་ད་ལོ་ང་རང་བསླུས་སོང་།།
རྒྱུ་ཉོག་ཅན་གྱི་སྒྱུ་རྩལ་སྲོག་གི་མདངས་སུ་འདྲེས་ཀྱང་།།
ཤོག་ལྷེ་འགའ་ཡི་གབ་ཚིག་རིག་པའི་གྲི་ཁར་ཤི་ཡང་།།
མཛེས་པའི་བཟི་ཁ་མངར་མོ་སུ་ཡི་གདོང་ན་འཕྱུར་རེད་།།

མཐོ་བའི་རི་ལ་ཞེད་པ་བོང་བུའི་རྣ་ལ་ཞེད་རེད།།
རྦབ་རྡོ་འགོག་པའི་བློ་ལ་ལྕགས་ཀྱི་སྲ་མཁྲེགས་ཡོད་རེད།།
མཚར་བོ་དོན་ལ་དངངས་བ་གཟུགས་ཀྱི་རོ་ལ་དངངས་རེད།།
འུག་པ་བྲག་ཐོག་བབས་ན་བྱ་རྒོད་དབང་མེད་དྲན་ལེ།།
རྡོ་བ་རུས་པར་བཏབ་པ་མི་སྐྱེ་རང་གི་དོགས་ཡིན།།
རྐང་ལ་ཚ་བ་བྱུང་ན་མི་གཟོད་རྔུལ་ཆུ་ཁྲོམ་ཁྲོམ།།
གོས་སུ་གོན་པ་ཆུ་ཡིན་ཆུ་ལ་ཟམ་པ་མེད་རེད།།
ཡིད་ལ་བཀུར་བ་མཚོ་ཡིན་མཚོ་ལ་ཁ་དོག་དབེན་རེད།།
སྐར་མ་ས་ལ་ལྷུང་ན་ཁ་དོག་ཡུན་གྱིས་བློས་ཆོག།
མིག་ལ་མདའ་མོ་ཕོག་ན་བློ་གྲོས་ལྷ་ཡིས་སྐྱབས་ཆོག།

            ཚོར་བའི་ངོར་འབྲད་པ།

འབྲད་ན་ཡིད་ཀྱི་ངོ་གདོང་འབྲད།།
ས་སྲོད་ཀྱི་འཁུར་ཚོས་ཀྱང་འབྲད།།
ཐ་ན་གཡོ་བའི་མདངས་ཀྱང་འབྲད།།
དེ་ནི་འབྲད་ཀྱི་མཐའ་མ་ཡིན།།
འདུ་ཤེས་ཀྱི་ཤོག་སྐྱ་དེར་ཕྲིས།།
འཆི་ཡིག་དང་འཕྲིན་པ་ཕྲིས་ཤིག།
ང་ནི་ཆུ་ཡི་རི་མོ་ཡིན།།
རླབས་སྒྲ་གཤོག་པའི་ཤུགས་ཡིན།།
ནམ་མཁའ་ཡུལ་གྱི་ཐང་ཡིན།།
རྒོད་པོ་རླུང་བུ་ཞིག་ཡིན།།
སྐྱ་རེངས་མིག་གི་དཔལ་ཡིན།།
དེ་བས་ཁྲག་གི་སྒྲུང་བཞེངས།།

              ཁེར་མར་ངུས་པ།

ཟླ་བ་མཚན་མོར་ཤར་བས་དེར་སྐྱོ།།
འོད་ལ་ཕྱི་ཤན་མེད་པས་ལན་སྙམ།།
ངག་་ནི་སྒྲོག་ལ་ཚུད་པ་ཡིད་སྡུག།
དུས་ལ་ཁ་ངོ་མེད་པ་མིན་བསམ།།
གྱང་ངོར་དྲུད་པའི་གཏམ་རྒྱུད་རིང་མོ།།
རྨ་ཆུའི་ཕར་གིར་འོབས་སུ་བརྫངས་རེད།།
དྭངས་ལ་ཁ་བའི་ཆང་ནི་ཞིམ་རེད།།
བཟི་མ་ཚོར་གྱི་སྣང་བ་ཆུ་རེད།།
མེ་ལ་རང་གི་མཚར་ལོང་ཡོད་པས།།
དེ་ལ་ལྕེ་ཡི་ནག་ཐིག་མི་འགོད།།
རྗེས་དྲན་དར་ལྕེ་རླུང་གིས་སད་པ།།
ལས་དབང་ཉག་ཁར་རྡོ་སྤུངས་ཡོད་པ།།
སྲོད་གྱི་འཆིང་ཐག་མགྲིན་པར་དཔྱངས་ན།།
དེ་ལ་ཨ་ལན་ཡོད་པ་གནང་རེད།།
རང་གི་མུན་པ་སྐར་མར་སྒྲོན་ཚེ།།
སྐྱེ་བ་དགུ་ལ་ཁ་གྲགས་མི་འདོད།།

                   2015.2.10ནམ་གུང་ཞིག་ལ་ཆང་སྐྱ་དམ་བུ་གང་ཚར་རག་བར་སྦྱར་ཏེ་སྤེལ།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཚོར་བའི་མཚོ་ལ་ལྕེབས་པའི་ལེའུ།

2015-06-10 གདོན་མིག༼ ལན་ཀྲུ ༽ ཀློག་གྲངས། མཆན ཡོད།


             རླུང་གི་འུར།

གྲིབ་མའི་དྲི་མ་ཡིད་ལ་ཞིམ་སོང་།།
སྐྱོ་བའི་ཁ་དོག་ལག་མཐིར་བབས་སོང་།།
དགུན་གྱི་གྲང་ངར་སྐུད་པར་བརྒྱུས་སོང་།།
མཚན་མོའི་ཁ་ངོ་གཡོན་པར་གཅུས་སོང་།།
དེ་ནི་རྣམ་ཤེས་ཕྱེད་པ་རང་ཡིན།།
དེ་ནི་མཆེ་བ་རྣོ་བ་ཙམ་ཡིན།།
དེ་ནི་རི་མོ་སྐྱ་སྐོག་དེ་ཡིན།།
དེ་ནི་འཚོ་བའི་རྟ་སྲབ་དེ་ཡིན།།
ལན་པ་མིག་གི་འཛིན་པ་ལན་ན།།
ཕྱིར་ལྡོག་ལྕགས་ཐག་གཅོད་པ་ཨེ་གླེན།།
དྲན་པ་རི་བོའི་ཕར་ནས་འཁྲིགས་ན།།
སེམས་འདི་ཆུ་བོས་སྨད་ལ་ཁུར་འགྲོ།།
ཀླད་པ་རིག་པས་ཕྱགས་ཕྱགས་གནང་དང་།།
བདེན་པའི་ཤ་འོད་འོག་ནས་བརྒྱུག་ཆོག།།
སྙིང་གི་ལྡེབས་རིས་ཡང་ཡང་བསུབ་དང་།།
ཚོར་བའི་སྤྲིན་པ་སྟེང་ནས་འཁྲིགས་ཆོག།
རྨི་ལམ་ལབ་བེ་ལེབ་བེ་རྨི་དུས།།
ང་ནི་ཚེ་སྲོག་སྔོན་པོ་དེ་ཡིན།།
འོད་ཀྱི་བྱེ་ཐང་རླུང་བུས་ཟ་དུས།།
ང་ནི་བརླན་གྱི་གཅིན་པ་དེ་ཡིན།།
སྐད་ཆ་མུན་པའི་འཚིག་པ་དེ་ལ།།
རེ་བའི་སྐྲ་ལོ་ཡག་པར་སློས་ཀྱང་།།
ནམ་མཁའི་བྲང་གཞུང་རལ་ཅིང་ཐེད་པས།།
ཆར་བ་ནག་པོ་དྲག་ཏུ་བབས་སོང་།།

           དབུགས་གཅོད་པ།

བསམ་གཟས་རྨས་པ་ཨེ་ཡིན་ཅིའི་ཕྱིར་རྨ་ཁ་མ་བཟོས།།
ཆག་པའི་བསམ་བློ་འདི་ནི་སུ་ཡི་ཤུབས་སུ་འཛུལ་ལམ།།
ཐང་དཀར་རྒོད་པོ་ཨེ་ཡིན་ཡིན་ན་ནམ་མཁར་འཕུར་ཅིག།
མཚོ་མོ་རབ་ཁ་ཅན་དེས་ན་ནིང་ང་རང་ཁྲེལ་སོང་།།
སྙན་ངག་ཟུར་གསུམ་མ་དེས་ད་ལོ་ང་རང་བསླུས་སོང་།།
རྒྱུ་ཉོག་ཅན་གྱི་སྒྱུ་རྩལ་སྲོག་གི་མདངས་སུ་འདྲེས་ཀྱང་།།
ཤོག་ལྷེ་འགའ་ཡི་གབ་ཚིག་རིག་པའི་གྲི་ཁར་ཤི་ཡང་།།
མཛེས་པའི་བཟི་ཁ་མངར་མོ་སུ་ཡི་གདོང་ན་འཕྱུར་རེད་།།

མཐོ་བའི་རི་ལ་ཞེད་པ་བོང་བུའི་རྣ་ལ་ཞེད་རེད།།
རྦབ་རྡོ་འགོག་པའི་བློ་ལ་ལྕགས་ཀྱི་སྲ་མཁྲེགས་ཡོད་རེད།།
མཚར་བོ་དོན་ལ་དངངས་བ་གཟུགས་ཀྱི་རོ་ལ་དངངས་རེད།།
འུག་པ་བྲག་ཐོག་བབས་ན་བྱ་རྒོད་དབང་མེད་དྲན་ལེ།།
རྡོ་བ་རུས་པར་བཏབ་པ་མི་སྐྱེ་རང་གི་དོགས་ཡིན།།
རྐང་ལ་ཚ་བ་བྱུང་ན་མི་གཟོད་རྔུལ་ཆུ་ཁྲོམ་ཁྲོམ།།
གོས་སུ་གོན་པ་ཆུ་ཡིན་ཆུ་ལ་ཟམ་པ་མེད་རེད།།
ཡིད་ལ་བཀུར་བ་མཚོ་ཡིན་མཚོ་ལ་ཁ་དོག་དབེན་རེད།།
སྐར་མ་ས་ལ་ལྷུང་ན་ཁ་དོག་ཡུན་གྱིས་བློས་ཆོག།
མིག་ལ་མདའ་མོ་ཕོག་ན་བློ་གྲོས་ལྷ་ཡིས་སྐྱབས་ཆོག།

            ཚོར་བའི་ངོར་འབྲད་པ།

འབྲད་ན་ཡིད་ཀྱི་ངོ་གདོང་འབྲད།།
ས་སྲོད་ཀྱི་འཁུར་ཚོས་ཀྱང་འབྲད།།
ཐ་ན་གཡོ་བའི་མདངས་ཀྱང་འབྲད།།
དེ་ནི་འབྲད་ཀྱི་མཐའ་མ་ཡིན།།
འདུ་ཤེས་ཀྱི་ཤོག་སྐྱ་དེར་ཕྲིས།།
འཆི་ཡིག་དང་འཕྲིན་པ་ཕྲིས་ཤིག།
ང་ནི་ཆུ་ཡི་རི་མོ་ཡིན།།
རླབས་སྒྲ་གཤོག་པའི་ཤུགས་ཡིན།།
ནམ་མཁའ་ཡུལ་གྱི་ཐང་ཡིན།།
རྒོད་པོ་རླུང་བུ་ཞིག་ཡིན།།
སྐྱ་རེངས་མིག་གི་དཔལ་ཡིན།།
དེ་བས་ཁྲག་གི་སྒྲུང་བཞེངས།།

              ཁེར་མར་ངུས་པ།

ཟླ་བ་མཚན་མོར་ཤར་བས་དེར་སྐྱོ།།
འོད་ལ་ཕྱི་ཤན་མེད་པས་ལན་སྙམ།།
ངག་་ནི་སྒྲོག་ལ་ཚུད་པ་ཡིད་སྡུག།
དུས་ལ་ཁ་ངོ་མེད་པ་མིན་བསམ།།
གྱང་ངོར་དྲུད་པའི་གཏམ་རྒྱུད་རིང་མོ།།
རྨ་ཆུའི་ཕར་གིར་འོབས་སུ་བརྫངས་རེད།།
དྭངས་ལ་ཁ་བའི་ཆང་ནི་ཞིམ་རེད།།
བཟི་མ་ཚོར་གྱི་སྣང་བ་ཆུ་རེད།།
མེ་ལ་རང་གི་མཚར་ལོང་ཡོད་པས།།
དེ་ལ་ལྕེ་ཡི་ནག་ཐིག་མི་འགོད།།
རྗེས་དྲན་དར་ལྕེ་རླུང་གིས་སད་པ།།
ལས་དབང་ཉག་ཁར་རྡོ་སྤུངས་ཡོད་པ།།
སྲོད་གྱི་འཆིང་ཐག་མགྲིན་པར་དཔྱངས་ན།།
དེ་ལ་ཨ་ལན་ཡོད་པ་གནང་རེད།།
རང་གི་མུན་པ་སྐར་མར་སྒྲོན་ཚེ།།
སྐྱེ་བ་དགུ་ལ་ཁ་གྲགས་མི་འདོད།།

                   2015.2.10ནམ་གུང་ཞིག་ལ་ཆང་སྐྱ་དམ་བུ་གང་ཚར་རག་བར་སྦྱར་ཏེ་སྤེལ།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།